تمساح ياعزيز زمان في رمضان من الرمضانات ماشين مسجد الحلة الجديدة نصلي فيهو التراويح المهم الزمن مضايق وشادين الخطوة نصل قبل اقامة العشاء واذ بنا نفاجأ باحدهم طالع من احد البيوت اياها ولابس جلابية ومغطي بالعمة وشو فيا عزيزي رغبة البحث عن فضيحة كانت اقوي عندنا من اداء الصلاة تابعنا الراجل من شارع الي شارع الي ان اقيمت الصلاة وانتهت واقيمت التروايح ونحن وراء الفضيحة الاحزننا يا ياسر في النهاية الراجل كشف عن وجهو واكتشفنا اننا ما بنعرفو والاغرب كان حزننا علي انو ما بنعرفو هو الانطباع الاتوجد عندنا واتعدم تماما فينا اننا نفرح انو ما طلع واحد من معارفنا عصي الله في احدي ليالي رمضان والاغرب يا تمساح ما حسينا بغضب تفويتنا الصلاة للبحث عن الفضيحة بمعني يا تمساح ممكن عادي واحد تلقاهو سبة ليك مية مرة لانو اشاعتك طلعت بيش وما انبسط لانو في واحد من معارفو طلع براءة من فضيحة وسلم منها .. ولك الود
|