مواصفات الرئيس (جهز ورقة و قلم)

تحية واحترام
بالجد اصبحت الدهشة تندهش لما يصبح علينا صباح وما نكون مندهشين
فى الانباء قبل كم يوم ان السيد الرئيس قال ان الاعلان عن مواصفات الرئيس القادم سيكون فى خلال ايام
المهم هو قال كده و اتذكرت المصفوفة و عملت فيها ما سمعت الخبر ...
الليلة قررت انى ما اندهش مهما كانت الاسباب ...
لكن وين ...
الخبر بتفصيل ادق عتّر لى فى جريد
ان المؤتمر الوطنى يعكف هذه الايام لوضع مواصفات الرئيس ...
يعنى الرئيس كلامه صاح
...

الحاجة الطبيعية
مواصفات عريس
شيلة عرس
شبكة
عربية
بيت
حاجة الزول ممكن يدخل عليها بعض التحسينات من حذف و إضافة
لكن مواصفات رئيس
طيب هم حا يفصلوا الجلابية و بعدين يشوفوها قدر منو
اذا طلعت قدر عصام الحضرى يجى يستلم الرئاسة و لا كلمة
مش عنده جنسية سودانية
و ممكن يكون توتى ...
و لا حمودى
و لا ...
ماعارف ليه جانى يقين ان الشخص الذى هندس هذه الفكرة معجب شديد بى قصة سندريلا و الحذاء ...
ممكن عادى ما يلقو زول بالمواصفات يقوموا يلغوا مسألة الرئاسة ...
أو يجددوا للبشير حفظه الله خمسة سنة تانى عشان يقدروا يأهلوا زول للمواصفات
هسه الناس ديل جادين
غايتو

يللا جهزتوا الورقة و القلم
كل واحد يكتب المواصفات الدايرها فى الرئيس
و الله بدى الجنة
امتنانى

أبو ريالة عندهم.. أبو ضحكة عندهم.. أبو رقصة عندهم.. أبو نقة عندهم.. الطرطور عندهم.. مواصفات شنو الكايسنها يا تمساح؟؟.. ديل هبل بغنو مع طرش.. عليك الله المواصفات الكايسنها الليلة دي ما حددتها الشريعة باختصار شديد (القوي الأمين).. وللأسف دي بس الما عندهم.

.

لا نريد غير رئيس يخاف الله فينا
يشعرنا بالامن والامان
يتقي الله في كل مايفعل

رئيس
يكون رئيس
يرجع لينا هيبة الدوله الضائعه ليها كم و عشرين سنه

المشاركة الأصلية كتبت بواسطة ناجي جندي

أبو ريالة عندهم.. أبو ضحكة عندهم.. أبو رقصة عندهم.. أبو نقة عندهم.. الطرطور عندهم.. مواصفات شنو الكايسنها يا تمساح؟؟.. ديل هبل بغنو مع طرش.. عليك الله المواصفات الكايسنها الليلة دي ما حددتها الشريعة باختصار شديد (القوي الأمين).. وللأسف دي بس الما عندهم.

.

دكتور كيف حالك
تعرف اذا ىما الخبر ده اتكرر لى مرتين و التانية فى جريدة ماكنت حا اصدق
مواصفات الرئيس القادم
عندى احساس انهم حا يقولوا ما فى احسن من الرئيس البشير
حواء السودان وقفت تب بعده
و الايام ستكشف ما ينون فعله من خلف هذا التصريح الغير مسئول بالمرة
امتنانى

المشاركة الأصلية كتبت بواسطة ابوعمر

لا نريد غير رئيس يخاف الله فينا
يشعرنا بالامن والامان
يتقي الله في كل مايفعل

ابوعمر
يطيبن ايامك
المواصفات دى بتتجازف مع امام جامع سبعينى
امتنانى

المشاركة الأصلية كتبت بواسطة ابو امجد

رئيس
يكون رئيس
يرجع لينا هيبة الدوله الضائعه ليها كم و عشرين سنه

أبو أمجد
ياعزيز
مواصافات لى زول بالفهم ده مافى لانهم بفتشوا لاعادة هيبة الدولة فى الكم وعشرين سنة القلتهم ديل
امتنانى

أنا غايتو داير رئيس. .. ما مهم مواصفاتو شنو المهم يكون رئيس. ... زي باقي الروؤساء كدا... يكون رئيس. .. لمن يتكلم... يكون رئيس... لمن يطلع يقابل الناس. .. يكون رئيس... ولمن نشوفو في التلفزيون نقول للأولاد الصغار. . دا الرئيس... ويكون زول عاااادي ممكن يغلط ويقول أنا غلطت... ونصلح معاهو الغلط ونساعدو... ما هو الرئيس. ... بعدين يخاف مننا ما نخاف منو... لأنو رئيس.... وما يشحد بينا ولا يكون مشحود علينا... عشان هو رئيس... يتكلم بسييييييط لكن مفيد... زي أي رئيس... يكون بيسمع بي ضميرو وبشوف بي بصيرتو... ما ضروري يكون صغير أو كبير مقرش أو فقير ... المهم يكون رئيس... يكون رئييييييييييس

لا تخف من الكافر.. فهو صادق بكفره وشره تجاهك.. لكن عليك الخوف جداً من المنافق فهو يضمر الشر ويظهر الخير..

الرئيس الذي نريد .....
رئيس قادر على تنزيل كلمات الشاعر سعد الدين ابراهيم وغناء الراحل عبد العزيز العميري الى واقع نعيشة
لو أعيش زول ليهو قيمة
أسعد الناس بوجودي
زي نضارة غصن طيب
كل يوم يخضر عودي
وابقى زولاً ليهو قيمة
ابقى دار لكل لاجيء
او حنان جوه الملاجيء
ابقى للأطفال حكاية
حلوة من ضمن الاحاجي
بيها يتهنوا وينوموا
وأحرسهم طول ليلي داجي
والقى في راحة نفوسهم
بسمتي وطول ابتهاجي
أشقى والقى وأبقى بهجة
في النفوس لكل مناضل
ابقى للمعتل علاجو
وابقى للفلاح سنابل
وابقى للثوار سلاحهم
أعتى من قصف القنابل
لو اعيش من عمري بسمة
او مع الايام سحابة
اهطل ادي الدنيا بسمة
واروي وادي واسقي غابة
او اعلم طفل واعد
لسه ماعرف الكتابة
ابقى شجرة ظلالها وارفة
تحتى ناس نايمين تعابة
شترة
خليهو يا عديله النومة بتريحوا
حلم في حلم