عندي كــلمة
عندي كلمة أحب أقولا عن مصيري وعن مصيرك
إيه كسبتي بعد فراقي بالألم اتعذب ضميرك
ما لقيتي بلاي سعادة وما قدرت أحن لغيرك
انتي لو ضحيتي زيي في سبيل مبدأ وفكرة
لو وقفتي تشدي أزري لما كانت عيشتي مرة
كنا نتخطى المصاعب ننتصر في العمر مرة
بس هجرتي تركتي قلبي بي جفاك بقيتو جمرة
ما صبرتي معاي شوية ما رضيت أتخلى عنك
كنت أقوى من الأعادي أقوى من شكك وظنك
احتفظت بي وعدي ليكي ما التزمتي بكلمة منو
دي النهاية بقت خصومة اشكي ظلمك واشكي همي
|