طائرة تضرب مصنع الذخيرة بالخرطوم وتحول ليلها الي نهار بالصور

صورة للموقع لحظة الانفجارات واشتعال النيران


اليوم وقبل منتصف الليل بساعة قذفت طائرة حربية مصنع ومستودعات اليرموك للذخيرة التابعة للتصنيع الحربي السوداني حولت سماء الخرطوم الي لهب مستعر واضاءت جميع مناطق الكلاكلات الي جبل اوليا وعم صوت الانفجار كل ارجاء ولاية الخرطوم وادي هذا القذف المتواصل من خلال الطائرة الحربية الي خسائر فادحة كما ادت قوة الانفجارات الي تحطم الكثير من اسطح المنازل القريبة لموقع الانفجار مما ارعب المواطنين وجعل سكان الكلاكلات يهربون ويتركون منازلهم..
المخجل والمخذي انه المسئولين ووالي ولاية الخرطوم تحديدا ظهر في االاخبار علي التلفاز وزكر لوسائل الاعلام ان الانفجار داخلي ولا دخل لاي قوة خارجية بموضوع الانفجارات ولم يزكر الي الان سبب الانفجار وهذا ما نفاه المواطنين الذين اكدو ان الانفجار حدث بعد ان هاجمت طائرة حربية الموقع وقذفته بالقنابل بسرعة وغادرت ..

وكالات الانباء العالمية نقلت الخبر والمسولين في السودان يغطون في نوم عميق ويغبشون الحقائق ويعتمون علي العدوان ويتعللون بانها حريقة داخلية للموقع سبحان الله

انفجارات قوية في "منشأة للتصنيع الحربي" بالخرطوم



24 أكتوبر/ تشرين الأول 2012 00:03 GMT

هزت انفجارات قوية منشأة للتصنيع الحربي جنوبي الخرطوم في الساعات الأولى من فجر الأربعاء بالتوقيت المحلي.

وقال المركز السوداني للخدمات الصحفية، المعروف بعلاقاته القوية بالسلطات السودانية، إن حريقا وانفجارات وقعت في مصنع اليرموك للذخيرة.

وسارعت قوات الجيش السوداني بإغلاق الطرق المؤدية إلى موقع وصف بانه مصنع للأسلحة في المنطقة.

وفي مقابلة مع بي بي سي، قال الصحفي السوداني فيصل محمد صالح إن الانفجار وقع شرق منطقة "أبو آدم" جنوب الخرطوم التي تضم عددا من المنشآت العسكرية والبترولية الهامة.

وأضاف أن بعض سكان المنطقة تحدثوا عن تحليق طائرة في سماء المنطقة قبل الانفجار، لكنه أضاف أن والي الخرطوم نفى وجود عامل خارجي في حديث إلى وسائل الإعلام الرسمية.

وتحدث بعض شهود العيان عن أن الانفجار كان قويا إلى درجة تهدم بعض اسطح المنازل في المنطقة.


http://www.bbc.co.uk/arabic/mobile/m...?SThisFacebook

وهنا صورة اكثر وضوحاً وتحدد اغلب المناطق التي كانت مشتعلة فيها النيران



لا حول ولا قوة الا بالله

كم نتمنى أن يكون الانفجار انفجار داخلي
وهذا شيء طبيعي ويحدث في الكثير من مستودعات الذخائر
ولكن إن كان نتيجة ضربة عسكرية فهذه كارثة خطيرة جداً

هزت انفجارات قوية منشأة للتصنيع الحربي جنوبي الخرطوم في الساعات الأولى من فجر الأربعاء بالتوقيت المحلي.
وقال المركز السوداني للخدمات الصحفية، المعروف بعلاقاته القوية بالسلطات السودانية، إن حريقا وانفجارات وقعت في مصنع اليرموك للذخيرة.

وسارعت قوات الجيش السوداني بإغلاق الطرق المؤدية إلى موقع وصف بانه مصنع للأسلحة في المنطقة.

وقال عبد الرحمن الخضر، محافظ ولاية الخرطوم، إنه لم يتضح بعد سبب الحريق الذي اندلع في مصنع للاسلحة بالعاصمة السودانية، لكنه قال إنه "لا شيء يشير الي أسباب خارجية".
وقال الخضر في تصريحات للتلفزيون السوداني إن الانفجار وقع على الارجح في قاعة للتخزين بمجمع التصنيع العسكري الضخم.
وقالت وكالة السودان للانباء (سونا) ان الحريق شب في مجمع اليرموك الصناعي.
ونقلت عن الخضر قوله إنه لا توجد خسائر في الارواح وان بعض الاشخاص نقلوا الي المستشفيات بسبب استنشاقهم الدخان الذي نتج عن الحريق.
انفجار سيارة

وفي مقابلة مع بي بي سي، قال الصحفي السوداني فيصل محمد صالح إن الانفجار وقع شرق منطقة "أبو آدم" جنوب الخرطوم التي تضم عددا من المنشآت العسكرية والبترولية الهامة.
وأضاف أن بعض سكان المنطقة تحدثوا عن تحليق طائرة في سماء المنطقة قبل الانفجار، لكنه أضاف أن والي الخرطوم نفى وجود عامل خارجي في حديث إلى وسائل الإعلام الرسمية.

نقلا عن بى بى سى

ما رايناه على ارض الواقع ابلغ من كل ما ذكر
لى عودة اخى عارف مصطفى باذن الله

اللهم احفظ بلادنا من كل مكروه وسائر بلاد المسلمين

الهم احفظ بلادنا والشعب السوداني من كل مكروه ...

المشاركة الأصلية كتبت بواسطة عارف مصطفي

صورة للموقع لحظة الانفجارات واشتعال النيران


اليوم وقبل منتصف الليل بساعة قذفت طائرة حربية مصنع ومستودعات اليرموك للذخيرة التابعة للتصنيع الحربي السوداني حولت سماء الخرطوم الي لهب مستعر واضاءت جميع مناطق الكلاكلات الي جبل اوليا وعم صوت الانفجار كل ارجاء ولاية الخرطوم وادي هذا القذف المتواصل من خلال الطائرة الحربية الي خسائر فادحة كما ادت قوة الانفجارات الي تحطم الكثير من اسطح المنازل القريبة لموقع الانفجار مما ارعب المواطنين وجعل سكان الكلاكلات يهربون ويتركون منازلهم..
المخجل والمخذي انه المسئولين ووالي ولاية الخرطوم تحديدا ظهر في االاخبار علي التلفاز وزكر لوسائل الاعلام ان الانفجار داخلي ولا دخل لاي قوة خارجية بموضوع الانفجارات ولم يزكر الي الان سبب الانفجار وهذا ما نفاه المواطنين الذين اكدو ان الانفجار حدث بعد ان هاجمت طائرة حربية الموقع وقذفته بالقنابل بسرعة وغادرت ..

عارف مصطفى تحياتي

وين صور الطائرة منتظرين

المشاركة الأصلية كتبت بواسطة احمد الهمباتى

عارف مصطفى تحياتي

وين صور الطائرة منتظرين

سؤالك دا ياهمبته توجهو لي عبدر الرحيم محمد حسين مش لي عارف مصطفي

للاجابة على سؤالك يا همباتي احيلك لمداخلة الاخ امجد الشيخ والتي توضح بالفيديو لحظة انفجار المصنع ولا توجد طائرة ولا غيرو ولكنه امتداد للفشل وسؤ الادارة وعدم قدرتنا على المحافظة على معايير السلامة في منشأة حيوية مثل هذه. والله تمشوا وتجوا لي كلامي غير المصريين ما لينا حل.....بعدين بالمناسبة بالنسبة لي موضوع الطائرة يا اخ عارف فصحيح انها حلقت في المنطقة ولكن عند بدء الحريق ويبدو انها كانت تستكشف وسائل الانقاذ واطفاء الحريق وقد حلقت منذ لحظاته الاولى. مش الحمد لله اللي ما وقعت هي كمان........

المشاركة الأصلية كتبت بواسطة منتصر تاج الدين

سؤالك دا ياهمبته توجهو لي عبدر الرحيم محمد حسين مش لي عارف مصطفي

منتصر ياعزيز تحياتي

عبدالرحيم محمد حسين ما قال : طائرة تضرب اللي قال عارف مصطفى وجا كتب بوست جازم انو في طائرة ضربت لذا السؤال بنوجهو لعارف وين صور الطائرة اللي ضربت ..

المشاركة الأصلية كتبت بواسطة د. احمد الطيب الماحي

للاجابة على سؤالك يا همباتي احيلك لمداخلة الاخ امجد الشيخ والتي توضح بالفيديو لحظة انفجار المصنع ولا توجد طائرة ولا غيرو ولكنه امتداد للفشل وسؤ الادارة وعدم قدرتنا على المحافظة على معايير السلامة في منشأة حيوية مثل هذه. والله تمشوا وتجوا لي كلامي غير المصريين ما لينا حل.....بعدين بالمناسبة بالنسبة لي موضوع الطائرة يا اخ عارف فصحيح انها حلقت في المنطقة ولكن عند بدء الحريق ويبدو انها كانت تستكشف وسائل الانقاذ واطفاء الحريق وقد حلقت منذ لحظاته الاولى. مش الحمد لله اللي ما وقعت هي كمان........

العزيز دكتور احمد تحياتي

يا عزيز الانقاذ دي ممكن نقول عليها فاشلة في 80% من اشياءة بس العشرين في المية اللي نجحت فيها الانقاذ هي الصناعات العسكرية دي لذا حادث انفجار مصنع عسكري مرة في العمر او مرتين او تلاتة ما معيار ابداً لقياس مدى اتباع وسائل السلامة لانو لو ده القياس كانت روسيا قفلت مفاعلاتها النووية بعد حادثة تشرنوبل وكان ناسا قفلت ابوابة بعد شالنجر ..

المشاركة الاصلية كتبت بواسطة عارف مصطفى

طائرة تضرب مصنع الذخيرة بالخرطوم وتحول ليلها الي نهار بالصور

العزيز عارف مصطفى تحياتي


وين الصور او دليلك انها طائرة يا عارف

الذين يشاهدون محتوى الموضوع الآن : 94 ( الأعضاء 1 والزوار 93)

المشاركة الأصلية كتبت بواسطة احمد الهمباتى

العزيز عارف مصطفى تحياتي


وين الصور او دليلك انها طائرة يا عارف

تحياتي أحمد الهمباتي :
و شهد شاهد من أهله ، أعلن وزير الاعلام اليوم أن 4 طائرات اسرائيلية بتقنيات متطورة شاركت في الهجوم علي مجمع اليرموك .

يا أحباب الأن بالقنوات الخارجية
خبر عاجل / وزير الإعلام السودانى يتهم إسرائيل بضرب المصنع؟؟؟؟؟

علي ذمة التلفزيون السوداني

وزير الأعلام السوداني 4 طائرات اسرائيلية بتقنيات متطورة شاركت في الهجوم علي مجمع اليرموك

الخبر ورد الآن علي الفضائية السودانية .

سألت المنصورى عن الخبر؟ قال لى إلا نسأل ستات الشاى
لا تسأل يا منصورى وزير الإعلام إتهم إسرائيل
مودتى

والله إسرائيل دي حقرتنا عديل كدا

المشاركة الأصلية كتبت بواسطة احمد الهمباتى

العزيز دكتور احمد تحياتي

يا عزيز الانقاذ دي ممكن نقول عليها فاشلة في 80% من اشياءة بس العشرين في المية اللي نجحت فيها الانقاذ هي الصناعات العسكرية دي لذا حادث انفجار مصنع عسكري مرة في العمر او مرتين او تلاتة ما معيار ابداً لقياس مدى اتباع وسائل السلامة لانو لو ده القياس كانت روسيا قفلت مفاعلاتها النووية بعد حادثة تشرنوبل وكان ناسا قفلت ابوابة بعد شالنجر ..

والله يالهمباتى حتى ال 20% بتعنى شنو فى ظل استباحة
الاراضى السودانيه كووولها و الفشل فى حمايتها
و الظريف احتفاظ الحكومه السودانيه بحق الرد فى الزمان اللى بتحددوا
ياخى والله نحن متاكدين بان حكومتنا الموقره بتحفظ حق الرد ده
ليوم القيامه ( يعنى حق الرد ما بتجيهو اى عوجه نومو قفا ).
لكن ما بتقدر تحافظ على اى حاجه تانيه .

كسرة ملف
زَعَمَ الفَرَزْدَقُ أَنْ سيقتلُ مِرْبَعًا أبشر بطول سَلامةٍ يا مِرْبَع

لا يا برنس
إسرائيل ليها عملاء من أبناء جلدتنا طوابير خامسة يضعون لها الديباجات عل الأهداف
يا جماعة حتى لعيبتنا والعدايين فى السباق يخذلونا بالتأمر على السودان بقينا زى لبنان أغلبيتنا عملاء والجرح فينا والجرحونا ناسنا وكل وأحد يزعل من الحكومة أو عندو حرد سياسي يهددنا بإسرائيل!
إما حياتاً تسر الصديق
أو مماتاً يغيظ العِدا
مودتى
مودتى

المشاركة الأصلية كتبت بواسطة أبوهمام

تحياتي أحمد الهمباتي :
و شهد شاهد من أهله ، أعلن وزير الاعلام اليوم أن 4 طائرات اسرائيلية بتقنيات متطورة شاركت في الهجوم علي مجمع اليرموك .

العزيز ابو همام تحياتي

المتاجرة بسمعة البلد اصبحت تجارة رائجة جداً عند قيادات الانقاذ .. اجزم ان الحريق اما انه تم افتعالة وده في حالة انو في طائرات حامت حول المصنع او ان الحريق حدث كحادث عرضي وفي الحالين تم استغلال الموقف والزج بأسم اسرائيل ...

لم تحقرنا اسرائيل ولكن ذلتنا حكومتنا

أذكر جيدآ حينما ضربت اسرائيل سيارة في شرقنا الحبيب

أنبري وزير دفاعنا الهمام ليبرر الحادث وقال إن سلاح الجو

سيقوم بواجبه في الدفاع عن البلد وممتلكاتها ..............

نحن صدقناه وبطيبتنا المعهودة قلنا خير ...................

قبلها حركة العدل والمساواة وبالبر ضربت الخرطوم

قالوا لينا كنا متابعين والمعلومات الإستخبارية كانت متوفرة

برضو كنا مصدقين

أها اليوم ضربتنا اسرائيل ووين يا اخوانا في عمق العمق

وبعد كده والي الخرطوم من الصباح قال ده إنفجار في مخازن الذخيرة

آها شنو ليكم

عايزين تفهموا شنو ؟

المشاركة الأصلية كتبت بواسطة محمد المنصورى

لم تحقرنا اسرائيل ولكن ذلتنا حكومتنا

العزيز منص تحياتي

ده بالضبط اللي حاصل بعض قيادات حكومتنا لا غضاضة عندهم في ان يمرمطوا بسمعة البلد ارض اجعص كنيف طالما كانت صناعة الاخبار ستعود بالفائدة يا منصوري اسرائيل مالم تعترف بانها هي التي فعلت ذلك فالذي يحدث الان لا يعدو سوى تمثيلية سيئة الاخراج لان المصنع بحسب القوى التشغيلية ان كان فعلا اصيب جراء قصف لامتد اثر قصفة للحلفايا

المشاركة الأصلية كتبت بواسطة ابو امجد

والله يالهمباتى حتى ال 20% بتعنى شنو فى ظل استباحة

الاراضى السودانيه كووولها و الفشل فى حمايتها
و الظريف احتفاظ الحكومه السودانيه بحق الرد فى الزمان اللى بتحددوا
ياخى والله نحن متاكدين بان حكومتنا الموقره بتحفظ حق الرد ده
ليوم القيامه ( يعنى حق الرد ما بتجيهو اى عوجه نومو قفا ).
لكن ما بتقدر تحافظ على اى حاجه تانيه .

كسرة ملف
زَعَمَ الفَرَزْدَقُ أَنْ سيقتلُ مِرْبَعًا أبشر بطول سَلامةٍ يا مِرْبَع

العزيز ابو امجد تحياتي

السؤال طيارات في السما وبالليل كيف عرفو انها اسرائيلية ؟؟؟ اكيد انو الطيارات دي كان معاهم عمنا علوب بيذيع وبيقول .. اليوم طيارات اسرائيلية تضرب اليرموك اليوم الحكومة في عنق الزجاجة ..

المشاركة الأصلية كتبت بواسطة احمد الهمباتى

العزيز ابو امجد تحياتي

السؤال طيارات في السما وبالليل كيف عرفو انها اسرائيلية ؟؟؟ اكيد انو الطيارات دي كان معاهم عمنا علوب بيذيع وبيقول .. اليوم طيارات اسرائيلية تضرب اليرموك اليوم الحكومة في عنق الزجاجة ..

ياخى الزول ده كلامو واضح
قال لقو شظايا مكتوب فيها مكان الصنع و النمره المسلسله و جماعتنا شغالين
يدرسوا فيها من امس .
بالله ناسنا ديل ما قوييين ؟

المشاركة الأصلية كتبت بواسطة ابو امجد

ياخى الزول ده كلامو واضح

قال لقو شظايا مكتوب فيها مكان الصنع و النمره المسلسله و جماعتنا شغالين
يدرسوا فيها من امس .
بالله ناسنا ديل ما قوييين ؟

ابو امجد يا عزيز تحياتي

ابو امجد اتزكرت نكتة البدو اللي ربطوا الصرافة حقت بنك الراجحي في صدام العربية عشان يقلعوها فلما قامو وسحبو الصرافة اتفكة الصدام بالنمرة فخلوهو وقامو جارين .. قوييين ياخ .. اكيد بيكونو اعتمدو على كلام عارف ده

ياجماعة من أمس نحنا بنتصل تلفونات وعندنا أهالينا حابين نطمن عليهم ومن أمس بيأكدو إنو القذف تم عن طريق طائرات وكانت قريبة جدا حتي إنها تري بالعين من علو منخفض وقد سبق القذف ضوء أضاء كل المنطقة التي تحوي الكلاكلات وأبوآدم وجبرة وبعديها بثواني تم القذف الذي كان واضحا أيضا. يعني الحاجة البتفتش فيها الحكومة المتأخرة دائما المواطنين شاهدوها بأعينهم

سلامات عوافي


كنا مستيقظين مع اهالينا القاطنين بابو ادم منذ لحظة وقوع الانفجارت الي انجلاء الغمة
وقد ذكروا انهم سمعوا صوت ازيز قوي ويشكون بانها لطايرت لان الصوت شبيه بصوتها !!
وها قد اكد نهاراً بانها طايرات حربية قذفت مصنع الذخيرة الذي يقع متاخماً لابو ادم ..
وهناك موتي من جراء تلك الانفجارت التي طالت الكثير من المنازل القريبة من المصنع متمثلة في مربع 7 و 5 و 4
وقد فر الكثيرون غرباً الي النيل الابيض خوفاً من ان تصيبهم شظية طايرة او محمرة عينها :(^8*):

وحكومتنا دي بتنضم ساااااكت قبل ماتنجلي ليهم الحقائق !!
غايتو دفاعنا الجوي ده عاوز ليه تحية كبيرة
بالرغم من الاموال الهائلة التي تذهب بالموازنة السنوية للدولة المخصصة الي امن البلاد !! يا الله بتمشي وين ؟؟

تخريمة :
هسي الطيارة دي ماكان تمشي كافوري كان ما الاسرائليين ديل خايفين من الجماعة الهناك @_@


وربنا يستر من الجاي ..

دا كلو كوم لكن يطلع علينا السيد الدكتور والي الخرطوم الخضر بأعلي صوت يؤكد أن الانفجار حدث نتيجة خطأ من عامل لحام أثناء قيامه بصيانة
دا كلام مامقبول ومعناها الزول دا كان بخرف ساي وبغشغش في الناس
ومافي شيء بخلي الناس تكذب عشان تغش المواطنين