حلاة اللغة العربية

هذه أبيات من الشعر..... فيها العجب العجاب..... وفيها سحر اللغة العربية

ألـــــوم صديقي وهـــذا محــال
صديقي أحبــــه كــــلام يقــــال
وهـــذا كــــــلام بليـــغ الجمال
محـــال يقـــــال الجمال خيــال

ما الغريب في هذه الأبيات ؟
اقرأوها عموديا حسب الألوان لتروا وكأنكم تقرأونها أفقيا
ألم تقل اللغة العربية عن نفسها
أنا البحر في أحشائه الدر كامن.... فهلا سألوا الغواص عن صدفاتي ؟
أيهجرني قومي عفا الله عنهــم.... إلى لغـــة لم تــتـصـــل بــــــرواة !!

السلام عليكم قرشي
ومشكور على الموضوع, قريت الابيات قبل كده لكن ما اذكر اني انتبهت للحركة دي.
بصراحة, لغة القران نحترمها جدا ونحمد الله عليها. لكن برضو مسالة تفوقها على اللغات دي انا قعد اسائلها شديد. طبعا لو جانا كلام موثّق ومؤصل فما عندنا غير التسليم, وده معنى اسمنا مسلمين, لكن ما بلغني لحدي اللحظة هو كلام ناس ساكت. يعني واحدة من الحاجات البقولوها الناس انو العربية غنية بالمفردات, مرة واحد قال لي انو اللغة الانجليزية فايتاها بعدة ملايين من المفردات (لاحظ انو القصة هنا كلها اقوال في اقوال, وهو البقولوا الناس شوية؟).
يبقى انا ما شايف شئ يمنع سكان جزر راييبراي انو يعتقدوا انو لغتهم افضل لغة في العالم, وينظموا في ذلك الاشعار والمعلقات الراييبرايية, ومافي زول يقدر يقول ليهم تلت السبعة كم, لانو المسالة اقوال قصاد اقوال ومعلقات قصاد اشعار, ولّ كيف؟