شنطة كبيرة لاتخصنا 00 برحلة طيران ناس

السادة القراء الكرام 00
حضر ابنائي من السودان على رحلة طيران ناس يوم الأحد 1 ابريل 2012 الساعة العاشرة مساءا
مكان الوصول مطار الملك عبد العزيز بجدة
حينما وصلنا الى البيت اكتشفنا وجود حقيبة تشبه حقيبة تخصنا
ولكن الحقيبة ليست لنا
ولاتهمنا حقيبتنا كثيرا
بقدر ما يهمنا صاحب هذه الحقيبة التي تحتوي على اغراض سودانية كثيرة
سأبلغ طيران ناس بعد هذا البوست مباشرة بكامل محتويات الحقيبة
وذلك لصعوبة تعذر الاتصال بمطار الملك عبد العزيز الدولي بجدة
وللأسف هذه الحقيبة لم نجد فيها اي معلومات تدل على صاحبها
في حين أن جميع حقائبنا موضوع عليها استكر يوضح صاحبها ورقم الرحلة
وهذه يوجد بها استيكر مكتوب عليه 593 وبقية المعلومات غير واضحة
آمل من صاحب الحقيبة الاتصال علينا أو حتى من يعرفه
وسوف تصلك الحقيبة باذن الله الى مكانك
علماً بان بها { جبنة سودانية } خشينا أن تفسد ووضعناها بالثلاجة
عثمان ابراهيم محمد
وزارة الشئون البلدية والقروية 00 بلدية محافظة الخرمة
تلفون ثابت 8323966 02
موبايل 00966507063205
ايميل osmanibraheem@hotmail.com
ولكم جميعاً أطيب وارق التحايا

الامانه اهم سمة تميزنا نحن السودانيون ونفتخر بأخلاقنا وصفاتنا

يا سلام عليك يا ابوحراز ..... انحناءه تقدير واحترام

ربنا يرجع ليكم شنطتكم برضو

الراقى الحبيب أب حراز تحياتى النواضر
يا سلام عيك يا سلام
يا ما ضيعنا شنط لكن وين نلقى زيك
مودتى

.
بها تمباك يعني صاحبها ( سنجك)
مافيها عنوان يكون الزول مخمخم ساي
اما الجبنه بتصلح الفول
ومشكور علي امانتك يا استاذ

المشاركة الأصلية كتبت بواسطة حبوبه

الامانه اهم سمة تميزنا نحن السودانيون ونفتخر بأخلاقنا وصفاتنا

يا سلام عليك يا ابوحراز ..... انحناءه تقدير واحترام

ربنا يرجع ليكم شنطتكم برضو

شكراً حبوبة
وهذا واجبنا كسودانيين
وكم اتمنى أن تكون الإجراءات بالمطارات سليمة
حتى انني سبق وأن انتظرت شنطة شحنتها من جدة ولم تصل بالسير نهائيا
وحينما سألت المسئول كيف تعرفون ان الشنطة لم يأخذها أحد غيري
فرد لي رد غير علمي وغير منطقي قائلا 00 لا أحد يأخذ شنطة أحد
المهم اتصلوا بي بعد ثلاثة ايام بان الشنطة وصلت
ولكن للأسف لم أجد كل الأشياء الثمينة التي بها
أخذت كل الموبايلات
وكذلك ذواكر كثيرة جدا اشتريناها بالفي ريال لأحد محلات الموبايلات
يفترض أن يتم التشييك على كل الحقائب والشنط وهي خارجة من المطارات

المشاركة الأصلية كتبت بواسطة الطيب ابوكرنة

الراقى الحبيب أب حراز تحياتى النواضر

يا سلام عيك يا سلام
يا ما ضيعنا شنط لكن وين نلقى زيك

مودتى

أبوكرنة 00 أنت الراقي
وما نحن الا اناس عاديون نتلمس خطواتنا نحن الرقي 00
عسى ولعل أن نجد لنا مقعداً حتى ولو بالصفوف الخلفية
سعدت كثيراً حينما وجدت اسمك ومشاركتك
وقلت اكيد الشنطة لمشاعر ابوكرنة
ربما اتت بنفس الطائرة ونستها هناك
وقلت يازول لو طلعت الشنطة لصديقي الطيب فسوف ندخل الى قرية ابوكرنة من خلال الحقيبة
واول ما سنفعله سنقتسم جبنة الدويم الرائعة
وبعديها نشوف باقي الحاجات !!!
الطريف أن احد الأصدقاء قال أنه أخذ شنطة ليست له ووجد فيها 00
{ كرااااااااااااع خرووووووووووووووف } !!!
بعدها اتصلت على المدام مباشرة بان تفتش الشنطة جيدا
عسى ولعل أن نجد لنا { نيفة } تتوسط هذه الحقيبة المدهشة !!!

المشاركة الأصلية كتبت بواسطة الهاشمي

.
بها تمباك يعني صاحبها ( سنجك)
مافيها عنوان يكون الزول مخمخم ساي
اما الجبنه بتصلح الفول
ومشكور علي امانتك يا استاذ

أخي الهاشمي
ذكرتني واحد صديقنا كان يعمل معنا بمؤسسة الرهد الزراعية
وكان زول طبعاً بتاع سيجارة
الشيء الذي يحيرني في هذا الرجل أنه يصلي الصبح حاااااااااااضر
لكن قولة السلام عليكم السيجارة بتكون في التبروقة
طوالي يشيل ويشفط
في عطلة عيد الأضحى كنت أركب مع زميلي مهندس زراعي للعودة للأهل
وكان هذا الصديق في سيارة بكسي خرجوا أمامنا
وتفاجأت بان السيارة قد انقلبت في الطريق وقيل لنا أن جميع المتوفيين والمصابين تم حملهم لمستشفى مدني
وحينما وصلنا وجدنا المستشفى مليئة بالمصابين
والمشكلة انه يصعب التعرف عليهم
وبعضهم كان في غيبوبة ووجهه مليء بالدماء
المهم بالنسبة لزولنا أنا فتشت جيوبه
مما لقيت فيها ورق { البرنسيس } قلت ليهم خلاص دا زولنا نحن عرفناهو
طبعا عمك يموت من الضحك حينما نخبره ببطاقة الهوية التي تعرفنا من خلالها عليه

انت عارف يا ابوحراز انا نسيت موضوع الشنطة وقعدت اضحك فى المواقف التى ذكرتها
نسال الله ان يعيد الى صاحب الشنطة شنطته واطمنه انها فى ايدى امينه ما دام مع ابوحراز شخصيا
اما بالنسبة للجبنه فحافظ عليها ما تخرب لاننى من محبين الجبنه
والحمدالله الذى وقعت فى يد امينه عشان الجبنه ترجع الى اصحابها والباقى ما مهم
شكرا ابوحراز شكرا الابداع وانت جميل كجمال تلك اللوحات التى رسمتها لك منى خالص الود والتقدير والسلام

الله يغفر لي يا أبو حراز
أنا قلت الولد أكيد بمناسبة 1أبريل عاوز يفكها فينا
وفي الآخر يقول معيش يا جماعه دي كانت (....) أبريل
بالمناسبة يا أبو حراز أنا حصل لي مع سودانير (كيس)
كل ما يمر بخاطري أقرر ما أسافر تاني
في سنة 1996 سافرت من الرياض إلى الخرطوم
وكلفني أحد الأخوة بحمل شنطة عريس (محنن)
والراجل كمان ما قصر دفع حق الشحن
وعند وصولي إلى مطار الخرطوم الدولي
تفاجأة بأن الشنطه لم تصل وقالوا لي تعال راجعنا لربما تكون الشنطة
قد أرسلت بالخطأ
وعينك ما تشوف إلا النور
بقيت طوال إجازتي لمدة شهر
أنا ما بين مدينة الحجاح والمطار
وما طالبني حليفه يا أبو حراز لغاية هسه الشنطه ما لقينا
الجماعة عملوا نايمين وما عوضونا
من وقتها تاني ما سافرت بسودانير

المشاركة الأصلية كتبت بواسطة امين 1967

انت عارف يا ابوحراز انا نسيت موضوع الشنطة وقعدت اضحك فى المواقف التى ذكرتها
نسال الله ان يعيد الى صاحب الشنطة شنطته واطمنه انها فى ايدى امينه ما دام مع ابوحراز شخصيا
اما بالنسبة للجبنه فحافظ عليها ما تخرب لاننى من محبين الجبنه
والحمدالله الذى وقعت فى يد امينه عشان الجبنه ترجع الى اصحابها والباقى ما مهم
شكرا ابوحراز شكرا الابداع وانت جميل كجمال تلك اللوحات التى رسمتها لك منى خالص الود والتقدير والسلام

شكرا أمين 1967
الجبنة لازالت قابعة بالثلاجة
وكذلك وجدنا فسيخ جاهز داخل قوارير قمنا بوضعه هو الآخر بالثلاجة
ويوم أمس فتحنا أحد الأكياس عسى ولعل أن نجد شفرة نفك بها طلاسم هذه الشنطة
ووجدنا حلاوة مولد تشبه حلاوة ميدان المولد بالحصاحيصا
ومكتوب عليها الى العزيزة معالي من ايمان النور !!!!
لم نجد اي رقم تلفون
واحتمال كبير أن هذه الشنطة ضلت طريقها الى مطار الملك عبد العزيز بجدة
حيث أن الاستيكر الذي بها لايحمل اي معلومات تدل على أن وجهة الشنطة الى جدة
وصلتني مئات الاتصالات من الدوحة القاهرة السعودية الشارقة دبي
كل هؤلاء لم تصل حقائبهم أو هم فقدوها
وواحد من الاتصالات كانت صاحبتها تتحسر وتبكي على ضياع المنقة !!!

المشاركة الأصلية كتبت بواسطة عصمت الصادق حماد

الله يغفر لي يا أبو حراز

أنا قلت الولد أكيد بمناسبة 1أبريل عاوز يفكها فينا
وفي الآخر يقول معيش يا جماعه دي كانت (....) أبريل
بالمناسبة يا أبو حراز أنا حصل لي مع سودانير (كيس)
كل ما يمر بخاطري أقرر ما أسافر تاني
في سنة 1996 سافرت من الرياض إلى الخرطوم
وكلفني أحد الأخوة بحمل شنطة عريس (محنن)
والراجل كمان ما قصر دفع حق الشحن
وعند وصولي إلى مطار الخرطوم الدولي
تفاجأة بأن الشنطه لم تصل وقالوا لي تعال راجعنا لربما تكون الشنطة
قد أرسلت بالخطأ
وعينك ما تشوف إلا النور
بقيت طوال إجازتي لمدة شهر
أنا ما بين مدينة الحجاح والمطار
وما طالبني حليفه يا أبو حراز لغاية هسه الشنطه ما لقينا
الجماعة عملوا نايمين وما عوضونا
من وقتها تاني ما سافرت بسودانير

أخي عصمت الصادق حماد 00 تحية وتقدير
بس اوعا يكون العريس نط من العرس بعد ضياع الشنطة ؟؟؟؟
بالعكس افضل السفر مع طيران سودانير وذلك لأسباب سأذكرها باذن الله في نهاية المداخلة !!!!

سافرت قبل 7 سنوات تقريباً برحلة سودانير للخرطوم
وكنت قد كلفت أحد الأخوة بترك تذكرة الطيران بأحد الفنادق بجدة 00
وهو فندق تعودت ان انزل به
وبالفعل ذهب الأخ مشكوراً وترك التذكرة هناك لدى موظف الاستقبال
واذكر ان الموظف كان مستاءا جدا لعدم حضوري في المواعيد المناسبة لاستلام التذكرة
فمن المقرر الحضور للمطار العاشرة صباحا على ما اذكر
وحتى الحادية عشر والنصف انا لم احضر
وقال لي ستجد الطائرة قد غادرت المطار
فقلت له أطمئن 00 انا اعرف سودانير جيدا
وبالفعل كان على حق فقد وجدت معظم الركاب قد دخلوا الصالة وبصعوبة تم استلام العفش
وكنت آخر راكب يتم وزن عفشه على ان تغادر الطائرة الواحدةة ظهرا
جات الواحدة ظهرا ولم تأت الطيارة
الساعة 2 صلينا الظهر والعصر جمع تقديم
الساعة الثانية والنصف اعلنوا لنا بالمايكرفونات أن نتوجه لكافتيريا المطار00
لتناول وجبة الغداء على حساب الخطوط السودانية
اها عشان ماتاكل مرتين فإنهم يطلبون منك ان تمد للبائع كارت الصعود
يقوم البائع بعد ان يعطيك الوجبة يقطع حتة من كارت الصعود
بعد شوية أدونا شاي وقطعوا جزء من الكارت
بعد شوية أدونا قهوة وقطعوا جزء من الكارت ولا اثر للطائرة
بعد شوية صلينا المغرب والعشاء جمع تقديم
بعد شوية اعلنت المايكرفونات أن نتوجه للكافتيريا لتناول طعام العشاء على حساب الخطوط السودانية
قطعوا جزء من كارت الصعود والذي اصبح مثل بروة الصابون !!!
اها أدونا شاي وقطعوا جزء من الكارت والذي بدأ ينهار شيئا فشيئا !!!
بعديها صلينا الصبح بينما رقد جميع الأطفال الذين كانوا يلعبون بالصالة
والله كأن أحدهم قد أعطاهم جرعة مخدرة
رقدوا جميعا ولا حراك
ونحن اصبحنا زي الجداد 00 تنوم شوية وتدقس شوية 00
ولمن تسمع صوت طائرة تصحى مخلوع
صلينا بالطبع الصبح
وشربنا شاي الصباح في المطار على حساب الخطوط الجوية السودانية
وراح الكارت في خبر كان
آخر حتة شربنا بيها الشاي !!!! هل تصدق
علي بالطلاق صعدنا للطائرة الساعة العاشرة صباحا سليقة سااااااااااااااااااااي بدون كارت صعود
والطائرة التي أتت اشبه بطائرة رش المبيدات
أخذت نصف الركاب 00 وتركوا الباقي !!!
أحدهم تعرف على واحدة بالمطار واتفقوا على أن يكملوا المشوار داخل الطائرة
ولكن قصة العشق أبت ان تنتهي
فقد كان أحدهم في كاب الجداد
والآخر في عد الغنم
صعدت البنت للطائرة
بينما العشيق الولهان لم يجد له مقعدا بالطائرة !!!!
يعني تسببت سودانير حتى في قتل علاقة رومانسية اجتماعية ربما كانت ستنتهي بالزواج !!!

لماذا أفضل السفر بسودانير ؟؟؟
لأن ليس لها مواعيد اقلاع ثابتة ومحددة
وبالتالي فمن الصعب اختطافها !!!!
يعني هذه الطائرة تجهجه أذكى المختطفين في العالم !!