سـلام و أولى مُشاركاتى .. رقصـــــــــة فــــــــــــــأر

أخواتى واخوانى بالرضاعة من ثدى اُمنا الحصاحيصا.
انا سعيدُ جداً ان اكون بينكم، والشكر لود الحصاحيصا على هذة الدعوة الطيبة. كما اشكره على هذا العمل الرائع والذى كان هو حلمى وقد بداءت العمل فى إنشاء صفحة الحصاحيصا على الانترنت ولكن كان له السبق وكى تبقى الحصاحيصا دائماً موحدة اضع يدى فوق يده و ايدكم جميعاً من اجل عملٍ واحد.

ولكم اولى مساهماتى وهى مقالى الذى نشر من قبل على جريدة الصحافة تحت عمود حاطب ليل للدكتور عبداللطيف البونى.

وها انا اقدمه لكم كأول مشاركة.
ولكم جُل حبى.

والى المقال.

رقصــــــــــــــــة فـــــــأر

الدكتور عبد اللطيف البونى

سلاماتى لكم وشكرى الجزيل على إستضافتكم لمقالى السابق ( إمتحانات الشهادة السودانية للمدارس الشعبية و الشماسة) على عمودكم حاطب ليل ، (و إنشاء الله يايابا يوم شكرك مايجى) ، بس عليك الله برضو المرة دى أسمح لى بالرقصة دى تحت نورعمودكم حاطب ليل بجريدة الصحافة وسوف أرقص بصورة مُهترشة وجادة ولكن لا تظننى سوف أرقص رقصة القرد او رقصة الركشة او النبق ولكن هذة المرة سوف أرقص رقصة جديدة أسميتها رقصة (الفأر فى مشروع الجزيرة) ، وإلى الرقصة .

عيونـِك ذى سحاب الصيف

تجافى بلاد و تسقى بلاد

وذى فرح الحبيب العاد

بدون عينيكِ

بصبـِح (مشروع)

بدون ذكرى وبدون ميلاد

الغـُـنيـة ُمهداة من مشروع الجزيرة إلى الحكومة .

بعد أن تخلت حكومتـنا الفاضلة عن حبـيـبها السابق مشروع الجزيرة وبعد أن (أكلته لحم ورمته عضُم) بالرغم من الرجل مازال قادراً على العطاء ، ولكن بالرغم من قوته إلا أن قلبه مازال عالق بحبـيـبته الحكومة و محتاج من عطفها وحنانها دفرة ؛ متمنياً من المولى عز وجل أن ترجع الحكومة إلى صوابها والمسامح كريم ويادار مادخلك شر .

ولكن بما أن الحكومة ذيها وذى( إى جكسوية عينها طايرة) قررت أن تفتح لهذا الكهل بعد أن وقعت فى غرام (أقصد جيب) جكسها الجديد البترول وهو فى نظرها(القصير) أكثر شباباً وحلاوة وكذلك أيضاً من مبدأ (الجديد شديد) .

تعيش إنتَ ويدوم خيرك

وياحبيـب

الفؤاد ملكوهو غيرك

كانت هذة أخر جُملة فى أخر رسالة غرامية من الحكومة إلى مشروع الجزيرة وهى غارقة فى أحضان جكسها المُدلل البترول (يعنى نظام شاكوش وكدا) . ولكن نحن نقف من خلف مشروع الجزيرة ونشد من أزره ونقول ليه (كن كالمسمارِ لا يذيدك الشاكوش إلا ثباتـا) . كما أيضاً ندين الحكومة المُوقرة وبنقول ليها ( والله عيب ياحكومة البتسوى فيه دا) لانو زمان درستونا فى المدارس وفى مقرر الجغرافية إنو إلاعتماد على محصول نقدى واحد هو خطر يهدد إقتصاد الدولة،

وللا الدرس دا برضو (إتلحس) مع السلم التعليمى السابق وبنقول ليكِ كما قيل (لا تـنهى عن ُمنكرٍ وتأتى بمثله ، عارٌ عليك إن فعلت عظيمُ) ، ولكن جاءت الحكومة لتضرب بهذا الدرس عرض الحائط وتـترك مشروع الجزيرة وحيداً ونهائـياً ، وتغنى له (واقف براك والهم عصف) وهو يردد فى سره (عينيـى ماتـبكى وماتـبكى وعينيـى ماتـبكى) ثم تـتجة الحكومة للبترول معتمدة عليه لوحده لتكرر نفس الخطأ .

لماذا تفضل الحكومة سياسة إلاعتماد على مصدر واحد ؟؟ ، لماذا لا تقوى الحكومة عودِها بأكثر من مصدر ؟؟ والبلد مليانة مصادر كمشروع الجزيرة الذى نحن بصدده الان وأيضاً الصمغ العربى والثروة الحيونية والسمكية (وللا النيل دا يعنى نشربو سليقة لاننا ما ح نلقى ليهو عيش) كما أيضاً لنا الكثير من الموارد وبرضو ماعندنا مانع فى البترول . ويالحكومة قالو (النفوس كانت إتطايبت العنقريب بشيل مية) وبنقول ليك النفوس مُطايبة لكن (إنتِ بس يطيبك الله داك) . دحيـن أسى كان إنتِ طيبة عندنا الخير دا كلو وبعد دا كانت جاتـنا مصيبة من السماء نشيل كُورتـنا ونجرى نشحد فى خالتو أمريكا وعمتو اوربا و أخوانا أولاد أبونا فى الخليج .

وأسى دحيـن ياناس الحكومة كان فرجتو كُربة مشروع الجزيرة دا سوف ندعو الله أن يفرج لكم كُربة من كُرب نيفاشا ودار فور وكان مافرجتوها سوف يتطر أهالى مشروع الجزيرة الدخول للحواشة (ودى على وزن الدخول للغابة) ، ولكن قبل هذا الحل لدينا حل أخر من باب (الحوجة اُم الإختراع) وسف نلجأ أن نفكر (طالما مادايرين تفكرو وتخترعو لينا) فى كل مصيبة أو مشكلة تلم بنا قد يمكن أن يكون فيها حل لمشاكل تانية ؛ ذى ماغنى مصطفى سيد أحمد (الحل فى بلدك ذاتا ، تـتحدى سلاح بسلاح) ومن قبل هذا كذلك من باب (ربما ضارةٍ نافعة) و (إذا أحب الله عبداً إبتلاه) ؛ مش قلتو لينا مولانات وكدا . وبما أن مشروع الجزيرة فى هذة الفترة يعانى من مشكلة الفئران ، سوف يلجأ إلى بـيع هذة الفئران ويفرِجا على روحو براهو بالطريقة التالية :

وهى طبعاً بعد ما ناس الحكومة ( نفشوهم فى نيفاشا لمن عيونهم رقرقت) وصلو لإتفاق سلام ولكن ظهرت مشكلة الالغام وإزالتها وتقدر كمية الالغام بعدد إتـنـيـن مليون لغم فى ستة عشر ولاية وقيل إن تكلفة إزالة الغم الواحد تبلغ مابـيـن 300 إلى 1000 دولار (مع الملاحظة للفارق الكبير بـيـن الرقمين) ، ( غايتو إلا يكون فى لغم درجة أولى ولغم درجة تالتة) ، ولكن ماعلينا ، وكذلك كما ذكرنا أن هنالك مشكلة الفئران التى تهاجم المحاصيل الزراعية فى مشروع الجزيرة ، وحتى نحل هاتان المشكلتان بنظام (زيـتـنا فى بـيـتـنا) ، فعلى المزارعين فى مشروع الجزيرة ترك الزراعة وإلاتجاة إلى صيد الفئران وبدل من يجيـبو عمال للقيط القطن يجيـبو عمال للقيط الفئران وعليهم أن يجمعو عدد إتـنـيـن مليون فأر ويـبـيعو للقوات المسلحة الفار الواحد بأقل تكلفة مفترضة لإزالة اللغم الواحد وهى مبلغ 300 دولار ( فأر الهناء والسرور السعرو 300 دولار دا … وبختـكم ياناس مشروع الجزيرة) ،( ياريت نحن لو ابواتـنا كان جابونا كلنا فئران) بدل من الكل شباب ومتخرج من الجامعات وعاطل (والحكومة عاملة حِميل وداقة طناش) ، المهم بعد أن يبـيع مشروع الجزيرة الفئران للقوات المسلحة يكون إستلم مبلغ 600 مليون دولار وهى حاصل ضرب عدد إتـنـيـن مليون فأر فى 300 دولار . وبهذا يكون مشروع الجزيرة بحوزته مبلغ 600 مليون دولار يقدر أن يستـنسخ بها مشروع جزيرة أخر من نفسه ويستطيع أن يرحل عمال لقيط الفئران وأن يسدد كل مستلزماته ، طالما الحكومة لا تريد ان توفر ميزانية كافية لمشروع الجزيرة . (مش قلت ليكم مشروع الجزيرة تفتيحة وبـيـبـيع فئرانو ويفرجا على روحو براهو) .

ومن جانب أخر تستطيع القوات المسلحة أن تفجر كل لغم بفأر (والكمدة بالرمدة) ، طبعاً سوف تواجهنا مشكلة مع ناس منظمة حقوق الفئران الدولية ولكن ح نقوم نعزمهم غداء فى نيفاشا ونـتـنافش معاهم (ودى على وزن نـتـناقش معاهم) ، وبكدا وبدل من تبقى شحدتيـن تبقى شحدة واحدة وظريفة على الحكومة للقوات المسلحة لانـو اصلوإنتو كدا كدا ياناس الحكومة ناس مشروع الجزيرة ديل ماقاعدين تشحدو ليهم ، وعارفكم كمان ناس القوات المسلحة ديل مابـتقدرو تفتحو ليهم ذى حِـبـيـبى المسكين مشروع الجزيرة دا ، (لانو إنتو أصلكم ياناس الحكومة البتدوروهو بتاكلو ليهو الزلط ، والبـتابوهو بتفتشو ليهو الغلط) .

وإن شاء الله يالحكومة شاحد الله العملو البترول فى مشروع الجزيرة تـلقيهو إنتِ فى جون قرنق ، وترجعى تانى مكسورة وتجرى لمشروع الجزيرة وتغـنى ليهو

رحـــــــلتَ وجيــــت

وفى بُعـدك لقيــت

كل ألارض منفى

منفـــــــــــــــــى

منفــــــــــــــــى

منفـــــــــــــــى .


مع خالص شكرى

عثمان حـمــد عثمان حـمــد

من أبناء الحصاحيصا - المايقوما
المانيا

اخونا عثمان حمد الف مرحب بيك
ولسان المرء ينبأ عن حاله فانت
اصافة للمنتدي نتمني لك اجمل الاوقات

كل الود

مرحب بيك يا حبيبنا بين اهلك واخوانك
ونتمنى مشاركة جميع الشباب في دول المهجر معنا
حتى يكون المنتدى واحة نستظل بها جميعنا
وننتظر منك المزيد

تحياتى اخى:عثمان حمد
اولا اشكرك نيابة عن اسرة المنتدى على الاستجابة السريعة جدا بالانضمام إلى منتديات الحصاحيصا،وان دل ذلك انما يدل على عمق حبكم لهذه المدينة والتى لا يساورنا شك فى حبكم ووفائكم لها،واود ان اوضح لك بان هذا المنتدى ليس ملكا لاحد وانا مثلك وجهت لى الدعوة،وكم تشرفت بان اكون من المشرفين على هذه المنتديات،تحياتي لكل من سهر ليرى هذا المنتدي النور،وتحياتي لجميع الاعضاء داخل خارج السودان،وتحية خاصة جدا لابناء الحصاحيصا بالمانيا،وتحية خاصة جدا لك اخى عثمان ،وللاصدقا الاعزاء ايهاب مامون،وصفوان فاروق.واتمنى ان ارى اسهاماتهم قريبا على بوردات الحصاحيصا دوت نيت.
اخى عثمان:انضمامكم للمنتدى فخر لنا وقلادة شرف فى اعناقنا،حقيقة الموضوع حيوي ومهم جدا،واتمنى ان ينصلح الحال قريبا.
تحياتى عثمان،والف مرحب بيك.........
ويظل الوفاء للحصاحيصا هاجسا ودينا فى اعناقنا،فلنتحد ونقدم ولو قليل من الوفاء من اجل غد افضل.
شكرا عثمان.............ولى قدام.

المشاركة الأصلية كتبت بواسطة الغريب

اخونا عثمان حمد الف مرحب بيك
ولسان المرء ينبأ عن حاله فانت
اصافة للمنتدي نتمني لك اجمل الاوقات

كل الود

اخى الغريب وليس غريباً على اهله.
لك من وافر الاحترام والتقدير على هذا العمل الرائع، والف شكر على ها الترحيب الطيب جداً.
واتمنى فعلاً انا اكون مفيداً فى هذا المنتدى.

عثمان حمد عثمان حمد

المشاركة الأصلية كتبت بواسطة حص

مرحب بيك يا حبيبنا بين اهلك واخوانك
ونتمنى مشاركة جميع الشباب في دول المهجر معنا
حتى يكون المنتدى واحة نستظل بها جميعنا
وننتظر منك المزيد

أخى حص، الف شكر على هذا الترحيب الطيب.
واتمنى ان نقدم ماهو طيب الى هذا المدينة الام الحصاحيصا.

عثمان حمد عثمان حمد

المشاركة الأصلية كتبت بواسطة ود الحصاحيصا

تحياتى اخى:عثمان حمد
اولا اشكرك نيابة عن اسرة المنتدى على الاستجابة السريعة جدا بالانضمام إلى منتديات الحصاحيصا،وان دل ذلك انما يدل على عمق حبكم لهذه المدينة والتى لا يساورنا شك فى حبكم ووفائكم لها،واود ان اوضح لك بان هذا المنتدى ليس ملكا لاحد وانا مثلك وجهت لى الدعوة،وكم تشرفت بان اكون من المشرفين على هذه المنتديات،تحياتي لكل من سهر ليرى هذا المنتدي النور،وتحياتي لجميع الاعضاء داخل خارج السودان،وتحية خاصة جدا لابناء الحصاحيصا بالمانيا،وتحية خاصة جدا لك اخى عثمان ،وللاصدقا الاعزاء ايهاب مامون،وصفوان فاروق.واتمنى ان ارى اسهاماتهم قريبا على بوردات الحصاحيصا دوت نيت.
اخى عثمان:انضمامكم للمنتدى فخر لنا وقلادة شرف فى اعناقنا،حقيقة الموضوع حيوي ومهم جدا،واتمنى ان ينصلح الحال قريبا.
تحياتى عثمان،والف مرحب بيك.........
ويظل الوفاء للحصاحيصا هاجسا ودينا فى اعناقنا،فلنتحد ونقدم ولو قليل من الوفاء من اجل غد افضل.
شكرا عثمان.............ولى قدام.

الاخ العزيز جداً ود الحصاحيصا
الف شكر لك، وكم انا سعيد ان انضم لهذة الكوكبة الرئعة، وكيف لى لا انضم بسرعة الى ما كان هو حُلمى.

حقيقة انا عاجز عن وجود اى تعبير راقى يوفى شئ نحو شخصك الحلو.
وإن شاء الله نعمل معاً من أجل الحصاحيصا.

أصدق التحايا لك.

الاخ العزيز جداً ود الحصاحيصا
الف شكر لك، وكم انا سعيد ان انضم لهذة الكوكبة الرئعة، وكيف لى لا انضم بسرعة الى ما كان هو حُلمى.

حقيقة انا عاجز عن وجود اى تعبير راقى يوفى شئ نحو شخصك الحلو.
وإن شاء الله نعمل معاً من أجل الحصاحيصا.

أصدق التحايا لك. [/quote]

[light=#99FF99:30dd9800f0]شكرا اخى عثمان على الاطراء الجميل،ونحن اسعد بوجودك بيننا،

ومعا نعمل من اجل ترقية الحصاحيصا،ورفع اسمها عاليا بين المدائن.[/light:30dd9800f0]

المشاركة الأصلية كتبت بواسطة ود الحصاحيصا

الاخ العزيز جداً ود الحصاحيصا
الف شكر لك، وكم انا سعيد ان انضم لهذة الكوكبة الرئعة، وكيف لى لا انضم بسرعة الى ما كان هو حُلمى.

حقيقة انا عاجز عن وجود اى تعبير راقى يوفى شئ نحو شخصك الحلو.
وإن شاء الله نعمل معاً من أجل الحصاحيصا.

أصدق التحايا لك.

[light=#99FF99:336219c660]شكرا اخى عثمان على الاطراء الجميل،ونحن اسعد بوجودك بيننا،

ومعا نعمل من اجل ترقية الحصاحيصا،ورفع اسمها عاليا بين المدائن.[/light:336219c660][/quote]

كل الشكر لك اخى ود الحصاحيصا.

كل التحايا لك اخى عثمان حمد.
وانا شايف انو بى بدايتك القويه جداً دى ما محتاج ليك زول يرحب بيك ويقش ليك الدرب.
ومره تانيه الف مرحب يا حبيبنا.
ومنتظرين منك كل الجديد

مرحب .... مرحب

ربنا يخليك ... والحصاحيصا حنية ... واهلها حنان

ودا مش كلامي انا دا كلام الموظفين العملوا فيها في كل القطاعات ... الناس إستقبلوهم بالإبتسامة وودعوهم لما غادروا بالدموع ...

ربنا يرد غربتنا جميعاً ... ونحاول نحي ليالي الحصاحيصا ... واعياد الحصاحيصا ... وأفراح الحصاحيصا

ابو رائد ... ود نمر