من الـ"تـفّـاح" يا حبيبتي بخاف عليك !

البعض يعاني من التحسس لبعض المواد , مثلا الجلوتين الموجود في الارز ,فللأصحاء قد يصبهم بالتخمة , بينما يهيج جلد الذين لديهم حساسية له , وليس بغريبا ان ياتي احدهم قائلا : والله يا دكتور الود ده من ياكل العيش جلدو يفور وراسو يدور , نفسو يقوم ويابى النوم ...
ما دعاني للكتابة هو كلمات قالها صديقي يوما حين انتابته حاله من الفضفضة الفجائية , قال لي وعلامات التركيز تجتاح جلحات رأسه التي تنذر بصلعة " قبل يومها " , تعرف يا فردة " وحينها كنا فرد , والان اصبحنا اشباه دكاترة " تعرف , حبيبتي عندها حساسية من التفاح ! اااي والله قالت كده , فاجبته وكلي ثقة , ا زول ها , من الله خلقنا وطلقنا وفي الطب رمانا ما سمعنا بحساسية التفاح دي ! فأجاب بكرمشة ناتجة من رفع حاجبة الايسر وضم الايمن في حركة بهلوانية , قال , جد صدقني , ياخ دي اذا جبت ليها سيرة التفاح او جينا جمب بتاع الفواكهة تقول : عليك الله جايبني بالشارع ده لشنو انت ما عارف انو ريحة التفاح ساكت بتجيب لي نزلة ؟ فنضطر سويا لتغير الشارع , لا لكلب يتربص مدخله , فقط من اجل التفاح !! حتى انها قالت انو الدكتور قال ليها ما تاكلي التفاح , لانك عرضة للقرحة !
ياخ دي يوم قالت عطشانة , ولشلاقتي جمبنا كفتريا , واخوك مقحّط, دخلنا , مشيت اشوف ما قل ثمنه , وصلح شربه , فلم اجد الا ما اشتعل وغلى سعره ,فأتيتها بخفي حنين صاحبي , قالت والصرّة تعتلي وجهها : ما قلت ليك عطشاانة ؟ فقلت ببراءة الذئب , وحاتك غير استييييم تفااااح ما لقيت حاجة , فأنتصبت واقفة والصرّة قد ازدادت رقعتها : ارحكّا من الكفتريا العاضّة دي !
ويا ويلي وسواد ليلي اذا زعلتها , بتهددني وبتقول لي : والله بعمل حاجة في روحي وباكل تفاااحة , وبحنية اطيب خاطرها , خلاص يا حبي شوفي ليك طماطماية عشان خاطري بس اوعك من التفاح, وبعنادها الانثوي تصر على التفاحة , حتى اذا تنازلت عنها , هددتني بالاستيم !
اتّو حساسية التفاح دي ما ادوكم ليها في الطب ؟ فأجبته : ها هأ !
والله يا شقاوة تشوف ليك واحدة تكون عندها حساسية من الطماطم والتفاح والملاحات والدليفري والسندوتشات والنقة, تكون مع وضعك الاقتصادي مية مية !
وأنشد بعد ان نفث اخر دخان سيجارته """ من التفاحه يا حبيبتي بخاف عليك """ !!

منقول....

ههههههههههه ياحليلو النايم على حيلو،يعنى مافى اغلى من التفاح ولا مافى،لكن الحسنه ما بتنفع فى الأولاد انا موش قيلته ليكم كده؟شوفى ده اسه استغل الوضع كيف؟وتانى كان قالت ليو نفسى فى فراخ يجيب ليها فول يقول ليها الفراخ عاملين فيها خل تفاح.ههههه تسلمى سروية وبوست ظريف والله.

المشاركة الأصلية كتبت بواسطة يوليسا

ههههههههههه ياحليلو النايم على حيلو،يعنى مافى اغلى من التفاح ولا مافى،لكن الحسنه ما بتنفع فى الأولاد انا موش قيلته ليكم كده؟شوفى ده اسه استغل الوضع كيف؟وتانى كان قالت ليو نفسى فى فراخ يجيب ليها فول يقول ليها الفراخ عاملين فيها خل تفاح.ههههه تسلمى سروية وبوست ظريف والله.

هههههههههههههههههههههههههههههه الله يجازيك والله حقت الفراخ دي شديده كيف
اي والله علي قولك هم اصلهم قاسيـــــــن
تسلمي علي المرور ياراقيه في انتظارك دائما

ههههههههههههههههههههههه
صحي من التفاحه يا حبيبتي بخاف عليك
كلامك ده ذكرني الاغنية بتاعت التفاحه
علي ما اظن كا بغنيها فنان عراقي

المشاركة الأصلية كتبت بواسطة ابوعمر

ههههههههههههههههههههههه
صحي من التفاحه يا حبيبتي بخاف عليك
كلامك ده ذكرني الاغنية بتاعت التفاحه
علي ما اظن كا بغنيها فنان عراقي

ههههههههههههههههههههههههههههههههههههههههههههههه اي والله في غنيه كده
وفي البرتقاله كمان
ابوعمر تسلم علي المرور

طبعا انا بقول حاجة غريبة .... انا عندي حساسية مع الكضب .... تصدقي وبعرف الكضاب وهو طائر ...

المشاركة الأصلية كتبت بواسطة مناع بدوي عمر مناع

طبعا انا بقول حاجة غريبة .... انا عندي حساسية مع الكضب .... تصدقي وبعرف الكضاب وهو طائر ...

لانك حكيم .......... ياحكيمنا

المشاركة الأصلية كتبت بواسطة ابوعمر

لانك حكيم .......... ياحكيمنا

اكيـــــــــــــــــــــد