وعلشان حبايبنا المريخاب ما يزعلوا نبدا بواحدة عن الهلال

واحد هلالابي بعد اليوم المشئوم بتاع ميزمبي ......

خمسة دي بقت تجيب ليه خمة نفس ورجفة .... اليوم داك الوليه شمتانه فيه

تلاقيه عليك الله اخطف لينا خمسه عيشات من الدكان ... يخلي الاكل ويطلع من البيت

تحرش الجارة تقيف تنادي لمرتو ... عليك الله كان عندك بصلة ناوليني خمسة بصلات لما يجي ابو العيال

ولدوا يجي جاري عليه يابا الليله جبت خمسة من خمسة في الاملاء

ضاقت بيه الحال قال يمشي يلق ليه بيض برااااه ويختى الوليه لقى الجدادة راميه خمسة بيضات

قعد يطنطن مرتو سمعتوا

قالت ليه مالك ياراجل قال ليها يعني الجدادة ما تبيض خمسة بيضات الا الليلة

ما كل يوم بترمي واحدة وبالتيلة

قالت انت ماعارف

انا امبارح ما اشتريت لي ديك كنغوولي



..