للأسف لا يشرفني الانتماء اليكم....سأغادر.........الوداااااااع

بسم الله الرحمن الرحيم
في البداية أعتذر إخواني وأخواتي على الموضوع وفي الحقيقة ما كنت لأكتبه
ولكن الموضوع زاد عن حده وفااق ما أطيق احتماله ... فلم أجد نفسي إلا أن
أمسك كيبوردي وأرص الحروف وأخط لكم هذه الكلمات ... وحاولت مرارا أن
أحل الموضوع ولكن يبدو لي أن حبال الموضوع متعقده ولن تحل بجهودي أو
جهود بعض ممن أعرفهم .. فلهذا أعلن أنــــي وللأسف الشديد
ســــوف أترككم إلى غير رجعة .. وكم يؤسفني هذا ولكن لم يبقَ بيدي
حل آخر ...
قمة الهرااء والتفاهة والانحطاط الأخلاقي وهذا دليل على سوء التربية
فأنا أعلنها أمامكم أنه لا يحق لكم أن تفخروا بأنفسكم .. فأنتم كالأنعام بل أضل ..
فعلا إن عقولكم أتفهُ من أن تسمى عقول .. إن الإنسان منكم لم يعد يعرف ما
هدفه من الحياة .. فكل ما يفعله هو أكله وشربه واصطياد الفتيات السذج
للأسف ..
ونرى قادتكم وزعمائكم والمشرفين عليكم هم أولكم في الطريق ...
فكل ما أقوله هو إن كان صاحب الدار بالدف ضاربا فشيمة أهل البيت الرقص ..
يا للأسف ... أنتم أناس ليس لكم مبادئكم ولا حتى أهدااف تسمون لها
وتحصلونها في المستقبل .. أنتم تتخبطون في هذه الحياة ولا ترسمون لأنفسكم
مستقبلا زاهرا ... فهل إذا جاء وقت الصلاة يخرج من هذا المكان إلى المسجد
صلاة الفرض ... يا للأسف ... هذه هي حالكم هذه الأيام ... وإني لاقول
أنها بداية النهاية ... فقد دنوت ساعة الصفر ... وقرب موعد الرحيل من هذi الدنيا
الفانية إلى دار لا تفنى ..
وبما أن هذا الهراء والجنون والطيش في هذا المكان فلا مكان لي عندكم ...
ولا حتى بينكم .. فأنتم وصمة عار في المجتمع وإساءة صريحة نعم سوف أترك
هذا المكان ومعي عدد من الأصدقااء الذين يوافقونني المبدأ أوالتفكير
والهدف ... سوف نترك مكانكم وفي الحااال ...
.
.
.
.
.
.
.
.
.
.
.
.
هذا الموضوع كتبه أحد الكفار الأمريكين بعد اعتناقه للإسلام
بحمد لله ...
وكان يوجهه لمجموعة من الكفار الذين كان يسهر معهم على
الجنون والطيش..

ودالامتداد يا زول مالك عايز تقطع قلبنا نحنا بقينا نقرأ ونتلفت يا ربي سوينا شنو نحنا ، بس البركة الجات في الامريكان والجات في الامريكان سامحت ابناء السودان ، ياخي الدنيا رمضان والناس علي اعصابه هسه لو الواحد قفل الموضوع بدون ما يخلصو للنهايه واخد عنك فكرة سيئة اها وقتها كيف حتكون الدباره .
وتشكر علي الكاميرا الخفيه والجدعات الحلمنتيشية .

ياود الامتداد والله سيحته ركبنا ياخى

عموماً مشكور وقايتو ربنا يوفق الجميع

رمضان كريم تصوم وتفطر على خير
ا

يااااااااااااااااخ
مبالغه لاكن
بس فى جزءو من النص بنطبق على جزءو من الناس
ومشكور على هذاااا

حبيبي الغالي ود الامتداد والله ركبي ساحت وقلت الولد شاف فينا شنو وعلي طول فكرت اشحن هاتفي رصيد واتصل عليك وطبعا قبل ما اعرف الحصل شنو فكرت ارجعك لمنتدي الحصاحيصا التي اخترت احد احيايها اسما لك
الحبيب ود الامتداد كم انت رائع وموضوعك جميل جدا وهذا الاسلام وعظمته وكل من جاء له انسان بعد كفر يحس بهذه العظمة
سلامي لك و للوالد والوالدة وكابيلا والامورات

استاذ عمر الشاذلي

واللـه تسلم على المرور النورني واللـه

ورمضان بيقولو الناس المقضينو نوم ما زي الناس البيكونو تعبانين وصاحيين

يعني انت بدل ما تكون اعصابك مرخيه نشجها شويه كده عشان الحسنات تزيد :d

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ

استاذ معتز عثمان سلامة ركبيك

ومشكور على المرور وانشا اللـه كل رمضان تامين ولامين

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ

ولد حي العمده ؟؟!!!

يا زول لو عندك اي حساسيات مع اي زول في المنتدى

انصحك بي انك تمشي لي المنتدى بتاع الشكاوي عشان نرفع المنتدى

وتسلم على المرور النورنا وما عدمناه يا رب

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ

استاذ كمال الغالي

سلمت ركبك و المنتدى الحمد لله ما فيهو غير الخير و اللمه الحلوه

ودايما يا رب يكون فوق وتدوم اللـمه دي ويا عم كمال انت الوحيد المسكتا الموضوع من حبلو

رنو هدفو اول شي انو الناس يعرفو عظمتا الاسلام وانا حبيت اقلب الكلام يعني اخلي كاتب الكلام تحت

عشان المقلب ده

وسلامي وشوقي ليك و شغفي لي حمل التيمان الجداد ربنا يحفظهم ليك ^^

ود الإمتداد لك التحية يا عسل
ما غريبة إنك تكون طالع بالفهم والعقل ده ، لأنو أبوك راجل في قمت الإحترام والفهم
وبرضو ا بقولوا الود خال ( خالك بتاع الشرقية ) مع إحترامي لجميع خيلانك
ويا ود الإمتداد ما عاوز تقنع لينا ناس الحاجة ديل يشاركونا المنتدي

اول شي تسلم على المرور النورني

وتاني شي انت جادي ؟؟!!

حاجة شنو تخش النت ديل اهل العوض

وبيني وبينك ما عارف جات اخت الخال هيثم كيف :p

ههه ومشكر تاني مره على المرور ^^

لاحوله ولا قوة الا بالله ياود الامتداد
والله راسى بقى يودى ويجيب واذبهليت
فى شنو والحاصل شنو لحدي ما جانى صداع
بس احيك على الموضوع الجميل دا
واعز الله الاسلام دائما وابدا
وتاني لك التحيه



تخريمه
حااكون طالباك حق بندول وكباية شاي كاربه

الغاليه رهاز

واللـه انا حارد على التخريمه

ما تغلا عليك لانو انا العملتا ليك الصداع

لكن انا برضو طالبك حق الظن فيني وكلكم مشكتو الموضوع من بدايتو p:

ونسيتو النهايه

وتسلمي على المرور وانا حافتتح ليكم كوفي في المنتدى تشربي الشاي لين تشبعي و على الحساب كمـان ;) ^^

ياود الامتداد ماتجى من الاخر وتريحنا وجوه ووجوه تتاوق من شاشة العقل الباطن وتنزوى وانا اتصفح مقالك واعد على عجل وثيقة الاتهام واوزع الادانات ده كلوا من فلان ود اللذينه وفرتكان ود الماعارف شنو غايتو والله نحن اتارينا على الهبشه للاستجابه لاى استفزاز عموما شكرا للدراما لكن تانى ماتعمل كده