عودة هيثم للهلال

قبل أيام أسفرت الانتخابات بنادي الاتحاد جدة عن فوز إبراهيم البلوى ، وبعدها سرت شائعة عن إعادة قائد الفريق محمد نور إلى فريقه السابق الاتحاد وهو مرتبط بعقد مع فريق النصر (العالمي)
ولكن من خلال شراء متبقي عقده لدى نادي النصر
وهذا ما حدث بالضبط لجماهير الهلال عندما تم تعيين مجلس عطا المنان , فقد طالبت جماهير الهلال بإعادة قائده السابق هيثم مصطفي وهو مرتبط بعقد مع المريخ (العالمي )
ولكن بأي طريقة هذا ما لا افهمه ،
فهل كانت الإدارة الهلالية قادرة على تقديم عرض للمريخ بشراء متبقي عقد هيثم بالمريخ؟
أم هي مجرد أحلام هلالية فقط؟
فعودة هيثم ذكرتني بقصة (عم فضل الله) العامل البسيط الذي يعمل (ساعي ) بإحدى الوزارات ولمدة تجاوزت العقدين من الزمان ،
أفنى فيها كل زهرات شبابه ، وفي إحدى الليالي سقط العم فضل الله على الأرض فقد أصاب الشلل إطرافه ،
وتقديراً لعطائه ومحبة فيه قرر الوزير بالوزارة أن يتم علاجه بمستوصف خمس نجوم
وهنالك بالمستشفى وجد العم فضل الله الرعاية الكاملة والاهتمام من الممرضات والطبيبات والطعام مختلف ألوانه وطعم
وبعد فتره قضاءها العم فضل الله بالمستوصف , كتب الطبيب له الخروج، ولكن العم فضل الله رفض الخروج وأصر على بقاءه بالمستوصف لما وجده من عناية واهتمام .
وهنا يبرز السؤال هل يريد هيثم العودة إلى الهلال ؟
هل يعود هيثم بعدما وجد الاهتمام من نادي المريخ وأصبحت صورته في المواقع العالمية وبجانب ريبيري وارشافين .
إن هيثم لن يعود إلى الهلال ثانية وان ترك الكرة ، وترى لسان حاله يقول (ياريت إنا لو عرفتك من زمان)
شتره
ويظل حلم الهلاليون عودة هيثم

العزيز لؤى
سلامات
سبحان الله يعنى المريخ ليو فضل فى شهرة هيثم عشان لعب مع جوليان جيرن و كلاوديو وريبيري و رافينيا؟؟؟
والله كانو المريخ ده لاقى البايرن فى دورى الأبطال؟
بينى وبينك هيثم فقد للهلال ودى حقيقة ما بنكره الا مكابر،بس الباعنا بجنية ما بنرجعو ولو بالمجان،والفاتك فوتو،وصدقنى هيثم بعد كده ح يقعد كنب زى ما قعد اخوهو العجب،وباكر الكنبه ما بتفارقو بعد ما يكشكوا وارقو.
وبعدين يا اخوى كورتكم مع البايرن دى زمان قلنا راينا فيها،يعنى قشره وفشخره فى الفاضى،زى لما تلاقى فنان ولا ممثل مشهور فى مول ولا فى مطار وتقول ليهو عاوز اتصور معاك،يعنى كورة من اجل القشرة،والخيول الأصيلة بتظهر فى اللفة
وراجنكم فى اللفه عشان نلغفكم لغفة يا عالميين انتوا.

اها يالؤى التمهيدى حصل عليو شنو؟قالوا فى محاولات دفع عشان يعفو العالمى منو!!!