بكري حاج احمد 09-15-2010 09:10 PM شوفي الزمن يا يمه   بحر المودة الكلمات للشاعر محمد سعيد دفع الله الغناء للفنان محمد جبارة http://www.youtube.com/watch?v=P2R5gQv47fE شوفي الزمن يا يمه ساقني بعيد خلاص جرعني كاس دردرني اتغربتا واتعذبتا يا يمه وريني الخلاص يا يمه يا نور الصباح وكتين يطل يا يمه يا بدري البيشع دايما بيهل يا يمه يا فيض الحنان الما كمل وآآ شري يا زينوبه ولدك في دروب الشوق كتل محروم من الحب والمحنه وراك همل يا يمه يا نغما حنين بالشوق يرن وافكاري فيهو بيرتعن دمعاتي تاني بينزلن بيتذكرك يا يمه في الدقش النسايمو يهبهبن قايمي الصباح متكفلتي شايله الحليلي علي المراح جبتي اللبن بي انشراح والساعة ديك يا دوبو ديكنا بدأ الصياح والطير صغارو بيغردن بيتذكرك يا يمه في ساعة الهجير صالاكي نار الدوكي عستيلنا الفطير رشيتي قلتي اكلوهو خير بيتذكرك يا بسمه الطفل الغرير وقت الخلوق ترقد تنوم بسهر برايّ مع النجوم والشوق يرف جنحينو بي فوق ليّ يحوم اهتف باسمك في الخيال طيفك كمان من فوقي جال اتمني لو لحظات يدوم لكني فجأة القاهو زال يا يمه يا بحر الموده وقت يفيض يا يمه يا شمعه امل زادت وميض بيتذكرك لما الناس يجونا من البلد ناعم ترابها علي هديماتن رقد ريحة التمر فوق الهدوم ريحة الخضار خانس لبد بيتذكرك ساعة الناس يقولو راجعين البلد رصوا الهديمات عدلوا ركبوا اللواري وقبلوا خلوني وحدي بلا انيس كيفن فراق اتحملو لمن يجوكي ويقولو ليك شفناهو في بلد الامان يا يمه رسلي ليّ عفوك ينجيني من جور الزمان

Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010