منتديات الحصاحيصا نت alhasahisa

منتديات الحصاحيصا نت alhasahisa (http://www.alhasahisa.net/vb/index.php)
-   «۩۞۩-منتدى الادب والثقافة-۩۞۩» (http://www.alhasahisa.net/vb/forumdisplay.php?f=11)
-   -   انت لى (http://www.alhasahisa.net/vb/showthread.php?t=20821)

نبيل حامد 04-26-2013 07:36 AM

انت لى
 
ومهما عمر السِكة طال

وأيامو صِبحت ما وفية

راح نلاقي بعضنا يوم

والرِيدة لِسع هِيَ هِيَ

دي الشمس لو طال غيابها

ما بتقصد تابي تطلع

بس بتتأخر شويَة

والبيغشى الصيَف ديارُم

ما بييس كلْ خدارُم

برضو راح تغشاهُ نسمة

وتُصبح الأوراق ندية

دا الخريف بيفوت وبِرجع

والنسايم موسمية

إنت يا العزَ المكمَل

إنتِ ليَ

وياتو غيرك بِفضل أنضر

بِفضل أجمل

لامن العمر المفرهد

يجفى ناسو و يبقى يرحل

والمشاعر تبدا تكمل

ياتو غيرك؟

ما العمر في يوم بيرحل

والمعزَة الفي الضمير

لو ما بِقت بي حُسن نية

ما بتكون الذكرى حية

إنتِ يا راحتي و أماني

إنتِ لما أجيك باكي

تملى عيني الأماني

وتبدا تسرح بيْ معاكِ

وابدا أرحل بحناني

وابقى جنبك طول زماني

مين بيستاهلني غيرك؟

وغيري ياتو قدر هواكِ؟

إنتِ يا سعدي وهلاكي

إنت ليَ

يلا غني وقولي ليَ

أنتِ ليَ

عبدالقادر مدني 04-26-2013 09:38 AM

شكرا أخي نبيل على نقل رائعة الاستاذ عز الدين هلالي أنه نقل موفق

بنت أمها 05-17-2013 01:37 PM

يا لها من كلمات ... وربنا يحقق صدق النية عشان كل الحاجات تكون جميلة ومحسوسة


الساعة الآن 10:29 AM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010

vEhdaa 1.1 by NLP ©2009