|
تحت النيمة ( ضل وريف تحلو فيهو الونسة المفيدة )
http://cdn.top4top.net/i_2649261a9b1.gif تحت ضل النيـــمة ... ونسمات الهمبـــريب المنعشة ... تحلو الونسة ... .... بس ضل نيمتنا هنــا .. فيهو الونسة مختلفة .. ونسة .. بنكهة الاستفادة من تجارب بعضنا البعض .. وعشان تتضح الصورة اكتر .. جرو بنابركم .. وجيبو صينية شاى الصباح .. وابقو قراب يا احباب .. |
المنتديات بطبيعة حالا .. عبارة عن تلاقى افكار .. وتفاكر بين مجموعة عقول تتحاور بين بعضها البعض ( دى حقيقة ما فلسفة منى:):htoof4d: .. وطبعا المنتدى الناجح .. بيعتمد نجاحو على نوع الموضوع المطروح .. ومستوى النقاش الدائر حول الموضوع ... ودى برضو حقيقة كلنا عارفينها صااااح ؟؟؟؟؟ ...... :12840865: ثم :12840865: منو القال ليك كده !! ومنو قال ليك انو درجة ومقياس المنتديات بتعتمد على نوعية المواضيع المطروحة ؟؟::))))::)))) .... الكثير من المنتديات بدون ذكر اسماء .. ليها شعبية كبيرة وتتقدم خارطة المنتديات .. ولو امعنت النظر فى محتوى مواضيعها .. ستجدها مواضيع عادية جدا .. وامكن تم تداولها فى كل المنتديات .. يبقى الشى الخلى المنتدى يتقدم المنتديات شنو ؟؟ :htoof4d::htoof4d: بتفكير بسيط وبدون اجنهاد .. ح نلاقى السبب ليس الموضوع المطروح .. فالمواضيع بجميع المنتديات تكاد تتشابه فى افكارها .. ولكن .. تختلف فى طريقة طرحها وده مربط الفرس ...:EMO18: ... يبقى كيف نستفيد من النقطة دى ونحاول التقدم على خارطة المنتديات بدون ما نحتاج البحث عن مواضيع جاذبه ومواكبه .. وبدون ان نرهق انفسنا فى البحث عن اخبار حصرية نضعها بالمنتدى لننال سبق الطرح ... ....... وهنــا بعون الله ح نستفيد من بعض فى تغيير طريقة واسلوب طرح الموضوع ليصبح جاذب للزوار .. ومحل اعجاب بين الاعضاء .. ... ح نتعلم مع بعض بعض الحيل واللمسات الاضافية للموضوع وبدون الحاجه لبرنامج او الحاجه لجهاز كمبيوتر متطور .. http://cdn.top4top.net/i_87d99a0ae43.gif ابقوا قرااااااب |
كيفية وضع خلفية موسيقية لموضوعك ( حيلة سهلة وجاذبه ) : منتدى شهير بدون ذكر اسمه .. كنت لا شعوريا انجذب له .. اتصفح مواضيعه واستمتع بالتواجد بين اقسامه المختلفه ..:RODILL1: وامكن تستغرب اذا قلت ليك انو المنتدى المذكور كان منتدى عادى جدا فى مضمون المواضيع المطروحه ..:roro44-25: والاكثر غرابة انو اعضائه الموقرين معظمهم يعتمدون على نقل المواضيع ولكن برغم كل هذا وذاك تربع المنتدى فى مقدمة المنتديات .. وسر تقدمه انو الاعضاء كانو لما الواحد يضع موضوع او ينقل فكرة من منتدى اخر .. كان يضع لمساتو بالموضوع ( يعنى يعيد تجديدو باسلوب جاذب ) .. ومن ضمن اللمسات الجاذبه .. ( اضافة خلفية موسيقية مواكبه للموضوع ) ...:3102: .... ولما تزور المنتدى وتفتح اى بوست ح تلاقى نفسك مستمخ:EMO18: وانت تتصفح الموضوع لانو صاحب البوست وضع خلفية موسيقية تفتح تلقائيا عند فتحك لموضوعو .. ... الموسقيى دايما وابدا عنصر جاذب للنفس :htoof4d: عشان كده تعالو نتعلم مع بعض كيفية : وضع خلفية موسيقية للموضوع وبدون الحاجه لبرنامج .. وبدون الحاجه لمستوى نوع جهاز حاسوبك:htoof4d: و... ابقو قراااب |
قراب جداً
و متابعين بشغف و منتظرين بلهفة و منكم نستفيد |
تواجدك دايما .. بيعطى حافز للمواصلة الرايع دوما ابو امجد .. بالجد انا سعيد بحضورك الزاهى ( فى ضل النيمه ) ,,, ومنك نستفيد ادب التواضع فى مداخلاتك اللبقة .. دمت بكل الود والتقدير .... يلا جر بنبرك واقعد جنبى بى جاى .. ... . |
نواصل ما سبق : يلا علشان نضع خلفية موسيقية للموضوع .. ح نشوف اسهل طريقة .. ونحاول نستفيد من الامكانيات المتوفره فى المنتدى .. :12840870: وبملاحظه سريعه نلاقى المنتدى فى صندوق الادوات وفر لينا خاصيه وضع الفلاش ذى ما موضح بالصورة دى : http://cdn.top4top.net/i_3d00f895081.gif http://cdn.top4top.net/i_cdf2b6e46a4.gif وزى ما موضح بالصورة اعلاه لما تكتب موضوع او رد لموضوع .. بتلاقى اعلى مساحة الكتابه الخواص الموفرة ليك للاضافات للموضوع زى لون الخط والحجم .. الخ ومن ضمن الخواص 3 مفاتيح ( موضحة بالصورة ) ودى اختصاصا فى عرض بطاقات الفلاش وعلى حسب ظنى انو الايقونة الحمراء لعرض الفلاش مباشرة بالموضوع ودى اللى ح نختارا فى ( وضع الخلفية ) .. :htoof4d: بس طبعا نحنا دايرين الموسيقى تظهر بدون ظهور اى فلاش ما تستعجل ياخ :htof: نحنا لسه فى الاول ... ويادوب عرفنا اننا ح نستعمل خاصية وضع الفلاش .. وابقو قراب ... |
يلا قبال نبتدى فى شرح وضع الخلفية الموسيقية ... لازم تتوفر عندنا بطاقات فلاش ( نلطشا من اى موقع ) .. بس اهم شى انو الخلفية الموسيقية تكون مواكبه للموضوع .. ولاننا نحنا ( سودانيين ) اكيد محتاجين الحان لموسيقى سودانيه صاح ؟:htoof4d: عشان ما يكون الموضوع عن ( سلخانة الحصاحيصا ) ونلاقيك واضع لينا خلفية موسيقية لاطشا من ( بطاقة لحن تايتنك ) ..:htof: هسى دخل موسيقى فلم تايتنك فى سلخانة الحصاحيصا شنو:12840842: http://cdn.top4top.net/i_d07624db3b2.gif ... يبقى محتاجين لى بطاقات فلاش سودانية من واقع حياتنا .. ودى متوفرة بكثرة عبر الموقع ده : http://cdn.top4top.net/i_d07624db3b1.gif http://www.asacorner.com/vcard/ .. وابقو قراب |
ودلوقتى ح نعرف كيف نلطش رابط البطاقة من موقع البطاقات اعلاه ونضعها كخلفية لموضوعنا .. :htoof4d: اول شى نختار البطاقة البتعجبنا من بين البطاقات المتوفره بالموقع المذكور او اى موقع اخر عجبتك موسيقى مرفقه فيه بالفلاش .. وتابع معاى شرح ( اللطش ) خطوة خطوة .. |
ودلوقتى نمشى لموقع البطاقات السودانيه ونختار البطاقه البتحتوى على الموسيقى المناسبه لموضوعنا .. http://cdn.top4top.net/i_a55e9458b71.gif وبعد ما نفتح البطاقه نضغط على اى مكان بجانب البطاقه بزر الماوس الايمن ح تطلع لينا مجموعة خيارات نضغط على خيار ( عرض المصدر ) او (source) زى ما موضح بالصورة ادناه : http://cdn.top4top.net/i_a55e9458b72.gif بعد كده تلقائيا ح تظهر لينا صفحة مليانة خذعبلات وبلاوى http://cdn.top4top.net/i_d07624db3b1.gif زى الشكل دهـ http://cdn.top4top.net/i_a55e9458b73.gif بعد ما الصفحة اعلاه تظهر لينا .. اضغط بزر الماوس الايمن على الصفحة ومن الخيارات البتطلع اختار ( بحث ) او من لوحة الكيبورد اضغط على مفتاح ctrl ومفتاح حرف F وح تلاقى فى اعلى الصفحة ظهر ليك مربع بحث اكتب داخلو swf واضغط على زر البحث اللى بجانب مربع البحث الكتبنا جواهو وابتدى فتش فى الصفحة لرابط نهايتو فيها swf والبحث بساعدك فى انو اى رابط اخرو swf ح تلاقى كلمة البحث swfمظلله وابحث عن رابط شبيه بالرابط اللى انا مظللو بالصورة دى http://cdn.top4top.net/i_a55e9458b75.gif يبتدى بـ http ,وينتهى بـ swf وظلل الرابط بدون زياده او نقصان زى ما موضح بالصورة اعلاه .. واضغط بزر الماوس الايمن عليه بعد التظليل واختار نسخ او (copy) وبكده نكون كملنا خطوتنا الاولى باللطش ... ونبتدى الخطوة التانيه .. فى كيفية وضع الخلفية بالموضوع بتاعنا بدون ما تظهر بطاقة الفلاش ابقو قراب |
الخمجان والله مافى كلام
وموضوع قيم ومفيد ومجهود جبار وواضح وحقيقة انا شخصيا استفدته كتير من المعلومات واكيد متابع بس ياريت زى ما وريتنا ننكت رابط الفلاش تورينا ننكت رابط الصور من بين الاكواد الكتيرة البتظهر لينا مرات وخاصة لما تجى تحفظ صورة من الفيس بوك او بعض المواقع وما يديك خاصية حفظ الصورة لما تعمل كليك بالزر اليمين سعيد بموضوعك واكيد الكل ح يستفيد وكتر خيرك ياحبيب خليك قريب ولاااااا تغيب |
حبيبنا الغالى ود الحصاحيصا : دايما بتفائل بتواجدك واطلالاتك الطيبه .. وضل النيمه كبير وظليل .. وتحت النيمه تحلو القعده والدردشه .. ( حبيت يكون ضل النيمه هنا للدردشه والاستفاده من بعض ) .. ومداخلتك بتحمل لب الغايه من البوست ... اقتباس:
ويا ريت كل زول عندو مهارة او تجربه او طريقه نقدر نستفيد منها يا ريت ما يبخل بيها علينا .. خارج النص : قبل ايام كانت رحلة العودة الى ارض الطفولة ومرتع الصبا الحصاحيصا العامره بجمال وطيبة ساكنيها .. قدمت لها بعد غياب لاكثر من خمسة عشر عاما .. عن طريق الخرطوم رفاعه .. على امل ركوب البنطون .. ( واستعادة ايام الصبا حينما كنا نلهو بالركوب عبثا للتمتع بجمال ونسمات النيل ) .. قدت السيارة عبر الخرطوم مرورا برفاعه تسبقنى اشواقى لاحباب واصحاب قابعين فى وجدانى .. http://cdn.top4top.net/i_dde5c098101.gif ,,, وصراحه .. تفاجئت بالتطور الرايع باستبدال البنطون بجسر يربط ما بين رفاعه والحصاحيصا ... ولكن برغم اعجابى بالجسر المتطور .. الا ان بالنفس حسرة على اختفاء ( البنطون ) http://cdn.top4top.net/i_dde5c098102.gif وزكاريات طفولتى وبواكير الصبا تعشش بين جنباته .. وحننت لايام مضت بحلوها ومرها .. واستبدال البنطون الذى كان الوسيلة الرئيسيه للتواصل بين ضفتى النهر .. http://cdn.top4top.net/i_dde5c098103.gif ولكن .. يبقى التطور وبناء الجسر طفره تستحق الاعجاب .. كسرة : طرطشات كلام سمعت انو الجسر برغم حداثتو فيه عيوب قد تلغيه لاعادة تاهيلو !!:12840870: عموما .. مجرد اجترار زكريات وعودة لمواصلة المسير .. ونشوف مع بعض بعد ما لطشنا الرابط بتاع الفلاش كيفية الاستفاده منه ووضعه كخلفية صوتيه بدون ضهور صورة البطاقه الفلاشية وابقو قراب |
يلا .. بعد ما قمنا بنسخ رابط البطاقه الفلاشية زى ما شرحنا بما سبق .. )0):: نرجع لمنتدانا الحبيب :htoof05d: ونفتح اضافة موضوع جديد ومن خلال صندوق الادوات نختار ايقونة اضافة الفلاش زى التوضيح التالى : http://cdn.top4top.net/i_c3781410431.gif بعد الضغط على الايقونة .. بيطلع لينا مستطيل لوضع الرابط .. نمسح ما بداخل المستطيل نعمل لصق للربط المنسوخ ونضعو بمكانو داخل المستطيل ونضغط ok زى الشكل دهـ http://cdn.top4top.net/i_c3781410432.gif >>> بعدها بيطلع لينا مستطيل اخر .. موجود بداخلو حجم البطاقه لعرضها بموضوعك .. امسح الرقم الموجود داخل المستطيل واكتب بدلا عنو الرقم 1 زى الشكل التالى : http://cdn.top4top.net/i_c3781410433.gif اضغط ok بعد كده .. بيظهر لينا مستطيل اخير .. برضو اختصاصو حجم عرض البطاقه .. كمان امسح الرقم داخل المستطيل واكتب محلو الرقم 1 زى الشكل التالى .: http://cdn.top4top.net/i_c3781410434.gif نضغط ok وتلقائيا ح نلاقى الرابط ظهر لينا داخل مساحة الموضوع خلى الرابط فى سطر لوحدو وانزل منو واكتب موضوعك واعمل معاينة للموضوع قبل اضافتو علشان تتاكد من صحة الرابط شغال ميه ميه :EMO18: وبعدها اضف موضوعك واى شخص يفح البوست بتاعك ح يتصفح الموضوع ويستمع لخلفيتك الموسيقية تلقائيا :WEE8::WEE8::WEE8: |
وعلشان نوفر الجهد فى استخلاص روابط الفلاشات .. ح اقدم ليكم مجموعه جاهزة من الروابط ... ما عليك الا انك تختار رابط البطاقه المتناسبه مع موضوعك ..:htoof4d: وتنسخو ..وتروح لموضوعك وتفتح ايقونة اضافة الفلاش وتضيفو .. بس اهم شى ::))))::))))::)))) لازم تقوم اثناء اضافة الفلاش بتغيير الحجم زى ما شرحنا للرقم 1 وبعدها : اكيد ح تستمتع بخافية موسيقية لموضوعك :htoof05d: ودى مجموعة من الروابط الجاهزة .. لحن لن ننسى اياما مضت http://cdn.top4top.net/i_d07624db3b1.gif http://www.asacorner.com/cards/nansa500_300.swf ـــــــــــــــــــــــــــ موسيقى شرحبيل ( الليل الهادى ) http://cdn.top4top.net/i_d07624db3b1.gif http://www.asacorner.com/cards/eid500_300.swf ــــــــــــــــــــــــــــــ من العايدين .. ( موسيقى وصوت مصاحب ) http://cdn.top4top.net/i_d07624db3b1.gif http://asacorner.com/cards/minal3aideen500_300.swf ( اذا حبيت تستمع للبطاقه قبل اختيارها ما عليك سوى نسخ الرابط والصاقه بشريط المتصفح ) وابقو قراب |
| الساعة الآن 05:04 AM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010