الإحتفال بالهدف

ثقافة الإحتفال بالأهداف التي ينتهجها لعيبة الهلال من الاشياء الجميلة والتي تساعد اللاعبين علي التباري في احراز الاهداف ليحتفلوا به ومن الممتع جدا ان ينتهج كل لاعب احتفال جديد حتي يكون مجتهدا في المباراة ليحرز هدفا ويسرع ليحتفل ليشاهده الجميع وهو يحتفل سنة جديدة وحميدة من لعيبة الهلال واتمني ان ينتهجها جميع اللعيبة في جميع الاندية الاخري وعلي رأسها المريخ والكل يعلم ان متعة كرة القدم في الاهداف والاحتفال بعد الهدف نحن كجمهور نتمني الاهداف وننتظر الاحتفال به كاريكا وسادومبا خير شاهد علي ذلك لموقعهم الهجومي ولا ننسي بشة الذي احتفل بهدفه في زمبابوي بطريقة جميلة ولا ننسي مساوي وبالقريب ايضا احتفل بكري المدينة بطريقته الجدية في الهلال كل حاجة بي نظام حتي طريقة الاحتفال منظمة وتحس بروعتها الامر الثاني الاحتفال يظهر لك ان لعيبة الهلال بهم محبة والفة وترابط حاجة كدا ماعارفها كيف المهم في موسيقي بتطلع من اللعيبة في تفاعل بيظهر من الجمهور في ضحكة بتبان عند المشاهدين في صوت ارتياح يخرج من المعلق في تتبع للحركات بدبلجه مصور الكاميرا في الهلال الكل بيتفاعل حبوبة بتجيك من هناك بتضحك ونفسها طالع ونازل ذي سادومبا فرحة باينة كان ما اخاف الكضب اقوليكم شايف سنونها ناصعة البياض ابوهمام وحفيد ودرعية بيجوك ينططو ودالحصاحيصا يومك التشوفوا بكون مبسوط ومبتسم ازهري محمد علييتنفس شعرا من خلال الهلال الزول دا لمن يكتب بكتب بي احساس الهلال اكرم كمال بيرسل ليك رسالة تقول انا الهلال البرنس دا خلوهو يوم بيموت في حب الهلال وعذرا للبقية كل الهلالاب بيتفاعلوا كلا علي طريقته نحن من انصار احتفالات الاهداف ونرفع القبعات للعيبة الهلال لحبهم المنقطع النظير والله حرام تجيك تمريرة من البرنس حفظه الله ورعاه وتجيب قوون وماتحتفل ياخ دا قال ليك احتفل ونطط

تمتعو برقصة سادومبا وكاريكا الجديدة



تمتعوا ايضا برقصة بشة ولعيبة الهلال متعة

كم انت رائع ايها الهلال
حتي المريخاب يفرحون برقصة لعيبة الهلال
ما قلتليكم كل العالم بيتفاعل مع الهلال

تعرف يا برنس الاحساس بالمسؤليه ده اهم واجمل احساس بالنسبه للكابتن
ولو لاحظت للبرنس حفظه الله ورعاه كل ما لاعب من الهلال يجيب هدف بسلم عليه
في راسه لانه حاسي بيهم مسؤليته وهو قائدهم فلازم يحفزهم علي مزيد من الاهداف
وده الحاصل مزيد .....ومزيد من الاهداف
حبوبه لي هسه تضحك بي سبب وبدون سبب .... لا لا كيف بدون سبب ....في سبب ومهم جدا
سيد البلد فائز علي طول ونحن فخورين جدآ جدآ جدآ
وتحياتي

يا بصمة الدم في العروق ازرق مع ابيض بحوق
يا مارد افريقيا الصعب بين العرب زاكي الشعوب
كل ما تواجه وتنتصر لي نصر تاني يجينا شوق
مااصلو قمنا علي شعار بنقول ديمةهلالنا فوق

المشاركة الأصلية كتبت بواسطة البرنس

يا بصمة الدم في العروق ازرق مع ابيض بحوق
يا مارد افريقيا الصعب بين العرب زاكي الشعوب
كل ما تواجه وتنتصر لي نصر تاني يجينا شوق
مااصلو قمنا علي شعار بنقول ديمةهلالنا فوق

وين عارف مصطفى يا برنس.

بس عشان تعرف روعة المريخاب وصفويتهم حتي القون الحلو يفرحوا بيهو حتى إذا كان من ندهم التقليدي ووصيفهم الدائم ...هاهاها
وينك يا برنس..

المشاركة الأصلية كتبت بواسطة إسماعيل ميرغني

بس عشان تعرف روعة المريخاب وصفويتهم حتي القون الحلو يفرحوا بيهو حتى إذا كان من ندهم التقليدي ووصيفهم الدائم ...هاهاها
وينك يا برنس..

سمعة روعة المريخ شايفنها لكنها تظهر من خلال الهلال
ياخ انتا احلي زول واشجع من رأيت بذكرك الوصيف الدائم
هههههههههههههههههه
حلوة منك خليك جاهز لمقال اليوم

فوق للمتعة

على نادي المريخ ارسال عدد من اللاعبين لمدرسة الهلال بغرض التعلم !!!
ويرجى عدم اصطحاب كروجر الفضيحة.!!!!