عاجل : الهلال يخاطب الاتحاد السوداني رسميا بالانسحاب من الممتاز

اشعل الهلال الاحداث بصورة اعنف من سابقتها ودخل لاول مرة في صدام مباشر مع الاتحاد السوداني عن طريق المكاتبات الرسمية وسلم نهار امس خطابا الي سكرتير الاتحاد السوداني لكرة القدم الاستاذ مجدي شمس الدين يعلن فيه انسحابه من بطولة الدوري الممتاز وعدم اداء اي مباراة في الدورة الثانية مالم ينفذ القرار الوزاري رقم (8) الصادر في 25 فبراير 2008م القاضي باعادة جدولة مباراة الهلال والنيل في الاسبوع الاول للدوري .. وهي المرة الاولي منذ اندلاع الازمة يكتب فيها الهلال خطابا رسميا الي الاتحاد السوداني لكرة القدم ..


وحتي في قمة ازمته مع الاتحاد العام الماضي التي اعلن فيها تجميد نشاطه لم يقدم خطابا رسميا للاتحاد .. وتأتي هذه الخطوة الخطيرة من الهلال في وقت طلب فيه الاتحاد السوداني من الاتحاد الدولي لكرة القدم مهلة الي ما بعد يوم 10 اغسطس لترتيب الاوضاع في اعقاب الخطاب الذي وصل من الفيفا وامهل وزارة الثقافة والشباب والرياضة فرصة حتي العاشر من الشهر الجاري لتصحيح القرار الوزاري رقم (44) القاضي بالغاء الدوري الممتاز وحرمان رئيس الاتحاد من السفر للخارج لمدة عام ..
ولا يستبعد ان تتعقد الامور بصورة اكبر من سابقتها بعد التصعيد الذي قام به مجلس ادارة نادي الهلال نهار امس بمخاطبة الاتحاد السوداني رسميا بالانسحاب من الدوري الممتاز خاصة ان الاتحاد ما زال متمسكا بموقفه الرافض للتنازل عن القانون في كل معاملاته في هذه الازمة التي من ضمنها القرار الذي اصدرته اللجنة المنظمة باعتبار الهلال مهزوما صفر: 2 امام النيل ذلك القرار الذي اشعل نيران الغضب وصدر بعده القرار الوزاري الشهير بمعاقبة الاتحاد السوداني لكرة القدم ..
واذا ما استمرت الامور علي هذا النحو فان القواعد العامة التي يستند عليها الاتحاد السوداني لكرة القدم تهدد الهلال بعقوبات رادعة وذلك حسب نص المادة (76) الفقرة (ج) التي تهدد الفريق المنسحب بالغرامة التي تصل الي عشرين الف جنيه وتجميد النشاط حتي نهاية الموسم والهبوط الي درجة ادني والغاء نتائجه السابقة في المنافسة ..
والغريب ان اول مباراة للهلال في الدورة الثانية للدوري الممتاز ستكون امام نيل الحصاحيصا يوم 11 اغسطس الجاري باستاد الهلال بامدرمان .. وهي المباراة التي رفض الهلال ادائها الا اذا اعيدت برمجة مباراته امام الفريق نفسه في الدورة الاولي ..
وكان الهلال قد خسر امس الاول امام نده التقليدي المريخ في ختام مباريات الدورة الاولي للدوري الممتاز بهدف .. وخرجت جماهير النادي من الاستاد حزينة للخسارة وساخطة علي مدرب الفريق الذي اجري تبديلات غير سليمة غيرت مسار المباراة لمصلحة المريخ ..
وتصدر المريخ عقب مباراة الامس الترتيب العام برصيد (30) نقطة يليه الهلال في المركز الثاني برصيد (27) نقطة ..
ومن المفترض ان يسافر الهلال الي جدة لاداء مباراة ودية امام الاهلي السعودي استعدادا لمباراته امام القطن الكاميروني في بطولة الاندية الافريقية الابطال وقدم خطابا للاتحاد السوداني يطلب اذنا للسفر الا انه لم يتلق ردا حتي نهار امس .. في الوقت الذي كتبت فيه الصحف السعودية علي قيام المباراة يوم الاحد المقبل وتردد ان النادي السعودي قد ارسل تأشيرات الدخول لبعثة الهلال ..
من جانبها عاشت جماهير المريخ اجمل اللحظات امس الاول واحتفلت بالهدف الغالي الذي سجله هيثم طمبل في شباك الهلال .. وسهرت حتي الساعات الاولي من الصباح علي انغام الفوز .. وتفاعلت ادارة النادي مع الانتصار الباهر وقدمت حافزا خرافيا للاعبين عبارة عن مبلغ 15 الف جنيه سوداني لكل لاعب كاعلي حافز يقدم خلال الفترة الماضية ..

شي كان متوقع في حال هزيمة الهلال ................

برضو مع النيل انتي قايلينو المريخ ولا شنو بتجروا منو كده ............

هنالك إشاعات بأن لجنة الوفاق توصلت مع اتحاد ونيل الحصاحيصا بالإعادة هل الكلام ده صح ؟؟؟؟؟؟؟؟؟؟؟


هذه هي فرصة اخري لشداد ليخسف بصلاح ادريسو الارض ..............

مشكور عمار على المعلومات الحلوة دى وذى ماقلنا نحنا عندنا مشكلة معى الإتحاد وبنطالب بى حق لابد نلقى فيهوا عدالة ذى ما المحكمة انصفت الاتحاد اهاا الاتحاد المرة دى جيناهوا بى اوراق عديل .

المشاركة الأصلية كتبت بواسطة امجدالشيخ

شي كان متوقع في حال هزيمة الهلال ................

برضو مع النيل انتي قايلينو المريخ ولا شنو بتجروا منو كده ............

هنالك إشاعات بأن لجنة الوفاق توصلت مع اتحاد ونيل الحصاحيصا بالإعادة هل الكلام ده صح ؟؟؟؟؟؟؟؟؟؟؟


هذه هي فرصة اخري لشداد ليخسف بصلاح ادريسو الارض ..............

يا امجد لازم تقولوا كدا فى النهاية نحنا عندنا مطالب معى الاتحاد ونتمنى انوا ما تحصل دخلات نشوف الاتحاد دا بيحلهااا كيف .

ويا امجد حبيبنا بتشوف شداد بتاعكم دا وبرضوا بتدافعوا عنوا اهاا حانشوف ياشداد يالهلال رايكم شنوا بالله خلوا شداد يجيب ليكم فريق تلعبوا معاهوا شدد

الراجل دا حايودي الهلال مزبلة التاريخ اين حكماء الهلال من هذة المهزلة بعد ما وصلت القضية هذا الحد من التصعيد لن يتراجع الاتحاد من القرارات كما للهلال قضية للنيل قضية طيب خلونا نحسبا صح الاتحاد العام حايرفع قرار الانسحاب للاتحاد الافريقي الاتحاد حايمهل الهلال فرصة للتراجع عن قرار الانسحاب اذا اصر الهلال علي الانسحاب تجميد مشاركات الهلال الافريقية (من ناحية الاتحاد الافريقي ) اضافة الي العقوبات من جانب الاتحاد السوداني حرمان الهلال من نقاط الدورة الثانية كاملة اضافة الي نقاط النيل ومسمار طمل يعني هبوط نادي الهلال وتسريح اللعيبة
اخر السيناريو سفر صلاح ادريس الي السعودية لمتابعة اعمالة ومخلف حسرة وندامة لجماهير الموج الازرق يا حكماء الهلال اين انتم من هذة المهزلة مع الود لكل المتداخلين

يا مصعب مليون مبروووووك .............

حكماء الهلال يا حليلم الراجل ده بقروشو جند مئات الصحفيين عشان يبعدهم عن الهلال ولايخفي عليك الانحلال الذي اصاب الاجهزة الامنية وبفلوسه ؟ هددهم.

اذا حدث ما ذكرته فسيهبط الهلال ولن نراه قريباً .............

بالمناسبة يقال بأن اي مبلغ بيدفعه صلاح ادريسو بيمضي عليه امين المال والسكرتير وحتي الان بلغت المديونية 3.2 مليار جنيه عشان كده هم ماقادرين يناقشوه في اي قرار خوفاً من مطالبته كما فعل احد رئيس احد لاندية بالحصاحيصا.

الاخ مصعب والاخ امجد :
فى البداية احب اشكركم مداخلتكم وفى الحقيقة ترتب على هه المشكلة قرارات قد تضر بمصلحة الكرة السودانية وقد تهوى بها الى قاع سحيق من الصعب الخروج منه . ولكن فلتعلم اخى ان الهلال اجبر على الوقوع فى هذه المشكلة وخلينا نقول صلاح إدريس معى انوا صلاح ادري الذى تتكلم عنه هو كيان الهلال وكل من وجد قلما تكلم وذكر ان صلاح ادريس هو المشكلة عجبا تكتبون بالله عليك يامصعب ورينى صلاح ادريس دا غلطان فى شنوا وماتقول لى عندو مشكلة شخصية معى شداد نحنا بنتكلم عن المشكلة دى فقط وإذا كان الهلال تسحب بطاقات لعيبتوا وينسحب من المباراة وتعاد له بطاقاته ويعود ويكون الهلال هو المشكلة نكون نحنا مجاملين ليس إلا كل وقد لانستطيع ان نحجم رأى أحد فإذا كانت هذه رؤية الجماهير فمابالك برئيس النادى ورجلها الأول . أختلف معك تماما اخى مصعب فى أن صلاح إدريس مخطىء فى حق أحد وإذا كانت الكرة السودانية سوف تتضرر بشداد فدعنا نكون أول الضحايا لها .
بالأمس رفع الهلال مذكرة جديدة للإتحاد والمرة دى عن طريق طرق رسمية لا يمكن للإتحاد تجاوزها يعنى المرات الأولى الهلال كان بينتظر لعل وعسى تحل الأزمة من دون اوراق رسمية وهذا ما كان يتزرع به الإتحاد . ونحمد الله بأن رفضت المحكمة الإدارية قرار الوزير . اها جوكم بالباب عديل . النشوف الإتحاد حايسوى شنوا من غير تدخلات .
وقد سلمت المذكرة لمجدى شمس الدين ومضمون المذكرة لإنسحاب الهلال من الممتاز فى حالة عدم برمجة المباراة ويعتبر الهلال منسحب من وقت استلام المذكرة كما ذكر الاخ عمار .
اخى مصعب والاخ امجد للهلال قضية ولا بد ان يدافع عنها مهما كانت النتائج فالنخسر الدورى او يتم معاقبة الهلال بمايريد الإتحاد بس لا يسن قوانين من لا شيء ولتكن العقوبة ( كما هدد الاتحاد الغرامة عشرون الف جنيه وهبوط الهلال لدورى الأولى ) هذا لايعنى شئ للهلال فسنعود للدورى القادم ونحن اكثر قوة ولينعم شداد بسطوته وجبروته ولكن لن يمس كيان الهلال وهذا ما نرجوه .

لك التحية عمار وللأخوة المتداخلين
ودمتم بكل خير

عمار،،،،
وينك يافردة ماشفناك من يوم الخميس،،،
انسحاب الهلال ياحلوين ماجا متأخر شوية؟؟ ماتقول لي الدورة الثانية يعني ماكان فارقة معاكم حاجة أكان إنسحبتو قبل المهزلة بتاعت الخميس بس ياربي للسبب الاول
ولا ذادت الأسباب ؟؟ دا السؤال
اما إنت يابرنس ماتنفخ لينا في قربة مقدودة .. الكل يعلم تماماً أن جوهر الإشكال تعدى
إدارة الهلال والإتحاد العام وبقى تناكف شخصي .
وانا أكاد أجزم إنو قرار الإنسحاب ما قرار إداري كامل يعني تعسفي بقيادة صلاح قروش
ومامافي زول من تنفيذي نادي الهلال بيقدر يعارض صلاح قروش (حليل الطيب عبدالله

)

والله دي عروفة من اول اذا فاز الهلال سوف يستمر........واذا ان هزم دي الحالة.....افترضنا النيل هزم الهلال صلاح قروش دي بسوي ايش