عــــــودة حـــــــنانــــــ،

عـــــودة حــــــنانـــــ،


مرت كم من سنة
والليلة بي ذكراها عاودني الضي
والشوق نضح فارد جناحو
و لهفة قلوبنا الصابرة ومؤمنة
وهلَّ طيف روحك حداي
وابتسم رمش العيون المحزَنة
وجت ظلمة الليل الموحشة
وقصرت مسافات القلوب البينة
مشتاقة تفرد ذراعا وتحضنها
بعد الليالي الموحشة وبعد الفراق
في حضن ألاسي مستسلمة
معزوفة بي انغام عتاب وسوأل
عليه رد كل الحروف الممكنة
وأشرقت كل الشموس الغايبة
والعتمة ضاعت خلفنا والأزمنة
وعاد عمري الاماني السمحة
وفرحت حكاوينا الفراق
بالامل البصابح ودنا
وكل ألأماكن والمني
وعادت سنيني الضايعة
من خلف السكون والهم نزح
و كل الظروف المحزنة
من كم سنة ..
( من خاص كلامي )
" المحجوب "

((فرحت حكاوينا الفراق
بالامل البصابح ودنا
وكل ألأماكن والمني
وعادت سنيني الضايعة
من خلف السكون والهم نزح
و كل الظروف المحزنة
من كم سنة .))

ونقول......
ياربي تقرب مواسم التلاقي ..
تنزل مطر لي خريفا خرافي ..
وترجع ......توافي ..
تساوي الشقوق اللي كانت يباس ..
تزهر حقولنا وتزيد اخضرار....

لاااايك شديد المحجوب..
ولانملك الا ان نحتفي بحرفك الجميل

حقيقة ردك جميل شايل السماحة مكمله
ينسج حروف تشبه جمال روحا ما ليها شبها بمثله
والقول السمح من السمحة يعجز ملكة حروفي الشايله
وما لي غير قولت هلابك يا هلا ...
تسلمي يا السمحة ...