حقق الهلال الفوز و موتو غيظا أيها المتأفرقين

الجماعة ديل وكت ما بعرفو العبو الكورة الجابرهم شنو .....
ما يبقو قنوعين زي الجماعة ....
صامين خشمهم و قاعدين فراجة ....
أها ! سيدالبلد كالعادة تأهل للمجموعات ...
أيها المتأفرقين..
منهم من تمني هزيمة الهلال 7 ... ومنهم من قال الهلال ركب التونسية ...
خلوهم ادوكم الجنسية عليك الله ....
أما سيدالبلد ... انتصر ...
انتصر للسودان ... و انتصر للقاعدة الجماهيرية ...
موتو بغيظكم أيها المتأفرقون !
سيدالبلد يسوي البدع في تونس ..
أسي كان ما ساي .. الحكم ده ذنبو شنو...
لا خت ليه باص لا جاب ليهو قون ... شوفو المصيبة دي ساكت اللمت فيهم .
وكت ما بتقدرو علي الأبطال بتتطاولو ماااااااااالكم .
مبرووووووووووووووووووووووووووك أسيادالبلد .

دي يا ابو همام اسمها الغلبها راجلها قامت تأدب في حماتها
تهئ تهئ تهئ
وسا سا ساااااااااادومبا ....مبروك حبيب الملايين سيد البلد والبلاد
هسه يجو يقولو ليك ...حا نقعد ننتظركم نشوفكم في النهائي ..
وهو في شنو تعملوهو غير تقعدو وتتفرجوا ....اخير من القعاد ساي اهو
برضك شغلانيه ليكم ...

تسلمي يا حبوبة علي المرور و مبوك تأهل سيدالبلد .....
عارفه يا حبوبة ... عدد المشاهدات للموضوع ده كم ؟
أظنها 27 مرة ...
أكيد ديل الجماعة ,,,
يقروا و يزوغوا... ما عندهم حاجة اقولوها...
كلمة مبروك ساي يا كافي البلاء مافي ؟
لكن أحسن يلزموا الصمت .... هسسسسسس و لا كلمة !
نسميهم الصامتين ! لا بغلبوا ... و لا بعجبهم غلب التانين..
سيد البلللللللللللللللللللللللللللد

ابوهمام ايها الهمام لك تحية طيبة مني اولا قلناه امس وعقب المباراة مباشرة مبروووووووووووووك ولن نموت غيظا لاننا رغم المناكفات التي بيننا نسعد لفرحكم واررردها كما رددها زعيم الصفوب بالمنتدي عارف ليلة امس
مبروك للهلال ولكل السودان

مبروك أبوهمام ... مبروك يا حبوبة وأفرحوا وأبتهجوا فقد أان الأوان والزمان لتحقيق البطولات للسودان أنا أقول للسودان
وليس للهلال الذي دائما مشرف البلد ولو بظهور اِسم السودان في الأدوار النهائية . ويالها من شهره عربية وأفريقية بل ربما
عالمية أكيد بعد هذه المعركة الشرسة الذي كسبها أسياد البلد الأبطال وتفرج عليها كل العالم لأن بطولات أفريقيا تحت المجهر
والمراقبة الدائمة من الخبراء العالميين وكبار المدربين لاِستقطاب لاعبي لأفريقيا . وأيضا حتي اللاعبين الكبار حريصين علي
المتابعة أمثال دورغبا وصامويل اِيتو وأبيدال وكيتا وطبعا رفاقهم من اللاعبي عظيمي الشهره . وخاصة بعد تناقل القنوات
الفضائية للأحداث في تونس وأشتهر الهلال الذي ليس عنده شئ محال وأشتهر اِسم السودان بفضل من الله وبفضل نجومه
الاوفياء الأبطال الذين صالوا وجالوا أدغال أفريقيا وأؤكارها وأخيرا في تونس مفجرة الثورات وأخمد الهلال ثورتهم وأخمد
تقدم الأفريقي التونسي وأزاحه عن البطولة في مباراة أو بالأصح في حلقة ملاكمة حرة نال منها الحكم نصيبه ونجا رجال الخط
من الضرب بسرعتهم الفائقه كما فعل نجوم الهلال .. عموما مبروك لكل السودان هذه التعرفة والتأهل .. مبروك أخي أبوهمام
ونحن هنا في حوجة من وقفة صادقة من كل السودانيين ولكل الجماهير بكل الألوان للوقوف لرفع اِسم السودان عاليا خفاقا
وذلك ليس ببعيد لو تكاتفت الجهود ونضجت العقول .. يعني يا أبوهمام نحن نعشم من الحمر الممحوقيين الوقوف مع سيد البلد
وجمهور الهلال الملاييين لن يقصروا فأفرح فأنت قد اِخترت الفريق الأروع المفرح وربنا يتمم بخير ولك تحياتي ولكل الأهلة ..

المشاركة الأصلية كتبت بواسطة محمدجبو الخليفه

ابوهمام ايها الهمام لك تحية طيبة مني اولا قلناه امس وعقب المباراة مباشرة مبروووووووووووووك ولن نموت غيظا لاننا رغم المناكفات التي بيننا نسعد لفرحكم واررردها كما رددها زعيم الصفوب بالمنتدي عارف ليلة امس
مبروك للهلال ولكل السودان

شكرا أخ محمد علي المرور ...
عارف ده قال الهلال بياخد خماسية في تونس ...
وهو بذلك أول المتـأفرقين.

مبروك لك أخ الشريف .... و عقبال الكأس ان شاء الله .
و تسلم يا سيد بلد علي المرور.

ونقول لمن يريدون استغلال التفوق الأزرق في البطولة الإفريقية لضرب معنويات المريخ إن الفريق الأحمر أخفق قارياً لكن مسيرته لم ولن تتوقف، ولن تهزه سخرية من أطلق عليه قائد الهلال هيثم مصطفى لقب (إعلام الفول) فأحسن الوصف وأجاد النعت.
* المريخ في قمة الممتاز بلا هزيمة، بعد أن أسقط كل من لاقاه وسيوالي اجتهاده ليعود إلى ساحات التنافس القاري أقوى وأمتن مما كان، وقد بدت عليه ملامح الفتوة مع مدربه حسام البدري الذي أفحم المنتقدين وشرع في صياغة فريق قوي سيكون له شأن في ساحات التنافس الإفريقي قريباً بعون الله.

* والهلال في دور المجموعات في إطار سعيه إلى تحقيق ما فعله المريخ قبل 21 عاماً من الآن اجتهاداً لتحقيق أول بطولة قارية في تاريخه.

مزمل أبو القاسم-صحيفة الصدى الرياضية

الحمد لله والف مبروك للهلال

تحياتي لك حبيبنا الغالي أستاذ الرشيد حبيب الله ...
وشكرا علي المرور ...
لكن كان خليتوا سيدالبلد في حالو و لعبتو كورتكم ...
صدقني فريقك ده ح يمشي لقدام ...
الي الأمام ... الي الأمام ...الي الأمام .

المشاركة الأصلية كتبت بواسطة كركراب

الحمد لله والف مبروك للهلال

تحياتي عزيزنا الغالي سيدبلد طوالي : كركراب ..
و مبروك لك وتسلم علي المرور .

مبرووووووووووووووووووووووووووك لسيدالبلد

المشاركة الأصلية كتبت بواسطة ابوعمر

مبرووووووووووووووووووووووووووك لسيدالبلد

نورت البوست يا أبوعمر ...
سيدبلد طوالي ..مبروك التأهل و عقبال الكأس
ان شاء الله.

إن شــــــــــــــــــــــــــــاءالله