التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الادب والثقافة-۩۞۩» يهتم بالأدب و المواضيع الثقافية و الفنية |
|
أدوات الموضوع | انواع عرض الموضوع |
#1
|
|||||||||
|
|||||||||
الحرامية ديل خوافين
حبوبتي قالت لي يا فيفيد . . الحرامية ديل خوافين . . كان شفت ليك حرامي . . أعطس . . و فرفر و اتمغى فوق سريرك . . و كان لقيت ليك طريقة تتشهّق . . اتشهّق بي راحتك . . الحرامي بقول الزول دا صاحي و بقوم جاري منك صوف . . بس أوعك تسرخ يا فيفيد . . كان سرخت الله قال بي قولك . . المرة الجاية بجيك و يكتفك فوق سريك . . و لسانك دا يسلو ليك من لغلوغو . . كلام حبوبتي دا كيفني و بسطني طب . . و شحدت الله يقوم يجينا حرامي عشان أفرفر و اتمغى ليهو و اتشهّق أمامه فارداً خشمي على أوسع أبوابه . . و أشوفو و هو قايم صوف قدام عيوني . . داك الليلة راقد جمب حبوبتي . . صحيت باليل . . علي زنقة بول . . قلت أمشي أفك الداهية دا و انحلا منو قبل يكتر و يعمل لي غلبة . . و اجي اتم نومتي اللذيذونية دي بي راحتي . . الساعة الداير أقوم فيها أمشي المستراح . . أشوف بي رقراق البطانية . . دهمة شيء مكومة فوق راس الحيطة و قاعدة تعاين لي بي فوق الحيطة . . في اللوال كضبت روحي . . قلت أنا قطع شك وهمان ساكت . . عيلا وكتين عركت عويناتي . . الدهمة الفوق الحيطة دي بقت لي كبيرة . . دهمة حرامي . . المطرة صبت فوقي من الخوفة . . و جسمي اتماص كلو كلو بقة زي العجين . . و عرقت من صوف راسي لي كرعي . . و فكرة مشي المستراح طارت لي فوق راسي . . قلت خلاس دا حرامي . . جاء يسرقنا و يبشتنا . . قهرتك بي سيدي الحسن . . لبدت و قطعت الحركة و اتكومتا في نص العنقريب . . و أنا أرجف من الحمى . . و قعدت أعاين للحرامي دا بي رقراق البطانية . . يا السييييد الحسن الليلة تحلني من الورطة دي . . اظكرت كلام حبوبتي . . و شحدت الله الحرامي دا يكون ذي حرامي حبوبتي الخواف . . و اتظكرتا و صيتها و قلت لازمن أفرفر و أعطس و اتمغى . . عشان أوري الحرامي دا أني صاحي . . شلت جسمي فووووق . . و هردلب رميتو في بطن العنقريب . . و قمت اتشهقت و اتنخمت و تف بزقت . . لكن انت يا الحرامي أبيت تمشي من فوق للحيطة . . حرامي عنيد و عينو قوية ينغرز فيها عود كبريت . . حرامية الزمن دا ما زي حرامية زمن حبوبتي . . منهم جفلة . . وكتي الانقلبتا فيهو و اتنخمت و بزقت . . التقول عرفني صاحي . . الحرامي دا قبل يمين و قبل شمال . . و قعد يأشر . . بعد شوية ظهر معاهو رفيقو . . بقوا اتنين . . دهمتين فوق الحيطة . . الدهمة قدر ركيزة الباب . . الفيني كملت طب . . و من الخوفة لامن انزلق مني صوت بي تحت . . و قلت الحرامي البجيب زميلو دا عيلا ناوي علي شر . . محاسن جارتنا . . داك الليلة الحرامية جوها لقوها نايمة . . سمعت الكركبة . . صحت من النوم . . قالت ليهم سجمي انتو حرامية ؟؟؟ . . قالوا ليها آآآآآآي . . قالت ليهم زحوا لي كدي خلوني النسرخ . . الساعة الدايرة تسرخ فيها الحراااامي . . الحرامية ديل مسكوها من عراقيب كرعيها . . و اتشلبوها . . و فنننننننن فنوها بي فوق الحيطة. . الليلة الله يكفينا شر الحرامية البجدعوا الناس بي فوق الحيطة . . أنا ضعيفوني . . و ما فيني حيل . . كان جدعوني بي فوق الحيطة عيلا أموت ليهن و أبقى ليهن في رقبتن . . الحويج سيد البقالة الحرامية زمان جو يسرقوا بيتو . . وكت ما لقوا عندو شيء يسرقوهوا . . اتصرفوا بدل يرجعو ايد وراء و ايد قدام . . ملصوا سراويلن و قعدو في الواطة و عملوا ليهو الكاكا في نص أوضتو . . و رجعوا صادين . . شاحدك و ناضرك يا مالك روحي . . الحرامية ديل كان تلبوا الحيطة دي يبقوا زي الحرامية الجو للحويج سيد البقالة . . يدخلوا و يعملوا العملوهو في أوضة الحويج ويرجعوا صادين بي دربهم . . عافي ليهن عفو الله و الرسول . . أحسن من يفنوني بي فوق الحيطة و أموت ليهن في يدهن . . وكت الحرامية ديل أبو يخافوا و أبو يزحوا من الحيطة . . قررت أقوم أنقلب و اتمغى و أعطس و انكرش ليهم مرة تاني . . يمكن المرة الفاتت دي ما شافوني . . لكن وكت اتمغيت و انكرشت و قحقحتا للمرة التانية . . انتو يا الحرامية قوموا و قبلوا يمين و قبلوا شمال و أقعدوا أشروا . . جاهم واحد تالت . . بقوا تلاتة . . نعلت اليوم الخالاني أسمع فيهو كلام حبوبتي . . و قلت كان اتمغيت و انكرشت تاني . . الحيطة دي حا تتملي حرامية . . كان من قبيل سرخت الحرااامي كان انحليت . . لكن هسي السرخة كيفن بعد ما بقوا تلاتة . . و يمكن يكون في شيء تاني لابد تحت الحيطة . . و حبوبتي الراقدة جمبي دي . . بتضحك علي . . و فضيحتي بتكون بي جلاجل . . في النهاية قررت أن أسرخ و كان حبوبتي قالت لي سرخت لي شنو . . أقول ليها حلمان . . و جاني أب كباس . . لملمت حيلي و قوتي و سرخت بي صوت مقروش . . الحرااااااامي . . حبوبتي صحت من نومها مخلوعة . . مالك يا فيفيد . . قعدت أأشر ليها للحرامية فوق راس الحيطة . . قلت ليها . . الحرامية يا حبوبة . . قالت لي و هي تضحك بي طول حسها . . انت و همان يا فيفيد ؟؟؟ . . ديل جدادات عشة أختي نايمات فوق راس الحيطة. |
03-02-2010, 09:23 AM | #3 |
|
هههههههههههههههه
شكراً بكري علي القصة اللذيذة والله ضحكت لم الضحك احتار من ضحكي تسلم كتير يا امير |
|
03-02-2010, 12:36 PM | #4 | |
|
اقتباس:
انا زي ما قال حفيدي دا يا بكري وحرامية الزمن دا مش يفنو من الحيطة لا ويقلعوا بيتك ويقولوا ليك انت الجابك شنو كان البلد كلها تماسيح اها البحمي الكلاب شنو تنهش في البفضل |
|
|
03-20-2010, 10:44 PM | #5 | |
|
الحرامي في راسو ريشة
اقتباس:
في الحقيقه انا عايشت نفس القصه ايام الحله التحت وكنت بخرم الملايه خرمين قدر الريال عشان الواحد يكشف بيها وطبعا دي معاها علقه قويه بوظت الملايه كان القائد المشهور بالقسوة يستعرض جنوده فوقف أمام جندي وسأله: ما اسمك فقال : حمد يا سيدي. وما الذي تمسك به؟ فاجاب بندقيتي يا سيدي، فرد عليه : ليست بندقيتك بل هي زوجتك وعرضك وشرفك ثم انتقل الى الجندي الذي يليه : ما اسمك ؟ كامل يا سيدي . وما هذا الذي تمسك به؟ فأجاب : زوجة حمد يا سيدي |
|
|
03-20-2010, 11:06 PM | #6 | |
|
اقتباس:
فأجب الزعيم : وكيف نجعلهم يأتون لاستعمارنا ؟ فرد عليه : لدينا طائرتين نرسلهما في غارة على أمريكا فتغضب أمريكا وتأتي لاستعمارنا فرد الزعيم : واذا تمكنت الطائرتين من هزيمة أمريكا .. ماذا نفعل |
|
|
03-20-2010, 11:08 PM | #7 |
|
واحد اجاه ولد وصار عمره خمس سنوات ولم يتكلم ... في يوم الولد تكلم وقال :خالو .. ثاني يوم مات خالو .. وبعد اسبوع قال الولد: عمو ... وثاني يوم مات عمو .. وبعد اسبوع قال الولد : بابا ... وثاني يوم مات جارهم .
|
|
03-21-2010, 06:32 AM | #8 |
|
دا كان زمان لكن اسي غايتو حرامية الزمن ديل بقوا عجيبييييين وماخوافين.. الواحد يسرقك ولمل تجي تفتش يفتش معاك....وما سمعتوا بالحرامي السرق تلفزيون ناس الشرطة وبحضروا في المسلسلة......
|
|
03-21-2010, 08:12 PM | #9 |
|
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|