حلم غريب جداً

تعرفو مره حلمت لي حلم عجيب جداً انا اصلو الشلاقه في الاحلام متابعاني
حلمت ليك بي واحد بعرفه وصاحبي الغريبة ساكيني ليك بالسكين من جزارة الحصاحيصا القديمة وقدر ما حاولت اجر غلبني واعاين ليه القاه ليك خلاص قرب طبعا قمت مخلوع ومالقيته وراي ولا قدامي

تحياتي اخوي / ابو عثمان.....والله ماعارف اقول ليك او اكتب ليك شنو يازول مالك الايام دي شغال لينا في جن وزار واحلام وحرامية والله انت من مشيت المنطقة الشرقية اصبحت هناك شئ غير طبيعي في راسك من الاخر كده راجع الاسلاك والفيوزات واعمل عمرا كامله والغريبه انك كنت في هذه المنطقة من قبل ولم نسمع منك مثل هذه الاشياء امس اتخيلت حبوبتك حرامي واول امس كنت ليك في بيت زار وقبلها حاولت ان تكون مجنون لدقائق والليلة واحد صاحبك جاري وراك بالسكين ومامعروف بكره حيحصل شنو هاهاهاهاهاها...المهم عيشتنا في قلق وحيرة واها الان راكبين وجايين عليكم لكي نعرف بالظبط الحاصل وعشان بكره ماتفاجنا بحاجة جديدة وغريبة وقول لام عثمان صلحي العشاء كويس وماتعمل لينا فيها مجنون ولامدستر ولاساكنك ونلاقيك جاري بالشارع وللعلم نحن مجموعة لايستهان بها في طريقنا اليكم ...ولحدي مانتلاقا فتك بالف خير

ازيك يا بكري

اها جزار عديل كدا

اوعا بس يكون شايفك خروف ومامقتنع

المهم ما وصلك ........والشلاقة في الاحلام احسن من الشلاقه بالجد

وتسلم يا امير

قلب الحصاحيصا
الغريبة الحلم دا لم كنت في جدة
اسي احلام الشرقية مافيها جزارين
بس فيها مواعيد التطعيم وعدد البامبرز

ست البنات كيفك
ماوصلني لكن مجهجهني

عالمنا ملئ بالمعني، حتي أحلامنا لا تأتي من لا شئ.
عقولنا تدرك أشياء كثيرة حولنا، أكثر مما نعيه وونتبه له.
الأحلام لا تأتي من لا شئ، وواحدة من الوسائل التي ينتهجها علم النفس لمعرفة الشخصية ومخاوفها هي الأحلام.
وهذا الحلم يشير إلي أمر يهدد شخصك وأنت تحاول الهرب و لاتسطيع.
وأفضل تكتيك في اللعب هو المواجهة والهجوم.
فالهارب وإن لم يصبه شئ فسيفقد نعليه.
عليك بالمواجهة المدروسة العمل الجاد.

سلام

شكرا الاخ صديق محمد

العزيز/ بكرى
سلام .. تعرف الجزار دا ساكى البلد كلها !!
شد حليك على كوابيس 2010 !!!
وأحلام سعيدة ِ

الاستاذ عاطف تحياتي
تصدق قبلما اقراء الرد عرفت بانك ممكن ترمز للفي بالي ياخي الحلم دا من ايام حكومة الاحزاب السابقة