|
|
|
|
|
|
| التميز خلال 24 ساعة | |||
 العضو الأكثر نشاطاً هذا اليوم |
الموضوع النشط هذا اليوم |
المشرف المميزلهذا اليوم |
|
قريبا |
بقلم :  |
قريبا |
|
آخر 10 مواضيع
|
الإهداءات |
|
|
|||||||
| «۩۞۩-منتدى الادب والثقافة-۩۞۩» يهتم بالأدب و المواضيع الثقافية و الفنية |
 |
|
|
أدوات الموضوع | انواع عرض الموضوع |
|
#1
12-16-2014, 05:18 PM
|
|||||||||||
|
|||||||||||
الشاعرة وئام كمال الدين
 لايقة عليك الغيرة
لايقة عليك يا غالي الغيرة واللهفة الجواك أسيرة والبسمة البتكابر رسمت في عينيك معاني الحيرة لايقة عليك نظرات الدهشة والأشواق الشايلة الرعشة واللفتة البتفتش عني كل ما يزيد البين الوحشة بس عينيك الما بتخبي غيرتك وشوقك وتعلن حبي بتناديني وليها بلبي و وحدك إنت الساكن قلبي ومايعكر صفوك عزالك و أوعى يغيب في يوم عن بالك إني بغير أنا اكتر منك من أطيافك وحتى ظلالك وأنا جارفني الشوق الحارق والريد البتشابى ويتاوق ليك في كل مكان تمشيهو وكل الدونك جد ما فارق 
|
|
12-16-2014, 05:23 PM
|
#2 | |
 
|
 دوما معا..
أو هكذا قد علمتني كل لحظات الهروب... أن انعدام وجود من نهوى يناقض سنة الحب الذي سكن القلوب... أن ارتحالات الأحبة تصنع الثلج الذي وسمته لحظات الفراق لكن صدفة موعد بيني وبينك سوف تجعله يذوب..... أن انصهارات الثلوج تلك المسماة بالدموع هي خدعة الروح الوحيدة للخلاص من الذنوب حتى ملاك الحب لا يخلو هواه من العيوب دوما معي رغم اختلاق العمر للعذر الكذوب.. رغم انحسار النيل ..قسمة موطني رغم احتدامات الحروب لاشيء يرعبني سوى البعد الذي خلقته فلسفة المكان لا المرايا لا انكسارات التغرب و انعكاسات الغروب كالعشق بين مدائن وجدت للقيا أو فراق - تقتات من كل الدروب-... نشط هو الشوق الذي قد حرك الذكرى الكسولة مثلما نشط هو القدر الذي قد خط عمدا قصتي بيد لعوب.... ما بين رعشاتي و نبرة صوتك التعبى لفافات القصائد والسجائر و اسطوانات لحنجرة طروب.. نفس المساحة قد عرفناها لغربال يرينا كيف يبقى الحب حيا حين يمضي العمر من بين الثقوب.... وهنا تأكد دون شك أننا دوما معا رغم المصائب و الخطوب أو هكذا قد علمتني كل لحظات الهروب |
|
|
|
|
12-16-2014, 05:25 PM
|
#3 | |
|
 ما لايماك
لايمة الزمن الدففق حنك فوق واطاتي.. ولايمة الحلم الروج وسووق فكرة عشم الزمن الآتي.. وخلى الأمل يتمدد فيني ويبني الجاي بيوت وقطاطي وفات خلاني (وأنا راجياك)...... وأنا راجياك في النار بيغادي.. موسم ييغير موجة الواقع.. ويقلب وجهة ريح الغبرة... يحنس غيمة ملانة مواجع.. ومن دمعاتا تنقط مطرة... تبل الأرض الضاقت و واسع فيها الضيق للضاق الحسرة ( المن فرقاك)......... ومن فرقاك إتعودت أداوي الفرقة و وجع الشوق بي هم يوم باكر.. هم بيشلو موظف وطلبة وفي الدكان نملابو دفاتر.. و جوا عيون خريج بتذكر كيفن كان شقيان بيذاكر.. وكيفن فرحتو بي تخريجو وكيف الحظ كان أغبر وعاثر.. وسامع صوت المنطق ينقنق أحسن ليك يا انت تسافر.. عارفك مابتتحمل تبعد ولي إخلاصك انا ماناكر (وفي جواك)!!""" في جواك أحلام كمية وفي واقعنا بلاوي عجيبة.. تسرق مرة براءة طفلة وتمحي ملامح أحلى حبيبة.. وترسم بدل النور زنزانة و ترمي الحن بي خلف قضيبا.. تقلع شجرة حنة وتزرع فتنة يولع فينا لهيبا ( و أصلو الجاك)..... أصلو الجاك ما كان في الخاطر ولا يا حنين كان في النية.. ولا متخيلة في أوصالك ببقى بلاءك شر بلية.. و أنا ما بعرف كيفن داير ترمي هموم الجاي عليا !!! وجرة سوط العنج الشقت باقي كرامة كل بنية.. سرقت مني الحيل والقدرة ونجضت الدمعات النية.. ونشلت روح الحاضر وبكرة وكفرت عمدا بالحرية.. وعذرا إذا جافيت وهجرت يا أسمى معاني الحنية (جد فاقداك)....... وفاقدة كتير يا غالي وحاتك ولابسة الكضبة عباية وطرحة.. فاقدة القيمة وكل أحوالك تقتل في جواي الفرحة.. بات الدم مهدور في نيلك ووحدك حاري القتلى وجرحى.. ويشهد نيلك كم عاشقنك وكم علشانك عاشق ضحى.. وفيك بتصنت صوت الطيبة وباقي صداك الصوتو انبحا.. وسكن الشارع ونام مستني ضمير الفكرة يتبتبو يصحى (ولليومداك) أنا ما لايماك.. بس لايمة الزمن الدفق حنك فوق واطاتي ولايمة الحلم الروج وسوق فكرة عشم الزمن الآتي وخلى الأمل يتمدد فيني ويبني الجاي بيوت وقطاطي وفات خلاني و أنا راجياك وئام كمال الدين..... |
|
|
|
|
12-16-2014, 05:27 PM
|
#4 | |
|
 ماليني ريدك و إشتهاك غامرني حد الإكتفا حاميني من النوم هواك.. و أحلامي بيك كيف أوصفا مجنونة بيك حد العقل مشتاقة ليك حد الجفا زاحمني فيك حتى النفس دايراكا بس إنت وكفى... وبتنفسك!! مع كل شهقة تخش علي بمرق سواك مع الزفير حتى الحلم من دون طيوفك ما حلم أحلامي بيك تفرق كتير و أنا طوعا إخترتك ملاذ و اخترت ليك أكون أسير في بردي أو عز الهجير بلقاك نسمة مع الأخير و ألقاك مع الأول دفا .... وبلقاك مع الضو المرق و إتلاشى جوايا وشرد وأنا قلبي يا تكون انت فيو... يا يكون مكانك....(لا أحد) طيفك يزيد سهر العيون يدخل منامن (إن وجد)!!! ما النوم عشان خاطرك سهد ضايقني لا نام لا رقد وحياة عيونك ماغفا.... وئام كمال الدين |
|
|
|
|
12-16-2014, 05:28 PM
|
#5 | |
|
 سلة وشايلة غذاء الكون
إلا زمانك قاسي وجاحد خلا سمارك عدم اللون وقسم معنى الوطن الواحد التاريخ الكان مضمون قولو حقيقة وديمة محايد زور قولو عشان ممكون قرر ضدك يصبح شاهد تاجرك كايس معنى الراحة من السلة اختار تفاحة ووسوس ليو إبليس ببجاحة إنو الثمرة بكل صراحة حتخليهو مليك الساحة من أغاوهو سرق براحة مرقو من الخير والنعمة ومن الجنة وسقطا البارد وأصبح يطفق جلدو العاري تاجر فيك بين بايع وشاري حسر النيل المنك جاري وحسر قلبي وزاد في ناري وقال للغربة أقيفي اختاري ديل أولاد البلد اصطفو صدرناهم ما تحتاري كل الفيها عبيد وجواري وحرها ما بين هارب وشارد وقرر يشررع حرمة بيتك قسمك وخلى الفتنة محيطك وحججب شمسك وطلع زيتك عرضك سلعة وذييع صيتك ولسه بتسألي كيف خليتك أنا لا خنتك لا مليتك إلا ملامحك صبحت باهتة يالبتقولي علي جفيتك أنا أصبحت غريب جواكي وما متأسف شان حبيتك ولسه وحاتك صابر وصامد و اصلو زمانك تاجر طاغي كل ما يكبر طمعو بيكبر يا مبيوعة بدون تسعيرة ويا مرسومة خريطة بتصغر ويا معروضة مزادك علني وكل الحولك هلل وكبر فاضل منك بس أحزانك ودمع الباكي عليك يتحسر فاضل نيلك يا أوطاني وطول ما جلدك طاهر وأسمر لازم يرجع عزك تاني ولا بد قيدك يوم يتكسر رغم الزمن الليك بيعاند وئام كمال الدين.... |
|
|
|
|
12-16-2014, 05:30 PM
|
#6 | |
|
 مرجيحة
فاكر نفسك لاعب بيها؟ مرجيحة تلاعبك و إت مبسوط قلبك مسكين أمن ليها خشبة وعراضة حبل مربوط مابين عاليها و واطيها واطيها الغم والدنيا تجوط أهي بس أيام بنعديها إحساس أفراح بالهم مخلوط مابين جرة شهقة و زفرة مسكين الوطن المترتو و مجنونة خيالات الفكرة وعلشان ما تحس بي إنك فوق لابد غيرك يديك دفرة وقبال ما تشمو نسيم النيل لازم تعرف ريحة الغبرة و أكيد قبل دموع الفرحة حيضوق حلقك طعم العبرة حبيتك بي منطق شفع ما عرفو الحب غير بالفطرة يتشابو عشان يلمسو غيمة و يمدو كفوفم للقمرة يتشبكو فيها و اذا غابت عينيهم تفضل منتظرة دمعاتم تجري إذا صد المحبوب أو غير في النبرة و إذا جرحت هواهم يوم بس أضحك والجرح حيبرا حبيتك وقالو الحب نعمة والريدة الهين تجريحا شفافة كما موية الكلمة واللهفة الزايدة تباريحا سايقاني خطاها علي الضلمة و أشواقي المترامية طريحة ماعرفت إنو الحب أعمى و بتطوطح متل المرجيحة يا عاشق وواصلك طرف السوط فاكر نفسك لاعب بيها؟؟ مرجيحة تلاعبك وإت مبسوط قلبك مسكين آمن ليها خشبة وعراضة حبل مربوط مابين عاليها و واطيها واطيها الغم والدنيا تجوط أهي بس أيام بنعديها إحساس أفراح بالهم مخلوط وئام كمال الدين |
|
|
|
|
12-16-2014, 05:33 PM
|
#7 | |
|
 تاني ما تطول غيابك
يا جميل عذبنا بعدك ونحنا ما بنحمل عذابك إنت ما عارف فراقك هو البيزود في عذابنا ولا ما عارف الغلاوة المنها بيكتر عتابنا الغريب الشوق يجنن قال يواسينا ف مصابنا كل ما زول دق بابنا نفرح ونقول الله جابك الحنين الفينا ولع ما بيطفيهو انتظار زاد منانا نشوف ونسمع الفراقو علينا نار و أصلو لا منك بنقنع لا بنستجدي اعتذار نحن كل منانا ترجع وبي محنة نقول حبابك مرة قبل تفوت ديارنا قلت نحن الفي قليبك ريدنا سادي الباب عليهو وغيرنا ما بصبح حبيبك نحن لسه علي وعودنا وفي رجا الأشواق تجيبك لا عيون حساد تصيبك لا تطول في اغترابك الغرام شايلنو ظاهر في ابتساماتنا وعيونا و انفعالات المشاعر شوقنا إحساسنا و شجوننا والسؤال الديمة داير والبيساور في ظنوننا ياخي كيف حالك بدوننا ولسه سادي علينا بابك تاني ما تطول غيابك يا حنين عذبنا بعدك ونحنا ما بنحمل عذابك وئام كمال الدين... |
|
|
|
|
12-16-2014, 05:34 PM
|
#8 | |
|
-شرق- حرف الكلام حلقي
-شرق- ريد المحنة صباح .... -طبق- سلمت فيو قلبي و -طبق- هجرك كلامي الراح ..... -عجن- حسنك احاسيسي و -عجن- غنجك ملاني جراح ...... -نصيح- انا رغم جني البي -نصيح- انا والهم النواح ......... -بريدك- بحت بي حبي و -بريدك- بالسلام ما باح ......... و -أكيد- باللقيا عزالي و -أكيد- أنا بي لقاك برتاح ......... و -بستناكا- في الميعاد و -بس تناكا- قمري اللاح........ -أسيل- تتدفق أشواقي و -أسيل- خدك تقول مصباح ........ و -أراضيك- وانت تقسى علي و -اراضيك- دونا مافي براح .......... -سحر- ضلم كحل عينيك -سحر- عيني وليا اجتاح .......... -رقيق - لحظك أسرني بقيت -رقيق- رمشا كحيل ضباح .......... و -نور- نور ضلام العين و -نور- أزهارك الفواح ......... -بروق- لو مرة تطراني و -بروق- نورك تلوحلي لواح .......... ولامن ذكرياتي البوح و لامن جيت أبوح بصراح..... شرق حرف الكلام حلقي وشرق ريد المحنة صباح.... وئام كمال الدين .... |
|
|
|
|
12-16-2014, 05:35 PM
|
#9 | |
|
 جدارية وطن في الروح
كتير بسأل ... هل ما زال عندي أمل؟؟ وفي جواي عشم ما مات بشوفك في ضلام الليل حلم بتقاسمو الجنيات وفي ريحة دعاش الغيم وفي فرح الزمان الفات بشوفك في عيون ساحرات وعود وخشوما كضابات بتمشي معا طريق الريح تميل مع أتقل الكفات دروبك ما بتوصل ليك تلحّق طه والأمّات بتعجب زي جمال الطين كتير ترمينا في الحوبات وكل ما أقول أخلي هواك وأحسن أقرع الواقفات تجهجهني الأماني الشح ويمرو طيوفك الحلوات.... سألتك بالذي سواك لوحة تمثل الأجمل بدور أسأل... لقيتك زي حلم مشرُوع وكل مشرُوع معاك بفشل مسافتك كل خطوة تزيد ودربك كل يوم أطول دحين بسأل لماذا وكيف أين وهل معا واقعنا عندي أمل إلى ضفة أمان أوصل؟! رسمتك لوحة زيتية بيوت من طين وقطية وخشم كل باب تبلدية وشدرة نيمة جمب القيف وفوق الغصن قمرية وفي طرف الغموض ظهرت شمش في قعدة ضحوية وبين واطاتنا و الآفاق طريق النيل وفوق البال طيوف مُشرع وفي الخاطر معديّة و عشيشة خوس وفي الركن البعيد فانوس ننور بيو معا جية المغيربية وحال دنيانا ساقية تدور تشيل من نيلنا غنوة ريد تلاقي القيفة مرمية وبين النيل وبيت الطين وبين الساقية والقطية والشدرة وعشيشة الخوس مساحة حب وحرية إطار اللوحة كان واحد وكان واسع خشب أبنوس ومنقوش نقشة نوبية مكان اللوحة أفريقي وحروف توقيعا عربية وبي رغم اختلاف النسبة والألوان بشوف اللوحة سحرية معلقة في جدار الروح وفي واقعنا مخفية سألتك بالذي سواك لوحة تمثل الأجمل سألتك بالذي نحتك تصاوير لي وطن في الروح أيا أعظم جدارية هل ما زالَ عندي أمل؟! وئام كمال الدين .. |
|
|
|
|
12-16-2014, 05:37 PM
|
#10 | |
|
 ( أغراب وقراب تجمعنا .. أتراح ومناسبة سارة ) الشارع الزاد آلامي يا سيدي هو نفس الشارع الباني عليو أحلامي لو ماك دريان بالحاصل لو ما صدقت كلامي يا زول طالعني الشارع.. الشارع جاتو الحمى دخان و هلمة و لمة بيبيع و إشتري و إتفرج ويناقش سعر اللحمة متسول يدعي لغيرو بزيادة الخير والنعمة و مكتوب في آخر حافلة يا كاشف الهم والغمة الشارع ما بتجما يتصنط ويرمي أضانو لي ناس و إشارة وزحمة و قزاز عربية وبايع.. الشارع شارع الجامعة العلم الفكر الطالب أستاذ و مناضل و ظالم في المين الضاجي وصاخب الصوت الصاح يا بلدي ماضاع حق ليهو مطالب و الركن الأثبت إنو ميدان الطالب واسع... الشارع شارع بيتنا و الباب في الباب يا جارة مدقوق صيوان في نصو ومعطل سير المارة أغراب وقراب تجمعنا أتراح ومناسبة سارة لو غايب بسألو عنك دكان الحي والجامع.... الشارع شال الصحبة أداهم اول خطوة في الدرب الاسمو الغربة طيارة تنزل شنطة وصندوق مشوارو التربة وطيارة تشيل الخلة والشوق المابيتخبا في كتير واقفين في صالة بيوادعو صحاب و أحبة وكتير واقفين في صالة راجين الصاحب الراجع.... الشارع اضيق شارع هو الفاتح على واقعنا في خورو طفل متشرد تحت التشييد كم مبنى في الشارع حلم مغيب سامعنو وما سامعنا الشارع البرة أنحنا والشارع الجوة أنحنا والشارع الماشارعنا ياصاحب برضو أنحنا الأرصفة فارشة جرحنا وبضاعة تزيد المحنة معروضة في نص الشارع...( الباني عليو أحلامي) لو ماك دريان بالحاصل أو ما صدقت كلامي يا زول طالعني الشارع..... وئام كمال الدين... |
|
|
|
|
12-16-2014, 05:38 PM
|
#11 | |
|
الشارع الزاد آلامي
يا سيدي هو نفس الشارع الباني عليو أحلامي لو ماك دريان بالحاصل لو ما صدقت كلامي يا زول طالعني الشارع.. الشارع جاتو الحمى دخان و هلمة و لمة بيبيع و إشتري و إتفرج ويناقش سعر اللحمة متسول يدعي لغيرو بزيادة الخير والنعمة و مكتوب في آخر حافلة يا كاشف الهم والغمة الشارع ما بتجما يتصنط ويرمي أضانو لي ناس و إشارة وزحمة و قزاز عربية وبايع.. الشارع شارع الجامعة العلم الفكر الطالب أستاذ و مناضل و ظالم في المين الضاجي وصاخب الصوت الصاح يا بلدي ماضاع حق ليهو مطالب و الركن الأثبت إنو ميدان الطالب واسع... الشارع شارع بيتنا و الباب في الباب يا جارة مدقوق صيوان في نصو ومعطل سير المارة أغراب وقراب تجمعنا أتراح ومناسبة سارة لو غايب بسألو عنك دكان الحي والجامع.... الشارع شال الصحبة أداهم اول خطوة في الدرب الاسمو الغربة طيارة تنزل شنطة وصندوق مشوارو التربة وطيارة تشيل الخلة والشوق المابيتخبا في كتير واقفين في صالة بيوادعو صحاب و أحبة وكتير واقفين في صالة راجين الصاحب الراجع.... الشارع اضيق شارع هو الفاتح على واقعنا في خورو طفل متشرد تحت التشييد كم مبنى في الشارع حلم مغيب سامعنو وما سامعنا الشارع البرة أنحنا والشارع الجوة أنحنا والشارع الماشارعنا ياصاحب برضو أنحنا الأرصفة فارشة جرحنا وبضاعة تزيد المحنة معروضة في نص الشارع...( الباني عليو أحلامي) لو ماك دريان بالحاصل أو ما صدقت كلامي يا زول طالعني الشارع..... وئام كمال الدين... |
|
|
|
|
12-16-2014, 05:39 PM
|
#12 | |
|
( يا دافيه برغم البرد الجاف )
يابنية أرح أقليهو البن يا مسودنة فيني عروبة الكلمة أصالة ونخوة مروة وحن يامدكنة فيني سواد أفريقيا ممالك نوبة حضارة وفن يا معجنة من تيراب القيف بي موية النيل معجونة عجن ومجننة كل الرادك جن داويوهو البن !!!!! زيديهو الكيف سويهو تقيل زي همي البي ما دايرو خفيف يا أجمل طيف كيفنك كيف وكيفن البن!!!!!!! يابنية سلام مكتول في قفص أحلامنا حمام هو اتقطع كيف وصبح أقسام يا السمحة الزيف ولع نيران المنقد وكيف هبابتك زايدة النار إضرام شان تقلي البن!!!!!! يانسمة تبرد حر الصيف يا دافية برغم البرد الجاف ماعارفك كيف !! محتملة الجور القبحو مخيف والزمن الصبحو سنينو عجاف يا مدوزنة فيني غناوي الريدة مدن وأرياف مجنونه حروفا مرقت من حسنك أوصاف وانا جد أدمنتك واتخطيت حد القرياف قرياف البن""!!! يا نبتا وكوش.... وكنداكة وحكامة وحرة يا أحلى عروس حورية ومتقلدة درة يا معبد في منطق هميروس و وقارك ضاهى جبل مرة يا قاسية ووشك ديمة بشوش معشوقك ليك النم جرا وأنا زول راكوبتك وهذا الحوش وجبنتك أنا بشربا مرة وراميني البن!!!!!! يا ممشطة شعرك بي إتقان يا السارقة ضفايرك من الليل كيفن حاكيتي قوام البان يا الشايلة شموخك من توتيل يا اللونك للأبونسة دهان ومزاجك جامح زي النيل يا موطن غير كل الأوطان ودرني و ودر قبلي شليل عينيكي تفوح بي ريحة البن!!!! و انا داير أصبر وغالبني والله متصبر بيك انتي ما قادر أصرخ من جرحي وشايفك مجروحة وكابرتي حزني المردوم جاريهو جبال و حزنك زي توبك جرجرتي وأنا قلت تزيلي الحسرة البي و قلبي المغبون ما صبرتي يابنية مليتي دواخلي هموم لا رتيتي علي لاقدرتي وبدل ما تيقني عاشقك كيف جهجهتي مريدك وحيرتي وكيفن كترتي الهم جواي ودمي البفداك كيف فورتي وفورتي البن!!!!!! وئام كمال الدين |
|
|
|
|
12-16-2014, 05:40 PM
|
#13 | |
|
 في أي فصل من فصول الحب ننسى من نحب
في أي خد فجر الشوق من الدمعات نهرا خالدا في أي صدر صار للنهر مصب من علم المحبوب كيف يعذب المشتاق سوط الهجر كيف تهز كف الشوق مكشوف العصب من ظن أني رغم أني هائم في العشق أنسى قسوة المعشوق أو أصغي لقلب..... دع عنك زهوك إن لي في الجوف قلب ثائر النيلين أسمر ضفتي خصب ثراها إن زرعت الحب فيها سوف يثمر يابس عجف زماني غير أني مثلما الأحلام أخضر دقة التاريخ صدقي في زمان ساده الإفك وبالإفك تدثر دثروني سوف أقرأ ماتيسر من جميل الشعر أقرأ باسم نيرودا وعنتر من حكاوى العشق أقرأ باسم أنطونيو وروميو من عظيم المجد أقرأ باسم آلارا و قيصر باسم من حلت بنا أطلالهم شرقا وغرب أتلو لأذكرهم هنا فغدا سيأتي ثائر مثلي ليذكر من أنا ما بال عقلي قد غوى في أي فصل من فصول الحب ننسى من نحب في أي خد فجر الشوق من الدمعات نهرا خالدا في أي صدر صار للنهر مصب_ لست الملام على الهوى مع ذاك مني الاعتذار لم تستطع صبرا معي و الصبر يكويني بنار وأنا المعنى جرمي التوق ومن ظلي أغار أرق منامي أرهق الليل انتظاري والنهار شيء من استعباد من نهوى يسمى الانتظار قل لي بحق الحب أي عقيدة تعطيك حق تملكي قلبا ولب... _فكر مليا من أنا ما بال عقلي قد غوى في أي فصل من فصول الحب ننسى من نحب في أي خد فجر الشوق من الدمعات نهرا خالدا في أي صدر صار للنهر مصب- دعني لسهدي و احتياجي ألعق الماضي مرارات وهم و أسرب الآهات مني ذكريات عبر حرفي والقلم إذ كلما أفنيت نفسي للهوى أسمو و يسمو بي عذابي والسقم أسمى مقامات الهوى ليس العذاب و إنما استحلاؤه رغم الألم دعني ونشوى الحزن نشرب من دنان الالتياع نمجد الذكرى بنخب... تهذي و أهذي من أنا ما بال عقلي قد غوى في أي فصل من فصول الحب ننسى من نحب في أي خد(غير خدي) فجر الشوق من الدمعات نهرا خالدا في أي صدر (غير صدري ) صار للنهر مصب من علم المحبوب كيف يعذب المشتاق سوط العشق كيف تهز كف الشوق مكشوف العصب من ظن أني رغم أني هائم في العشق أنسى قسوة المعشوق أو أصغي لقلب...... وئام كمال الدين... |
|
|
|
|
12-16-2014, 05:43 PM
|
#14 | |
|
ليست كمن يحمن حوله من النساء
تحبه بقلبها المملوء كبرياء وديعة مطيعة وسهلة البقاء لكنها عنيدة وسهلة الرحيل تحبه لكنها !!!!!! لا تأخذ القليل وئام كمال الدين.... |
|
|
|
|
12-16-2014, 05:44 PM
|
#15 | |
|
مشاركة وئام كمال الدين في حلقة ( سرك في بير ) الحلقة الثامنة من ريحة البن .
( خذ وارتحل ) خذ من ليالي العطر ما احتمل الشهيق بداخلك و ازفر سواي كما تشاء .. ذكر مسام الطين تاريخ الحصاد تعلم السقيا وهب شفتي من شفتيك ماء.. واصنع تماثيل الهوى كي يشهد العمر الغبي مرور طيفك من هنا كي تعلم الذكرى بأنك كنت يوما ها هنا و اعلم بأني قد بكيتك بالندى وطنا و محبوبا وآلهة اشتهاء.. خذ من رفاتي واهدني هبني بإغداق وجود للأرض ،للأقمار ،للنجمات ،للعلماء، للأحباب ،للميثاق ،و الآباء، للنذر القديم وللعهود لمقابر الموتى وأنصاب الجنود لحجيج اجتمعو لدعوات السجود لكنيسة نظمت ترانيم الخلود ولحائط المبكى و أضرحة اليهود هبني لأحزاني لأفراحي لأزمنة مضت عل الحنين يقض مضجعها فتنوي أن تعود هبني و أجزل بالعطاء.. في كل فصل من فصول العمر اذكرني تفقدني تأملني و `أشربني لحد الإرتواء.. إن تقترب مني تجدني راغبا إن تختبر صبري تجدني راهبا إن تبتعد عني فلست معاتبا لم تعتد الأوطان يوما إن هوت في الجدب دهرا أن تعاتب رغبة فوقية.. لكنها تترقب السقيا وتمتهن الدعاء.. ذا حال أوطاني فكيف أعاتبك؟! لايملك الداعي معاتبة السماء.. ماكان لي غير انكسارات الرجاء أدعوك يا أنت الذي أنت الذي عرفت معنى الانعتاق وعرفت معنى الاشتياق وكل أنواع العناق خذني وعانقني لحد الاختناق أدعوك يا أنت الذي... خذ من صباح القطر ما احتمل الندى و اعلم بأنك تصنع العطر المعتق من أطاريح البكاء. .. خذ من وعاء الورد عطرك واحتفل كي تكتمل بالقطف تجربة الوعاء..خذ من وعاء الورد عطرك واحتفل و لتكتمل بالأخذ تجربة العطاء ..... |
|
|
|
|
12-16-2014, 05:45 PM
|
#16 | |
|
الباقي ليك خمسة
وئام كمال قالت في حلقة الليلة اختار رقم حزنك ما تقولو يا الغبيان.... والدك ملاهو الهم و أداك كمان قدرو شان أنهكو الحرمان.... وأنا رغم قربك لي زدتك عليو عشرة الفقر و الحاجة و الدمعة و العبرة وعطالة و استغلال و الجوع وضيق الحال وضياع رخا الأسواق وكرامة الانسان..... أمسك جرابك زين ماتملى بالحسرة وما تلخبت الكيمان..... مش قالو جانا السيل أدي البحر نصو كان تمنع الفيضان...... رجع كمان الدين لي والدك التعبان.... الباقي ليك خمسة وطنك صبح مقسوم بيتك صبح مهدوم فرحك صبح معدوم همك صبح مردوم والكل صبح مظلوم يا حليل زمنا زمان.... الصحبة والخلان .... يا يمة جيبي شلن بي سرعة للدكان... عم طه كان بيقول مرحب حباب عثمان... ياعمو داير لي حربة وحلاوة لبان...... بي سرعة شان ألحق العب مع الجيران.... النور و ود الزين بيحبو لعب الطين ود أبكر و الخير و أدروب و جون وحسين و سلامة ود جرجس ماشين على الميدان.... شان يلحقو التمرين ما كانو بس جيران ديل كانو جد أخوان.... حبوبة حجتني بي السمحة والغيلان..... بي قصة الراعي والديب مع القطعان.. بالفارس المغوار وبسالتو في الميدان.... بالعمدة راجلا زين كيف بكرم الضيفان..... والحاكم العادل والقسط في الميزان..... يا حليل حجاها الكان..... مديت كفوف رحمة لي روحا يا رحمن..... وبصمت بالخمسة الوحدة والذكرى والخوة والنصرة والخامس التحذير أوعك تكون غلطان..... قالتلي بي همسة اختار رقم حزنك ما تقولو يا الغبيان....... و اتلاقت الأرواح مدت كفوف الشوق لعبت معاي ضباح ضباح ضباح كسرة بملاح ده الضبحو و ده السلخو و ده القطعو و ده القسمو و ده الأكلو و الباقي ليك خمسة |
|
|
|
|
12-16-2014, 05:45 PM
|
#17 | |
|
الناس أجناس
في ناس لا لانت يوم لا رقت وناس دمعاتا ولا بتجف وناس دغرية ودربها واضح وناس شغالة تدور وتلف وناس لاعبين بالفقرا طواقي تلببس في الريسين بالصف وناس تتحاشى لقاك بالصدفة وناس أشواقا تلفك لف وناس بتساهر شان ماتنجح وناس بتباصي عشان بتشف و ناس بتقدس معنى المبدأ وناس مابتعرف حتى العرف وناس بتفتش حق أخونا وناس لي حق اخوانا تسف وناس ما نامت شان مظلومة وناس تظلم دون عينا ترف وناس تحترم الشيخ و الوالد وناس تستهون قولة الأف وناس بين كاس و إنداية ونشوى وناس بين حضرة ونوبة ودف وناس بتموت شان ما تتذلا وما تنداس في يوم بالخف وناس بتبوس كف الآذيها وتدعي عليو بي قطع الكف و أصلو الناس أجناس تتباين وكلو جنس جاب ليهو وصف وانت اختار الجنس الداير تبقى معاو في يوم الصف وئام كمال الدين |
|
|
|
|
12-16-2014, 05:46 PM
|
#18 | |
|
في أي فصل من فصول الحب ننسى من نحب
في أي خد فجر الشوق من الدمعات نهرا خالدا في أي صدر صار للنهر مصب من علم المحبوب كيف يعذب المشتاق سوط الهجر كيف تهز كف الشوق مكشوف العصب من ظن أني رغم أني هائم في العشق أنسى قسوة المعشوق أو أصغي لقلب..... دع عنك زهوك إن لي في الجوف قلب ثائر النيلين أسمر ضفتي خصب ثراها إن زرعت الحب فيها سوف يثمر يابس عجف زماني غير أني مثلما الأحلام أخضر دقة التاريخ صدقي في زمان ساده الإفك وبالإفك تدثر دثروني سوف أقرأ ماتيسر من جميل الشعر أقرأ باسم نيرودا وعنتر من حكاوى العشق أقرأ باسم أنطونيو وروميو من عظيم المجد أقرأ باسم آلارا و قيصر باسم من حلت بنا أطلالهم شرقا وغرب أتلو لأذكرهم هنا فغدا سيأتي ثائر مثلي ليذكر من أنا ما بال عقلي قد غوى في أي فصل من فصول الحب ننسى من نحب في أي خد فجر الشوق من الدمعات نهرا خالدا في أي صدر صار للنهر مصب_ لست الملام على الهوى مع ذاك مني الاعتذار لم تستطع صبرا معي و الصبر يكويني بنار وأنا المعنى جرمي التوق ومن ظلي أغار أرق منامي أرهق الليل انتظاري والنهار شيء من استعباد من نهوى يسمى الانتظار قل لي بحق الحب أي عقيدة تعطيك حق تملكي قلبا ولب... _فكر مليا من أنا ما بال عقلي قد غوى في أي فصل من فصول الحب ننسى من نحب في أي خد فجر الشوق من الدمعات نهرا خالدا في أي صدر صار للنهر مصب- دعني لسهدي و احتياجي ألعق الماضي مرارات وهم و أسرب الآهات مني ذكريات عبر حرفي والقلم إذ كلما أفنيت نفسي للهوى أسمو و يسمو بي عذابي والسقم أسمى مقامات الهوى ليس العذاب و إنما استحلاؤه رغم الألم دعني ونشوى الحزن نشرب من دنان الالتياع نمجد الذكرى بنخب... تهذي و أهذي من أنا ما بال عقلي قد غوى في أي فصل من فصول الحب ننسى من نحب في أي خد(غير خدي) فجر الشوق من الدمعات نهرا خالدا في أي صدر (غير صدري ) صار للنهر مصب من علم المحبوب كيف يعذب المشتاق سوط العشق كيف تهز كف الشوق مكشوف العصب من ظن أني رغم أني هائم في العشق أنسى قسوة المعشوق أو أصغي لقلب...... وئام كمال الدين... |
|
|
|
|
12-16-2014, 05:47 PM
|
#19 | |
|
شافعة غناوي الحن
بي حزنها بتلعب كل ما لقت فرقة إتناولت ورقة وبارت خطاوي النيل يا تختى حد السيل يا تموت ما الغرقى طبقت غنا التحنان ف_ وريقة الأحزان طبقة وكمان طبقة لامن بقت مركب..... وئام كمال الدين |
|
|
|
|
12-16-2014, 05:48 PM
|
#20 | |
|
بسأل عليك
كل الإشارات البتفتعل الزحام تكتم نفس كل الشوارع وتحبسن تسمع شتايم المارة تحسب في الزمن بي حجة الصح والنظام........ بسأل عليك نضم الجرايد والصحف وكل منشور انكتب بسأل عليك فرح المدينة الدون سبب وحسرة الريف والضواحي و هم مساجين التعب ولمة الناس القدام........ والنيل مرق تالا البحر لملم خطاهو علي الشمال لا فترو الصبح المرق من دون سؤال لا أخرو الحن البيأخر كل من شد الرحال لا خاف يسافر في الضلام........ و بفتشك في صوت خنق بالوجعة والخوف الألم في حس سكن شارع الشعوب الضاجة هم في كلمة تتلبس سكات من غير بغم تغنيك عن البوح والكلام........ بسأل عليك الوحشة في سكة حديد صرخة قطر عجلاتو تختصر البعيد بسأل عليك شبح البيوت حرس الحدود ساعي البريد و اهديك مع المارة السلام.... بمشيها خطوة شرحبيل وبقصو دربك دون أتر و اسأل عليك الساقية والقيف والمطر واتحسسك جوة القصيد ووسط تناهيد الوتر لا ريدك الجواي فتر لا في الدواخل شوقي نام.... بسأل عليك زمنا مضى إحساسو حي هندامو مات بسأل عليك الأغنيات صوت وردي حس ابو عركي دلوكة البنات زيدان بغني الليلة ديك والحوت بقول بسأل عليك وأبو سيد بردد يا سلام....... وئام كمال الدين...... |
|
|
|
|
12-16-2014, 05:49 PM
|
#21 | |
|
في حيطة خاطر الذكرى الحي
شافعة أحلامي المهووسة شخبطت الخوف بي قلم الضي هبشت آلامي المدسوسة و رسمت على ضفة نيل واحد أطلال الخلة البنكوسا ونشلت في غفلة خلافاتنا و الفتنة الغدارة بسوسا.... ما القسمة القسمت قسمتنا وقلوبنا المن نفس المعدن واللحظة البملاها حضورك وبنات الذكرى المابنسن والطيف الرامي على الساعات لحظاتنا البي طيفك إنسن والدمعة الساقية خدود عاشقك من مجرى العين بالكف والدن صاينين ميثاق العهد البين عيني وعينيك الدرسن نيلين في الود قلبي وقلبك (أبيض و أزرق) لا بد يتوحدو في مقرن والفتنة البيناتنا ندوسا.... أطيافك ما أحلى وشوشا بطراك في كل العشتو معاك فرع اللبلاب البيتاوق من سقفة حوشنا المعروشة و يتصنط ونسات الشارع منقولا صحيحا ومغشوشا في الصحن الممدود بالحيطة والجارة المن يوما بشوشا و في العتبة الرامية ظلال الحب وخريطة الماضي المنقوشة في الصوت الحالف (نبنيهو) وفي قصة (ميري وعيوشة) و في الكوز الكشح موية البين والدق نحاس المنحوسة... يا مسافر من بلدك ومارق لي بلدك بعدنا ما حيدوم ماليني دليبك والتمتم جراري ونقارة و مردوم يشهدو سوميتنا وودعاتنا وسكسكنا الفوق الجيد منضوم ووحاة الشادي (جدودنا زمان) والقلم الخط (حلم مقسوم) والصوت الغنا عليك طربان( يا مسافر قوم سيب الخرطوم) راجعين ما دام أشجار الحن في طينتي وطينتك مغروسة....؛؛ راجعين يا خي راجعين والله أنفاسك في قولة اتفضل والعيد الجانا بهيج طلة في الغيم الشايل من جيهتك والسيل الزاد الطين بلة في الحلم الكل ما ليو بكبر لا بقل لا عنك بتخلا في النيم والنخلة وفي عينين شافعة أحلامي المهووسة الشخبطت الخوف بي قلم الضي هبشت آلامنا المدسوسة و رسمت على ضفة نيل واحد نخلة و لبلابة و أبنوسة اتشابكو فوق طينة العزة و اتكاملو بالحن نادوسا.... وئام كمال الدين... |
|
|
|
|
12-16-2014, 05:49 PM
|
#22 | |
|
رقيق الكلام التقولو ويحرك سكون الحواس البخيلة وضنينة!!!
يداعب الشعور التصحيو حروفك يلامس المشاعر و يزود حنينا وزي ما بتشوف فيني دوم حاجة منك بشوف في عيونك عيوني الحزينة وبحس في ابتسامتك فرح كل سنيني واريت ابتسامتك تجود بي سنينا أقول ليك حقيقة تحرك جمودك وقلبك يحسا: (معاك أنت وحدك بحس إني أنثى)... وئام كمال.. |
|
|
|
|
12-16-2014, 05:51 PM
|
#24 | |
|
من حلقة التخميس
كاس الخمرة.. وئام كمال .. كاس الخمرة من حلقة التخميس سودانية ونابضة أصالة وشاربة النيل الحضن القيف و أداهو الخدرة لابسة الجلد الشال اللون بين بيضة وسمرة دهم الليل الأسود وضلم رسم العين الساحرة وكحلا وسهم الرمش الحالك يحكي حكاية الريد من أول نظرة صيد الوادي النافر وناجع أسر الخاطر وزاد الحسرة وغنج الحلوة الأصبح غنوة ودوبيت يكسر صمت الصحرا وبسم الفله الشق الضلمة وأسفر يوضح ضي القمرة وسوط الشعر الطول وهيج شجن اللهفة وزاد الثورة تركو العاشق السارح وشايل هم الفرقة القاسية ومرة يحكي الريدة لست الريدة حلم أمبارح وغاية بكرة (ألا يامن قصدت البعد عني أما آن الأوان لتلتقيني سكنت بكل أعضائي وحلت ملامحك بعلقي كل حين إذا مرت طيوفك عن شمالي لغارت من نظيرتها يميني طلبت الوصل ما استبقيت عذرا فليتك يا جميلة ترحميني) كيف مايحكي وفي عينيك حلاوة اللمة وزاد الذكرى وطول البان وقواما فاتن زادو حلاتك روعة ونضرة هادي كلامك وعالي مقامك لوحة تحيري نضم الشعرا ونار الشوق في عاشقك تضرم تحرق عمدا واطي الجمرة وكاس اللون الخدر ألمك وخفف جرحك زاد السكرة وكيف ما يسكر ناظر لونك ومنبع لونك!!! كاس الخمرة |
|
|
|
|
12-16-2014, 05:53 PM
|
#25 | |
|
من حلقة تاء التأنيث
حلم مقسوم حليلك يا وطن ساكن دواخلنا ومغيب في خريطة الشوم.... مشربك في طرف خوفي ومتخلل نفس جوفي الصبح مكتوم.... مصور في الحنايا حنين ومزروع في رحم أفكاري وانت جنين بحسك في الكلام الزين وريحة الطين وفي عيني الجفاها النوم.... معلق في خطاوي النيل تغني الخوة من ملكال..مع النيل الطريقو شمال ..وجايب من أخوي مرسال.. مع الأشواق و رغم الغربة الترحال. .لسه الحال كما هو الحال وسلم لي علي الخرطوم... وجوانا الوطن ممدود ..ولا فصلتنا نحن حدود...نغني علي وتر مشدود أدق طبلة وتدوزن عود .. لا غيرت ريدك لي ولا اتغيرت منك يوم... بجيلك وانت في سري وخلاصة البوح..وأشيلك في المنى الممنوع وفي نضمي الحجا المسموح ..وفي عذب الفراق والنوح وفي صوت البكا المبحوح.. وأدسك وانت متحكر خلايا الروح.. ومتوسد نسيج حسي المليتو جروح وزايد فوق همومي هموم... وببنيك فوق أمل مسلوب وفوق حسرة قليبي الحي.. وأشيد بيك شوارع البيت صدى اللمة وبيوت الحي.. ومن نار الفراق والبين لهب أشواقنا يشعل ضي ..وفي عيني مكانا ليك وفي عينيك نفس الشي ..أعمر بيك مدينة وريف تشيل مني وتعمر بي ... وأقسم ليك من حلمي ومن حلمك تقسم لي ..وآه وأحي من الحلم الصبح مقسوم .. حليلك!!حليلك وانت في جواي وطن مطبوع ...ولو بقدر أطبب قلبك الموجوع وأسد باب العطش والجوع.. وأمرق من سجن حلقومي صوت مسموع.. وعارفك لا بتفيدك لو ولا مني العتب مرفوع وراضي تخت علي اللوم.... وئام كمال الدين من الحلقة 15 |
|
|
|
|
12-16-2014, 05:54 PM
|
#26 | |
|
وئام كمال
من حلقة واحشني عيونك إذا في العيون ارتحال بلمن شتات البلود الرحيبة دروبك طويلة ووصولك محال درب فرحتك وينو كيفن أجيبا وأنا الدون زوداتك شددت الرحال رسمتك حدود لي مداين غريبة.... بشوف في قساوتك كلام لسه طيب بشابه كلام المحب للحبيب ويجبر خواطرا كتيرة ويطيب كما النيل جراح الجروف الخصيبة... ورغم إنو جاريني ليك انتمائي ويشهد علي ربي عالم الغيوب بحس فيك حن المحب المفارق كما فارفت أرضي أرض الجنوب ولسع بقول بينا نيل ما بينضب وريدتك تشبع جياع القلوب تصدي وتجافي!! حتى الصدود فيك كاسياهو طيبة... منو الفي الشمال ما لغنيك محنة منو الما بشم فيك نقاوة أهلنا منو الما حلم بكرة يجمع شملنا وانت السكنت احتمالات صورنا قصصنا وشعرنا وغناوي الحقيبة... بنبعد ونقسى وبتحلف صور في الخيال إلا تبقى معزة دماي في عروقك بتنتح تسميني منك وأقول أنت أنقى وأجيك لوني أسمر و ألقاك أسمر أناولك بلحنا وتناوليني منقا و أقول ليك بحبك وأشوف شوقك أكبر وتعلن دموع أشتياقك نحيبا ... بشوف بكرة أجمل إدا في عيونك تراءت إلي أي ذكرى بتطمن إذا في خيالك رسمت إبتسامة بتخفف مرارة خلافنا وتهون بضوق في مسامك ملوحة القابايل المن الطين تشكل صورنا وتلون وشايف عيونك برغم النهاية بقت لي حجاوينا سمحة وحبيبة... وبرجع وأقول (عذرا إن قولي طال) تعالي النمد بينا سكة وصال عيونك اذا في العيون ارتحال بلمن شتات البلود الرحيبة.... |
|
|
|
|
12-16-2014, 05:55 PM
|
#27 | |
|
مشاركة وئام كمال الدين في حلقة ( سرك في بير ) الحلقة الثامنة من ريحة البن .
( خذ وارتحل ) خذ من ليالي العطر ما احتمل الشهيق بداخلك و ازفر سواي كما تشاء .. ذكر مسام الطين تاريخ الحصاد تعلم السقيا وهب شفتي من شفتيك ماء.. واصنع تماثيل الهوى كي يشهد العمر الغبي مرور طيفك من هنا كي تعلم الذكرى بأنك كنت يوما ها هنا و اعلم بأني قد بكيتك بالندى وطنا و محبوبا وآلهة اشتهاء.. خذ من رفاتي واهدني هبني بإغداق وجود للأرض ،للأقمار ،للنجمات ،للعلماء، للأحباب ،للميثاق ،و الآباء، للنذر القديم وللعهود لمقابر الموتى وأنصاب الجنود لحجيج اجتمعو لدعوات السجود لكنيسة نظمت ترانيم الخلود ولحائط المبكى و أضرحة اليهود هبني لأحزاني لأفراحي لأزمنة مضت عل الحنين يقض مضجعها فتنوي أن تعود هبني و أجزل بالعطاء.. في كل فصل من فصول العمر اذكرني تفقدني تأملني و `أشربني لحد الإرتواء.. إن تقترب مني تجدني راغبا إن تختبر صبري تجدني راهبا إن تبتعد عني فلست معاتبا لم تعتد الأوطان يوما إن هوت في الجدب دهرا أن تعاتب رغبة فوقية.. لكنها تترقب السقيا وتمتهن الدعاء.. ذا حال أوطاني فكيف أعاتبك؟! لايملك الداعي معاتبة السماء.. ماكان لي غير انكسارات الرجاء أدعوك يا أنت الذي أنت الذي عرفت معنى الانعتاق وعرفت معنى الاشتياق وكل أنواع العناق خذني وعانقني لحد الاختناق أدعوك يا أنت الذي... خذ من صباح القطر ما احتمل الندى و اعلم بأنك تصنع العطر المعتق من أطاريح البكاء. .. خذ من وعاء الورد عطرك واحتفل كي تكتمل بالقطف تجربة الوعاء..خذ من وعاء الورد عطرك واحتفل و لتكتمل بالأخذ تجربة العطاء ..... |
|
|
|
|
12-16-2014, 05:55 PM
|
#28 | |
|
من مشاركي في حلقة مقرن النيلين
الباقي ليك خمسة وئام كمال قالت في حلقة الليلة اختار رقم حزنك ما تقولو يا الغبيان.... والدك ملاهو الهم و أداك كمان قدرو شان أنهكو الحرمان.... وأنا رغم قربك لي زدتك عليو عشرة الفقر و الحاجة و الدمعة و العبرة وعطالة و استغلال و الجوع وضيق الحال وضياع رخا الأسواق وكرامة الانسان..... أمسك جرابك زين ماتملى بالحسرة وما تلخبت الكيمان..... مش قالو جانا السيل أدي البحر نصو كان تمنع الفيضان...... رجع كمان الدين لي والدك التعبان.... الباقي ليك خمسة وطنك صبح مقسوم بيتك صبح مهدوم فرحك صبح معدوم همك صبح مردوم والكل صبح مظلوم يا حليل زمنا زمان.... الصحبة والخلان .... يا يمة جيبي شلن بي سرعة للدكان... عم طه كان بيقول مرحب حباب عثمان... ياعمو داير لي حربة وحلاوة لبان...... بي سرعة شان ألحق العب مع الجيران.... النور و ود الزين بيحبو لعب الطين ود أبكر و الخير و أدروب و جون وحسين و سلامة ود جرجس ماشين على الميدان.... شان يلحقو التمرين ما كانو بس جيران ديل كانو جد أخوان.... حبوبة حجتني بي السمحة والغيلان..... بي قصة الراعي والديب مع القطعان.. بالفارس المغوار وبسالتو في الميدان.... بالعمدة راجلا زين كيف بكرم الضيفان..... والحاكم العادل والقسط في الميزان..... يا حليل حجاها الكان..... مديت كفوف رحمة لي روحا يا رحمن..... وبصمت بالخمسة الوحدة والذكرى والخوة والنصرة والخامس التحذير أوعك تكون غلطان..... قالتلي بي همسة اختار رقم حزنك ما تقولو يا الغبيان....... و اتلاقت الأرواح مدت كفوف الشوق لعبت معاي ضباح ضباح ضباح كسرة بملاح ده الضبحو و ده السلخو و ده القطعو و ده القسمو و ده الأكلو و الباقي ليك خمسة |
|
|
|
|
12-16-2014, 05:57 PM
|
#29 | |
|
وئام كمال الدين توقع ب:
-شرق- حرف الكلام حلقي -شرق- ريد المحنة صباح .... -طبق- سلمت فيو قلبي و -طبق- هجرك كلامي الراح ..... -عجن- حسنك احاسيسي و -عجن- غنجك ملاني جراح ...... -نصيح- انا رغم جني البي -نصيح- انا والهم النواح ......... -بريدك- بحت بي حبي و -بريدك- بالسلام ما باح ......... و -أكيد- باللقيا عزالي و -أكيد- أنا بي لقاك برتاح ......... و -بستناكا- في الميعاد و -بس تناكا- قمري اللاح........ -أسيل- تتدفق أشواقي و -أسيل- خدك تقول مصباح ........ و -أراضيك- وانت تقسى علي و -اراضيك- دونا مافي براح .......... -سحر- ضلم كحل عينيك -سحر- عيني وليا اجتاح .......... -رقيق - لحظك أسرني بقيت -رقيق- رمشا كحيل ضباح .......... و -نور- نور ضلام العين و -نور- أزهارك الفواح ......... -بروق- لو مرة تطراني و -بروق- نورك تلوحلي لواح .......... ولامن ذكرياتي البوح و لامن جيت أبوح بصراح..... شرق حرف الكلام حلقي وشرق ريد المحنة صباح... |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصيدة الشيخ كمال الدين عزً الفقراء | ابوعمر | ♬ ♪♩♭ قسم المدائح والاناشيد الدينية ♬ ♪♩♭ | 1 | 10-27-2014 05:42 PM |
| الشيخ كمال الدين الزنادى | حسن شرشر | «۩۞۩-المنتدى الاسلامى-۩۞۩» | 9 | 11-29-2012 10:06 PM |
| المسافة _ بصوت فنان الحصاحيصا المبدع محمد كمال الدين | أبوهمام | ♬ ♪♩♭قسم اغاني الحقيبة وكبار الفنانين ♬ ♪♩♭ | 1 | 06-18-2012 10:30 AM |
| الشاعرة / روضة الحاج | منتصرميرغني | «۩۞۩-منتدى الادب والثقافة-۩۞۩» | 9 | 08-04-2007 02:19 PM |
| بسم الله - الحمد لله - احبائى بدر الدين الهادى - كمال الجمل | احمد حامد | «۩۞۩-المنتدي الاجتماعى-۩۞۩» | 0 | 04-25-2007 06:19 AM |
 |
 |
 |
|
 |
العرض العادي
