التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة |
|
أدوات الموضوع | انواع عرض الموضوع |
#1
|
||||||
|
||||||
قصتى مع الفكى
وحات ربى اى كلمه بكتبها هنا حقيقه ميه الميه اتو بس تابعو النضمى دا وحزاراكم ما تتاوقو من بره بره وتفوتو ماتخلونى انبح متل الكلب برااى |
12-06-2007, 07:04 AM | #2 |
|
سلام يا غيمة
هاك يا قعدة ومنتظرين قصتى مع الفكى :7_58: |
حصاحيصا ياام المدائن والقرى
من روحى بقريها السلام كل مانسيم الليل سرا |
12-09-2007, 05:55 PM | #5 |
|
:bad_smile الاخت غيمة ازيك وكيف حالك العيد مبارك عليك مقدما كنت عايز اشحدك شربوت لكن لقيتك بتاعة
فوكها وكجور لكن عندي انا فكي لبناني بربط صاح ومنتظرنك |
كيف اللحاق بركب نعيك والشوامخ لا تطال
|
12-10-2007, 09:50 AM | #6 |
|
مرحب غيمة
الفكي ده ما جاء لسه و ذي ما قال عارف اهو منتظرين و هدي قعده :7_58::7_58::7_58: ولك التحية |
شوفوا الحبيبه تشتغل منديل حرير لحبيب بعيييييد
|
12-10-2007, 11:44 AM | #7 | |
|
اقتباس:
شربوت وموص وبقنيه كلو بعملو طاباتك باعتريس |
|
|
12-10-2007, 11:47 AM | #8 |
|
حبابك ولا جوه ادخل اتوهط النضمى كتير بالحيل
|
|
12-10-2007, 12:32 PM | #9 |
|
حبابكم متل ما عارفين انا ساكنه فوق الداخليه وبالجد اتعرفت على عادات غريبه وبنات جايين من بكانات مختلفه وثقاقات مختلفه اكلنا سوا وشربنا سوا وحمنا سوا مره مره مع الزهج اكان وحده قالت ليك ارحكا معاى مشوار بنقوم نمشى معاها كلنا وهنا بدت الحكايا |
|
12-10-2007, 12:58 PM | #10 |
|
فى يوم البنوت اتونسو عن شيخ عزالدين وقالو شدت ما شديد لمان تسمعى نضميهو مع الجن بزات نفسك واكان درتي قروش وحات الله تديهو 100 الف اعملهم ليك مليون واكان فى زول بتحبيهو وين ما اكون اجرو ليكى المهم البنوت اتكلمن عن شيخ عزالدين دا باعجاب شديد وانا اشاكلهم واقولهم انتو متخلفات والتعليم ما نفع فيكم وخسارت اهلكم الخلوكم تقرو وتتغربو فيشان تنفعوهم وتنفعو نفسكم تجو الخرتوم تعملوها مزازا من بيت شيخ عزالدين فوق الوزير دقس لى بيت شيخ حسين فوق الحله الجديده قالو لى نتحداكى اكان مشيتى معانا تيقى ست المزازا زاتها قتلهم كضابين انا مربيه وما بامن بالدجل دا قالو لى قومى البس وشوفى بنفسك واحكمى |
|
12-10-2007, 01:15 PM | #11 |
|
المهم لبست هديماتي قالولى املصى الاسكيرت دا البسى عبايه سودا ملصت اسكيرتى ولبست عبايه سودا ركبنا امجاد من الداخليه لا عند بيت شيخ عز الدين فوق البكان البقولو الوزير دقس والوزير دقس دا البكان الرحلو فوقو عشش فلاته البيت حوش كبير مافيهو الا فرد اوضه وقدامو راكوبه بالحصير وشويت شدرات نيم الحوش مدفوس بالبشر حريم ورجال انتظرنا كتير بالحيل فيشان الناس البدخلولو صنقرو معاهو ساعه وزياده لمان جا دورنا وكنا 7 صاحبات كل وحده دخلت براها لمان جا دورى دخلت قالى مشكلتك شنو قتلو بحب لى ولد زميلى فوق الجامعه قالى اسمو منو بالجد ما كت محضره اسم لكن بسراع الاسم الجانى فوق راسى قتو ليهو قت ليهو اسمو عاطف وبالجد عاطف دا صاحبى بالحيل وبينا الاحترام الشديد قالى امو اسمها منو قتلو ما عارفاها قالى خلاص نقول عاطف وليد حوا سكت لانى ما فاهمه شي قالى جيبى لى منو علقه قتلو علقه يعنى شنو قالى هدمه لابسها فوقها ريحت عرقو فيشان اقدر اجرو ليك بسراع قتلو متل شنو قالى اكان فنيله داخليه واكان قميص فوقو ريحه عرقو قتلو دى صعبه ما بقدرها قالى خلاص جيبيلى اتر رجلو فوق الواطه وهو حفيان قتلو احاول قالى اكان اديتك شي بتقدرى تشربيهو ليهو قتلو احاول ادانى شيتن ملفوف فوق ورقه مدقوق دقاقه وقالى شربيها ليهو فوق قزازت بيبسى امشى وتعالى بعد تلاته ايام وخلى لى هدمه منك فوق ريحت عرقك قتلو ماعندى ادانى قطعت قماش قالى امسحيبها عرقك دا وختيها لى قبال ما اطلع منو قالى ختى بياضك قتلو شنو بياضك قالى قروش قتبو فيشان شنو قالى فيشان الخدام اشتغلولك باخلاص واتمولك موضوعك بسراع قتلو كم قالى كل ما تختى كتير شغلتك بتنجض سريع المهم ختيتلو عشره الف جنيهات ومرقت شايله الشي الادانى ليهو فيشان اشربو ليهو فوق البيبسى |
|
12-10-2007, 01:28 PM | #12 |
|
لمان طلعنا بره حكيتلهم النضمى المع الشيخ
وقتلهم دقستو وقتلو انا بحب عاطف زميلنا داك قالولى اها انتى جربى القالو ليك شيخ عزالدين اكان ما عاطف بقى متل الخاتم فوق يدك قتلهم انا ما بحب عاطف ولا حاجه ولا بعرف حاجه اسمها الحب بس فيشان لمان سالنى دا الاسم الجا فوق لسانى قالولى يا غشيمه دا عقلك الباطن اتكلم فيشان انتى من اوال ما دخلتى بيت الشيخ خدامو بكونو عرفو بتفكرى فوق شنو قالولى وبحليفتهم عاطف دا قسمتك وماتضيعيها من يدك واتى شدت ما مليانه عوارض لمان ما بتفكرى فوق العرس وشيخ عزالدين بفراستو وشدتو عرف المهم قضيت يومى دا كلو افكر فوق شيخ عزالدين ونضمى صاحباتى قت كلو مغامره وانا بدور المغامرات قت صباحات الله بى خيرها ودرب المغامره مالو ما لذيييييييذ انقوم اعزم عاطف بيبسى وفطور واكب ليهو الشى الادانى ليهو شيخ عزالدين ونشوف المفعول شنو |
|
12-10-2007, 01:40 PM | #13 |
|
صبح الصباح
مشيت الجامعه لاقيت عاطف وقتلو الليله انا عازماك فطور اشتريت الفطور والبيبسى وبراحه كبيت فوق قزازتو الشي الادانى ليهو شيخ عزالدين فطرنا وشربنا ودخلنا المحاضره وتانى ما جيت الجامعه كت خايفه بالحيل من فعلتى بعد تلاته ايام مشيت لى شيخ عزالدين مع صاحباتى اول ما دخلى قالى اتى عندك عوارض كتيره وبدور انضفك فى الاوال كتب شي فوق لوحو وغسلها بايدو وكباها فوق كوره طلس وقال اشربى ابيت نهرنى قالى لازم فيشان امورك تتسهل قتلو انا ما بحب اشرب نهرنى تانى قالى اشربى ولانى بحب المغامره شربت لمان اتدشيت ادانى بخرات قتلو لا ما بقدر اعملهم قالى ابخرك هنا ابيت المره دلى دخلت معاى وحده من صاحباتى جبرتنى اتبخر واتبخرت قالتلى اكان ما نفعك ما بضرك واتى براك بتشوفى النهايات قالى امشى وتعالى بعد اسبوع |
|
12-10-2007, 01:51 PM | #14 |
|
المهم
اشهد الله الشي الشربنى ليهو شيخ عزالدين خلانى متل الكلبه اجرى ورا عاطف واساسق من بيت شيخ عزالدين واتجسس على اخبار عاطف لا بقيت عارفه روحى كلبه ولا مجنونه ومشيتى كترت لى بيت شيخ عزالدين مع صاحباتى ومره مره براى امشيلو وكلو مره اشرب محايتو وجرى ورا عاطف اترجيتو مانفع قتلو انا بحبك مانفع شاكلت البنوت البمشى معاهم مانفع وحات الله عاطف ما اشتغل بى شغله وفيشان فعايلى بقى اشوفنى متل العيفه و |
|
12-10-2007, 02:00 PM | #18 | |
|
اقتباس:
تعبتنى القصه دي خلاص لكن بالجد والله شاهد كلو كلمه قتها حقيقيه اصبر لمان انجم واشربلى شاى |
|
|
12-10-2007, 02:13 PM | #19 | |
|
اقتباس:
خدي راحتك، وتعالي راجعة تمي لينا باقي القصة الرائعة
وما تنسي تديها لينا معاك كباية شاي يعني أشربي إتنين ، الكيف بصلنا |
|
|
12-10-2007, 09:39 PM | #20 |
|
!!! يا ساتر !!!
|
مهما صعب درب الوصول... انا لازم ..لازم..لازم اصل
|
12-13-2007, 08:54 AM | #22 |
|
شوقتينا يالغيمة لي بقية القصة ... منتظرين
بس احكي ليك حاجة مرت بي متعلقة الكجور المهم نحن في جدة سمعنا زول معروف وكانت في مباراة قوية ملعوبة في السودان وعندنا واحد صاحبنا قطب في الفريق اتصل من السودان انو اروح اكمل الشغل مع الراجل دا واتفق علي المبلغ اخد موعد مع الراجل واتفقو علي المقابلة في في حتة معينة في الشارع العام المهم صاحبنا اصر علي اني امشي معاه فعلا رافقتو بعد مقابلتنا لي الراجل دخلنا كافتريا وطلبنا شاي بي لبن بعد ما طرحنا الموضوع قام الشيخ قال شايفين الشاي دا فعلا شايفنو شاي بي لبن اخد منو رشفة ( بقة ) ورجع الكباية شرب اللبن وخلي الشاي سادة ( شوف عيني ) صاحبنا المعاي قال يافردة قوم نتخارج من الزول دا فعلا رجعنا ودهشة كبيرة مرسومة علينا |
وحملت نجمتك الانيقة في فؤادي
ومشيت نحوك وانتهيت الي بلادي |
12-13-2007, 06:59 PM | #23 | |
|
اقتباس:
يا غيمة ...... يا عذااااااب
شعتفتي رويحتنا حرام عليك .... أنا قاعد مصنقر هنا مستنيك .... تحياتي .....:21_16: |
|
|
12-14-2007, 07:27 PM | #24 |
|
:bad_smile:امانة مادقستي مالك علي علي ماسالتي
اصلك ماسمعتي بالفكي بتاع السيدهات انا زاتي والان افكر اعمل فرع في السودان بعد ناس الوزيردقس ديل ما كنت مصدق الابعد سمعت الخبر في وكالات النباء الدولية وكان الخبر كالتالي غيمة تسابق الريح في النيل بقلب محبوب الجامعات والمعاهد العليا عاطف شراني وكان جيتيني كان خليت عاطف يجري بوري غنمايتكم ولكن دقستي ربنا يعوضك في فكي اخر لكي التحايا وكل فكي وانتي طيبة |
كيف اللحاق بركب نعيك والشوامخ لا تطال
|
12-15-2007, 09:41 AM | #25 | |
|
اقتباس:
سمح ياوليد جده الا بدور امش جده فيشات اتغده تعزمنى :001q: |
|
|
12-15-2007, 09:46 AM | #27 | |
|
اقتباس:
وووووووووب على منهم طفح اللبن وخلالكم الساده :21_16: |
|
|
12-15-2007, 10:02 AM | #28 | |
|
اقتباس:
صنقر حداى وشوف البقى على غيمه |
|
|
12-15-2007, 10:07 AM | #29 | |
|
اقتباس:
وحات الله غير شيخ عزالدين ماسمعت ولا بدور اسمع اصبر وشوف العملو فوق غيمه غيمه بقت تهوهو ورا عاطف متل الكلب اجيرك الله |
|
|
12-15-2007, 10:16 AM | #30 |
|
نواصل فوق المواعيد رجعت لشيخ عزالدين قتلو وحاتك بخراتك فس ومحاياتك فس ادانى محايه قالى اشربيها بتجلبلك الحظ والجمال وبكره من الصباح امشى الجامعه وصنقرى حدا عاطف شوفى اكان ما جرى وراك وحات الله عملت متل ماقالى ومشيت اتاوق من بعيد لمان الطلبه كلهم صنقرو فوق الكراسى والاستاذ دخل وبدا المحاضره جريبت لى كرسي حدا عاطف وصنقرت وحات الله اتقول صبت فوقو نار لمان شافنى اتنحنح واتنحنح واتلفت شمال ويمين وحات الله المحاضره ما تماها طلع ريحتو في الارياح مالقيتها بقيت اجرى شرق وغرب اسال منو لمان راجعه البيت لقيتو واقفلى فوق الشارع قالى تعالى يامروه اتى جنيتى ولا شنو قالى كرهتينى العيشه واليوم المانى عليك وقالى اكان ات اهلك ما ربوك وحات الله انا بربيك ياعديمت الربايه قالى اكان تانى اعترضتى طريقى وحات الله الا افرج فوقك خلق الله وادخل بسببك كوبر |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الوالد الشيخ \ مصطفي الفكي الامين في ذمة الله | د..مكاوي | «۩۞۩- أحزان الحصاحيصا -۩۞۩» | 16 | 07-29-2007 12:51 PM |