كلو من الحكومة

يا أحمد الطيب ، تتذكرك السقط البحمى الضحك والوضوء زماااااان ،
ولكى تضحك حتى تبين النواجز !! بعد فشل المعالجة بالفازلين والجلسرين
والودك للكرعين ، بيوصوك ، بالسقط داقسوا ما تفاقسو !! دحين يا اخوى
الحكومة داقسها وما تفاقسها !! بالله بعد الخدمة الطويلة والممتازة ، وتحت
تحت - فى سرك - بعد المؤبد دا ، جايب لينا سيرة البحر مالك ؟
يا أبوحِميد - أنسى تصريف ياء النداء- لان (إلى ) ذاتها ، بقيت ما بتجر
الحكومات من البحر !! وبطل التحريض على الحكومات الشابة ، وخلى الشباب
يعوموا فى بحر التنازلات لارضاء الحكومات المُتمردة والمُتنمرة .
والله يكفى السامعين شر الحكومات النقناقه !!

المشاركة الأصلية كتبت بواسطة عاطف اسماعيل

يا أحمد الطيب ، تتذكرك السقط البحمى الضحك والوضوء زماااااان ،
ولكى تضحك حتى تبين النواجز !! بعد فشل المعالجة بالفازلين والجلسرين
والودك للكرعين ، بيوصوك ، بالسقط داقسوا ما تفاقسو !! دحين يا اخوى
الحكومة داقسها وما تفاقسها !! بالله بعد الخدمة الطويلة والممتازة ، وتحت
تحت - فى سرك - بعد المؤبد دا ، جايب لينا سيرة البحر مالك ؟
يا أبوحِميد - أنسى تصريف ياء النداء- لان (إلى ) ذاتها ، بقيت ما بتجر
الحكومات من البحر !! وبطل التحريض على الحكومات الشابة ، وخلى الشباب
يعوموا فى بحر التنازلات لارضاء الحكومات المُتمردة والمُتنمرة .
والله يكفى السامعين شر الحكومات النقناقه !!

والله يا توفي دوما ما احتار عندما تسبق ياء النداء أحد الاسماء الخمسة، لان تصريفها يبين ركيكا في الدارجي، وعلى كل حال خلينا في السبعات (السبعة طبعا حكومة الأسد -أنثى السبع) أقصد في الستات وعليك الله اسأل لي المصريين ديل سموهم ستات ليه .......هم خلي بالك اللي طلعوهم في راسنا شابكين ليك الوحد ست ست لحدي ما صدقن انهن ستات وستاتنا بالتحديد (لأن ستاتنا دي عند المصريين برضو معناها حبوباتنا والحكومات جنها وجن حكاية الحبوبات دي). لكن كدي قول لي القال ليك منو نحن حكوماتنا ما شابة؟؟ ياخي ديل عز الشباب وزين الشباب وأصلو الشباب والدلال حق الشباب - ياخ بتبالغ والله........ يا زول انت بي صحك والله دي تأخد ليك فيها تأبيدة تانية وبالميت يجيك ابو عديلات. ونحن ياخوي بعد كدة لو داقسنا واو فاقسنا كلو ما نا فع. لكن الجماعة اليومين ديل بقوا يقولوا الحكومة دقسها ما تونسها زمان لو تذكر نحن بنقول جكسها ما تعرسها لكن يبدو أننا يا خوي خلاص حتى شعاراتنا بقت قديمة. وتسلم على المرور العاطر.