|
يبكى الليل ويدلق في جداولو دمع ؛؛؛؛؛؛؛؛؛؛؛؛؛؛؛؛؛؛؛؛؛؛؛؛
http://www4.0zz0.com/2011/03/17/15/152132206.jpg اسماعيل حسن بلادي أنا بلاد ناسا في أول شئ مواريثهم كتاب الله ، وخيل مشدود، وسيف مسنون حداه درع، وتقاقيبهم تسرج الليل مع الحيران وشيخا في الخلاوي ورع وكم نخلات تهبهب فوق جروف الساب وبقرة حلوبة تتضرع وليها ضرع ،،، وساقية تصحّي الليل مع الفجراوى.. يبكى الليل ويدلق في جداولو دمع يخدر في بلادي سلام .. خدرة شاربي موية النيل .. تزرد في البوادي زرع بلادي أنا بتشيل الناس وكل الناس وساع بخيرها لينا يسع، وتدفق مياه النيل علي الوديان بياض الفضة في وهج الهجير بتشع،،، بلادي سهول ،،بلادي حقول،، بلادي الجنة للشـافوها ،أو للبرة بيها سمع ،، بلادي أنا بلاد ناساً تكرم الضيف وحتى الطير يجيها جيعان ومن أطراف تقيها شبع ،، بلادي الصفقة والطنبور ،، وبنوتاً تحاكي الخيل ،يشابن زيي جدي الريل، وشبالن مكنن في طريفو ودع ،، بلادي أمان ،،بلادي حنان،، وناسها حنان ،يكفكفوا دمعة المفجوع ، يبدوا الغير علي ذاتهم ، يقسموا اللقمة بيناتهم ، ويدوا الزاد ،حتى إن كان مصيرهم جوع ، يحبوا الدار ، يموتوا عشان حقوق الجار ، ويخوضوا النار عشان فد دمعة ،، وكيف الحال كان شافوها سايلة دموع ؟؟،،،، ديل أهلى.. البقيف في الداره وسط الداره وأتنبر وأقول للدنيا ديل أهلي عرب ممزوجة بي دم الزنوج الحارة.. ديل أهلي ديل قبيلتي لما أدور أفصل للبدور فصلي.. أسياد قلبي والإحساس وسافر في بحار شوقم زمان عقلي أقول بعضى.. ألاقيهم تسربوا فى مسارب الروح بقو كلي محل قبلت ألقاهم معايا معايا زي ضلى لو ما جيت من زي ديل.. كان أسفاي.. وآمأساتي.. وآذلي.. تصور كيف يكون الحال لو ما كنت سوداني وأهل الحارة ما أهلي |
حقيقة يا د. منصور امكن انا مبهورة في الصورة وفي جمالها اكثر من عشر دقائق
والله أعتز بإني انا افريقي وانا سوداني مشكور يا دكتور علي اللوحة المبدعة http://www.youtube.com/watch?v=2rd3aUpDhgs |
ياسلام عليك يادكتور
صورة جميله جداًً جداً |
الأخت العزيزة هنوية /سلامات /مشكورة على المرور والتأمل فى هذه اللوحة الجميلة للسودان المصغر مدينة الخرطوم , وشاعرنا الكبير أسماعيل حسن فى قصيدته ذكر ـ كتاب الله كرمز للعبادة وذكر الليل ـوخدرة شاربي موية النيل ـ وكلها موجودة فى هذه الصورة الجميلة.
|
[quote=ابوعمر;168619]ياسلام عليك يادكتور
صورة جميله جداًً جداً. العزيز أبو عمر متعك الله بالصحة العافية . لك ودى. |
يا سلام عليك
|
[quote=كركراب;173299]يا سلام عليك.
الأخ العزيز كركراب / مشكور على المرور. لك التحية والتقدير. |
لك التحية اخ د . منصور بس الصورة جميلة والقصيدة اجمل وبتقلب علينا المواجع ومشكور
|
[quote=كركراب;173662]لك التحية اخ د . منصور بس الصورة جميلة والقصيدة اجمل وبتقلب علينا المواجع ومشكور.
مشكور العزيز /كركراب، ربنا يمتعك بالصحة والعافية. |
|
| الساعة الآن 08:14 PM. |
Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010