|
ذكريات اجمل الايام فى مدينة الحصاحيصا....................
لكم التحايا ابناء الحصاحيصا واعضاء المنتدى،احييكم ونحن نجتمع هنا مره اخرى فى رحاب الحصاحيصا العنكبوتيه،بعد ان تفرقت بنا السبل وتبعثرنا فى بقاع الارض. هذه مساحه لسرد الزكريات والمواقف الجميله فارجو من الجميع المشاركه ...م http://www.qatar4sport.com/upload/pi...2222222222.jpg |
والله كلامك صح مية بالمية يا ود الحصاحيصا
ونحنا كمان بالتاكيد دايرين المنتدى يبقى احسن واحسن وكمان دايرينناس الحصاحيصا يقولو عن حبهم للحصاحيصا وانا عشان ما شفتا الحصاحيصا دي الا كم مرة وشوية ما كتير ما بعرف حاجة فيها نعمل شنو غربة حارة فدايرين من الناس يقعدوا يحكوا لينا عن الحصاحيصا ويا ريت يا ود الحصاحيصا تكون اولهم وتقبل تحيتي |
ود الحصاحيصا مرحبتين بيك
وكلامك سليم بس زي ماانت عارف لازال المنتدي في بداياته ومن هذا الغرض انشأ المنتدي كي نتحدث عن الحصاحيصا ونعمل مع بعض لتتطويرها من داخل هذا المنتدي ولكن لازلنا ننتظر ان يتم تسجيل اكبر عدد من ابناء الحصاحيصا لنري ماذا نحن فاعلين دمت بخير اخي الكريم |
ود الحصاحيصا تحياتى لشخصك الرائع , لك كل الشكر و انت تعبر عن حبك لهذه المدينة الطيبة وبكل تاكيد فان حديثك وآراءك الصريحة هى الزاد والدافع للجميع مشرفين واعضاء للنهوض بهذا المنتدى والرقى به حتى يصل الى مرتبة متقدمة وسط كل المنتديات ,,,,, اخ ود الحصاحيصا المسئولية كبيرة والتحدى كبير وبلا شك فانت ونحن بقادرين على مواجهة هذا التحدى وباذن الله موعودين بالكثير وموعودين بمواضيع تتناول كل جوانب الحياة وتتناول لمحات تاريخية وتراثية وشخصيات لها اثر بالغ فى النهوض بهذه المنطقة حتى اصبحت فى زمن وجيز ذات حركة تجارية وصناعية نشطة اسهمت فى اقتصاد المنطقة والولاية اخ ود الحصاحيصا سعادتنا بك لا تحدها حدود واملنا فى شخصك كبير وان شاء الله جميعاً سنصل الى ما نصبو اليه و ح نبنيهو البنحلم بيهو يوماتى |
[align=right:17dbb7afb8]شكرا خواطر قلب
شكرا الغريب شكرا عارف احييكم جميعا وانتم تدفعوننا لتقديم المزيد والمزيد لهذه المدينة الفاضلة. اسمحوا لى ان اكون اول المبادرين على كتابة زكرياتهم مع هذه المدينة الحالمة. كنا فى بداية مراحلنا الدراسية ندرس بالمدرسة الغربية،حقيقة كانت المدرسة الغربية بها تشكيلة واسعة من الطلاب يمثلون كافة شرائح المجتمع،كان مشروع الجزيرة فى تلك الفترة فى اوج نشاطة وعظمته،فكان من ضمن الطلاب ابناء الصرايات والجبلونات،وكانوا حينها من ابنا الطبقة الارستقراطية ومن المنعمين من بين الطلاب،فكانت تقلهم العربات الفارهة من والى المدرسة،وكنا ننتظر كل يوم لنتمتع بالنظر الى العربة التى تقل احد زملائنا عن قرب،فقد كانت اغلب عربات المدينة من نوع الموريس الانجليزية التى احسب انها من انتاج ثلاثينات القرن الماضى. كان الطلاب من ابنا حى العمدة،وحى كريمة ،والحى الاوسط،والحى الشرقى،والكمبو،والصرايات ،والجبلونات،وحى الموظفين،بالاضافة الى قله من ابنا الاحياء الاخرى. وفى مرحلتنا الابتدائية كان مشروع الجزيرة يشكل جزء كبير من حياتنا،فبالاضافة الى ما ذكرته،كنا كلما سنحت لنا الفرصة فى موسم ليط الطن،وعندما يتم تجميع جوالات القطن فى ميدان ماربلس،كنا نتسلل الى داخل الميدان ونقوم بسحب جوالات القطن الى الترعة التى تحف الميدان،ثم نسقط الجوال داخل المياة ثم نصعد على متنة ونستخدم العصى بغرزها فى اسفل الترعة واستخدامها حتى يدفع الجوال الى الامام، وهكذا حتى يبتل القطن ونعاود الكرة مرة اخرى،ونفر حينما تتم مطاردتنا ويا ويل من يتم القبض عليهولم نكن ننجو بفعلتنا هذه، حيث كان المسؤلون يقوموا من حي لاخر بتقديم شكوى لى المدرسة،ليتم عمل طوابير للتعرف على الشخصية،وغالبا ما تبؤ محاولاتنا للافلات من تلك الطوابير بالفشل.كم كنا اشقياء. ايضا كنا فى فترة العطلات نذهب الى محالج الحصاحيصا طلبا للعمل حيث كنا نعمل فى مساعدة الوزانين والفريزين،وفى بعض الاحيان نعمل فى جنى القطن من حواشات المشروع مقابل اجر مجز،كان يمكننا من شراء الكرة للتمرين،ومن تجهيو شنطة المدرسة والعيش فى بحبوحة لشهور،حيث كانت الدولة تتكفل بصرف الكراسات للطلاب مجانا وبما يزيد عن الحوجة فى كثير من الاحيان. كنا فى الفترة ما بين الدروس المسائية(درس العصر)والمذاكرة نذهب الى المنطقة التى تقع شمال الاستاد،حيث كانت تعج بالاكشاك حينها،مثلها مثل ميدان الشهداء فى تلك الفترة،كانت هذه الاكشاك تبيع الباسطة والفول والحليب،فكا نقوم بدفع الشيرن الذى غالبا ما يكون عبارة ع ريال،ونقوم بضرب الفتة او الفول،ثم نسرع حينما نسمع جرس المذاكرة الى المدرسة،وندخل الى المذاكرة ونحن مخدرين بمفعول الفول او موية الفول،ونوم تقييييييييييييل،واذا لم يضرب احدنا بسبب النوم فانة يضرب بسبب الهرجلة. وكان البعض يدك المذاكرة ليذهب لحضور الفلم الهندى الجديد الذى يتم الاعلان عنه من خلال المايكرفون المحمول على العربة،و لم نكن نشاهد الافلام الا فى السينما،فلم تكن هنالك فضائيات ولا اجهزة فيديو،وياويل البدكوا المذاكرة،اكيد بيتجلدوا فى طابور الصباح. اذكر من معلمينا فى تلك المرحلة الاستاذ بدرى عبدالحكم ،والاستاذ ميسرة عاشميق،والاستاذ هاشم بندى،والاستاذة عواطف حسن،والاستاذه بخيتة اسماعيل امد الله فى عمرهم. كانت تلك الفترة من الفترات المميزه فى حياتنا،شكل فيها مشروع الجزيرة،والسينما واكشاك الاستاد جزء كبير من تاريخنا وذكرياتنا. كنا فى الامسيات فى الايام التى لا تكون فيها مذاكرة او فى ايام الاجازات ،كنا نجلس على قضيب السكة حديد لنتجاذب اطراف الحديث ونتسامر الى اوقات متاخرة من الليل،كنا نخاف الذهاب الى النيل ليلا خوفا من السحاحير والمرفعينات،كما كنا نفترش الارض ونستلقى لنتامل النجوم ونعدها،ونتمعنها لنخرج منها اشكالا مختلفة. كان سوق الحصاحيصا منظما ومميزا،حيث كانت الاستوديوهات كلها تقع متجاورة فى مربوع واحد،ما عدا استديو السنجاوى الذى كان ياخذ موقعا متفردا،كذلك طلمبات الينزين جميعها فى مكان واحد،كذلك دكاكين التوابل،والبوتيكات فى مجمعها الحالى وسط السوق،والحدادين والمكنيكية فى المنطقة الصناعية،وكان الناس يعرف بعهم بعضا،وكنا حينما نذهب لشراء اللحمة والرغيف والخضار نسمع الرجال والنساء الذين يقومون ببيع البضائع يتصايحون،تعال اشترى منى يا فلان،تعال ياود فلان،تعال ياود فلانة. حقيقة قمت بجولات كثيرة فى مختلف ربوع السودان إلا انى لم ارى ما رايتة فى هذه المدينة من تالف ووداد ومحبة،ومن نظام ونظافة وروعة وجمال. احبائى معا لنتباهى بها....فيكفى انها الحصاحيصا.........ويكفى اننا ننتمى لها.[/align:17dbb7afb8] [stream:17dbb7afb8]http://mitglied.lycos.de/salahaldin/hafiz/daw%20al%20shimoua.wma[/stream:17dbb7afb8] |
اولا احيييييييييييييك على هذا الموضوع الرائع
واوصل فى حكاية الذكريات ..... ( اذا سمحت لى يا ود الحصاحيصا) وكن الناس لمن يجو لابسين بناطلين ( ما اردية) .. طبعا للما بيعرف .. كان لبس البنطلون ممنوع لاانو اساسا ما الذى المدرسى .. الذى المدرسى عبارة عن قميص وردة ......فكان لازم الواحد قبل ما يدخل سور الغربية ( المدرسةبيعرج على دكان احمد قنديل وبيدس البنطلون عندو لقايت اخر اليوم ....... عارفين ليه .. لانو الشارع للبيوت كان بيجى بمدرسة البنات (الرحمة) والواحد بيكون شكلو ولا بد كدا وهو بالردا... :wink: اها مرة كدا ونحنا يادوب جايين وبندى البناطلين للدكان اذ نفاءة بعربة الاستاذ ميسرة (الفارهة) :lol: .. فطوالى الكبكبة حصلت .. وجييب جييب سريع دسك دسك .... .. وكنا قايلين انو الموضع اندس وكدا والامور مشت على خير ...... لكن ميسرة ( الله يمسيهو بالخير) ادانا نظرة كدا ماااااا مطمئة ابدا .......... اها فى فسحة الفطور .. واساسا كنا بنطلع قبل الفطور بعزر ماشى الــ........... علشان تطلع قبال الناس وتحجز الفتة والطعمية .. وكمان يتجاوز الامر الفطور فتقوم وكلك جشع ههههه بحجز التحلية من داندرمة وسفوفة او ما وحد عند حاجة عشة.... اها المهم طلعنا واذا بنا نفاجاءة ببناطلينا الما بتغبانا ... معروضة للبيع عند حاجة عشة ...... :shock: :shock: يا ناااااااااااااااااااااااس دى بناطلينا ..... ترد حاجة عشة بكل برود .. جابا لى ميسرة .. وقال لى اتصرفى بيها ...... واى زول ينقنق رسليهو لى ...... :!: طبعا الوكت داك منو البيقدر انو يقول انو دا بنطلونو ....... من دا هههههههههههههههههه الخلاصة انو بناطلينااندقت فى المزاد العلنى عييييييينك عينك .. و و المصيبة الاكبر اننا رجعنا البيت كداااااااااااارى بوراء علشان ما يشوفونا بشكلنا ونحن بالاردية ..... وكان يوم لا يتنسى :lol: :lol: :lol: :lol: من اليوم داك الواحد بقا يشوف ليهو حتة تانى يلبت فيها القشرة غير دكان احمد قندييييييييييييييل ====== ونواصل مع الاخوة سرد الذكريات الحلللللللوة ..... اولا الشكر كل الشكر ليك يا ود الحصاحيصا |
ود الحصاحيصا قلتا لينا اخر شقاوة وعفرتة
لذيذ شياكة وانتو ما دام شفتو العربية من بعيد كنتو تهربوا ولا اقول ليك ما كان احسن ليكم تلبسوا البناطلين تحت الرداء بس مساكين اها كملوا والبقية مستنينكم وتقبلوا تحيتي |
[align=right:f0361304da]شكرا شكرا الاخ لذيذ....وشكلك كدة كنته شرامى...
بس ما قلته لينا بعد ما دللوا بناطلينكم رجعتو بى ياتو شارع؟؟؟؟؟ واكيد ح تكونوا رجعتوا العصر شان بنات الثانوية والمتوسطة ما يشوفنكم.... شكرا خواطر قلب....بس ما ممكن تقولى لينا كملوا وانتى تستمتعى بى حديثنا بس؟ماتخليك بخيلة ولا انتى شهادة ابتدائية ومتوسطة وثانوية عربية؟؟؟؟؟؟ يلا احكوا لينا انتوا كمان ورجعوا لينا الزكريات الجميلة عشان نتذكر الايام الجميلة والزمن الجميل واوعدكم اديكم المزيد والمزيد...بس لازم تشاركوا عشان لما كلنا نكتب بيكون فى نوع من الاختلاف والتنوع والاثارة.... شكرا ليكم ومنتظرين الباقين.[/align:f0361304da] http://www.qatar4sport.com/upload/pi...2222222222.jpg |
والله انا يا ود الحصاحيصا زي ما قلتا ليك قبل كدة
ما شفت الحصاحيصا الا بعض المرات البسيطة جدا و كمان مدة قصيرة جدا يعني نقول شنو متغربين ولا عارفين اي شي من بلدنا فعشان كدة انا دايراكم انتو تحكوا عشان انا اسمع واتعرف وتقبلوا تحيتي |
[align=right:905361fbdf]اها زى ما قلته ليكم نحن قرينا فى ا
لمدرسة الغربية ،وطبعا المدرسة الغربية كان فيها اساتذه (جلادين خلاس) طبعا كنا زمان بنقول كده،المهم كان واحد من الاساتذه ديل برسنا الرياضيات فى الصف التالت،وكان عندنا ةتسميع جداول الضرب،الغريبة انو الناس بتكون عارفة قبال شهر وبرضو ما بحفظوا،طبعا ما كلهم،المهم يوم التسميع ده اى واحد بشوف ليو حل الحافظين والما حافظين لانو الظروف ما معروفة يعنى عادى ممكن تكون حافظ والكلام يطير ليك من راسك،غايتو بكون فى رعب ما عادى، بينى وبينكم انا بكون مقلق وما بقدر انوم من قبل اسبوع من التسميع واتخيلوا الوضع. كان عندنا واحد اسمو حسن ،حسن ده متخصص (كركاسات)والكركاسة للما بعرفوها هى جسم عازل يستخدم لتخفيف او ابطال مفعول السياط وتلبس اسفل البنطلون او الرده فى حالة انك تكون مجلود او عندكم جلد فى المدرسة.حسن ده ببيع وبيأجر كركاسات،فكنا بنلجاء ليو فى بعض الاحيان،طبعا انا نادر ما بستنجد بيو لانى شاطر وكدة. كان معانا واحد جابو لينا جديد اسمو مرتضى،مرتصي ده كان الوحيد الواثق من نفسو وما خايف وده كان اول تسميع لى مرتضى معانا،نحن قلنا الزول ده معلم ومقطعة،المهم لم الدور جاو وقف على حيلو بكل هدؤ وقال للاستاذ:(ما حافظ)الاستاذ قال ليو قلته شنو؟؟؟؟؟رده ليو:(ما حااااااااااااااااااافظ).معاها قلة ادب كمان اطلع بره تعال هنا،ارقد، صاحبنا رقد ولا خايف ولا حاجة،المهم بعد شوية سمعنا صوت زى صوت الانفجار نحن قلنا ده لستق عربية طرشق ولا قنبلة ،لكن ده كان صوت الجلده،الاستاذ قال ليو لابس شنو؟؟؟؟ مرتضى قال ليو ما لابس حاجة،قال الاستاذ ورينى كده.اها مردف موش،املص الرده اللابسو تحت ده ،صاحبنا ملص الرده،ورينى كده،املص الرده التانى،ارح التالت..الرابع....الخامس...سته يامفترى،الناس يقولوا عليك شنو؟؟؟؟؟؟اسه تلقى ناس بيتكم قالوا جانا حرامى،واخوانك مشوا المدرسة بي شنو؟؟؟ده انت لبسته الاردية كلها ما خليت ليهم شى. امش جيب كيس،صاحبنا جاب الكيس،يلا الاستاذ بقى يشيل رده رده بى طرف الصوت ويقول عدوا معاى،وطبعا نحن نعجبك: واااااااااااااااااااااااااااااحد،اتنيييييييييييييي يييييييييييييييييين،تلاته...............لحدى ما عديناهن كلهن،الاستاذ قال لى مرتضى يلا وديهن البيت سريع عشان ما يبلغوا بى سرقتن. طبعا مرتضى كره المدرسة بى سبب الموضوع ده وقال لى الاستاذ كان سترتنى فيها شنو،قام الاستاذ قال ليو:وحسن الببيع الكركاسات وباجرن ده ياكل عيش من وين،طبعا نحن ما قايلنو عارف الموضوع،الذ حاجة انو الاستاذ نسى موضوع التسميع ،ومن ديك احترمنا نفسنا وبقينا نحفظ اول بى اول،شان ما نخش فى الحتات الضيقة دى. ومصائب قوم عند قوم فوائد...[/align:905361fbdf] http://www.qatar4sport.com/upload/pi...2222222222.jpg |
اقتباس:
كدي بيني وبينك كم مرة مشيت جبتا ليك واحدة معقولة يعني نادرا لكن في البداية مشكور على الذكريات وكمل لينا وما توقف وتقبل تحيتي |
وكان البعض يدك المذاكرة ليذهب لحضور الفلم الهندى الجديد الذى يتم الاعلان عنه من خلال
المايكرفون المحمول على العربة،و لم نكن نشاهد الافلام الا فى السينما،فلم تكن هنالك فضائيات ولا اجهزة فيديو،وياويل البدكوا المذاكرة،اكيد بيتجلدوا فى طابور الصباح عرضتك النبي يا ود الحصاحيصا وبصراحة انت من ياتو زمن؟ |
اقتباس:
لى الراجل اياهو،الله يديو العافية،ويديك العافية،والله لا حوجكم لى عينتودى كان انت كان وليداتك،واوعدكم بالمزيد. http://www.qatar4sport.com/upload/pi...2222222222.jpg |
اقتباس:
مصنع الصداقة البلبسوها لى الغنماية فى اجازتنا بتاعة المدرسة، يعنى يمكن تقولى كده زمن الدنيا بى خيره،انتى يا سمانا عاملة فيها ما بتعرفينى،ما تشوفى العمة دى،دى وهمة ساااى،بعدين نسيتى لمن بنتلاقى جنب المظلة بتاعة الحصاحيصا الثانوية بنات. الاسة كسروها دى،حرم المظلة كان قاعدة كانت تشهد،بعدين انتى عاملة ما بتعرفينى خايفة الجماعة ديل يقولوا الزولة دى كبيرة ةلا شنو؟ ما تزعلى بهظر معاك. http://www.qatar4sport.com/upload/pi...2222222222.jpg |
تعابير فى الذاكرة:
ادينى سحبة(كنا بنقولة للاولاد المرطبين العندهم عجلات) والله الاستاذ ده جلاد جلد. الكنبة الطيشية. ادينى طبشيرة. ادينى مساحة. كب لى حبة حبر. عندك قلم رصاص زايد. كتف يدينك وعاين قدامك وشيل حيلك من الكنب(الالفة). استاذ ده ما جه النبطشية. ارح نسير الطيش. http://www.qatar4sport.com/upload/pi...2222222222.jpg |
سلمت ايدك ود الحصاحيصا
اشعر وانا اسمعك وكأن الزمن رجع بي للوراء ***** من منا ليست لديه زكريات رائعة في الحصاحيصا ايام الطفولة والبراءة وايام الشباب لقد كنا كالاسرة الواحدة اللعب في ساحات الاحياء اولاد وبنات دون اي احراج النفوس الطيبة الصادقة و و و و اشياء واشياء ياليت تلك الايام تعود يوماً فواصل فنحن في الانتظار |
حبيبنا ود الحصاحيصا اها انا جيت عشان اتذكر معاك الايام التي اعتبرها الايام الجميلة لاتخلو من الجمال باي حال وفي كل الاوقات كانت جميلة كانت البساطة في التعامل وكانت البدايات بقريتي تلك الوادعة التي يداعبها النيل صباحا ويستيغظ سكانها علي مداعبة نسايم الصباح كانت في الضقالة لم اكن بذلك الشقي ولا انطوائي الي حد الخمول وانما كنت وسط تعاملاتي كانت مفتوحة الا في اوقات معينة كنت احب اشياء كثيرة ولكنني كنت اترك كل شي واذهب الي المزاكرة لتحصيل العلم وفي الاجازة كنت اتفرغ تماما لمجلة الصبيان فكانت في البيت بكثرة نسبة لان كان لدي خالي يعمل في الصبيان كنت اجمعها منذ زمن ولا اترك المجلة لاي سبب الاوانا قد اكملتها تماما واقوم اجي امثل ليك كل ماقرائته واخر فلسفة الود مثقف ثم دارت عجلة الحياة وانتقلت الي الحصاحيصا لاكمال التعليم المتوسطة انذاك ومن الزكريات الجميلة في تلك المرحلة انك تختلط بجميع ابناء الحصاحيصا وكمازكرت اخي ود الحصاحيصا كان الطلاب يلبسون الرداء وفوق ليه البنطلون ونجي نغير في محل الحاج صباحي للخيش فاتزكر يوم غيرنا بناطلينا وختيناها في لفة بتاعة خيش والراجل قام باع الخيش وبناطلينا في الفة وجينا لقينا مافي لاخيش ولابناطلين كنا نمشي ونضحك علي حالنا كان هناك استاذ متعاون من ابناء حي كريمة من طلبة الجامعات بقا ابو فصلنا وقال الناس كلها تشنط اها اولاد الجملونات جاية فيهم وباقي الناس خوف قامو شنطو الرداء والقميص اها اخوك ابت تقع ليه الحكاية دي وكنت بجي المدرسة وانا مامشنط واتجلد اها اتعودت علي كدا بقيت اجي من باب المدرسة وامشي ليه ياخ اجلدنا خلينا نمشي لكن مابشنط ليك وهي كانت مفاهيم وحاجات قام الناظر عوض عباس لقاني كل الناس مشنطين الا انا قام قالي من وين انت قلت ليه من الضقالة قال للالاستاذ الزول دا كان شنط علي الطلاق يرحلوه خليه ولا في الطابور خليه يقيف في فصل تاني وفعلا كنت بقيف مع ناس فصل تاني وبدورو بدخل الفصل وتاني بجيك راجع فالزكريات جميلة.
|
اقتباس:
كلما تقدم السن تنقص الذاكرة تتذكر الجواب الكتبتو لي ورميتو تحت رجولي انا خفت وجريت ومن ديك ما تلاقينا |
اقتباس:
وما اظن الزمن يرجع زى زمان،بس اكيد ناس الحصاحيصا ما ح يتغيروا ابدا وكل يوم مدينتنا بتزيد بهاء وجمال.واوعدك بالمزيد والمزيد. http://www.qatar4sport.com/upload/pi...2222222222.jpg |
[quote="smana"]
اقتباس:
بيتكم ونتظرك شان تمرقى وتغرفى البلاعة؟هو دى ا يام بتتنسى؟ |
قال للالاستاذ الزول دا كان شنط علي الطلاق يرحلوه خليه ولا في الطابور خليه يقيف في فصل تاني وفعلا كنت بقيف مع ناس فصل تاني وبدورو بدخل الفصل وتاني بجيك راجع فالزكريات جميلة.[/quote]
ايوه يالغريب ادينا من نوع الذكريات الجميلة دى،والله الحاجات دى بتذكرة زى كانها كانت امس،بعدين يالغريب انت جاتك فرصة ذهبية تعرف يا الغريب انا كان المدير قال لى كده كان تانى يوم جيتو بى العراقى عديل،ولا ردة ولا خيش،ولا جلده http://www.qatar4sport.com/upload/pi...2222222222.jpg |
[light=#FFFF00:3dbfbfe099]انت يالغريب باقى
الشباب ديل عندهم فقدان ذاكرة ولا شنو[/light:3dbfbfe099] http://www.qatar4sport.com/upload/pi...2222222222.jpg |
انتو رجعتونا ورا شديد زمن الصبا
انا الود لذيذ دا شكلو من اولاد دفعتنا انت يالذيذ مش دفعتك ناس خالد غراب وهشام ودالجكه وهبويه ومحمدالباقر جن وعبدالرحمن شراره تذكر مره دقو الفصل في الطابور وخالد غراب عمل يافكيك من الطابور وتلب بالحيطه لمان عملو مذكره ورفعوها للموجه طالبتو باقاله استاذ جابر ناس :mrgreen: استاذ بدري وحي الله وجابر |
اقتباس:
اها يا ناصر ما وريتنا بعد المذكرة حصل شنو،شوقتنا ياخى. بعدين الباقين وين؟الغريب مشيت وين؟[/light:c3a6d9ead7] http://www.qatar4sport.com/upload/pi...2222222222.jpg |
[light=#FFFFFF:36c1f91c9c]فى البداية تحياتى لجميع ابناء الحصاحيصا،وتحية خاصة لاخى ود الحصاحيصا ذلك الشاب المتوهج بحب هذه المدينة،واشكرة على دعوته لى للمشاركة فى هذا المنتدى.
بالرغم من اننى لست من ابنائها،الا اننى احببتها،وعشت فيها اجمل ايام العمر مع ان الفترة التى قضيتها فيها لم تتجاوز السنتين. ومن اجمل ما اذكر اننا كنا فى العطلات الصيفية،نقوم بتقسيم انفسنا الى فرق،او فرقان،يعنى فريق فريق،اى حى حى،ونتحارب،نعم كانت الحرب الضروس حيث يقوم كل ابنا حى بتشكيل قبيلتهم،ويتسلحوا بالسيوف ويشنون الهجوم على مضارب القبائل الاخرى. لا زلت اذكر تلك الايان بتفاصيلها ،كان اولاد حينا يباغتون ابنا الاحياء الضعيفة،حيث كان لديهم احسن العتاد،الا ان فرسانهم لم يكونوا اشداء،كنا نتسلح بالسيوف المصنوعة من السيخ،طبعا نضع المكياج المناسب حيث يحرص الجميع على لبس الجلاليب او العراريق،اى ان لكل ابناء حى ملابس الحرب،وملابس السلم ايضا فكانت لنا معارك سلمية نوعا ما فى كرة القدم ان لم تخلو من المصادمات. حقيقة الحديث يطول اخى ود الحصاحيصا ولى عودة لهذه المحطه ان امد الله فى الايام. التحية لك اخى والتحية لكل اعضاء المنتدى احباب الحصاحيصا والوطن. [/light:36c1f91c9c] |
[twh:839f8ed788][light=#FFFFCC:839f8ed788]شكر يالهادى على الذكريات الجميلة والسرد الرائع لتلكم الايام واسمح لى ان ادون بعض الذكريات لتلك المرحلة من الطفولة البريئة. اذكر اننا فى احدى تلك المعارك،والتى كانت بين بنى قريظة وقبيلة اخرى لا اذكرها ولا اريد ان اذكرها(بنى قريظة دى كانت قبيلتنا)،المهم فى الموضوع المعركة دى كانت ضروس جدا،وانضربت فيها قبيلتنا ضرب شديد،طبعا اخوك كان زعيم القبيلة وكدة،المهم طبعا انا كقائد وكده شينة فى حقى استسلم،لكن زى ما قالوا الكثرة تغلب الشجاعة،الحصل بالضبط انو الجنودج بتاعنى كلهم(اولاد حلتنا استسلموا،وانا ابيت القى سيفى(رفضت ان القى سيفى)،المهم انا بقاتل ومتراجع لحدى العدو ما وصلنى مضارب قبيلتنا،قبيلتنا ديل وصلو لحدى باب بيتنا عديل. فكرتة استسلم لكن السيف بتاعى كان عاجبنى جدا،السيف ده اتحصلته عليو من واحده من معاركنا مع قبيلة ناس الهادى،يعنى الهادى ده ما يعمل ليكم فيها معلم،المهم لما انعصرتة جدعتة السيف بى فوق لى حيطة بيتنا وبعد داك استسلمته. القبيلة التانية كان قائدم غتيت،فقال ليهم ما دام ما شلنا غنايم ناخذ الزعيم بتاعم رهينة،فعلا اخدونى رهينة،وكان عندهم شجرة من شجر ميدان الشهداء الكبار بربطوا فيها الاسرى،انا ما كنته خايف لانو عادى كان بربطوك ويحرسوك شوية بعد داك بزهجوا ويمشوا ويجوات ناس قبيلتك يفكوك. كنته مطمن،بعد ماربطونى بحوالى ساعة وبدون اى مقدمات المطرة قالت شو.......ناسى كلهم جروا خلونى،فى خلال ثوانى كده انا بقيت ما بشوف تحت كرعينى من شدة المطرة.المهم بقيت اكورك زول جاب لى خبر مافى. ربك رب الخير خلى ناس بيتنا يفقدونى،بعد مباحثات مع اولاد الجيران وتطمينات وروهم حتتى،المهم تم انقاذى بعد ةحوالى نص ساعة. بعد داك شفته شعاع عديل كده.حصل الاتى: اول حاجة جانى التهاب رقدتة اسبوع حقن تقيلة وما ادراك ما الحقن. تانى حاجة اخدته جلدة عمرى ما انساها. تالت حاجة ناس قبيلتى شالوا منى الزعامة لانى استسلمتة. وانا طلعتة بى نتيجة واحدة انو امكانياتى ومهاراتى القيادية دى مافى زول مقدرة وانو انا لازم ارد اعتبارى. عارفين عملته شنو؟؟؟؟ برجع ليكم.[/light:839f8ed788][/twh:839f8ed788] |
اقتباس:
منظر طبقوا فينا اولاد الحى الشرقى فى واحدة من المعارك،تعرف حصل شنو؟ هاجمونا فى عقر دارنا،حقيقة الجيش بتاعم كان بسيط جدا اها نحن قلنا دى فرصتنا،بدت الحرب وبدوا يتراجعوا شوية شوية ونحن وراهم لحدى ما المعركة انتقلت لى ميدان الشهدا،حقيقة نحن كنا واثقين من الانتصار،ولما بقينا تحت شجر النيم الكبار الاسة فى ميدان الشهدا،وفجاة بدون مقدمات نشوف ليك الجيوش تطلع من وراء الشجر ومن فوق الشجر ومن جوة البيوت،وعينك ما تشوف النور،حقيقة نحن انهزمنا فى ثوانى وضربنا الكواريك وفتحنا الفتحة الياها لحدى اسة كل ما اجى تحت الشجر بتاع الميدان جسمى يكش. وياسلام على الحصاحيصا وذكرياتنا فى الحصاحيصا،واتمنى انى ارجع للمدينة دى ولو ايام لانها بالجد مافى زيها فى الدنيا.وياحليل زمان. |
والله يا ود الحصاحيصا طلعت ما هين نهائي
وحبكانات انت وسمانا وحاجات كدا اسه عامل فيها زول كبير كدا وانا بقرا في كلامك وعن ايام المدرسه ما صدقت عديل كدا قلت معقول دا ود الحصاحيصا الهسي لا اسمح لي كان كدا انت عجزت عديل الحصاحيصا هي المدينه البعشقها وما ممكن اتخيل روحي بعيده عنها ولكن الظروف بتجبر الزول............... تا جوج |
اقتباس:
هاهاهاهاه إنتى شفتى شى يا بتى يا حليلنا وحليل ايامنا غايتو انسى بس انتى اقرى البوست من بدايتو وبعد داك ح تكتشفى انو جدك كان زول ما ساهل . . الا ليت الشباب يعود يوما فاخبره بما فعل المشيب . . |
جدك دي ما كبيره شويه
قول عمك خالك حبوبتك ما تنسي انا برضو زي حبوبتك برضو مامشكله الفرق البيناتنا.............. مافي داعي عشان مااعمل ليك نفسيات يودوك التجاني سي بوريك ليها مره تانيه لكن عاوزه اسالك انت مولود سنة كم ان شاء الله ماتكون نفس سنة عمو عماد اذا هي شكلها سنه مصيبه مولودين فيها كلكم لانو السنه بعييييييييييييييييييييييده عن السنه المولوده فيها بكذب عليكم انا من البات البحبو يكبرو روحهم مع انو البنات بحبو يصغرو روحهم |
| الساعة الآن 01:09 AM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010