منتديات الحصاحيصا نت alhasahisa - عرض مشاركة واحدة - تحت النيمة ( ضل وريف تحلو فيهو الونسة المفيدة )

05-13-2015, 07:34 AM

حبيبنا الغالى ود الحصاحيصا :

دايما بتفائل بتواجدك واطلالاتك الطيبه ..

وضل النيمه كبير وظليل ..

وتحت النيمه تحلو القعده والدردشه .. ( حبيت يكون ضل النيمه هنا للدردشه والاستفاده من بعض ) ..

ومداخلتك بتحمل لب الغايه من البوست ...

اقتباس:

المشاركة الأصلية كتبت بواسطة ود الحصاحيصا

بس ياريت زى ما وريتنا ننكت رابط الفلاش تورينا ننكت رابط الصور من بين الاكواد الكتيرة البتظهر لينا مرات وخاصة لما تجى تحفظ صورة من الفيس بوك او بعض المواقع وما يديك خاصية حفظ الصورة لما تعمل كليك بالزر اليمين

ولاااااا تغيب

بعون الله يا غالى نتطرق للموضوع ده ضمن لمتنا هنا ..

ويا ريت كل زول عندو مهارة او تجربه او طريقه نقدر نستفيد منها

يا ريت ما يبخل بيها علينا ..

خارج النص :

قبل ايام كانت رحلة العودة الى ارض الطفولة ومرتع الصبا

الحصاحيصا العامره بجمال وطيبة ساكنيها ..

قدمت لها بعد غياب لاكثر من خمسة عشر عاما .. عن طريق الخرطوم رفاعه ..

على امل ركوب البنطون .. ( واستعادة ايام الصبا حينما كنا نلهو بالركوب عبثا للتمتع بجمال ونسمات النيل ) ..

قدت السيارة عبر الخرطوم مرورا برفاعه تسبقنى اشواقى لاحباب واصحاب قابعين فى وجدانى ..
نقرتين لعرض الصورة في صفحة مستقلة

,,,

وصراحه ..

تفاجئت بالتطور الرايع باستبدال البنطون بجسر يربط ما بين رفاعه والحصاحيصا ...

ولكن برغم اعجابى بالجسر المتطور ..

الا ان بالنفس حسرة على اختفاء ( البنطون )

نقرتين لعرض الصورة في صفحة مستقلة

وزكاريات طفولتى وبواكير الصبا تعشش بين جنباته ..

وحننت لايام مضت بحلوها ومرها ..

واستبدال البنطون الذى كان الوسيلة الرئيسيه للتواصل بين ضفتى النهر ..

نقرتين لعرض الصورة في صفحة مستقلة

ولكن ..

يبقى التطور وبناء الجسر طفره تستحق الاعجاب ..

كسرة :

طرطشات كلام سمعت انو الجسر برغم حداثتو فيه عيوب قد تلغيه لاعادة تاهيلو !! نقرتين لعرض الصورة في صفحة مستقلة

عموما ..

مجرد اجترار زكريات

وعودة لمواصلة المسير ..

ونشوف مع بعض بعد ما لطشنا الرابط بتاع الفلاش

كيفية الاستفاده منه ووضعه كخلفية صوتيه بدون ضهور صورة البطاقه الفلاشية

وابقو قراب