تقدر تعمل كده في أحد مسؤولينا ......

هذا المقطع لرامسفيلد وزير الدفاع الأمريكي السابق في احد فنادق واشنطن شوف حرية التعبير المتوفره لهم والغير متوفره لدينا ......... فسؤالي تقدر تنتقد أصغر مسؤول في بلدنا بهذه الطريقة ؟ وماذا تتوقع أن يحدث لك ؟

سلامات اخونا امجد تشكر على الموضوع الجميل !!!!!
لكن والله يا امجد دي في السودان لو عملتها مع مجند بتاع!!!!!!!
دفاع شعبي يوريك النجوم عز الضهر !!!!!!!!!!!
وتقبل مروري

الاخ امجد لك التحية

امجد ياخ صلي علي النبي نحنا مابنقدر نقول راينا حتي لو بطريقة مهذبه خلي طريقه عنيفه

وبعدين رامسفيلد ده امريكي وماادراك ما امريكي لذلك لا يوجد مقارنة اساسا بين سياسات امريكا واي بلد اخر ولا شنو


يا استاذ امجد ( طبعا نحنا من تلامذتك والموضوع ده خلي في سرك عشان ما نكبرك اصلا كبير قيمة والله يا استاذ ) .


لك التحية وربنا ارد غربتك



بنت ملوك النيل

العزيز امجد...
تحياتى...
حقيقه حريه غير عاديه يعنى اى انسان يقدر يعبر عن رايو بكل صراحه وبدون اى خوف...لكن بينى وبينك كده الراجل مجرم حرب كبير...وفى اعتقادى لو كل الناس صرخوا فى وشو بنفس المستوى ما ح تهتز منو شعره لانو ما بختشى...
تحياتى اخى امجد واسف على ((التخريمه))..

المسلم محمد على كلاى يستهزىء بالمجرم بوش

[youtube]

ود احمد الشيخ عساك طيب
عندنا بتاع الحافلة لو عارضتو بيوقف العربية ويقول ليك اتخارج
كعبرة:-
صحيح الداير تكوى اسكت خلى عمك راسمفيلد تكنو اطرش وما سامع وجماعتك حسهم اتقرش
تحياتى و مودتى

امجد تحياتي

من الاشياء المعبره في المقطع زوجة رامسفيلد وكيف مبتسمه ولا فتحت خشمها بي كلمه ولا قالت ليها بالله شوف مقصوفة الرقبه دي ولا دافعت عن راجله لاني في ظني عارفه انو راجله مهما كبر تظل حرية التعبير اكبر من الجميع وده الشئ الخلاهم يطلعو القمر ونحن لليله بنهلل لي جسر في ام الطيور !!!!!

يا ودالسر والله كان عملتها في بتاع الشاي والقهوة في مبنى الدفاع الشعبي يعمل ليك المروحة ........

الف صلى وسلام عليه ...............

يا بت القوز لا عليك الله قوليه ما تخليه سر ......... تسلمى .

الفرق البينا كبير وفي هذا الخصوص إحترامهم للراي والراي الآخر وهذا من ابجديات الديموقراطية .....

آمين .........

يا عريس مشكلتنا اذا اي واحد أسند إليه مسئولية بيفتكر نفسه (المختار) وبقية الناس لا تفهم شي وبمجرد ما تعارضو بيستعمل هذه السلطة في قمعك وإسكاتك .......... والدلائل كثيرة حتى علي مستوى الحصاحيصا.

ياأمجد خليك واقعي
اصلا بتقدر تفتح خشمك
بعدين أجمل مافي المقطع
إنو الشعب الامريكي غير راضي ماتفعله حكومته
قال اتكلم قال خليها بي أضعف الايمان

يابدر الدين سلام للوالد اذا اتصلت به قريب :

قالو في وزير جنوبي شركة الاتصالات قطعت جواله للفاتورة فأخذ معه كتيبه واقتحم رئاسة الشركة وسأل مديرها العام ( من اداك تسريح هك شركة ده - انته ماارف انا وزير لييه يقطع جوال حقي انا - رجع جوال الان او يسحب تسريح) ...

لا تعليق

يا همباتي صدقت والله كان كانت زوجة مسؤل سوداني او عربي كان معطت ليها شعرها .........

جسر في أم الطيور شنو ؟ كان عملو في أم الطيور جسر الناس بتتبرك بيه زي الولي أو الشيخ التقي ...... اذا كان كبري توتي الناس بتمشي تتصور فيه زي المعلم السياحي .......

يا ود بحيري :
مشكلتنا ماعندنا وزير متقاعد البيسيب الوزارة اليوم بعد ساعات بيركبوه وزارة اخرى او يدخل الغابه ........

يا عمر انا كان ما كنت واقعي ما استغربت من البوست ده وبعدين احنا ماراضين وفي نفس الوقت ما نقدر نقول حاجة مفروض علينا أن لا نسمع ولا نرى ولا نتكلم ولا نعترض .......... الخ ولا نعيش الا اذا لبسنا الكنغوليه او خشينا الغابه ............. او تشردنا زي ماحاصل الان ........خليك قريب

تحياتى يا امجد
خلينا من المواطن المسكين الغلبان حتى على مستوى الحكومة ما سمعنا
قبل كدة بمسئول اتحاسب بالرغم من الفضائح والمصائب التى نسمعها كل
يوم ,,,, فرحت يوماً عندما استقال مسئول كبير من الوزارة المهمة على خلفية
فساد وانهيار مبانى واهدار المال العام ولكن سرعان ما كوفىء السيد الوزير
بوزارة اكثر حساسية ويا هو دة السودان ,,,,
تسلم يا امجد

ازيك يا امجد

صدق لو اتكلمتا ساي مع بتاع (السكيورتي) في المستشفى العام والله تبقا في البخارج روحيتك دي

تقول لي مسئول

والله كان الواحد الزمن رجع بيه غير كليه الشرطة ما يدخل

البلد انت ما عارف الحاكما منو............

يا عارف حاول غير القعده بتاعتك دي ما تعبته؟ بتجيك قطيعه .....

السؤال البيفرض نفسه هنا : ماذا حدث لقضايا الإختلاس والتلاعب الحصل ؟
وهل كانت الإستقالة ضجة إعلامية للتغطية علي ماحدث ؟
وهل تم محاسبة الوزير أو مساءلته عن تقصيره في إدارة الوزارة؟

يا عم احنا من زمن نميري اي حد يتلف يسرق يقتل يشرد الناس نفضل خايفين منو لحدي ما يترك منصبه ولما يتركه نقول ليه عافين عنك لوجه الله ؟ تسامح وصل حد العبط....

شرطة شنو يا ست البنات انتي ما قاعده في البلد ولاشنو ؟ في حاجات تانية لا يقال لها ( لا ) برسل ليك اسمها في الايميل عشان هي سر .........

غايتو الله يكضب الشينة البوست ده حايوديني التونج يظهر فتيتو كتير ...... غايتو في اقرب إجازة ما أظن اقدر ارجع الرياض تاني ...........

يازول انتا ماداير تنعدل
بخلي ناس الالزامية ينتظروك في المطار
وكان اديتها بنعيدها ليك تاني
تقدر تفتح خشمك

سلامات ياود الشيخ
الحاجات دى ماتت فينا ياامجد نتيحة القهر والاستبداد
واصبحنا مغيبين ودايرين حول دوامه اسمها المعائش

	[justify]الإخوة المتداخلين جميعاً لكم السلام و كامل الإحترام و التقدير أول كدي قولوا بسم الله أمريكا دي منو الفيها حرية دي و قبل ما ندخل في التفاصيل بس عايز واحد يقنعني إنو المرة القبضة بتاع الأمن دا مشى برة طوالي كدي فكاها ؟؟؟ يا أخوانا و الله حرام علينا نتخدع في أمريكا نقول فيها حرية ؟ حرية شنو عند الناس العندهم قوانتانامو و أبشع وسائل التعذيب في كل السجون و المعتقلات و المرة دي بتكون شافت النجوم بالنهار و بالقانون دا رغم إنو هو وزير معاش ما في الحكومة للآن و الحرية في أمريكا دي كيف يعني و من غير تفاصيل ياتو يوم سمعتو إنو الرئيس الجديد لي أمريكا غير القوانين أو قال لا للكونغرس و كلنا عارفين إنو أي رئيس بجي و لا على كيفو بحكم بالدستور و بالقانون اليهودي مش لو أوباما أو كان عنتر ذاتو و دي حاجات رغم إنو أنا ما من أصحاب المعلومات التفصيلية فيها لكن معروووووووفة للجميع دي من ناحية الحكومات و المسؤلين و الحريات من غير تفصيل مع الإعتراف بي إنو الواحد فينا لو بقى مسؤل بفكها في نفسو طوالي كدي من أول يوم حتى لو كان مسؤل من الخير ؟ من ناحية تانية يعني إنتو قصدكم الحريم الأمريكيات ديل أرجل من منو فينا و الله نحن فينا البياكلو الظلط و لما نقوم مافي زول بوقفنا بس نحن كسودانيين ناس محترمين و طيبين و ما بنعمل ذي ديل و مع ذلك البنلقى في صيوان العرس أو صيوان البكا أو في الحلة ساي من المسؤلين ما بنقصر معاهو لو نحن فعلاً شايفين إنو مجرم حتى لو كان لسة بي حصانتو و حرصو معاهو دا من ناحية بتاعة أفراد و من ناحية تانية عندنا من التنظيمات و الإتحادات و النقابات الببهدلو الواحد لو مسكو عليه غلطة أو أي مشكلة هو السبب فيها من الآخر كدة ما تعملو لينا الحريم الأمريكيات ديل أرجل مننا و ما تصورو لينا أمريكا دي هي بلد الحريات إلا الحريات بتاعة الإنحلال الأخلاقي المنافي لينا نحن كمسلمين و لو نحن عايزنو هسي بنجيبو لكن الحريات التانية و الله أنا شخصيا ما سمعت في أمريكا دي حزب شنو و حزب شنو ذي المليون حزب العندنا هنا من الآخر عمكم رامسفيلد دا أدوهو الباقي خلو إنزل ؟؟ [/justify]

يا عم عمر والله اديتها وابو يدوني الشهادة قالو لي ملفك راح شاكلتهم المجند حمر لي عيونو خفته مرقته براحه .....

يا رهاز والله الأخيره دي هي اللهو بيها الناس الواحد بقي عشان يأكل ويتعالج ويتعلم الا يكون حاوي عشان يقدر يعملهم كلهم وفي ناس في نص ساعة بتطلع مايكفيها سنة كاملة من العيشة الرغده .......

يا حمدي نقاطك كثيره يلا حا احاول ادردش معاك في بعضها حسب معلوماتي البسيطة :

* البت ساقوها بكل لطافة بدون جر ولا تلطيش ولا سحب زي ما حصل للزايدي بتاع العراق في ملحو كسرو ليهو ايدو ........


* قوانتانامو دي عملوها للأجانب ومافيها أي أمريكي ..... في فهمهم أنهم أسياد العالم ومناداتهم بالحريات للشعوب الضعيفة مثلنا شعار كبير لو طبق عندنا هم أول من سيقلبها علي من طبقها ........

* كون أن الرئيس الأمريكي ليس له حوله ولا قوة بتعديل الدستور أو القوانين الموضوعه فهذا دليل علي قوة النظام الموجود لديهم مش زينا الرئيس عبارة عن إله ( أستغفر الله ) يأمر وينهى ذي ماهو عاوز ولا واحد يقدر يقول ليهو لا ......

* ما تبقي جعلي ساكت احنا ماقصدنا النسوان عندهم ارجل مننا ...... لكن عندهم مافي فرق بين راجل ومره ..... اما النقابات فلحقت امات طه بتعرفهم .....

* قلنا ليهو نديك الباقي قال لا دايرو مع الفوائد ومن البترول يا ........