قعدة في بيت البكاء

نحن السودانيين امانه ما عندنا محن فيما يختص باعراف و قوانين ودساتير البكيات والعزاءات والتى انتجت كثير من القصص المضحكه؟!!!!!
عليكم الله البوست ده مخصص لنوع القصص دى ..شاركونا بالله و ضحكونا
اها اول شىء اوريكم مناسبة فكرة البوست ده
قبل 15 يوم تقريبا اتوفى راجل جارتن لينا علا رحلت بعيد شوى من حلتنا
الصباح وانا ماشه الشغل لقيت نسوان الحله متلميات عايزات يأجرن امجاد
عشان الراجل مات من امبارح بالليل و الناس السمعو ما صحو الماسمعو
وعاد قالت كدى حياة مارست احتجاجها : عاد بيكلمونا كيف دى ما بقت حلة ابو برا
المهم ما قدرت امشى معاهم لحظتها ..لكن من شغلى وطوالى البكا و عصرت ليك الفراش ساعتين
حتين مشيت لوليداتى
المهم شاءت ظروفى الخاصه انى ما اعاود ساميه (مرة الميت) المهم كل يوم فى الليله و بكره
لمن الله رفع كراعى امبارح و برضه بعد الشغل
قابلتنى ليك بعاصفه مووووووووووبالغه
الكلام بطلع منها تحلف مطرة الزنكى
المهم اول شى ختيناهو قرض
بعدداك اتسالمنا و اتطايبنا فالود الذى بيننا غريب
و بالمناسبة بندلع بعض ذى دلع المحارب لاماني
(يا حماره اذيك) اساسيه فى سلامنا لكن غايتو التشكيل عندنا الحاء مضمومه حقت تماضر اااااابعرفها على قول طارق جبريل
يعنى بالمختصر كدى بنعبر عن المحبه والريده الخسوسى كدى
المهم
قعدنا نتونس فى قصص البكيات
اقوم ليك فى نص الونسه اتذكر انها ما عزتنى فى مها بت عمى
يا يمه الصغييييييره على طول الرقادو سفر البعاد
وقلت كدى اتنفضت مطرة الزنك شنو ؟؟؟؟
يمين الله سيل العرم ما ذى
المهم خليتها ليك تتلجلج
وقلت ليها كمان ليك وش تلومى
بركة الجيت عزيتك
هو كما انا مطرطشه كت بعاودك
الله يلعن الذاكره الراحت

سلـــــــــــــــــــــــــــــــــــــــوم الجميلة
اذيك وكيف حالك
ودموعك ناشفة علي خدك من كتر البكاء

من اكثر الاشياء التي تلفت نظري وانا ذاهب لاداء العذاء في بيت بكاء ,,,,,,,, ان كنت ماري في الشارع وكان الشارع مليان بالنساء الماشات دار العذاء ايضا ,,,,,,, وهن في الشارع اخر ونسة وضحك وجمجرة ,,,,,,,,,, مجرد وصولن لمنزل العذاء هاااك يا وب علي وحاجات ذي دي انا ما بقدر اوصفها ,,,,
المهم الموضوع جميل واساسي
ارجو الافادة من الجنس الاخر

[color="blue"]حكت لى مرة كبيرة و فى مقام والدتنا
انو لما امها ماتت جات واحده تتقدل فى الاوضه الهى قاعده فيها و معاه اختها الكبيره
والنسوان طبعا ملومات حولهن
الهم الزوله دخلت و عاينت فى الموجودين عشان
تشوف تعزى منو
المهم طافت الاوضه بعيونها بعدين قامت قالت ياخوانى
فلانه وين ؟؟؟
وفلانه دى كانت اختهن الصغيرة (عمرها بيكون 60 سنة كده)
المهم الحجة دى الكلام وجعها
قالت ليها هوى قلتى شنو؟ انت بتفتشى فى فلانه الاصغر مننا عشان تعزيها
هوووووووى يا مره كان قايلانا ما عزيناك فى ابوك
عزيناك و فلانه الصغييييييييييره دى جبناها معانا نحن الكبار
القاعدات قدامك ديل
وبالامارة بيتكم فاتح شمال و لون الباب ابيض بالاسود و فيهو حديدات
و لما تفتحى الباب بتقلى باب برنده فاتح على الحوش القدامى
و دخلنا لقينا امك قاعده فى البرنده دى فى عنقريب هبابى
وعزيناها و قعدنا و قامت غرفت لينا المويه من زير منننننندى مختوت
على حمالة حديد جنب عنقريبها
وراسو مربوط بالدبلان
وادتنا شربنا بكوز المونيوم مجلا
و طلعنا منكن مواعيد الغداء
وما خسمتونا نقعد

اها دحين ارجعى لى عند خشم الباب ده
واقلعى شبشبك ده
وتعالى عزينى وانا وا خيتى دى
بعدين فتشى فلانه [/color]

ودموعك ناشفة علي خدك من كتر البكاء

المحارب ازيك وكيف حالك عساك بخير وعال العال
يعني دموعي دموع تماسيح ولا رايك شنو
تعرف انو النساء عاطفياتاكتر منكم انتو الرجال عشان كدة الواحدة لمن تجي بيت البكاء بتكون مشحونة بعاطفتين واحدة للمواساة والاخري لتخفيف الم الفراق لاهل المتوفي
موش زيكم انتو بس تدفنو بس
مشكور عزيزي للمرور وتقبل تحياتي

ووووووووووووووب علي البركة فيكم سلوتي
غايتو ما عارفة لكن الدموع براها جات سلمي
مالك بقيتي تباري في البكيات خلاص كملتي الحفلات والاعراس ولا شنو
لكن لقيتك اسكتي سااااااااااااااااااااااااكت
تقبلي تحياتي ومروري
بالمناسبة لسع في السودان ولا رجعتو مسقط
وتحياتي لمهند ونور

سلمي دي كلو هين الفاتحة لحولا بتجيب زولا.......سايلتي المرة والله الشغلة راحت في حق مها

الغالية ســـــــــــــــــــــــــــلوم
الحكاية شنو انتي
غيب.... وتعال......... براها بكت؟؟؟ ليها ناس كتار وانا؟؟؟؟؟؟؟؟ اولهم
لكن ما ممكن انو بعد الغيبة دي تجي وتفتحي لينا بيت العزأ
وبعدين راجل جارتكم هو المات ولا راجل المرة المات
قر قرقرقرقرقرقرقرقرقرقرقرقرقر
معقولة الناس منتظرين في الكبري وانتي في بيت البكأ تزرفي في دموع التماسيح ونحن دموعنا فاضت مع النيل وكادت ان تغرق الكبري الكبير والصغير
تسلمي لطرحك هذا الموضوع الاجتماعي وتناولة من ناحية الطرافة
تعرفي كنت بستغرب كيف الواحدة في عز حزنها علي فقيدهم تقوم تفرز ليك منو الجات والماجات عشان تقوم بالواجب معاها
غايتو انتن يا الحريم ةعندكن حاجات لكن برضو بنشيل الفاتحة لانها سريعة وفيها الرحمة للميت
تقبليني كما شئت في مروري ولك المزيد مني


اماني اهدتني المجموعة الكاملة لمحمود درويش شو رايك
وماذا تهديني انتي اوعة من الصيوان لانو حق الجمعية
ههههههههههههههههههههههههههههههههه
وتحياتي لكم وللاهل

سلام ،،، سلام عابر بالمناسبة الموضوع لذيذ واجمل حاضرتي انو للرجال مواقف جميلة ايضا في قصة الفاتحة تعرفي يا سلمي انو في رجال ما بعرفوا في الفاتحة اقرا شنو ابالغ ليك في جزء منهم بتمهــــــــــــا نشيد العلم .

عمنا وولدو ماشين لي بيت بكا داخل قري الجزيره يقوم البوكس يوحل ويمش
مسافه الستك يبنشر وكم كيلو تاني الكويل يسخن .........................
اها لمان وصلو شربو المويه واتوضو صلو حالم بالبلا وبشتنه جد دخلوهم ارفعو
الفاتحه مع حاج فلان وحاج فلان لمحه ليك في الصالون كم واحد من اعمامك تعبانين
سكت ساي شال هم الجيه تاني اها بعد ماركب البوكس والدنيا خريف
ركب الشارع وجر نور العربيه وقال لي ولدو الناس ديل تاني لا يباكونا لا نباكيهم
.................................................. .................................

الف تحية ليك الاخت سلووم والله اتكيفت منك لانو الان في اخر الدوام وزهجااااااااااااااااان لما قريت رسالتك دي فشت على فشش شددييد خلاص وارتحت زي ما بقولوا في جوف مصاريني الله يخليك ويسعد ايامك
لك الود والتحية
ودالزبير