قال تلفون الحاج قال !!!!!!!

المشاركة الأصلية كتبت بواسطة أبوحراز

قلنا عشان البوست ما يبقى مسيخ وصعب الهضم
نقدم ليكم التحلية دي
وهي من الشيف ابوعبيدة وحرمه المصون توسل
اسال الله الكريم رب العرش العظيم ان تعود توسل لـ السيد ابوعبيدة
اليومين ديل البكاء حايم يمين وشمال
واحد يبكي في المقابر عشان زوجته طلقته بالقاضي
وآخر يبكي بحرقة عشان شالوه من الوزارة
واخيرا عمكم ابوعبيدة 00
ولكن في رايي المتواضع أن أكثر ما يميز صيوانات العزاء هذه { أنها بلا كشوف }
يعني ترفع الفاتحة وتتخارج

{ حاشية 00 الصور من موقع سودانيز 00 صورة ابوعبيدة وكذك صورة كرامات الشيوخ }

هاهاهاها
قوييييييييييييية
والله لكن (ست الناس)توسل بالغت مع الراجل
تكون خاته ليو شرط جزائى وكده
بس بينى وبينك كده
توسل دى بعد ده كان ما رجعت
الإعلان الجاى بتاع صاحبنا ده حيكون فى صفحة الحوادث ولا كيف؟
بينى وبينك فى نسوان بستاهلن
بس ما للدرجة دى
الزول اخير يبكى فى سترة
ولا رايك شنو يا اخوى؟

لعل روعة تناول الرائع ابو حراز من منحت هذا البوست تلك الروعة
اضافة الى انه بهذا قد لامس اوتار الكثيرين الذين بدوا يحتفظون ببعض الصبغة ليواروا بها بياضاً اشتعل بالراس
بدات الرجل ونظراته تتجه نحو حسناوات عبرن الشارع فقال له ابنه الذي كان يقف بجانبه وشاهد نفس المشهد
فقال لابيه عن اذنك يا حاج ليلحق بتلك الفتيات
وبعد ان عاد الشاب الى الوقوف بجانب ابيه
ساله الاب البنات ديل من وين السلمت عليهم؟
فرد الابن ديل بنات اهلنا وانت ما بتعرفهم...
شترة
ابو حراز
والحراز بجافي المطر
ومطرنا بجي في الخريف
وام جركم ما بتاكل خريفين

[/QUOTE]
استاذ ابو حراز
اكيد زوجة زى دى بتستاهل وبتستاهل وزنها دهب كمان،لانو لو ماحسه بى فرقته ما كان عمل الحاجة دى،خلونا نحييهو على شجاعتو لانو بالجد زول شجاع وبقدس الحياة الزوجية والإعلان بتحدث عن نفسو

المشاركة الأصلية كتبت بواسطة ايهاب عبد القادر

حاشية بدون

السلام عليكم ورحمه الله تعالى و بركاته

الك وحشه و لكل العابرين

اريتك تخشى اناهيد

فسيارتك تعبر نحو النهر

و تهوى

و لبوحك بقية

و لاناهيد بقية بطرفك

أخي ايهاب 00 كل عام وانت بخير واستقلال مجيد
تحية بحجم أمة
وبنكهة وطن 000
ألا زالت أناهيد تـتـنهد !!! ؟؟
أخشى ان تكون اناهيدي قد كشفت عن ساقيها ودخلت الى النهر
ومن ثم غاصت في بحر لجي
حتما ستاتي اناهيد طالما ان الشمس تشرق

المشاركة الأصلية كتبت بواسطة يوليسا

ههههه
يا استاذ شباب الزمن ده بقوا اقتصاديين واستفادوا من التقنيه،يعنى رصيد بجنيه واحاديث بالفايبر والتانقو والنمبوز للصباح،يعنى ما تزعل وتقرضه على الولد ساى،بس فى حاجه ممكن تعمله لو موبايلو حديث شوية جيب ليو ربيكا،ما تقول لى تانقو وربيكا وفايبر ديل شنو؟هههه:bebe31:

تحياتي بوليسا
المدهش أنني حينما غادرته أوصيته على ثلاث أشياء اعتقدت انها من الأهمية بمكان
{1} المحافظة على الصلاة
{2} التزام الأمانة في الطب والحفاظ على خصوصيات الناس عامة والمرضى خاصة
{3} الحفاظ قدر الامكان على الموبايل فالجامعة بها آلاف الطلاب وهذا يتطلب الحرص
رغم أنني أؤمن بأن طالب الطب يجب ان لايسرق بتاتاً
ولكن للأسف بعد مضي ثلاثة ايام انقطع الاتصال به
واتصل علينا من موبايل زميله واخبرنا بان موبايله تم سرقته
والمؤسف داخل كلية الطب !!!
أظرف شيء اتصل علينا بعد يومين وقال ان الشاحن قد سرق هو الآخر
فقلت له ارجوك ان تضع سماعات الموبايل في نفس مكان الشاحن
وذلك حتى لايحتار السارق ولايجد سماعات !!!

التحية لكل من نثر وميض خطواته هنا
واقدم اعتذاري الكبير للتاخير
بحثت اليوم عن تلفون الحاج
وجدته قابعا بعيداً وقد نزل الى القاع
وجاوره النبي آدم المفترى عليه
وعلى مقربة منه زيارة نائب الرئيس للولاية
بالمناسبة اتمنى ان تكون الولاية قد جنت ثمار هذه الزيارة
تقبلوا تحياتي وتحيات بطل تلفون الحاج الذي يمضي شهرا الآن بالحصاحيصا الأنثى
وقد كان في استقبال اعضاء وعضوات دوت كوم حينما زاونا ببيتنا البسيط
ساعود باذن الله لاكمال جسر التواصل بيني وبينكم

المشاركة الأصلية كتبت بواسطة د/منصور

سلامات الحاج ابوحراز
والله فعلا 4×1
ولو عايز تصحح الوضع وتعمل ضربة جزاء لصالحك
قول للمدام كسلا ده مدينة جميلة واجمل مافيها ناس كسلا ... وانتظر ضربة الجزاء.

أخي دكتور منصور
فعلا كلما زرت كسلا تذكرت الرائع حد الدهشة عمر الحاج موسى
والذي قال في احدى عباراته الشهيرة
والثوب في كسلا يتثاءب عند الخصر
يا اخي كسلا كلها تتثاءب
حتى القاش يتثاءب هو الآخر
لكنه تثاؤب من ذلك النوع المليء بالدهشة
أكثر ما اثار انتباهي بهذه المدينة هو كثرت المواتر بها
اناسها طيبون لدرجة غير عادية
وفيه خليط عجيب من البشر
تجد الهوسا
والهنود
والبني عامر
والأرتريين
والأحباش
جميعهم يعيشون في تناغم وهارموني عجيب

[quote=ود الحصاحيصا;247390]

المشاركة الأصلية كتبت بواسطة أبوحراز

وبرضو مرات النسوان الواحدة تشاهد ملكة جانسي وأسطورة الحب ويقولوا لينا انتوا ما رومانسيين


هاهاهاها
الله يطمنك يا ابو حراز
يعنى الاحساس ده عام من كل الزوجات
وحاتك انا قايل نفسى براى المرتكب الجرم ده!!!

أخي ود الحصاحيصا 00 تحياتي
نساؤنا كما رجالنا مشتركات في أحاسيس كثيرة
وهناك قواسم مشتركة بينهن
وحكاية الرومانسية دي حكاية طويلة مع ابو القدح السوداني
يشهد الله ان كل زوجين يفترض قبل الزوج بشهرين ان يراجعوا عيادة نفسية !!!!
ويبدو لي في الكثير من الأحيان أننا نحاول ان ننتزع الرومانسية انتزاعا
وتأتي داخلا الى بيتك 00
وانت في شوق لتبث زوجتك وحبيبتك وصديقتك بضع كلمات على شاكلة نزار قباني
ولكن فجأة وحينما تدلف للبيت يدردقوا ليك اسطوانة الغاز قدامك
ويقولوا ليك الغاز كمل 00 امرق ياراجل جيب لينا غاز بسرعة عشان الغداء في النار
بالطبع تطير 50% من الرومانسية
ستسألني بالطبع واين ستذهب الـ 50% الباقية
اذا كانت اسطوانتك ايران غاز ستذهب للسوق ولاتجدها في كل المحلات
ومن ثم تطير منك الـ 50% الباقية وتتبخر وبلا رجعة !
الله يرحم الرومانسية !!!!

[quote=أبوحراز;252728]

المشاركة الأصلية كتبت بواسطة ود الحصاحيصا

ولكن فجأة وحينما تدلف للبيت يدردقوا ليك اسطوانة الغاز قدامك
ويقولوا ليك الغاز كمل 00 امرق ياراجل جيب لينا غاز بسرعة عشان الغداء في النار
بالطبع تطير 50% من الرومانسية
ستسألني بالطبع واين ستذهب الـ 50% الباقية
اذا كانت اسطوانتك ايران غاز ستذهب للسوق ولاتجدها في كل المحلات
ومن ثم تطير منك الـ 50% الباقية وتتبخر وبلا رجعة !
الله يرحم الرومانسية !!!!

هاهاهاها
والله صدقته يا ابوحراز
والرومانسية تطير كما تتطاير الخمسينات مابين الحنانات والكوفيرات
واخر موديلات التياب
وعصرات المجاملات فى الولادت والملمات
والفشخرة فى بيوت المناسبات

العزيز/ أبوحراز
دحين إت نسيت مثلنا الشعبى (الفى والدك بقالدك)ولا شنو؟!
يعنى شقاوة ولدك ما قامت بروس ! أركز لشقاوتك الخائف
عليها .
يا أخ مالك ودالحصاحيصا تلعنوا أبوخاش الرومانسية ساى
وأخوك فى بوست مُجاور سابح فى بحر اليوبيل الفضى وإخر
طرب مع السٌنبلايه وشهر فبراير.وكيتاً عليكما ما بنخليها
حتى لو ضربتم البُمبان الامريكانى أو شغلتم شريط خطاب
الوثبة والاندغام!
مودتى

السلام عليكم ابوحراز اصبحنا كابواب السوبر ماركت حينما تدخل تجد اللافتة مكتوب عليها ((( ادفع))) .... وحينما يتعلق الامر بشخصك تجد لافتة مكتوب عليها مغلق مرة بسبب التحسينات ومرة نائم ومرات اجابات يعرفها ناس البيت عداك ..... والغريبة جميع الابناء معاك في الظاهر .... ولكن في التصويت مع امهم.... لك تحياتي

ا لحبيب ابو حراز
مسميات الاباء كثيرة جدا في هذا الزمن المخثر
الجلكو
ومدلينا
والحاج دي كلمة رحيمة يا حبيب
ومشتاقييين