راكوبة المجادعات

الاخوة في ادارة دوت نت المحترمين اود ان اقترح عليكم تخصيص بوست راكوبة المجادعات الشعرية فهي صغل للمواهب واكتشاف لها؛؛ وتقوية للمهارات واكتشاف الذات ؛؛ وقد تكون متنفس للجميع وهي عكس لثقافة الاخوة الاعضاء وتقوية اواصر المحبة بين الاخوان فهذا مجرد اقتراح فلكم ان تنظروا فيه ان كان ذا جدوي ام غير ذلك؛؛؛؛؛؛ ولكم مني جزيل التقدير والاحترام

ينظر و يفاد فيه بعد تداول عموم أعضاء المنتدى و لهم (الأولوية) و من ثم تقوم إدارة الموقع بتنفيذ ما يلزم..
و دمت


الرشيد حبيب الله
ع/ إدارة دوت نت

المشاركة الأصلية كتبت بواسطة الرشيد حبيب الله

ينظر و يفاد فيه بعد تداول عموم أعضاء المنتدى و لهم (الأولوية) و من ثم تقوم إدارة الموقع بتنفيذ ما يلزم..

و دمت

الرشيد حبيب الله

ع/ إدارة دوت نت

شكري وتقديري استاذي الجليل الرشيد حبيب الله ؛؛ نعم لابد من الرجوع لأعضاء المنتدي فهم الدينمو المحرك للمنتدي وهم اهل المشورة والراي واهل العقد والحل ونحن ننتظر آراء الإخوة الاعضاء ودمتم

يا صديق ده كلامك

نجادع ونفلق كمان

تعال بالعندك ونحن جاهزين جاهزين

العندك سلسبيل والعندنا يقطين والخلطة

اسأل منها شيخ الطيب ابوكرنة

صندل وعنبر مع بضاعة مزجاة برضو تنفع

وإلا ودعونا من الآن ( وداعة الله عند الرسول ) .

المشاركة الأصلية كتبت بواسطة محمد المنصورى

يا صديق ده كلامك

نجادع ونفلق كمان

تعال بالعندك ونحن جاهزين جاهزين

العندك سلسبيل والعندنا يقطين والخلطة

اسأل منها شيخ الطيب ابوكرنة

صندل وعنبر مع بضاعة مزجاة برضو تنفع

وإلا ودعونا من الآن ( وداعة الله عند الرسول ) .

حبيبنا المنصوري والله ماعرفنا قيمة المنتديات ومعني المشاركات الحقيقية وماتذوقنا طعم مانكتب إلا في منتدي الحصاحيصا ؛؛ فما عندكم عذب فرات فيه لذة للشاربين؛؛ وحاشا لله أن تكون بضاعتكم مزجاة انتم اهل العلم والدراية والفهم المتاصل ؛؛؛ وتعال اي واحد فينا يجيب زادو وناكل مع بعض وبقولوا عيب الزاد ولا عيب سيدو؛؛ وشيخنا الطيب ابو كرنة باذن الله سوف يكون الحادي ونحن نسير من خلفه وبشكرك اخوي المنصوري علي الطرفة وخفة الظل

قال نجادع ودنور الهدي
و نكتب الشعر في المنتدي
و الله كلامك جميل و مبتدى
أنا ما شاعر لكني بهوي المفرده

موافقون موافقون

المشاركة الأصلية كتبت بواسطة أبوهمام

قال نجادع ودنور الهدي
و نكتب الشعر في المنتدي
و الله كلامك جميل و مبتدى
أنا ما شاعر لكني بهوي المفرده

موافقون موافقون

اني اشم رائحة الدعاش تفوح من كلماتك ابو همام وحتما سوف نحلق بعيدا في سماوات الحصاحيصا

الاخوة الاعضاء ننتظر مداخلاتكم فالكل يدلو بدلوه ؛؛ان كانت الفكرة غير جاذبة حتي نصرف النظر عنها
ولكم المودة

الإخوة الأفاضل ممكن نقول انو الفكرة ماتت في مهدها دون ان تتم لها مراسم التشييع ؟؟

ودمتم

المشاركة الأصلية كتبت بواسطة أبوهمام

قال نجادع ودنور الهدي
و نكتب الشعر في المنتدي
و الله كلامك جميل و مبتدى
أنا ما شاعر لكني بهوي المفرده

موافقون موافقون

المشاركة الأصلية كتبت بواسطة صديق قوزالرهيد

الإخوة الأفاضل ممكن نقول انو الفكرة ماتت في مهدها دون ان تتم لها مراسم التشييع ؟؟

ودمتم

الاخ صديق قوز الرهيد
لك الود
قالوا البكاء بحررو اهلُه أها انت طرحت الفكرة لكن مع الأسف بقيت تتفرج ...
ما كلام حبيبنا المنصورى واضح ولا داير شرح ...
وكمان العزيز أبو همام جاك من الأخر ...
وبعد ده انت بتقول الفكرة ماتت ...
واحد من الناس اعجبت جدأ بالفكرة لكن قدرى انى لا اجيد المجادعات الشعرية ...
بس بستمتع يعنى ممكن تقول من عينة الناس البقولوا الله عليك ياست ...
اتمنى ان الا تتعجل بالحكم وابداء المجادعة وواثق جداً الباقى بتمه المنصورى ...
امتنانى

مشكور اخونا ياسر علي الاحساس المتاصل ونتمني ان يجعل الله لنا التوفيق .
ودي ضربة بداية علي الرقم من اختلالها وعدم مواكبتها واتمني ان تنال الاعجاب والرضاء وان تكون فاتحة خير وبداية لاخوانا التانيين

راكوبة السرور بالذوق والعفاف مفروشة
راقية مجيهه وبي عطر الحنان مرشوشة
تجمع للصحاب الرايقة مي مربوشة
وكل زولا يشوفة يفرح وياخد هوشة

راكوبة الهنا الكل الصفات جامعاها

واقفة مربطة اعاصير كاترينا تتحداها

مرتع للضيوف ولازم تجي غاشياها

عليل نساما وافر زادة بارد ماها

المشاركة الأصلية كتبت بواسطة صديق قوزالرهيد

مشكور اخونا ياسر علي الاحساس المتاصل ونتمني ان يجعل الله لنا التوفيق .
ودي ضربة بداية علي الرقم من اختلالها وعدم مواكبتها واتمني ان تنال الاعجاب والرضاء وان تكون فاتحة خير وبداية لاخوانا التانيين

راكوبة السرور بالذوق والعفاف مفروشة
راقية مجيهه وبي عطر الحنان مرشوشة
تجمع للصحاب الرايقة مي مربوشة
وكل زولا يشوفة يفرح وياخد هوشة

هِع هلّلا هلّلا
كت دار تقفلها
امانا ما ماظلمتنا

قوز الرهيد ياخوي
كنت بدور اجادع الا انت عارفني زول ضللا ساااااااااااي
لكن زمااااااان كانت عندنا غنمايه بنجيب ليها الشاورما والكنتاكي
هسع زاتا بقت تعمل تخسيس وبقت كمان تستعمل السيليكون
ياخي واصل ما تقيف وما تحرمنا من التجدع والمجادعه
وموفق سيدي وشيخي

راكوبه البساط الجوه زاينا نقوشا
تعال أعرض و أخد لك فيها هوشا
و فنجان جبنتا للراس اعدل الدوشا
كان ماش بعيد أخد التني و بي بشاشا
وادع القاعدين ناس من الراكوبه تب ما ماشا

المشاركة الأصلية كتبت بواسطة ياسر تمساح

هِع هلّلا هلّلا

كت دار تقفلها
امانا ما ماظلمتنا

مشكور حبيبنا ابوكريق ونتمني ان نمتعكم؛؛ وذلك بفضل الله ثم تشجيعك المتواصل

المشاركة الأصلية كتبت بواسطة ابوذر حسن طه

قوز الرهيد ياخوي
كنت بدور اجادع الا انت عارفني زول ضللا ساااااااااااي
لكن زمااااااان كانت عندنا غنمايه بنجيب ليها الشاورما والكنتاكي
هسع زاتا بقت تعمل تخسيس وبقت كمان تستعمل السيليكون
ياخي واصل ما تقيف وما تحرمنا من التجدع والمجادعه
وموفق سيدي وشيخي

استاذي ابوذر والله غنمايتكم راقية جدا والله البتعملو غنمايتكم دة عندنا بنات كتار مابيعملنو واما بخصوص انك انت مابتقدر تجادع دي انا مابصدقك فيها وهاك دي عربون صداقة

ابوذر اخوي انت سيد الحروف والقافية
نفسك طيبة سيرتك فايحة نيتك صافية
ولي كرم الضيوف دايما كراعك حافية
ولي العدو والخصيم بتكون ضرِبتك شافية

المشاركة الأصلية كتبت بواسطة أبوهمام

راكوبه البساط الجوه زاينا نقوشا
تعال أعرض و أخد لك فيها هوشا
و فنجان جبنتا للراس اعدل الدوشا
كان ماش بعيد أخد التني و بي بشاشا
وادع القاعدين ناس من الراكوبه تب ما ماشا

أبو همام حبابك اب قافية موزونة
نظمت الحروف وريتنا نحن فنونا
لي الجار والصديق إت عشرتك مامونة
وزح الهم بعيد ولي الراكوبة ابقي زبونة

المشاركة الأصلية كتبت بواسطة صديق قوزالرهيد

استاذي ابوذر والله غنمايتكم راقية جدا والله البتعملو غنمايتكم دة عندنا بنات كتار مابيعملنو واما بخصوص انك انت مابتقدر تجادع دي انا مابصدقك فيها وهاك دي عربون صداقة

ابوذر اخوي انت سيد الحروف والقافية
نفسك طيبة سيرتك فايحة نيتك صافية
ولي كرم الضيوف دايما كراعك حافية
ولي العدو والخصيم بتكون ضرِبتك شافية

امتنانى
امانة فى زمتك ات داير ليك زول يجادع معاك
عاد ان وقفت تانى اتلومت معانا
امتعنا ادام الله فضلك

المشاركة الأصلية كتبت بواسطة ياسر تمساح

الاخ صديق قوز الرهيد

لك الود
قالوا البكاء بحررو اهلُه أها انت طرحت الفكرة لكن مع الأسف بقيت تتفرج ...
ما كلام حبيبنا المنصورى واضح ولا داير شرح ...
وكمان العزيز أبو همام جاك من الأخر ...
وبعد ده انت بتقول الفكرة ماتت ...
واحد من الناس اعجبت جدأ بالفكرة لكن قدرى انى لا اجيد المجادعات الشعرية ...
بس بستمتع يعنى ممكن تقول من عينة الناس البقولوا الله عليك ياست ...
اتمنى ان الا تتعجل بالحكم وابداء المجادعة وواثق جداً الباقى بتمه المنصورى ...
امتنانى

إت جدك عشاري واحسب في الجدود لي سبعة
وابواتك اكارم اهل السمتة واصحاب البل المتبعة
ويوم لقيا الاعادي يوم عيد النسور تبيت في شبعة
مشكور ياحبيبنا يا سمح الخصال والطبعة

صديق إخترع والفكرة إتبناها
سيد الحروف السامية فى معناها
راكوبة الهناء البى الفهم بناها
ياريت فى الحظوظ كل يوم أغشاها

المشاركة الأصلية كتبت بواسطة الطيب ابوكرنة

صديق إخترع والفكرة إتبناها

سيد الحروف السامية فى معناها
راكوبة الهناء البى الفهم بناها
ياريت فى الحظوظ كل يوم أغشاها

ابوكرنة اللبيب كل الخلوق عارفاهو
ود عز ود اكابر حراً منسل جاهو
ذو الطلعة البهية قمرا سطع في سماهو
صدرو رحيب وطبعو حليم واشقاوة العادهو

الزول الفي الجمال فات الورا وقدامو
كان عبر الطريق يلفح عبير نسامو
سكن جوفي وكلاي وقطعت قليبي سهامو
يارب تحفظو في ها الزايلة وتعدل ايامو

المشاركة الأصلية كتبت بواسطة محمد المنصورى

يا صديق ده كلامك

نجادع ونفلق كمان

تعال بالعندك ونحن جاهزين جاهزين

العندك سلسبيل والعندنا يقطين والخلطة

اسأل منها شيخ الطيب ابوكرنة

صندل وعنبر مع بضاعة مزجاة برضو تنفع

وإلا ودعونا من الآن ( وداعة الله عند الرسول ) .

يالمنصوري اخوي الراكوبة قامت واليوم اظنو سبوعة
وانا شايفك بتدخل؛؛ ودايما بتعمل زوغة
ياشدرة لتيب رامية الضل بعيد وديمة زايدة فروعة
دايرين من خيرك قليل ونحن النفوسنا قنوعه

المشاركة الأصلية كتبت بواسطة صديق قوزالرهيد

يالمنصوري اخوي الراكوبة قامت واليوم اظنو سبوعة
وانا شايفك بتدخل؛؛ ودايما بتعمل زوغة
ياشدرة لتيب رامية الضل بعيد وديمة زايدة فروعة
دايرين من خيرك قليل ونحن النفوسنا قنوعه

ياصديق دخلت ولقيتكم بالحيل شادين الضرعة

وكيف للمفلس متلي يجاري ملوك الحرف والكلمة

متحزمين ومتلزمين مثل جنود استدعوهم للنفرة

سائل ربي الكريم أفك لي معاكم سلوك الشفرة

جابتني ريحة البن المن بعيد جبنتا رامياني
قت أحصل لي جدعة مع ودالرهيد الكلامو أشجاني
كان قال النضم تب بي وراه ماف كلاما تاني
و الراكوبه همبريبا و دروبا دايما سايقاني
لناس عزاز بالحيل في دوت نت و رفقاني
ان عديت للمية و الألف كل يوم زايداني
من حبهم التقول الدنيا دي تب ما باقيالي

المشاركة الأصلية كتبت بواسطة محمد المنصورى

ياصديق دخلت ولقيتكم بالحيل شادين الضرعة

وكيف للمفلس متلي يجاري ملوك الحرف والكلمة

متحزمين ومتلزمين مثل جنود استدعوهم للنفرة

سائل ربي الكريم أفك لي معاكم سلوك الشفرة

مرحبتين حبابك في منتداك وديارك
ولي ضيف الهجعة دايما بتقدح نارك
منصوري اخوي طمنا كيف اخبارك
وشاحد الله الكريم يلطف ويحسن حالك

المشاركة الأصلية كتبت بواسطة أبوهمام

جابتني ريحة البن المن بعيد جبنتا رامياني
قت أحصل لي جدعة مع ودالرهيد الكلامو أشجاني
كان قال النضم تب بي وراه ماف كلاما تاني
و الراكوبه همبريبا و دروبا دايما سايقاني
لناس عزاز بالحيل في دوت نت و رفقاني
ان عديت للمية و الألف كل يوم زايداني
من حبهم التقول الدنيا دي تب ما باقيالي

ريحة البن دوام المن بعيد بتجيبو
جبنة مجيهة والعاشق تزيد تطريبو
تنسيهو الاهل وينسا برضو حبيبو
ولو فارقنا فت يوم يبكي ويزيدو نحيبو

	المشاركة الأصلية كتبت بواسطة صديق قوزالرهيد مرحبتين حبابك في منتداك وديارك ولي ضيف الهجعة دايما بتقدح نارك منصوري اخوي طمنا كيف اخبارك وشاحد الله الكريم يلطف ويحسن حالك شكرآ علي السؤال يا الفي رجال زده رجالة عارفنك يا ود كريم الأصل مليان عزة شهامة جاورت السعيد ود ابوكرنة سيد الوسامة القابلكم سعد والما شافكم قامت عليه القيامة

هاكم دي كدي حاولو جاروها

لهيجك حالي ياست البنات أسكرنا
فاق عجوالمحس ومسختي لي سُكرنا
وخمرة هواك ياسمحة ياها سَكرنا
فاتحين باب الغرام ياحلوة ماسكْرنا