ياسر تمساح نحنا ما ناسك

الحبيب ياسر تمساح

طولت الغيبة على أحبابك
ياما جيناك وياما بابك
لوبحس دقات قلوبنا
كان حكالك كان بكالك
نحنا ما ناسك
ولما ترجع بنسيب عتابنا
ومن قلوب إنت سيدها بنقول حبابك
مودتى

تحياتنا للأخ الحبيب و القريب الي الروح / ياسر تمساح....
و التحية و التجلة لك أخ الطيب ...
و ربنا يديم الأخوة و العشرة بين الناس ...
آمين يا رب العالمين .

منو البنساك يا غالي...
و يعيش باقي العمر حسرة ....
و مهما طالت الأيام........
أكيييييييييد يجمعنا يوم بكرة ..
الأخ الحبيب والأستاذ الأريب
أبوهمام
منو البنساك يا غالى هى خاطرة من إبداعاتك السابقة والتى إتعلمنا منها أن نسأل عن الغاليين
ولونك الأزرق يحكى عن حبنا لسيد البلد
ونحن نتعلم منك كل هذا الحب
ونتشرف بمرورك وصدقنى كم مرة كنت أُمنى النفس بلقاءك يا غالى وأنت صاحب حس مرهف وقلم ذهبى
مودتى

ياسر تمساح نحنا ما ناسك
لو بتلقى زول بحبك زينا
زول بشيلك في عيونو
وفي ضلوعو وفي دموعو
في ابتاسمتو وهناهو في شجونو
ما بنعاتبك
لو بتلقى ما بنعاتبك
ياما جيناك وياما بابك
لوبحس دقات قلوبنا
كان حكالك كان بكالك
نحن ما ناسك .. ما ناسك
شبابك نحن ريدتك ونحن ماعمرك
ليه بتهدم انت في لحظة تجنى
البنيناهو في عمر مخضر طويل
الدموع في عيونا
تتحجر عشانك ما بتسيل
وقدر ما نحاول نشيل همك
بتتمرض قلوبنا وما بتشيل
نحن ما ناسك .. ماناسك
انت ما علمتنا الحب بسمة صافية
فيها عزة وفيها بهجة
بتستجير بعاطفة دافئة
نحن عشناها بشعورنا
وبعواطفنا الرحيبة
انت ما ضيعت أرواحنا في صحارى التيه
ما ترجع تجيبها
لية تلوعنا وتسيبنا ليه
نحن ما ناسك
ما ناسك

المشاركة الأصلية كتبت بواسطة الطيب ابوكرنة

منو البنساك يا غالي...
و يعيش باقي العمر حسرة ....
و مهما طالت الأيام........
أكيييييييييد يجمعنا يوم بكرة ..
الأخ الحبيب والأستاذ الأريب
أبوهمام
منو البنساك يا غالى هى خاطرة من إبداعاتك السابقة والتى إتعلمنا منها أن نسأل عن الغاليين
ولونك الأزرق يحكى عن حبنا لسيد البلد
ونحن نتعلم منك كل هذا الحب
ونتشرف بمرورك وصدقنى كم مرة كنت أُمنى النفس بلقاءك يا غالى وأنت صاحب حس مرهف وقلم ذهبى
مودتى

منكم أخ الطيب أبوكرنة ...
تعلمنا التواصل و ... التآخي و ... المحبة
و بكم يا عزيزي ... نتمني!
أن تستمر هذه المودة...
و لكم كل الحب و التقدير.

ياسر تمساح صدقني مشتاق ليك كتير مستني يوم ترجع تعود اسعد انا بي لقاك تاني

طولت الغيبه انشاء الله المانع خيييير

وينك يا خال عل المانع خير

الاخ ياسر تمساح حملنا كل اشواقه وتحاياه لنوصلها لكل من سأل عنه
اثر مكالمه هاتفية جمعتني به
وعلمنا من خلالها انه في رحلة عمل بشرق السودان
وسيعاود تواصله معنا فور عودته للخرطوم الي ذلك الحين يرجو منكم
تقبل تحاياه واشواقه الغالية

بعدد مارفرف الطير وغرد الكروان
بعدد ماغنى الحمام واليمام
بعدد النبض الذي في قلوب البشر
بكل رائحة الفل والياسمين والورد والزهر
وبكل ما أجتمع المسك والريحان والعود والعنبر
بعدد مانبت الشجر والورد والزهر
وبعدد ماطلعت الشمس وطلع القمر
نقول لك... مشتاقين
مشتاقين
لى طلتك
لى رؤيتك
لى مداخلاتك الجميلة
عودا حميدا ياكابتن ياسر؛؛؛

الاعزاء
د/منصور
يوسف المقدم
منتصر
رانيا خضر
حبوبة
ابو همام
الغالى
الطيب ابو كرنة
بعد السلام عليكم ورحمة الله
مشكورين على السؤال
عشقا تدفق فى دواخلى يثبت اوتاده كل حين بملتقاكم فى هذه الواحة ...
اشكركم بعدد صفق الاشجار بما قد قيل وما سيقال
واحمد الله كثيراً من قبل ومن بعد على هذه النعمة ...
وما اسعدنى بكم
وكل من افتقدنى
لكم الود
بتمنى اكون قدر الكلام ده

ياسر حمداً لله علي السلامه
مرشحنا من البداية كده غياب