التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة |
|
أدوات الموضوع | انواع عرض الموضوع |
#1
|
|||||||
|
|||||||
قالو لي بتحبي ( فحص طبي )
انتهى زمن الخداع ( والحنك ) الفاضي
من شاكلة أجدك في كل قطرة من دمي .......... أو كما غنى المغني زرعوك في قلبي يا من كساني شجون ورووك من دمي ياللادن .. العرجون .. وواحد تاني غنى: وأزرعك في قلبي زهرة وبي دماي أجود عليك كشفت دراسة جديدة نشرتها مجلة التايم الأمريكية، الأربعاء، عن إمكانية كشف حب الرجل الحقيقي للمرأة، من خلال تحليل الدم. وجاء في الدراسة أن تحليل الدم الجديد يتتبع هرمون الأوكسيتوسين، والذي يعرف أيضا باسم “هرمون الدلال والمحبة،” والذي يشير ارتفاع نسبته في الدم إلى مدى حب الرجل للمرأة، والعكس صحيح. وأشير في الدراسة إلى أن هرمون الاكسيتوسين، الذي يرتفع عند النساء أثناء فترة الرضاعة والأمومة بالإضافة إلى العلاقات الزوجية، يمكن تتبعه في دم الرجل عندما يكون في حالة الحب. وأكد الباحثون في الدراسة التي ضمت 136 شابا في العشرينيات من العمر، على أن معدل هرمون الاوكسيتوسين عند الشباب الذين تجمعهم علاقات غرامية مرتفع إلى حد ملحوظ، على عكس الشباب الذين لا تجمعهم أي علاقات غرامية. وجاء في الدراسة ان ارتفاع هرمون الاوكسيتوسين لدى الشباب اثر بشكل مباشر على حساسية اللمس والحنان والمزاج الجيد بالإضافة إلى انسجام الحركات بين الشاب والفتاة. وأكد الباحثون على أن ارتفاع نسبة هرمون الدلال والمحبة في الدم يؤثر بشكل مباشر على مدة العلاقة ومدى استمرارها، حيث أن الدراسة التي تتبعت 25 زوجا لمدة لا تقل عن ست أشهر، أشارت إلى أن الأزواج الذين ترتفع عندهم نسبة الهرمون في الدم بقوا على علاقة أطول من الأزواج الذين انخفضت معدلات الهرمون في دمهم. ياربي هسع لو مشيت وعملت البتاع بتاعهم دا الهرمون بتاعي بيكون وصل لحدي كم انا خايف العداد ما يقرا ولا يتكسر زي كدة اها شفتو جنس البوهيه دي قالو الجهاز بيضحك عليك وطاااااااااااااااااخ بيديك اصلو ما بكضب غايتو اول تجربه لاول معقب وتسلمو بالحب الحقيقي
كيف اللحاق بركب نعيك والشوامخ لا تطال
|
02-28-2012, 04:33 PM | #2 |
|
قالو لي بتحبي ( فحص طبي )
يعني اي زول يقول ليك بحبك طوالي تقولي ليهو نمشي الفحص الطبي
عشان نتاكد دا لو ما طلعت ملاريا لووووووووووووووووووووووووووووووووووووووووووووووول يعني حبك ملاريا بس |
كيف اللحاق بركب نعيك والشوامخ لا تطال
|
02-28-2012, 04:55 PM | #3 |
|
هسع النبي فيكم زي دي موش تستحق معمل استاك ولا معامل افارما كلها وزي دي لو كذبت عليها وقلت ليها بحبك ومشيت فحصت تطلع النتيجه ( + )موجب والعجب لو كنت صادق جهاز الفحص زاتو يحبها معاك اللهم هون علينا اها يا ابوامجد رايك شنو في الفحص الحبي لكن ما سمعت بزولنا الزمان قال شنو ..........؟ العلماء ديل عبيد عبدالرحمن سبقهم بسنوات حين قال هواه بجسمى اتخلل مجارى الدم اذا اتحلل وقيع لى رضاه أتذلل وما هماه يا سيدى دا واحد أصلو بتدلل اها تحبو صح ولا نمشي شارع 21 اكتوبر نفحص ليكم وجــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــتع |
كيف اللحاق بركب نعيك والشوامخ لا تطال
|
02-29-2012, 02:10 PM | #4 |
|
عذبني وزيد عذابك يمكن قلبي يقسي
حيرتونا معاكم امس بقيت غفير للبوست دا واي زول وزوله جات تواقت وطلعت الحكايه شنو ياعارف كان فيهو ريحه قولو عشان نمشي بيهو ال............؟ غايتو انا كان مشيت المعمل ولا ما مشيت حبي طافح لمن مغرق ناس القوز خليهم ناس بردب بردب وحالف ما ينقص |
كيف اللحاق بركب نعيك والشوامخ لا تطال
|
02-29-2012, 02:17 PM | #5 |
|
الرائع ابوذر السيدات والسادة المتداخلون ورواد المنتدي وزواره السلام عليكم ورحمة الله وبركاته ،، موضوع رائع جدا ... الظاهر يا ابوذر انو السودانيين اكتشفوا "" اعراض "" هذا الهرمون من زمن وهو ما يظهر كما وضحت حضرتك في كلمات الاغاني التى تحدد موقع الهرمون وتأتي الآثار الجانبية الأخري مثل نشاف الريق ( في أغنية السمحة نوارة فريقنا ** يا العسل يا النشفت ريقنا ) وخفقان القلب وطيرانه مع عجلات القطر وهناك آثار جانبية للهرمون خاصة بالسيدات مثل الشكية من الحمي وتوابعها .. اعاذك الله من الملاريا .. تقبل مروري
|
ديل الديمة من رد الأنيس ناجعات=وكل حين فوق عليوا زاوي منجمعات
ضمر خلقة ما من قلة معيش ضايعات= تيسن دور الوادي الورا القلعات بيت شعر= في وصف الصيد من مسدار الصيد للحردلو Do not go where the path may lead;go=instead where there is no path and leave a trail |
02-29-2012, 02:38 PM | #6 |
|
.(توحَّدتُ فيك وصِرتُكِ أنتِ
فحين مشيت مشيت بمقدمك وحين أكلتُ لمستُ فمِك وحين مرِضتُ فحصتُ دمِك..) شوفو كيف.. البكاء علي اصلو عشان يا ابوالدرداق ماتجي تقول لي اصلو نحن ناس محبه زول نحبو وزول نعزو وزول نقطس حجرو |
كيف اللحاق بركب نعيك والشوامخ لا تطال
|
02-29-2012, 03:00 PM | #7 | ||
|
الروعه انت يا شيخ عبدالقادر مدني وياخي نشاف الريق والشحتافه والوردة ( بكسر الواو والراء) ولهلبه راحات الكرعين وخمه النفس دي اسكت سااااااااااي ياخوي منها وتكسر القطر دي نوع من الحسادة لا اكتر من كدة وحقيقه الريدة عندنا مزروعه بالدس وتسقي بالليل فقط حين ينام ناس حمودي وعبورا وزي ما قال الولد لامو حين استعصت علي ابوة في ان يوقظها فما كان منه الا ان نادي علي امه يمي يمي قومي شوفي ابوي احسن ما يقد ليهو عين واحد مننا وبرضو الفينا مشهودة وعارفانا المشاعر النحن بنقودا ورحم الله الرجال البطرشقو الهمبوكا ومشكوووووووووووور اخي قدورة مدني علي المرور الرائع ودمت حبيبا |
||
كيف اللحاق بركب نعيك والشوامخ لا تطال
|
02-29-2012, 04:11 PM | #8 | |
|
اقتباس:
والله يا ابو زر زولتك دى يحبها الجهاز و الشركه المصنعه ذاتها موضوع جميل بلا شك
و اظن ( وان بعض الظن اثم ) انك بمثل هذه الدراسه قد اوجدت عزراً جديداً لحاملى الفصائل النادره . فاذكر ان احد الاصدقاء الاعزاء اتصل للاستعانه بى ( لظنه الحسن ) بعلاقاتى لتوفير عدد 4 زجاجات دم ( فصيله نادره ) فتحركنا للبحث صراحه لفينا كتير لكن وفقنا والحمدلله. و على ما اذكر كانت هنالك بعض الاعتذارات مثلاً واحد يقوليك انا اتبرعت قريب ده ( يعنى لم يتم المده القانونيه" حوالى 4/6 شهور ) واخر يعتذر باصابته بالايرقان ( التهاب الكبد الفيروسي HBS Ag ) طبعاً ده ممنوع نهائى و فى موانع تانيه بعضها مؤقت والاخر (مؤبد) ما يهمنى هنا هو الاحتفاظ بالحق الادبى لى باضافة حالة الحب كاحدى الموانع المؤقته للتبرع بالدم ( باعتبار ان الفحص المعملى يؤكد زياده هرمون الاوكسيتوسين عند المحبين )) يعنى لما الزول يتبرع وهو فى حالة حب اكيد الحب حينتقل للزول المرضان و حتبقى حكايته بايظه ( مرض وحب) يعنى سهر فى سهر عشان كده بقترح اى زول بحب يكون واضح و صريح لما يجو يشحدوه حبة دم ( يخلى عندو دم ) و يقول بالواضح معليش يا شباب انا والله اليومين ديل بحب و كده او انا اليومين ديل حاسى بحبة ريده |
|
|
02-29-2012, 06:31 PM | #9 |
|
غايتو يا أبو ذر حيرت الطب والطبيب
|
|
02-29-2012, 07:36 PM | #10 | |
|
اقتباس:
الحب عذاب.. و أنا مالي.. مالي و الهوى.. و مالي و (الهواء) البجيبو الحب ده..!! و دمت يا أبوذر.. يا حب.. |
|
|
03-02-2012, 01:20 PM | #11 | ||
|
الووووووووووووووووووووووووووووول يا ابوامجد بس انزل الطبيخ من النار والمدام تفسخ الحنه وبرجع ليكاصلو الليله عندنا حنه سعاد |
||
كيف اللحاق بركب نعيك والشوامخ لا تطال
|
03-02-2012, 01:59 PM | #12 | |
|
اهليييييييييييييين رانيا بنت العم خدر وسعيد جدا بمرورك وحروفك وحيرتك الطب هين مقدووووووووووور عليه والطبيب برضو مقدور عليه انا البقدرني شنو لكن وتسلمي ستي |
|
كيف اللحاق بركب نعيك والشوامخ لا تطال
|
03-02-2012, 02:03 PM | #13 | |
|
البجيبو الحب ولا البجيبو ابوذر يا بتاع الهوي الباعث الليالي العامرة بشباشب الهواء غايتو لقيتك يا الرشيد وحبيب وابن الحبيب معقوله يعني نحن نسوي شنو مع ( الهواء ) الحارسنا وفارسنا ومتفرسنا نلعب سكوكيا ولا الرمه حراسه والله يطيب خاطرك ياحب |
|
كيف اللحاق بركب نعيك والشوامخ لا تطال
|
03-02-2012, 02:06 PM | #14 |
|
وعشانا كوراع يا حب يا جماعه البت دي كانت في حفله توزيع الاوسكار وانا سكرا حيحي لقيت العشاء فول حردتو وطنشتو وقلت ما بتعشي الا كوارع ولكن بقدرة قادر لقيت ال........... غيرو اسمها |
كيف اللحاق بركب نعيك والشوامخ لا تطال
|
03-04-2012, 05:30 AM | #15 |
مونتي
|
يعني يازورو الراجل يختلف مع مرتو بتحبيني ولا ما بتحبيني يقوم يعملو فحص
تطلع النتيجة انها بتحب لكن الفحص اكيد ما بوريك بتحب منو .....! قالو لي بتحبي في السلاح الطبي |
اشهد ان لا اله الا الله محمد رسول الله |
03-04-2012, 08:29 PM | #16 | |
|
اقتباس:
دى المشكله هنا
انا عارف فى ناس كده يحبوا بهنااااااك و فى الفحص يقولوا الريده للمدام غايتو جنس كلااااااااااااام |
|
|
03-05-2012, 01:34 PM | #17 | |
|
انت تختلفمع مرتك لشنو...........؟ خلي فصيله دمك حب لظتف وعيش مرتاح البال |
|
كيف اللحاق بركب نعيك والشوامخ لا تطال
|
03-05-2012, 01:48 PM | #18 | |
|
ونغني نور بيتنا وشارع بيتنا وبيت جيرانا وجيران جيرانا ولو وشوش صوت ابوامجد في الباب يسبقنا الاولاد قبل الاشواق ياخوي الحب اين ما كان فهو الحب والفحص وان كان للسيارات برضو بيطلع ملاريا وتحبونا ولا نفرتقا مقوله ذهبت مع اخر بتاع الكوانين والبصلحو السرائر ويحليل البك...................وممنوك حبيبنا ودمت بالف حب وبعيد من الفحص والتفحيص |
|
كيف اللحاق بركب نعيك والشوامخ لا تطال
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قالو سيـدا | قمرالزمان | «۩۞۩-المنتدى الرياضى-۩۞۩» | 34 | 10-05-2009 07:04 PM |
قالو في الرجل | جعفر يوسف ابراهيم | «۩۞۩-منتدى الحصاحيصا الحر-۩۞۩» | 13 | 04-26-2009 08:27 AM |
قالو قالوا ............ | الجعلية | «۩۞۩-منتدى الحصاحيصا الحر-۩۞۩» | 12 | 02-19-2009 11:05 AM |
قالو في المرأة | mikey2002 | «۩۞۩-منتدى الحصاحيصا الحر-۩۞۩» | 2 | 12-22-2008 01:48 PM |
قالو عنهااااااااا | diaeldin | «۩۞۩-منتدى الحصاحيصا الحر-۩۞۩» | 2 | 01-25-2008 10:09 PM |