قصة زواجى كما عشتها
كنت فى اوائل سنين الجامعة قبل سنوات من الان .. و تواعدت مع احد المعلميين من معارفى فى مدسة بنات ثانوية ان امر عليه فى المدرسة لامر مشترك...... و كانت احدى المعلمات قد طلبت من هذا الاستاذ ان يبحث لها عن عريس حيث ان وضعها المادى جيد و تعيش وحيدة مع والدتها فى منزلهم .... كان هذا اليوم هو الموعد المحدد لحضور احد العرسان ليقابل الاستاذة فى المدرسة و يتعرفوا على بعض ... لسؤ حظى او لحسنه لا ادرى حضرت للمدرسة قبل حضور العريس بقليل ووجدت الاستاذ خرج لمشوار قصير و الاستاذة فى المكتب لوحدها فسالت عن الاستاذ و لانها متوقعة العريس فرحبت بى ترحيبا اذهلنى ..... ثم ..... ثم بدأت تتحدث معى كلاما رقيقا و انها محرجة جدا .. و لا تدرى من اين تبدأ .. و ان الاستاذ حدثها عنى ؟؟ !!!!!! ..... و طبعا صاحبكم مسطح .. دارت بى الارض و لم افهم شيئا من الذى يحدث و قلت فى قرارة نفسى ... معلمات اخر زمن... و قبل ان تكمل حديثها المعسول .. و قبل ان ارد عليها بكلمة واحدة .. دخل الاستاذ و سمع اواخر كلماتها .. فصاح بها .. لا .. لا .. لا .. يا استاذة انتى فهمتى غلط .. و خرجت الاستاذة مسرعة فى حالة خجل و احراج تام .. و ضاعت منى العرسة.. و العروسة . يا اخوانا ما عندكم لينا استاذ فى مدرسة ثانوية نعمل معاهو مواعيد الايام دى |
مجاهد بلال
الزواج قدر ومكتوب.. وربنا سبحانه رسم حياه الجميع من قبل ان نولد اللي مكتوب له ان يتزوج سوف يتزوج واللي مكتوب له يظل بدون زواج سيظل كلها امور مقدرة............. كل الود |
مشكورة
شاكريين لكى مرورك الانيق اختنا اسراء و كلماتك المكتوبة بماء الذهب... اعزك الله |
بتدور تشتريك المره الكبيره فيشان قروشها واخجيلتى بكره نلقاك بتفرم فوق الخضره وتورقها مالها مو الله اداها جاهلن صغير تلعبو يمين وشمال وليد البلال المسنوح اشحد الله الزمك بت الحلال التخضرك وتفرهدك خلك من البايرات عديمات الوليان واخجيلتى شحدتك كر يا بنات امى فيشان شنو فيشان تفك بورتها وليد البلال الجنا القليبو حااااااااار والطالع صح من صليب امو وراضع من شطيرها ماهو هوين سهل قيادو اسمعها نصيحتى وادها البحر قسمتك عند الله راقده الا الصبر يا جناى |
طلتك غالية علينا
مشكورة كتيير يا غيمة على طلتك البهية .. و كلماتك الدافئة.. و لا عدمناك من غيمة |
كدي قولى النصيحه بتاباها
بتدور عروسن كبيره ولا صغيرتن لينونه ودريفونه ومطواعه |
و الله يا غيمة طعناتك كلها فى الفيل بس ... اصلو ما بتعاينى للضل ... هسى انا من قبييل بتكلم عن الضل بس .. الجاب الفيل شنو.. طبعا البنية الصغيرة و الحليوة ما فى زيها يا بتنا و هى عذ المطلب .. لكن الكبيرات ما بنقول عليهم بايرات و الله لانهم برضو اخواتنا و نتمنى ليهم السترة و الله .. عندى عمى عندو مقولة عاجبانى شدييد فى العرس ده .. بيقول : السمح للرجال .. و الشين لى انا .. و الله يا عمى راجل .. لكن شغلتك دى عاوزه ليها زول قوى خلاص .. مشكورة يا غيمة |
العزيز جداً مجاهد
كيف حالك وأحوالك والله القصة جميلة ومثبرة وخصوصا طريقة سردك لها وتنفع أن تكون مسلسل طبعا بعد الاضافات والتصورات .. والله في أثناء قرائتي للقصة إفنكرتك عرستها طوالي ؟؟ يا سيدي قسمنك موجودة وربنا يديك بنت الحلال اللب تهنيك وترضيك بس انت أنوي .. لك النحية . |
:15_10:ههههههههههههههه والله لكن ياعرسه ماتمت
|
الاخ الفاضل اسماعيل .. سلامات و سلمك الله و شهادة منك تخلينا نعاين لنفسنا عشرة عشرة .. مشكور على الاطراء كتيير و انا لم اقل انى غير متزوج ... صح .. مشكوور مرة تانية ... |
يا سيدي حقك علينا وزلة لسان
|
اقتباس:
هسى انت القال ليك غلطان منو يا ابو السباع .. يا زول و الله دعوتك سمحة خلاص .. و لسانك لا يخرج منه الا طيب .. مشكور يا اسماعييل |
اقتباس:
مشكورة اختنا ام اريج على المرور ... و الدنيا ياما تورى |
اقتباس:
نان انا بهمنى الفيل زاتو الشين لي عدوك فالك بالحسن وسمح يامجاهد وبالبنيه البتقدرك وتعزك وتكرمك فالك لبن وعسل قول امين |
...ااميين... |
اقتباس:
هسع نفهم شنو ياوليد عمى؟؟؟؟؟؟؟:15_10: عتد بندور تجى فى بوست كلام نسوان عندنا ليك كلامات.....اها ما تتاخر راجياااااااااااااك |
مجاهد يا اخوي ولا يهمك انا عندي اخت واحده ومتزوجة
لكن على الطماطم لو عندي اخت تانية كنت اديتك ليها من غير مواعيد مدرسة ولا جامعة يا زول انت الناس لاقينك وين انا لا حظت موضوعك كان بتاع موقف طريف وجميل لكن الظاهر بعض الناس ما فهمو الله يديك العافية يا مجاهد |
اقتباس:
مرحبتيين اختنا سمارة .. و مشكورة على الدعوة الكريمة و بجيكم لكن بالدس لحدى ما نقيم الوضع .. بعدين انتوا البيفهم اكتر منكم منو .. مع التحايا العطرة |
اقتباس:
الاخ الفاضل وضاح حياك الله و متعك بالصحة و العافية و نسبك عزيز علينا و الله .. مع كل الو |
[B]بركة الجيت يا حبيب[/B]
|
اقتباس:
|
اقتباس:
و الله يا اخوى مبارك كلام حلو بالحيل و الصف جميل .. طبعا هى بتكون عارفة الجدادة بياكلوها من ويين |
الساعة الآن 07:39 PM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010