استاذنا الكبير ازهري
واخواني واخواتي واولادي في المنتدا
صباحكم زين مع الجو الخريفي الجميل
ورغم انو الجو جو قيس وليلى عدييل كدا .....لكن علشان ماتبقا سخانة بوست وجو
.....................
والله قبل كل حاجة يا حمدي يا ولدي حبوبتك محجبه... وبحب الحجاب الاسلامي
وادرك تماما انه فرض زيو وزي بقيه الفروض المفروضه وانه امر رباني
نمسك البنطلون
قلت المسالة ما مساله مجتمع ولا تقاليد مسالة شرعيه
طيب لو من ناحيه شرعيه
البنطلون في حد زاته كلبس اذا كان ساتر ماهو عيب النساء في الباكستان بلبسوا
اللبسه الباكستانيه المعروفه عندنا كلنا وبجوا بيها الحج وبدخلوا بيها الحرم وبطوفوا بيها
وبعملوا بيها الشعائر الدينيه ..........
طيب لو كان ما محتشم او ما ينطبق عليه شروط اللبس الشرعي
وفرضا انو الاستاذة لبنى كانت كدا .....
ومعليش للتخريمة
وانا بشوف في اليوتيوب لتسجيل في قناة زول للفنانة ندى القلعة ومعاها واحدة
حبشيه والله جنس جبجبه ولبس كباري بس ودا ما على مستوى قناه
شوف الشارع
شوف الجامعات
شوف الحفلات والنوادي
ما يا تبقا دغري وتطبق علي الكل والتحيه ليك
ويا دا يبقا ظلم انك تقيم القانون على ناس وتسيب ناس
ويا سبحان الله ربنا لما جعل الخساب بالنوايا علشان ما تتلبس الناس الدين لاغراض اخرى
والواحد لو قدر يغش الناس ما بغش رب العالمين
التطبيق في الشرع اساسو العدل
والعدل انك لما تطبق امر تطبقوا على الكل او ما تطبقوا عليهم
المصيبه مافي لبنى لانها صوتا مسموع
المصيبه ممارسات زي في زول ما يستجرا حتى يقول اه
وفعلا عبدالرحمن منيف كان عندو حق لما كتب شرق المتوسط
لانو فعلا اصبحت السلطة سيف مسلط علي الرعيه بدل ما يكون السيف البحمي
الرعيه
وتحياتي جدا
|