خــداع يــــاجميل خـــداع

مرت الايام حبيبى ونحن ظالمنا الزمن اصلو ماقايلين وحاتك حاندفع الافراح تمن .
اغتربت واغتبرت معاك انفاسى واشواقى واغتربت معاك وهج الضحكة وومضة الابتسامة . لم اكن احسب قبل ايقاع الزمن ولا احظى المسافة . كنت ابحر فى تيار زمانك واخطو واتعذب فى مسافات حياتك حتى اكتشفت ساعة غيابك انى بلا زمان ولا مكان
اليوم عندى عيد فى نهار لا يلتقية ليل والليل عندى ظلام لا ارتجى نهارة . وكانك كنتى تسرقى منى دورة الحياة حتى اننى
لم احسب لها زمنا وافقتينى بعذاب غيابك الطويل . وكانك تريدى ان تعلمينى كيف اتوجع وكيف اتعذب تريدى ان تعلمينى ما اخاف منه . تريدى ان تعلمينى بان غياب طرف عن الاخر ماهو الا للبحث عنه فى اعماقه . انتى تبحثين عن المال وانا ابحث عنك ابحث عن ذاتك اريد ( الانسان ) فيك فدفقة حنان خير من مال الدنيا وكنوزها وهمسة حب صادقة اعظم من كل القصور
كم من السنين مرت . انا تناوشنى انياب الوحدة وتجاذبنى الهواجس حتى حسبتك المستحيل الخامس ابنى فى ذاكرتك وابنى ذاكرتى لحظة حلم وحسبته حقيقة ... الا انها غايبة .
من اين لى بك وكانك تركتى عندى عقلك ونبضك وارتحلت لان انسان بعقل ونبض لاتصدعة الغربة ولاتشغلة المشاغل . اين عقلك اين نبضك ؟ انتى المظله التى تظلل افقى وانتى السيف الذى ادافع به وانتى الجسر الذى اعبر به المستقبل وانتى تمثلى كل هذا
لكن اين انتى الان . قول لى بربك اين ؟ .
لحظات المستحيل قاومتا مداها وخضنا تجربة صعبة قلنا شموع امل وليتنا نعيش الامل ياحـ......
لكن وللاسف ضاع الامل ولم يكن الا لقأ وافترقنا كالفرشات على نار الهوى
ودموع الفرقة لم تسيل
بشيل الليل صلاة وترتيل
اعاين لى منابع النيل
عشان الحسرة منى تزيل



وهيب احمد

كسير تلج جد يا وهيب بالله الموضوع ده كلو في دواخلك يديك العافية واطول عمرك ذيد بالله في المواضيع دي حتي انو الواحد اتنفس شوية واحس انو هو القال الكلام ده لانو كلنا عايشين غربة وقربة مقدودة .

المحترم عارف تحيااااااتى

اشكرك كل الشكر على المرور الرائع ودائما ما جد ردك الغالى فى مواضيعى واوعدك عارف حا اجتهد حتى اسعد قلبك وقلوب كل القراء فى المنتدى وتقبل منى عاطر التهانى واجمل المنى وخالص الشكر والتقدير


وهيب احمد

وهيب الحاصل شنو
حنان بالطريقة الصاح
في داعى للفراق الجاي فى النهاية دا
تسلم كتير على الكلمات الروعة يارائع

البرنس تحياااااااااتى

اشكر مرورك الغالى ياغالى وليك وحشة وينك مختفى اظهر ياعسل ولك فايق التحااايا وكل التقدير

وتشكر على المرور