|
فرفشة وانتعاش على الماش
بسم الله الرحمن الرحيم
واحد كتب خطاب لصديقو بالانجليزى dear friday عزيزي جمعه when I was in the market elataba first yesterday i saw a piece of girl اول امبارح وانا ماشي في سوق العتبة شفت حته بنت she was egg and sweet بيضه وحلوه i said: ya earth keep what on youانا قلت: يا ارض احفظي ما عليكي a hundred evening on your eyes ya beautiful ميةمسا علي عيونك يا جميل she said : poisonقالت : يا سم i said : poison from your hand is poison poison ya moon قلت : السم من ايدك يبقي سمسم يا قمر she shouted in me : yes yes your mother soul. صرخت : نعم نعم يا روح امك do you remember me one of them أنت فاكرني واحده من اياهم collect your self or i will collect the street on you ya boy any talk لم نفسك ولا الم عليك الشارع ياااااااا ولد اى كلام the girl entered my brain البنت دخلت دماغي i said : why like this ya daughter of people قلت : ليه كده يا بنت الناس i want you on the book of god and his profit انا عاوزك علي سنه الله ورسوله the boon on me i write my book on you tonight نذر عليا اكتب كتابي عليكي الليله she laghed and said on your slow on your slowضحكت وقالت: علي مهلك علي مهلك write the book one piece? not talk on me first تكتب الكتاب مرة واحده؟ مش تتكلم عليا الاول(يعني تكلم أهلي) i shouted: i die in the cream ya thousand whites morningزعقت: اموت في الحلاوه يا الف نهار ابيض i am going to talk on you right now and writ my book on you انا رايح أتكلم عليكي حالا واكتب كتابي عليكي it is all my talk with her دا كل كلامى معاها bye friday مع السلامة جمعة your brother good اخوك حسن @منقوول مع تعديل طفيف جدا |
واحد بخيل ومستهبل
واحد بخيل ومستهبل دخل المطعم طلب اطيب الطعام وبعد ما ضرب تمام دخل ايدو فى جيبو طلع ليهو ضب رماهو فى باقى الاكل فى الصحن ونادى الجرسون وقال ليهو بزعل دا شنو؟ الجرسون اعتذر ليهو شديد وقال ليهو خلاص امشى ما تدفع مشى الماسورة اغسل ايدو لحقو واحد اظهر كان مراقب الموقف ومستهبل زيو قال ليهو ما عندك لى حاجة افطر بيها ؟ قال ليهو ما عندى غير ابوجندب عائز اشرب بيهو شاى |
بسم الله الرحمن الرحيم
ما مهم والمهم[وصايا زول مادى] لو فريقك قرب إطير وموقفك اصبح خطير مامهم المهم ابقى المال عندك كتير لو من السفر بقيت محروم وكترت مصايبك والهموم مامهم والمهم الفلس ما ابقالك توم ولو عيونك جافاها النوم وبقيت تحسب فى النجوم مامهم والمهم تبقى عندك قروش ردوم ولو بقيت مجنون عديل وعلاجك اصبح مستحيل مامهم والمهم ابقى جيبك بس تقيل لو الدنيا بقت مشاغل والمفعول بقى فيها فاعل ما مهم والمهم تحفظ فلوسك وتبقى عاقل ولو الدنيا جارت عليك وما عرفت انت البيك ما مهم والمهم ابقى تعاملك بس بالشيك لو تعاندك يوم ظروف وتنسى اسمك والحروف ما مهم والمهم تبقى غنى والناس تشوف لو قالو عليك مادى شديد وسلامك بقى من بعيد ما مهم والمهم ما تبقى زى فار المسيد ولو الدنيا بقت ماسى وحياتك زى لعبة كراسى ما مهم المهم تبقى مرطب وزول اساسى لو شعرت عائز تموت والناس راجية روحك تفوت ما مهم والمهم حساب دفاترك اكون مظبوط |
بسم الله الرحمن الرحيم
واحد مسطول جد معاهو ضيوف وكان كل ما يطلب حاجة بنادى زوجتو مرة يا ملكة ومرة يا اميرة ومرة يا استاذة ومرة يا رفيقة ومرة يا ام على ومرة يا ام احمد واحد من الضيوف سألو مزوج ليك كم سنة؟ قال ليهو عشرين سنة الضيف قال ليهو يا سلام عليك انت بتقدر وتحترم زوجتك شديد المسطول قال ليهو تقدير شنو واحترام شنو راح منى اسما بس !!!!!!111 |
بسم الله الرحمن الرحيم
واحد مسطول جد معاهو ضيوف وكان كل ما يطلب حاجة بنادى زوجتو مرة يا ملكة ومرة يا اميرة ومرة يا رفيقة ومرة يا ام على ومرة يا ام احمد واحد من الضيوف سألو مزوج ليك كم سنة؟ قال ليهو عشرين سنة الضيف قال ليهو يا سلام عليك انت بتقدر وتحترم زوجتك شديد المسطول قال ليهو تقدير شنو واحترام شنو راح منى اسما بس !!!!!!111 |
مسطول خطب خطبة جمعة بعد انتهي سأل صاحبوقال ليهو رأيك شنو في الخطبة ، قال ليهو كويسة بس عندك ثمانية أخطاء :
1- المنبر عندو سلم ما كان في داعي تتلب وتقع . 2- السجارة البين الخطبتين دي شنو ؟ . 3- ابو لهب صاح كان كافر لكن ود الكلب دي ما كان في ليها داعي . 4- اتفاقية نيفاشا ما كانت في صلح الحديبية . 5- معركة الاربعين ميل ما كانت في زمن الصحابة . 6- امية بن خلف صحي باع بلال بن رباح لكن ما لناس برشلونة . 7- ما حصل سمعنا بصحابي اسمو تامر . 8- أخيرا ( ايد على يد تجدع بعيد ) دي مثل ما بيت شعر منقووووول |
بسم الله الرحمن الرحيم
@واحد مشى زيارة لاهل المحبوبة وبعد الزيارة خاطب محبوبته قائلا: جيتكم زيارة وكان قصدى بس نتعارف ابوك يا الملاك معايا جد اتظارف قال لى السعادة لما القلوب تتوالف عليك الشورة تمت ما فينا زولا خالف @التانى بعد الزيارة خاطب محبوبته قائلا: جيتكم زيارة وشائل معايا هدية قلت ما بمشى للمحبوبة فاضية ايديا نقة امك كرهتنى عدييييل الجية ما انتظرت البارد فرتقت مرقنى بس كرعيا |
سم الله الرحمن الرحيم
مجادعات{العرس} ملطوووش من منتديات كورة سودانية بين الدكتور البق بوص المغترب بلندن وجيها وود عباس والاستاذة الساهرة @الدكتور البق بوص ودعباس اخوى انا اخوك وصاحبك البق بوص محتار فى الغربة......يا خوى شوفلى عروس تكون بشلوخا وبتعرف المفروكة وكمان بتعوس تسكن معاى فى عشة فيها نورنا بالفانوس @ود عباس الدكتور اخوى شايفك بالعرس بقيت مهوووس لو جادى فعلا.....وعندك طموح ملموس بلقالك عروس فى ام تكشو بتدى دروس بتنور بام ضنيب وهدامك فى السحارة هناك مدفوس @جيها ود عباس اخوى عرسنا اصبح قاسى وفى الشارع الكبير النقة فتلت راسى {اها بتعرس متين اها بتعرس متين} لا لقيت الشلوخ ولا طرحة فوق الراسى فتش لى معاهو ما تصهين وتعمل ناسى @ود عباس جيها اخوى لو من موضوع العرس بتقاسى الواحد جد بحن عليك وتستاهل ليكا يواسى بلقالك عروس مسنة واحدة بايركسى اساسى سنة سنتين وتحتفل بعيد ميلادا الماسى @الدكتور البق بوص ودعباس اخوى فى عرس ام شلوخ لازم نسوى طقوس بفركة القرمصيص ترقص... ويكون المكان محروس الكركار جميل بزيد الشعر والكريم بسوى الشعر مهروس وام تكشو لذيذة ومشهورة وكمان مكتوبة فى القاموس @ودعباس الدكتور اخوى هاك كلام مخصوص هناك قطع الرحط مباراة فاقدة كؤؤس وباللورى سيرتك معاك خلق كتييير مدفوس وعروسك ام بخوت احلى من ناس رشا وشموس @جيها الدكتور اخوى طلب بسيط من بلاد برة وعارفك زول كلس ما بتخذلنى قط مرة طلبى ما عائز فلوس ولا بسبب ليكا مضرة عايزلى خواجية عروس تكون لام العيال ضرة @الاستاذة الساهرة حروفكم جميله زى شجرة زاهيه اوراقا وزى زهور ترقص وزايده فى اشراقا وزى عصافير تدندن واطربت اذانا وارواحنا انتشت وانا من كلماتكم جد حائره ويا ود عباس شوف للدكتور عروس بايره بتعرف تعوس الكسره وتكون مشلخه واسمها فاطنه ولـ جيها مواصفاتك دى اكيد مناسبه |
كل عام وانت بخير وعافية
|
بسم الله الرحمن الرحيم
أبا القنفد تعال!!! ابا القنفد تعال وشوف براااك احوالنا عايزنك تحن تظارف تريح بالنا نفارق الفلس وتكتر فى الجيوب اموالنا ونرطب شديد ونحقق كل آمالنا ابا القنفد تعال عشمنا فيك كبير الكل فى انتظارك وبرحب بيك كتير تفرق للهموم ولاحزانا انت تزيل والكل انبسط وما يكون هناك فقير ابا القنفد تعال اسمع كلامى الجد تعبنا شديد خلاص وصلنا الحد كملنا الصبر لمن صبرنا نفد اياك الامل قبال بنانا انهد ابا القنفد تعال وشوف الحالة البينا بؤس وشقاوة حالتنا بائسة وشينة غرقانين فى الفلس من رأسنا لى كرعينا واملنا الوحيد بس تحن شوية علينا |
بسم الله الرحمن الرحيم
هترشة...فى الزمن العجيب فى الزمن العجيب الناس اشكال والوان واحدين مرطبين وآآآآخر وجاهة كمان وواحدين مقشطين والواحد طول الوكت زهجان وملعون ابو القرش البقسم الناس كيمان فى الزمن العجيب البنات بتحب بس جيبك لو كت مرطب ما فى واحدة بتمشى تسيبك ولو كت مفلس بتشوكش وبكتر بكاك ونحيبك وحتى البايركس ما اظن تكون فى نصيبك فى الزمن العجيب تعالوا وشوفوا السوق اسعار فى السماء وطالعة دوام لى فوق وباعة السلع لا ادب لا ضمير لا ذوق والحال يعلمبو الله البصبر المخلوق الزمن العجيب اضرب منو ياخى طناش وما تهتم كتير لو اصابك منو يوم رشاش التقييم بالفلوس ومسكين عديم الكاش والشيخ ابودقن عاااادى اكون غشاش |
بسم الله الرحمن الرحيم
الدكتورة الملاك مكملة الادب والحشمة والشىء العجيب فى كلاما روعة وحكمة بتعالج المريض الراقية بس بى بسمة والمحظوظ يمين ترميهو فيها القسمة @المحامية نجلاء محمدين قالت: المحامية بنية بالعفاف مكسية واعية وبت ملوك بالادب محمية تدافع بي مهل وبتكسب اي قضية تواجه للصعاب بهمة وعزيمة قوية قدام القضاء هيبة وشموخ شخصية @وعن المعلمة بقول: معلمة الاجيال عاجبنى فيها النشاط والهمة مخلصة فى العمل دوام تقصد براءة الذمة وفى الذوق والادب وصلت عديييل القمة ومع حريم النميمة بتتحاشا القعدات واللمة @وعن المضيفة قلت: المضيفة الانيقة شابة وقورة رزينة وكل البعرفوها قالوا عليها طيبة حنينة بتتعامل بى رقى انسانة صادقة امينة بت العز والاصول ما بتدى كليمة شينة |
بسم الله الرحمن الرحيم
سائل الكريم سائل الكريم البراهو عارف احوالنا فى الدنيا نسعد وارتاح بالنا ونفارق الفلس وتكتر فى الجيوب اموالنا ونرطب شديد ونحقق كل آمالنا سائل الكريم وعشمنا فيو كبير من عفوهو نحن نلقى كتير افرق هموم كل كبير وصغير والكل انبسط وما يكون هناك فقير سائل الكريم لينا اعجل بالمدد تعبنا شديد خلاص وصلنا الحد كملنا الصبر لمن صبرنا نفد واياك المغيث قبال بنانا انهد سائل الكريم وليهو بشكوى البينا بؤس وشقاوة حالتنا بائسة وشينة غرقانين فى الفلس من رأسنا لى كرعينا ومنانا رحمات ربى من فوق تنزل فينا |
| الساعة الآن 05:57 PM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010