|
المســـدار : الشاعر المبدع محمد طه القدال
المسدار .... الشاعر المبدع محمد طه القدال أماتي القبيل بي حنهن لجني كرفة وقدلة كيف شوق اللبن رجني حزناً جاني في ميع الصبا يلجني أطلع مني يا جلدي المنمل جني وأطلع مني يا حزنا بقي مكجني خلني ابدي مسداري واودي قفاي لي دارا بقت مي داري وجيتا وجيت بينا و بين عضاي الشحمة الا النار بقت قدامي جلدي الليلة وبينو وبين عضاي المافي الا تراني شوال الكبس نفيخ جراريب الورم هدامي في جلدي الورم قولن لي ولا صحي الورم عضامي .؟ سفريتك مي في النية مي ها الكانت محرية خابراك عريف ... ذم العربان ولا قيام الوردية .؟ ************************************************** **** بعد الرحيل بعد الرحيل برجاك فوق هدب السنين برجاك عيد فجر الليالي الفيها بحلم بيك يقين عشمان أعيش لامن أشوفك في الدروب شمعة فرح بسمة للعمر الحــزين بعدك رحل فرح الفواصــل وفي الحروف ذغرد جـــرح ذان الجبـــين وارتجف قلم الشعـــر فوق الورق فجر اساي صرخة حـــرف حسرة وأنيـــن والرحيق هجر البنفسج والفراش بكي في إرتحالو وانسكب عطر الأماني فوق حقول الاحتمــال ماتت أنفاس الاغاني وقالت الفرحة الســلام وفي العيون الحسرة طافــت غاب فنار الابتسام مكتوب علي احمل أساي أرحل أطوف بين الحروف امسح فرح وأكتب جرح حافظ هواك رغم الظروف ومهما طال الانتظار تلقيني واقف منتظر جوه في نبض الحروف راجيك لما ترجعي للديار تهدي للعمر إبتسامه وليك تتقال القصائد بيك تتحدد خطاي وليك تتقال القصائد بيك تتحدد خطاي |
اقتباس:
لك الشكر مصعب واصل |
مصعب لك الود هذا ابداع يجب ان يتواصل اتحفنا من بيت الكلاوي وما تبخل |
|
رمضان كريم اولاد الحصاحيصا ومزيد من الابداع
|
مصعب لك التحايا والود مره اخري أدخل هنا لأقترح عليك أنعـــاش هذا الأرث ورغم أنك عنونت البوست بمسدار معين ولكن لا بأس أن نرفده بهذا الفن الجميل خصوصآ أنا لنا فطاحله في هذا الفن ولعل للهمبات ارث خالد في هذا المجــال الطيب ود ضحويه وطه الضرير ومن شعرا البطانه الحردلو المهم يمكن لنا أن نستمتع من خلال هذا التراث الجميل .... ********************************************* سأختار لكم نماذج جميله أتمني أن تعجبكم ولكم أن تستخلصوا منها المعاني والمرامي الناس في العروض ما تقيسه بي تيبانه ما يغرك لباسن والعروض عريانه ديل حراس رزق ذي التكنو امانه ذي ابل الرحيل شائله السقى وعطشانه وكقول الحاردلو في بشارات الخريف الخبر الاكيد قالوا البطانه اترشت وساريتن تبقبق للنهار ما اتفشت وبت ام ساق علي طرف الفريق اتعشت وللعبادي الشاعر المعروف قصه مليئه بالحكم والعبر طه وودكين نا خد منها مقطوعات كقول طه انا المالح الكارب خريفي وصيفي والمتلك تبيع ما اظن اقيف فوق قيفي كان ما الليله فوق بيتي وبحسبك ضيفي في الشي السمعتو برد عليك بي سيفي وقال في الثبات والوقوف علي المبدا من الفيها ما بزح وان تزحزح مره وان حيين نعود ان طال زمنا ومره والزين ما بدوم والزول بموت فد مره هولا الناس تركوا لنا قيم ومبادي ومعاني جميله واصيله في الزول السوداني البسيط انا بتمنى من كلو واحد عندو اهتمام بهذا المجال يجادعنا بي مسدار مسدارين كده وفي وداعة الله يا الحبان المصدر: :: منتديات شبكة بربر :: - من قسم: ســــاحـــة الــدوبـيـت والــمــســـدار |
الأشواق.............محمد طه القدال لا تتركى قلبى وتبتعدى يا أنتِ يانبعَ الهوى الغَرِدِ أطمَعْتِنى حُبَّا سعدتُ به وَصْلاً وأحلاماً بِلاَعَدَدِ يمناك فى كفّى تعانقنى النبض نبضى واليدانِ يدى والشوق فىعينيكِ يقتلني والصّمت فى عينىَّ كالرّعَدِ والليل سِتْرُُ لا يذيع لنا سِرَّاً من النجوى على أحدِ يومُُ له – كالخيل- غُرَّتُهُ خالٍ منالآلام والحسدِ فيه اتعدنا لا يُفرّقنا شيءُُ من الأحزانِ والنكدِ إنأشرق الفجرُ الجميل لنا قلنا له مرحى بيومِ غَدِ هل يا تُرَى قد جئتَتسعدنا حُبَّا وألواناً من الرّغدِ أم يا تُرى تخفى لنا قدراً مَاض بنامن سالف الأمد يا منية القلب الوحيد أنا أهواكِ حتى غاية الأبدِ أهواكإن جئنا كِنانتنا أهواكِ لا أخشى على كبدى لا تتركى قلبى وتبتعدى جيئىوإلاّ انصفى وعِدِى... إليـــك..((يا منية القلب الوحيد... أهواك حتــى غاية الأبد)) فكن واثقاً من هذا.... |
بعد الرحيل... محمد طه القدال بعد الرحيل برجاك فوق هدب السنين برجاك عيد فجر الليالي الفيها بحلم بيكيقين عشمان أعيش لامن أشوفك فيالدروب شمعة فرح بسمة للعمرالحــزين بعدك رحل فرح الفواصــل وفي الحروف زغرد جـــرح ذانالجبـــين وارتجف قلمالشعـــر فوق الورق فجرأساي صرخةحـــرف حسرةوأنيـــن والرحيق هجر البنفسج والفراش بكي في إرتحالو وانسكب عطرالأماني فوق حقولالإحتمــال ماتت أنفاسالأغاني وقالت الفرحةالســلام وفي العيون الحسرةطافــت غاب فنارالإبتسام مكتوب علي أحمل أساي أرحل أطوف بين الحروف أمسح فرح وأكتبجرح حافظ هواك رغمالظروف ومهما طال الانتظار تلقيني واقف منتظر جوه في نبضالحروف راجيك لما ترجعيللديار تهدي للعمرإبتسامه وليك تتقالالقصائد بيك تتحددخطاي وليك تتقالالقصائد بيــــــــك تتحــــــــــــددخطــــــــاي............ أخــــى مصعب..... لك التحيــــــة وأنت تتحفنا بكلمات هذا الرائع....تقبل مرورى............. |
|
|
اقتباس:
|
| الساعة الآن 05:18 AM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010