|
السادة المكسرين والمتكسرين والمكسرين لهم
من اشهر المكسرين للثلج الشاعر ابو الطيب المتنبي وكسر من الثلج شعرا في الاخشيدي ولما اداه زومبه وما اتاه الولايه كتب فيه الهحائية الشهيرة عيد باي حال عدت يا عيد ودي من عيوب كسير التلج المن طرف اللسان انه اذا المكسراتي ما لقا منه فايدة بتحول لكسير جمر |
قالوا مرة شرطي المرور وقف بتاع لوري وكان صاحب اللوري لابس جلابية وجيبو مليان قروش بتاع الحركة قال ليهو رخصتك ورخصة العربية صاحب اللوري طلع الرخصة والورق كلو تمام والرخص مجددة شرطي المرور مالقي أي مخالفه.. وبقي واقف.. صاحب اللوري قال ليهو أها ياجنابو أمشي.. بتاع الحركة قال ليهو تمشي شنو عامل جيبك الكبير دا.... |
قرأت خبراً مؤخراً يقول إن الحكومة السودانية تنوي بناء مفاعل نووي في البلاد وقد صرح المدير العام للهيئة السودانية للطاقة الذرية فى الخبر بإن الحكومة بدأت التخطيط لاستغلال الطاقة النووية في وقت مبكر من 2010 . أعتقد أن الخبر قد أهمل أهم شئ وهو وضع تحذير لمرضى الضغط والقلب والشرايين بعدم قراءته ... في كسير تلج اكتر من كدة |
الاخوة المكسرين والمكسرات بقيادة الطيب والحفيد وست البنات لكم اجمل الامانى والتحيات ومشكورين على اثراء البوست فى هذه الايام ونحن مقبلين على فصل الشتاء الامر الذى يتطلب المزيد من الكسير والشكر الجزيل للاخت ست البنات على الاضاءة التاريخية والبحث والتنقيب فى هذا العلم الهام والشكر لك اخى حفيد ود رعية على النكات اللطيفة وارجوا ان تتقبلوا هذه الهدية وهى اكبر عملية كسير تلج فى هذا العام حيث يظهر ملك المغرب هو يحاول ان يذبح الخروف المسكين وسط مجموعة كبيرة جداً من المساعدين وكسارى التلج الذين توزعت مهامهم ما بين مسك ارجل الخروف وقرونه وما بين حماية الملك والاستعداد لاى طارىء اليكم الصورة:
http://www.hdrmut.net/vb/uploaded/25087_01221396051.jpg |
اقتباس:
طبعاً يا عارف كسير التلج بقى ثقافه عامه اليومين ديل و انتشرت انتشار الايبولا فى غرب افريقيا |
| الساعة الآن 04:51 PM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010