رايكم شنو (2)

جمعتنى الصدف بعضو فى احدى الفرق الكوميدية السودانية المشهورة وبعد التحديق فى وجهه لمسافة زالت حيرتى بعد ان عرّفنى بنفسه وسرعان ما دار نقاش حول الكوميديا ودورها فى معالجة بعض مشاكل المجتمع فاعتدل فى جلسته وبدأ فى تشغيل الاسطوانة المشروخة بانهم يقدمون خدمة كبيرة للمجتمع ويساهمون فى تغيير الكثير من السلوكيات والمشاكل وبدا متفاخراً وكأنه قد اكتشف الذرة او قانون نيوتن الرابع فبادرته بأسئلة ساخنة : بالله ماذا يستفيد المجتمع من السخرية من الاحول والاعمى والتمتام واصحاب العاهات ؟ وما هو احساسكم وهذه النكات التى تقدمونها تمس احاسيس بشر ابتلاهم الله ؟ وما هو التغيير المطلوب منهم ؟ وماذا يستفيد المجتمع من السخرية والتندر وزرع الفتنة بين القبائل ؟ واي تغيير هذا الذى تريدونه فى مجتمع لم تزده نكاتكم وسخريتكم الا المزيد من الجراح ؟ فارغى وازبد ولم نواصل الحديث على امل اللقاء قريباً وما زلت فى انتظاره ,,,, بالله رايكم شنو ؟

سلااامات

مديرنا حمد الله على السلامة

الفرق الكوميدية في السودان بتعتمد على الافيهات السريعة

مضحكة ....... نعم

لكن مفيدة دي الله ... اعلم

وسلامي

الاخ العزيز العريس عارف كما قلت اين الكوميديا التي يقدمها هولاء ووالله منذ ان رأت اعيننا النور لم نري او لم اري عملا ناجحا يملاء العين ونقول عليه ساعد في علاج مشكلة اي كوميديا التي يتكلم عنها هذا وكان من المفروض ان تجيب سوط الهمباتي وتقع فيه جلد رايكم شنو

الاخ عارف تحياتي
كتيير من الكوميديا السودانية تحكي عن واقع نعيشه من ناحية ومن ناحية اخري ترفيه للبعض.
اما قصة تطوير فهي مش الكوميديا لوحدها بل كل السودان وبما فيه يحتاج للكثير...

تحياتى عارف
هى اضفاء ضحكة فى المجمل ...
مصدر دخل للكثيرين يعنى حكاية معالجة اوضاع دى بتنطبق عليهم هم ...
ممكن تلقى فى فرقة شايلة الهمّ لكن اغلبها نجده منساق خلف العداد ...
نموزج سوط العنج شبطك بعالج شنو والمقصود منو شنو ... الكهرباء (محمد موسى) بتجسد لى غباء غريب لانسان الريف بستحقوا عليه المحاكمة ..
زمان كنا بنحس بى نكهة السياسة المدفونة فى النكتة ...
لكن اليوم ضحك وضحك وعداد رامى
تقبل سلامى ومرورى
امتنانى