الـجـايـة مـن الـسـمـا ؛
قاعد وحيد سارح براي
هما تقيل شاغل رويحتي مِقلِّقا ،
جاتني تقدل بي فد رجل
والتانية من عرقوبا معلقا
قاتليا كيفنك عشاي ،
داعيالي أسعد والمعاي
تسلمي يا الطيبة ،،
،، تعالي جاي
انت الفضيل قعدت حداي ،
جاياك في أمرا عجب
لوما الغبن يا الغالي
ما قولا بعيدو وينقلب
وداني الوجع لي حكيم
أُمو داعيالو بالخير والنعيم
لكن رويحتو محرقا ،
وما اظنو يوم عرف الصبر
لا شاف صبر لا ضاق صبر
مشغّولّو بي شيتا كُتُر
وكنين احكيلو بشويش
يقلب عويناتو يبحلقا
وما يرد عليك ،
قتلو يا وليدي موجوعة
والنوم عيوني مفارقا
علي بلدا كمل
خيرو ونعيمو
وناسو بالهم تعيسة مقلقا
والزمة مرقت للتلاف
والمال غسيل
والبيع ربا
والحال ما هو الزمان
حتي المكان عرف الشقا
والشين باقي زين
والحكمة من قول السفيه بِنعدِلا
وصدق البقول
الجاية من السما
ما ليها غير الواطة بتحملا
( من خاص كلامي )
" المحجوب "
( ح ص 14 # 9/ 6 )
|