|
فن كسير التلج
لم يكن هذا المصطلح معروفاً فى القرن السابق او لم تكن تلك
الممارسات المشابهة توضع فى قالب كسير التلج حيث انتشرت هذا الظاهرة فى الاوساط الاجتماعية والفنية والسياسية من منطلق ان الغاية تبرر الوسيلة ,,,, وكسير التلج يقصد به (طبعاً دة للاخوة الكوامر) التقرب شخص معين من اجل غرض معين فمثلاً اذا رأيت مديرك فى العمل حمل حقيبته فهنا فرصة سانحة لتكسير تلجة كبيرة وذلك بحمل الحقيبة وتوصيلها للمكتب او السيارة وطبعاً ذلك قد لا يكون حباً فى المدير ولكن بحثاً عن ترقية او علاوة او غير ذلك ,,,, ومن اشكال كسير التلج ايضاً للباحثات عن العرسان خدمة جارتكم والتى جاء ابنها للتو من الغربة املاً فى ترتيب اوضاع الزواج وهنا ايضاً الفرصة سانحة لتكسير تلجة اكبر حجماً (واحتمال تجيب حقها واحتمال لا),,,, خلاصة القول ان كسير التلج فن يحتاج لمهارة شديدة وحتى تكون العملية ناجحة يجب اختيار التوقيت المناسب والمكان المناسب والتلجة المناسبة وبعد دة كلو يا صابت يا خابت ! |
للاسف تداخل كسير التلج وتزاوج مع المنفعة الشخصية فقط بقت ما في حاجة لله يعني لو سلمت على جماعة وانت ما منك منفعة لزول فيهم ما بردو السلام ولو زول من وراك مصلحة اردو ليك السلام قبل ما تسلم هههههههههههه |
طبعا ما حتصدق انه دي اول مره اعرف كسير تلج يعني شنو سمعتها كتير ولقيت الناس بتتداولها
عادي قلت في نفسي هسه لو سألت معناها شنو يقولو عليك كومر احسن اسكت لكن من الليله بعد ده كسير تلج صاااااح بدون فرز ههههههههه |
عارف عملتها ظاهرة لكن انا ناوي اوضحها ليك بي طريقة فريدة كسير التلج اصبح امر لابد منه وكان ماكسرت لج كتير ورقدتا هردبيس مابتاكل عيش وممكن تلف حول نفسك ساكت وكمثال بسيط جدا يعني هسع الناس هنا في المنتدي بيدخولوا سريع لكل بوست كاتبوا ازهري يعني بكسروا تلج بس تلج صغار ماتلجه كبيره ههههههههه اما التلج بتاع الجنس الحلو داك تلج بيكون زايدين ليهو النشادرالموضوع دا اسأل منو ابو امجد انتا مابتعرفوا ياعارف يعني التلج لمن يزيدوا ليهو الغاز بيكون ظاهر لونوا ابيض والتلجة يالله تتكسر عشان كدا الكسير بيكون بي قوة وبيكون ظاهر وكمان الحتراش بيتاع الكسير بيطاير وبفلق الناس القراب يعني الواحد لمن يكسر تلجة بي المواصفات دي (للإستفسار عن مواصفات التلج الإتصال بالأخ أبو أمجد ) الناس كلها بتعرف وبتعرف انو الزول دا كسار تلج بي طريقة حلوة حتي كسير التلج عندو طرق عدة ممكن واحد يكسر بي حنية ورقة ويزبل عيونو يعني ينعسهن كدا ويتكي حواجبوا ويحرك شعروا بي إيدو اليمين ويهز مفتاح العربية بي يدو الشمال ويقيف علي الرجل الشمال كاملة ويرفع مشط رجلوا اليمين كان شفتوا الحالة دي تعرف طوالي انو بكسر تلج لي بنت والبنت الجمبها بتكون قريبتوا العجب كان العربية قريبة ومتكي عليها بس خلاص رمي ليهو تلجة خمسة طن اها الحالة التانية ودي كمان فيها كسير بي عوارة واحد تشوفوا كل يوم في المواصلات عمروا مادفع ليك اها اليوم داك يكون ماشي معاك ازهري محمد علي وعينك ماتشوف الا كترت الحليفة الزول يحلف الا يدفع ليكم الاتنين يازول ماتدفع ولي يرميها ليك علي الطلاق ماتدفعوا تحرم علي ام اولادي ماتدفعوا وكمان تمشوا تتغدوا معاي كرم حاتمي وانتا بي سرك تقول الزول دا مالو امس القريبة دي مادفع لي وكل يوم بيشوفني يعني الجد شنوا حتي ازهري دا مابعرفوا بس شافوا في الجريدة حتي تلفزيون ماعندهم بكمل ليكم بعدين باقي كسير التلج وياعارف خلي كسير التلج الكتير |
يا اخوانا سوقنا فتح اها اي مغترب ممكن يعمل ليهو مصنع تلج لانو سوق التلج في السودان فتح و بقي يكسروا ساي . للراغبين في الاستثمار في صناعه التلج اخوكم جاهز . اسعار مخفضه لاعضاء دوت نت تشمل التوريد والتركيب والتشغيل التجريبي لمختلف الطاقات الانتاجيه. |
ههههههههه يالطيب عبدو شفت ياعارف شفت كل كسير عندو مواصفات في الاول قلنا ابو امجد جاك المعلم كمان اها رايك شنو يالطيب عبدو دايرين دراسة جدوى في الموضع دا كل عام وانتم بخير |
مديرنا ازيك
والله كل كوم والتلجة المناسبه دي كوم تاني لكن بيني وبينك البلد مسخنة من كل الجهات والتلج برضو بحجيب الضراوة بس الحكايه والعياذ بالله لما تبقا من بره القلب تلج ومن جواه سموم بتبقا نفاق ربنا يوقينا شره |
والله ياعارف كسير التلج دا خطر دا يخلي الواحد يبقي رئيس والرئيس يمشي الشارع
|
اقتباس:
والله يالبرنس نحن ممكن تسالونا عن مواصفات التلج يعنى ممكن نوريكم التلج الممكن يكسروه ويجيب نتيجه مع الحنان والجو ... والجكس وممكن نوضح مواصفات التلج اللى ممكن يكسروه ويجيب الوظيفه ويبسط المدير بس والله والله بصراحه كده اى نحن بنصنع التلج لكن ما بنعرف نكسروا |
الزعيم وكسير التلج.........منك نستفيد .....من اليوم كسير تلج كتير
انشاء الله بس يصيب ...وما ندقس |
|
اقتباس:
ازيك الطيب اخوي زنبوج او عنطج او نقروح دي باين عليها مصطلحات جديدة في كسير التلج انا ما سمعتها الظاهر العمر بدا ياثر علي اختك ..... اها ممكن يعني التوضيح |
كسير تلج شديد
|
والله بصراحه احترنا معاكم وأنا ذي البرنس عايز لي دروس في التكسير ده وتارنها الناس تكسر هنا ساي ونحن ما جايبين خبر ’’’’’ ماعارف نحن اغبياء ولا بنتغابي ’’’’’ بعدين نحن كما لقينا ذي ازهري ده نسوي شنو مانركب مواصلات ولا شنو ’’’’’’ الموضوع كله عارف عامله عشان عندهم مصنع تلج وهم حاكرين الشغلانه دي ’’’’’’ يالطيب عبدو ست البنات دي رغم انها كومر لكنها بريئة عليك الله اشرح ليها الزنبوج والعنطج واضيف ليها بنات اوا والهوامل وما اكل السبع والضبع وكل شي من النوع اب كديس وعليك الله ماتقول المنصوري قال ليك حـــاجة بصراحه كده انا خواف وما بحب المشاكل ( تلجه قال والله هنا ارمي ليكم جنس دراب اصبروا بس ) أنا عارف في ناس سطحت بيهم معليش أنا مغبي وراسي مسخن وبتكلم برا راسي اكون عايز لي تلجه لكن من منو ؟؟؟؟ حذروا وفذروا والبعرف اجدعنا برسالة خااااااااااااااااااااااااااصه هاهاها تهي تهي هاهاهاها ( الحقوا صاحبكم جنا ) . |
ازيك ياعارف:::
والله نحنا كسير التلج عندنا رااااااااااااااقد... وناسنا قالوا ماشين بالمثل البقول ( كسار الثلج ربه عياله)) علي وزن(( الخواف ربه عياله) .... |
تحياتى اخ النويرى وكل عام وانت بخير
وكسير التلج احياناً يصب فى خانة النفاق لذا يصعب التمييز بين التلجة المكسرة وبين النفاق, عشان كدة اعمل حسابك ,,,, حبابك حبوبة والله كان عرفتيها كان ما عرفتيها مصنفة فى فئة الكومريات انت مفتكرانى ح اكسر تلج واصغرك يعنى ؟ وحبابك الف ضمن كسارى التلج بس خليك حريفة واختارى التلجة المناسبة فى المكان المناسب وللشخص المناسب ,,,, والله يا برنس شكلك كسار تلج قديم ومحترف اقصد معترف والله استاذ ازهرى دة لو جا وكتب حرف واحد بنجى جاريين موش كبيرنا وقدوتنا واستاذنا ؟ معليش يا استاذ دى تلجة صغيرة كدة لزوم حفظ المقامات وكدة ,,,, تحياتى اخ الطيب ومشكور على العرض الرمضانى والتحريض على ممارسة كسير التلج بس ارجو مراجعة هيئة المواصفات والمقاييس ومراعاة الاحجام والاوزان القياسية للتلج عشان ما تعمل لينا مشاكل |
اقتباس:
تحياتى الغالية ستو ويا اخوانا فى المشاركة دى فى مثال حى على كسير التلج بمهارة عالية, ويا ستو كسير التلج البنتكلم عنو مصنف فى خانة النفاق ولكن اذا كان صادقاً فلا غضاضة فى ذلك ويبرأ الشخص من تهمة كسير التلج |
يا منتصر والله كسير التلج دة انتهى من
الرئيس دة نهاية مرة لانو ما جهزو تلجو من بدرى تحياتى ابو امجد واكيد لو قررنا نحارب ظاهرة كسير التلج ح تخسروا كتير وتلجكم ح يبور عشان كدة نحن نشجع وندعو بشدة لكسير التلج بمختلف الانواع والاشكال اقتباس:
جاهم دراش التلجة الكبيرة دى وشكلك طوالى بديتى فى برنامج كسير التلج بس براحة علينا بالله |
تحياتى المنصورى والبتقول فيهو انت والطيب دة ما
كسير تلج دة كسير (جمر عديييييييييييييييل كدة) هسة فى داعى يا اخوانا الدنيا عيد وكدة ؟ وسلمولى على الزنطحة والزنبجة والنقرحة والبابوية كمان يا زمرة الصبية ,,,, يا رانيا يا اختى خليك مجهزة تلجتك وما بتندمى والعوجة ما بتجيك, بس ركزى كويس مع نصائح الخبراء فى مجال كسير التلج وبكرة لو سمعنا بيك مديرة كبيرة معناها النصائح جابت حقها |
اقتباس:
اقتباس:
والله ياستهم ممكن اجاوبك بس بعد ما تمري على السكرتاريه وتقطعي نمره .... قولي ليها انا عضوه في دوت نت عشان تخفض ليك وكده .... وبعدين ما تخشي توووش كده بعد دورك يجي ادخلي طوالي .ok؟ |
اقتباس:
منصوري كيفك تعرف يا سيدي الموضوع هنا بختلف شويه . المسائل بقى فيها بزنس واي حاجه بي تمنها وإلا مافي فايده من كسير التلج وكدا ست البنات لو دايره تعرف تدفع كاش او شيك ما نقبل . التعليم هنا بقروش يا بابا. كمان اتزكرت يا منصـ . نظم الشاعرفي هذا الصدد واظنه عوض شكمان والله اعلم اذ قال :- ورب عنطج تنقرح بالبرية ريثما ذهب الزنبوج اليه وحطما وبنات آوى يصحن ربما قتل السبع اباهن ولم يمت من الظماء |
اقتباس:
منو الغبي ..........انت يا حمودي تقتل شنو ..... وتخم الفي الحظيرة كلو اها حبوبتك ما بريئة لكن الايام دي بس شويه كدا ما كانت مواكبة غايتو لو عايز تعمل فينا نعروف ادخل لينا واسطة علشان اخونا الطيب دا بقا صعب لا بعرف تلج ولا ايس كريم قلتا لي عايز خاااااااااااااااص ارفع توصيه للفيفا تهء تهئ تهئ |
اقتباس:
ماشي ياعم الفيفا ( نحن خليناك للخلقك ياظالم ) بالمناسبه ياناس التلج النشادر دي ما كترتوها وبعدين ياالطيب عايز لوح ما بسوح اهم شي (مابسوح دي) عشان عندي كسيرة عايزها تفضل فترة طويلة وبعدين قول لي اكسرها هنا ولا في الفيس بوك ( أنا خيرتك وانت اختار ) |
اقتباس:
صاحب المعالي والفخامة السيد المبجل صاحب الراي الرشيد العلامة العارف الطيب عبدو نسبه لاهميه سيادتكم وانشغالكم بالعلم ومشاكل العباد لم نستطيع الوصول الى سعادتكم اليكم بعض التلج يمكن قلبكم يحن مع شيك بمبلغ 50الف جنيه وشكرا |
اقتباس:
الغاليه ستهم اسمحى لى .... واضح انك جايبه تلجك خالى تكسير وده بخلى ال50 الف جنيه ما ذات معنى انتى كسرى ليهو التلج اول حاجه وبعدين ساعديهو بالشرتيت.... اعملى الخطوات واحده واحده وحتشوفى الحنيه .. |
اقتباس:
احم إحم .... وعليكم السلام تفضلي ...أممممم خمسين الف بس أممممم عضوه بالمنتدى ؟؟ طيب عوضنا الله o.k قال مهدي الله ابكلتشات يا بنتي ( ان الزنبوج هو نوع من الشحارير التي تتفستخ اونحو ذلك ) وقال بن ورقة النبهاني ( انها نوع من الفتاتيق ) وكلا القولين صحيح ايدهم في ذلك سطلانوف بن زندقه .وتطلق هذه الكلمة على اي شخص يختلف مع الاسياد من باب استعراض المعرفة والجخ ولدلالة علي التميز و سعة فهم قائلها ... والله اعلم اما النقروح ( قيل انه نوع من التنابس وقيل ايضاً انه نوع من الطيور وقال حسن بن ابي فاجر بن خرف :- ان النقروح تنبوس له جناحي طائر وارجل نعامه واتفق ابناء جيله بانه مخلوق لا يراه إلا من اليط به وبات مأفوناً . "والعياذة بالله") و يطلق مثل هذه الكلمات كل فاجر افاك علي الاخيار دلالة على ما يختلج في دواخل نفسه من غل وحسد لا يستطيع منه فكاكا يا بنتي . مش كده يا منص أما العنطج دي بنمره خاصه خارج النص الشيك اصرفوا كيف وما عندي بطاقه ممكن تمضي لي بالمعرفه |
|
اقتباس:
تخريمة: من بداية رمضان انا ومرتي نتشاكل في البيكسر التلج منو فينا وانا أقول ليها دة شغل حريم وهي تقول لي دي شغلة الرجال .... يا ناس افيدوناا عشان نحسم الخلاف ونحقن الدماء. تخريمة تاني: لو واحد كسر ليك تلج كثير كدة وانت اصلا بردان وفقران وما عندك أي سبب تعمل ليه شنو؟؟؟؟ أفيدوناا عشان الناس اللي بتضيع في وقتها تكسر لي ناس تلج ما محتاجينه يفهوا حاجة. تخريمة تالتة (والله آخر واحدة): الطيب عبدو جنس شرحك لي ست البنات ممكن يتسبب في اقامة الحد مش تأخد عليه حمسون جنيه وكمان بالنمر؟!!!!! |
اقتباس:
|
اقتباس:
واتخيل لي يا منص حقوا تكسروا هنا . هو انحنا سألين في الـface book |
| الساعة الآن 04:09 PM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
