التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | |
قريبا |
بقلم : |
قريبا |
آخر 10 مواضيع |
الإهداءات | |
|
«۩۞۩-منتدى الحصاحيصا الحر-۩۞۩» ساحه للحوار الحر والمواضيع العامه التى تهم كل ابناء مدينة ومحلية الحصاحيصا بصفة خاصة وكل السودانين بصفة عامة |
|
أدوات الموضوع | انواع عرض الموضوع |
#1
|
|||||||
|
|||||||
المات منووووووووووووووووو ؟؟؟
نفسي أشوف وأسمع واحدة تلفح توبها حينما يأتي لها خبر بكاء
نفسي اسمعها تقول { الماتت منو } ؟؟؟؟؟؟؟ اتى عمك الى البيت وهو يكسوه الحزن حيث كان والده مريض مرض مووووت وقال لزوجته : الوالد مااااااااااااااااااات اها بسرعة نمشي عشان نلحق الجنازة زولتكم أدتوا ليك صرة وش قوية وقالت ليهو لازم استحم والبس دهبي وأغير ملابسي عاوزني أمشي بالطريقة دي عشان اخواتك يقولوا علي مبشتنة ؟؟؟ قام قال ليها : لكن المات أبوووووووووووووووووووووووووووك ؟؟؟ طوالي الزولة سكلبت وضربت الكوراك و{ اتدردقت بالواطاة } وكبت ليها شوية تراب في راسها !!! قال مبشتنة قال !!!!
لنغني جميعاً أغنية للوطن بعنوان { أحب السودان }
|
06-26-2011, 10:57 AM | #2 |
|
هاهاهاها..
العزيز ابو حراز تحياتى لك اخى،وياترى ماذا كان سيكون موقف المدام لو استدراك زوجها وتنبيهها الى ان المتوفى هو والدها؟هنالك مفارقات غريبه فى موضوع البكيات وسبحان الله قالوا كمان فى حنه للبكاء؟؟؟وحنة البكاء تكون مبسطه ولا توجد بها فنيات.. |
جاييك يا آخر المواني من ظلمة البحر الممدده في الفراغ ... جاييك من غربة الجزر المسورة بالهواجس والضياع جاييك معاي ملح التجارب ذي محارب مجروح و خايض في الغبار لكني ثابت في المدى واقف أنا ودايس على الإبر المسممة بالكلام علمني غدر الناس أشوف واتحدى نار كل المصائب ..والظلام..
•
الحصاحيصا تحتل الفضائيات السودانيه
• مبدعون ومشاهير من ابناء مدينتى الحصاحيصا • ذكرياتى واجمل الايام فى مدينة الحصاحيصا |
06-26-2011, 12:17 PM | #3 |
|
يعني يازينة وذهب ولاكفر واعتراض علي مشيئة الله بالدردقه علي الارض وكب التراب علي الراس بدل تقول انا لله وانا اليه راجعون
الموت عند ناس عظة ورجوع الي الله وعند ناس حزن حتي في البس يلبسون الاسود علامة وتوضيح لحالة الحزن وعند ناس تفاخر ولبس واستعراض للزينه والمجوهرات والسيارات ولسه بعد بكره بكون عند ناس بشكل جديد حسب الموضة بكاء آخر زمن |
|
06-26-2011, 01:07 PM | #4 | |
|
اقتباس:
تعرف يا ابو حراز النسوان ديل في اي موقف عايزات يستعرضن و يبوبرن . في الحاله اعلاه لو مات والد الزوج لازم تتطلع على سنجة عشره . وفي حالة وفاة والد الزوجه ذي ما حصل في نهاية القصه لازم تتبشتن و تتعشكب عشان تستعرض وتوري الناس ( ابوها غالي عليها قدر شنو ) هههه ابو حراز (( الله يجازي محنك )) |
|
|
06-27-2011, 05:53 AM | #5 | |
|
اقتباس:
أخي ود الحصاحيصا 00 سلام 00 مرحب بيك في هذا الصيوان
سبحان الله 00 يعني الحكاية بعد حنة تخريج جابت ليها كمان { حنة بكاء } غايتو في هذا الزمن تف يادنيا تف يعني البموت فقد نفسو صدقني لدي رأي حتى في { كشف البكاء } فقد كان لدينا قريبنا قد توفى قبل فترة وكنت في مكان العزاء وكالعادة ونسة وضحك مع بعض المعارف والأصدقاء وقلت ليهم ليه ياجماعة كشف البكاء دا مانديهو للزول وهو حي الجماعة انفقعوا بالضحك وقلت ليهم انا شخصياً لو عاوزوين تشاركوني في موتي بعد عمر طويل أدوني حقي { دقيق } قبل مايكون عجين يعني الكشف هسي قالوا لي الفائدة شنو لكن قلت ليهم 00 ان شاء الله ابني بيهو حيطة على الأقل اكون استفدت منه |
|
لنغني جميعاً أغنية للوطن بعنوان { أحب السودان }
|
06-27-2011, 06:48 AM | #6 |
|
اعتقد المات منو دي مقصود بيها ذي صيغة القرآن الكريم
في اغلب الاحيان المخاطب الذكر والمقصود الاثنين معآ يعني ما تزعلوا ساي لو سألنا المات منو مافي حد بموت الا عمره ينتهي ..... بالمناسبه حنة البكاء بتكون عاليه شويه عشان تتشاف من بعيد وبتكون من غير رسم ...أي سؤال تاني نحن حاضرين هههههههه |
واعمل لدار رضوان خازنها والجار احمد والرحمن بانيها قصوروها ذهب والمسك طينتها والزعفران حشيش نابت فيها .* .* .* .* .* .* .* .* http://www.quranflash.com/quranflash.html |
06-27-2011, 12:19 PM | #7 |
|
والله يا ابو حراز صدقت من نحن صغار ما سمعت لي مرة بتسأل الماتت مني, لكن خليني أقول ليك حاجة - ان شاء الله حبوبة دي ما تكون سامعانا، النسوان ديل ياخوي ما بموتن ديل بكتلننا ويقعدن. وأسمع دي:
مرة في واحد مرته ماتت - رفسها الحمار حقو كتلها - اها قاعد في العزاء كل شوية يجي راجل يتوسوس معاه بعد شوية تجي مرة تتوسوس معاه......وهكذا. واحد قاعد بعيد شايف الحريم والرجال كل واحدة وواحد يجي يوشوش الراجل. قام جاء ساله قال ليه عليك الله الناس ديل بيقولوا ليك شنو؟ رد عليه الراجل قال ليه الحريم بيسألني النبي بتعرس تاني؟ والرجال بيسألوني عليك الله ما بتبيع لي الحمار؟ تسلم يابوحراز. |
|
06-28-2011, 06:57 PM | #8 | |
|
اقتباس:
ماتشنوا هجوم علي النسوان براهم الرجال ذاتهم في المقابر قبل مايدفنوا الميت تلقاهم يقطعوا في الناس دا أحسن منو الاستعراض...
والعجب في الفاتحه تلقاهم يرفعوا يدهم سريع كشحه بس يعني بدون قراية الفاتحه (قال النسوان قال)... |
|
|
06-29-2011, 06:07 AM | #9 | |
|
اقتباس:
أخي ابوعمر 00 هكذا عاداتنا فيها كثير من المفارقات والمتناقضات
00 هذه الغربة اللعينة منحت بعضنا حنيناً زائداً ومتدفقاً لدرجة العوارة ومنحت آخرون قساوة وشدة مابعدها قساوة وهؤلاء الأخرين أفضل حالاً 00 اي القساة أما المليئون بالحنية فهم كثيراً مايدقسون 00 وصاحبك أبوحراز أحدهم هنا نتأثر ونبكي حتى نزرف الدموع التي لم يكن هناك داع لها بل يجب توفيرها لحوبة أكبر وحينما يقولون لك فلان مات تجدنا أكثر تأثيراً من أهل الميت نفسه بالسودان فالغربة تعمل على { خلخلة } ولخبطة الكثير من الجينات أتانا خبر احدهم بانه استشهد بالجنوب وهو فتى يافع ووسيم ومليء بالمرح والدعابة كان ذلك في تمام الواحدة ظهراً وهو وقت للراحة للكثير من المغتربين ولكن لم يكن للراحة في ذلك اليوم أي مساحة فكل منا ذهب لآداء الفاتحة في بيت العزابة ووجدنا أخ { الشهيد } يبكي بحرارة وانفقعنا جميعنا بالبكاء تضامناً مع اخو الشهيد ومن ثم بدأنا في الاستغفار والمدهش أن بعضهم يأتي ويؤنب البكايين ويقول لهم هذا عيب وعلى حد قوله كان يقنع الناس بأن من استشهد لم يمت ومن ثم اتوا لنا بآيات قرآنية وأحاديث وسنن البديع وابن ماجة وزيادة في التضامن قمنا بشحن الموبايلات استعداداً للتحدث مع أسرة الشهيد بالسودان وبالطبع يتخلل المكالمة بعض من الجعير والنواح وكذلك بريك اعلاني !!! حيث أن الكثير تقطعه العبرة وتقف له في حلقه اثناء المكالمة مع أسرة الشهيد مما يحدث معه ضياع الكثير من الدقائق في هذا البريك الحزين !!!! اها في المساء جابوا { دفتر الكشف } وعاد ناس ابوفاطنة يعجبوك افتوا لنا بان الرجل شهيد وصغير في السن فلابد من تظبيط الكشف وبدلاً من الشي ءالمعهود آثرنا أن يدفع كل منا { 300 } ريال 00 وهي بالطبع قيمة ايجار الشقة لمدة شهر ولكنها لاتغلى على الشهيد ووصل الكشف لأكثر من 10 آلاف ريال ومن ثم بدا الجميع يعمل كالنحل من أجل ان يسافر أخو الشهيد لتقبل العزاء وهو شقيقه الوحيد لنسمع في اليوم الثاني أن السيد الشهيد في أمان الله ورعايته وقد أتى وهو يحمل معه كمية من قصب السكر لأطفال الحي !!!! المشكلة لحد الان مارجعوا لينا قروش الكشف !!!!! |
|
لنغني جميعاً أغنية للوطن بعنوان { أحب السودان }
|
06-29-2011, 06:18 AM | #10 | |
|
اقتباس:
أها يا الطيب عبدو 00 شوف عمك بحب مرتو كيف
طبعاً عمك زهجان من مرتو لدجرة ماتتصورها خمسين سنة زواج ولا حتى وجع راس ما جاها وعمرها ماشاء الله 70 سنة وتشيل ليك عمك في صفحتا فجاة جاتها ذبحة وماتت 00 الله يرحمها اها في اهل العوض انت عارف ماعندنا أبواب كبيرة زي المدن طوالي الجنازة بيرفعوها بي فوق الحيطة شالوا الجنازة وعمك ماصدق إنو الزولة دي اتخارج منها رفعوها بالحيطة في سلك كهرباء عريان قوم يا السلك ود الحرام اضرب الجنازة وهي لينة طبعاً عمتك طوالي اتنفضت وقامت قالت ليهم مودني وين ؟؟؟ رجعوها والبيت اتقلب زغاريد عاشت تاني 20 سنة وماتت وعمك قاعد برضو رفعوها بالحيطة عمك قعد يكورك ليهم 00 السلك السلك ياناس اعملوا حسابكم من السلك !!!! شوت ضفاري لدرجة العوارة مرة لقيت ليك الجيران متشاكلين 00 اساءات ونبذ وعكاكيز عشان شنو 00 قالوا ولد الجيران 7 سنوات نط بالحيطة !!! قلت ليهم ياجماعة معقول في سبب بسيط كده تتشاكلوا وتتخاصموا قامت واحدة مدت لسانها بطول سكك حديد السودان وقالت لي 00 انت بترضى واحد ينط ليك بي فوق الحيطة قلت ليها 00 نحن لو الزول ميت بنط بالحيطة حي ماعاوزنو ينط ليكم ؟؟؟ وتحولت الشكلة الى ضحكة كبيرة مجلجلة !!! |
|
لنغني جميعاً أغنية للوطن بعنوان { أحب السودان }
|
06-30-2011, 08:20 PM | #11 | |
|
اقتباس:
ههههههههههه لكن مباااااااالغه و في السلك تعرف قريت قصتينك ديل وفقعتني بالضحك لما المدام جات جاريه لانها عارفاني قاعد براي والاولاد نايمين لقتني بضحك مطت شفايفا وقالت لي ( الجن بتداوا كعبا الاندراوه) ولما قرت كلامك قلت ليها ( اها دي ما الاندراوه زاتا )ما ردت لي لانها كانت بتضحك لما سالت دموعا . صدقني ما خاتيه زميلة بتك لما قالت ليها( والله ابوك ده ظريف شديد ) تسلم يا ابو حراز |
|
|
07-03-2011, 10:38 AM | #12 | |
|
اقتباس:
حبوبة 00 كيفنك طبعاً برضو ما بتعرفن الراجل ماشي وين نهائياً الا في ذلك اليوم حينما يحمل الى قبره ولكن صراحة لديكن وفاء بطريقة لامثيل لها ويمكن أن ذكرت لك في بوست الزوجة المصرية حينما مات زوجها وجلست تبكيه لمدة 9 اشهر متتالية ليل نهار وبعدها زارتها صديقتها لتعزيها فرفضت العزاء بحكم انها أتت متأخرة ولكن فجرت الصديقة مفاجأة من العيار الثقيل حينما ذكرت لها أنها كانت محبوسة فسألتها الأخيرة مندهشة جوزك ماااات فردت عليها جوزي هو جوزك !!!!! وحينها اتقلب البيت الى صراخ وعويل والزوجة الأصلية غير مصدقة المهم أثبتت لها انه كان متزوجها ولديها منه أبناء قومي يا الزوجة أمشي المقابر وقامت بتأجير عمال وإخراج جثة الزوج الغامض ومن ثم قامت بحرقها !!!!! المراة السودانية لاتصل لهذه الدرجة فهي في حدود سكب الماء المغلي على الوجه يعني بعد تموت بتسامحك مهما كانت الظروف وجلطة نفيسة ليست ببعيدة فقد اكتشفت أن زوجها بعد ان مات كان متزوجاً من حلقة التلاوة حيث يقول لها أنه ذاهب لحلقة التلاوة ولكنه يذهب للزوجة الثانية وماشاء الله تبارك الله لديه ثلاثة أطفال عسل من حلقة التلاوة رغم أن الحلقة لاتزيد مدتها على نصف ساعة ويومين في الأسبوع قال حلقة التلاوة قال !!!! |
|
لنغني جميعاً أغنية للوطن بعنوان { أحب السودان }
|
07-04-2011, 03:02 PM | #13 |
|
بسم الله الرحمن الرحيم
الحمد لله رب العالمين والصلاة والسلام على المبعوث رحمه لعالمين اخونا ابو حراز السلام عليكم ورحمه وبركاته والله والذى لا اله غيره لم اضحك من فترةمثل هذا الضحك يحكى ان رجل كان متزوج من فتره طويله مع زوجته وشاءت اقدار الله ان تتوفى زوجته وعندما جهزت الجنازه كان يصيح وماسك فى كراع العنقريب الجماعه بيحاول يرفعو العنقريب وهو بيقول هه هه ( يعنى لا لا ) واحد ساله مالك ازول عاوز شنو من العنقريب قال ليهم والله ما يمرق الا تعرسو لى الشايل الجرد ديك انا 30 سنه عايش فى جحيم خلونى امرق لجنه لك منى كل تحيه ايوب |
|
07-11-2011, 05:55 AM | #14 | |
|
اقتباس:
كيفك يادكتور وتسلم كتير على نكتة الحمار
لأول مرة أعرف ان { للحمار } مهام أخرى كنت مفتكروا بتاع توصيل طلبات عندنا جدنا قوي جداً يعني عادي لو في بقرة واقعة بيرفعها لوحده وكان مابشرب موية نهائياً فترة الشتاء عشان في الصيف بيتغذى على السمن واللبن حتى أنني أذكر مرة في ونسة بتاعت سواقين وعمال ورش ذكرت لهم أن جدنا لايشرب الموية في الشتاء فقال لي أحدهم ساخراً : ياخي دا جد وللا فلكسواجن !!!! وعرفت فيما بعد أن الفلوكسواجن ليس بها لديتر لتبريد الماء اها الراجل جدنا دا مرة رفسو حصان عارف الحصل شنو : الحصان قعد يضلع ولحد الليلة بيمشي أعرج !!! |
|
لنغني جميعاً أغنية للوطن بعنوان { أحب السودان }
|
07-11-2011, 07:25 AM | #15 |
|
المبدع ابوحراز حقيقة مبدع وانا من المتابعين لكل ماتكتب فانت صاحب قلم نادر جدا قل ان تجد مثله فى المنتديات لذلك جائزة القلم الذهبى لكاتب مثلك كانت بمثابة اقل هدية تعطى لك فانت اكبر من ذلك فالابداع له اصوله فانت اصل الابداع .
(حلوه الحصان قعد يضلع ولحد الليلة بيمشي أعرج !!! ) اصلو جدك ده (made in Japan ) ماشاالله ههههههههههه |
|
07-21-2011, 07:22 PM | #16 | |
|
اقتباس:
أخي ايوب 00 تحية </b></i>
أتيت من السعودية عن طريق بورتسودان وبعد أن وصلت مدني في الحادية عشر صباحاً من اليوم التالي حدث لي عطل مفاجيء بالسيارة نصحني أحدهم بان أذهب بجوار أستاد ودمدني حيث يمكن اصلاح السيارة وبالفعل ذهبت الى هناك والعطل كان بسيطاً لكنه مزعج وجدت أثنين من المعارف فقال لي احدهم بعد السلام 00 شيل الفاتحة لأخوك أحمد فقلت له خير ان شاء الله فقال لي حبوبته اتوفت قبل أسبوع وبالفعل شلنا الفاتحة وكالعادة السؤال التقلدي حبوبتك كانت مريضة وللا شنو في حين أنني كنت اعتقد ان حبوبته ميته منذ 20 سنة ومن بعد ذلك قال لي محدثي وانا برضو أمي ماتت !!! فتأثرت جداً وتهيأت للفاتحة وحينما حاولت أن أرفع يداي قال لي معليش نزل يديك ولاعاوزين فاتحة ولايحزنون بس عايزين منك عشرة آلاف وتاني شيء توصلني الدرجة !!!!!! طلعت العشرة آلاف غير ماسوفاً عليه ومن ثم أوصلته لوجهته وقال لي 00 حينما أرجع القرية بعد غد سأخبر جميع الأهل بأنك حضرت لنا وبالفعل أسرتهم كبيرة جداً وكنت سأحتاج الى عشرة ايام بلياليها من أجل المرور عليهم جميعاً وبالفعل بعد يومين قابلني ابنها الثاني وقبل أن أرفع معه الفاتحة بدأ يشكرني وقال لي والله نحن عاجزين عن شكرك قالوا جيت ومالقيتنا والله دي قليل البسوووووها مغتربين كتار ياولدي جو هنا وما شفناهم بعد يومين قابلنتها بنتها الكبرى برضو قعدت تشيل وتشكر وكانت مبسوطة لدرجة أحد اقربائي بالمدينة المنورة سمع بهذه القصة وكانت عمته قد ماتت ولم اسمع بها فاتصل علي وقال لي ياخي ماعزيتنا لكن قالوا قاعد تدفع حق الفاتحة وانا بقول ليك عمتي اتوفت لكن رسل لينا رصيد بي خمسين ريال وكفى الله المؤمنين شر القتال |
|
لنغني جميعاً أغنية للوطن بعنوان { أحب السودان }
|
07-21-2011, 07:24 PM | #17 | |
|
اقتباس:
الأخت رانيا تحية </b></i>
في إحدى المرات كنت بصيوان العزاء مع أحد معارفي فإذا بابنه ياتي جرياً وهو يتصبب عرقاً وقال لوالده أمي قالت ليك عاوزة الموبايل طبعاً الراجل استغرب لأن زوجته معها موبايل لهذا حاول ان يتصل بها ليعرف سر الموضوع فقالت له 00 ياخي لقيت النسوان كلهن شايلات {n97} ومافوق عاوزني أبكي ليكم بي موبايل خردة ؟؟؟ عليك الله أديني موبايلك بسرعة عشان اقشر بيهو وارجعو ليك !!!! قلت لصاحبي انت عارف بعد ماتخلص من العزاء حاول أمشي بيها لطبيب نفسي فضحك وقال لي 00 الطبيب النفسي عاوزو أنا !!!!! قال طبيب نفسي قال !!! |
|
لنغني جميعاً أغنية للوطن بعنوان { أحب السودان }
|
07-21-2011, 07:29 PM | #18 | |
|
اقتباس:
شكراً أخي على رفع المعنويات 00 شكرا لهذا الكلام الجميل
جدنا له قصص كثيرة جداً ومنها انه كان يأتي من حواشته متاخراً وظهر مجموعة من الرباطة في فترة صرف فيها المزارعون مبالغ كثيرة حينما كان المشروع بكامل عافيته كان هؤلاء الربابيط ينتظرون المزارعين الذين ياتون في منتصف الليل ينتظرونهم بعد مصرف مياه كبير تقطعه حميرهم وحينما يصلون للضفة الأخرى من المصرف تكون قواهم قد خارت فيأخذ هؤلاء العصابة مايجدونه في جزلانهم اتى حدنا في الثانية عشر ليلاً والعصابة تنظر له من بعيد لكن الحمار { حرن } ورفض ان يدخل الماء قوم يا الجد شيل الحمار وكأنه يحمل ارنب أو دجاجة ورفع الحمار على ظهره وحينما راى اللصوص هذا المنظر هربوا ولم يرجعوا مرة أخرى !!!! |
|
لنغني جميعاً أغنية للوطن بعنوان { أحب السودان }
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|