منو البعرف .. اذا ما عرفت الحكومه..؟!!!!!!!!!!

دخلت البلاد فى الموسم الزراعى المنصرم كميه كبيره من التقاوى الفاسده
وتاثرت بموجبها مساحات كبيره من الاراضى المزروعه ( وضح ذلك فى ضعف وضآلة
انتاج الفدان ).
و جاء فى الاخبار ان البرلمان بعد مساءلات كثيره و مداولات جاده وطويله
اقر بفشله فى معرفة كيفية ومن المسؤول عن ادخال هذه التقاوى الفاسده!!!!!!!!!

ياربى البعرف منو ؟!!!!

المشاركة الأصلية كتبت بواسطة ابو امجد

ياربى البعرف منو ؟!!!!

بيعرف عبدو ربو (كما قال الممثل محمد نجم في مسرحية عش المجانين)..يا أبو أمجد..
عبدو ربو.. لمن يعطش، يشرب مياه ملوثة..!!
و لما يجوع، يلوك الصبر
و لاكه الصبر في كل مقتضيات حياته..
لاكه حتي هلكه..؟؟
و لم يجد من يدفنه (حياً) بعد..!!
و دمت

المشاركة الأصلية كتبت بواسطة ابو امجد

دخلت البلاد فى الموسم الزراعى المنصرم كميه كبيره من التقاوى الفاسده

وتاثرت بموجبها مساحات كبيره من الاراضى المزروعه ( وضح ذلك فى ضعف وضآلة
انتاج الفدان ).
و جاء فى الاخبار ان البرلمان بعد مساءلات كثيره و مداولات جاده وطويله
اقر بفشله فى معرفة كيفية ومن المسؤول عن ادخال هذه التقاوى الفاسده!!!!!!!!!

ياربى البعرف منو ؟!!!!

الغالى أبو أمجد


مساءك بألف خير


ناس البرلمان كان بيسألوا عن ( بطانية ولا بطارية )


هو الدخل البلد الفساد ولا أسمدة فاسدة .


انا شايف انو البرلمان حقو يتحقق من الفساد اولاً عشان يصل للأسمدة الفاسدة .


تعرف يا أبو أمجد


مرة إشتريت منظم كهرباء جديد لنج ومع توصيله ضرب كهرباء ولما كشف عليه الفنى قال لى ارميه البحر .


يعنى سودانا بقى مكب نفايات العالم وللأسف هيئة المقاييس والمواصفات واقفة تتفرج


يا أخى البلاوى كتيرة


ربنا يستر


ودمت


نخريمة :


والله أكبر إنجاز ما شاهدته اليوم بمستشفى الحصاحيصا .


حقيقة جهد مقدر وخارق فى بناء مشرحة الحصاحيصا


وياريت كل الناس زيكم


قمة التفانى والعطاء


ربنا يخليكم

ولافي زول بعرف موش الحكومة ابو العريف
خلاص تاني ماتفتش كتير يا ابو امجد
الحكومة قالت ماعارفة معناها السماد دا عمل ليهو جنحين وطار وركة في الحواشات ولا اقول ليك اتسرب مع الموية كدا وجاماشي لي الزراعة وخدرها وبنجها ولجنها تب ولا اقول ليك شكلوا كدا عمل انتخابات وفاز بالتزكية تاني البسألوا منو ماجا بي الدمقراطية يمشي الحواشة الدايرها ولا اقول ليك عمل انقلاب وجا كدا قوة عين وقال ليهم انا ماشي الحواشة والراجل يفتح خشموا ولا اقول ليك جابوهوا ناس اوباما وهلاري كلنتون كمان ديل بتفاهمو رسلوا طيارات الشبح ورشت الحواشة والطيارة فااااااتت والحواشة مااااااتت والشعب أكل تبن أبو أمجد اقول ليك الحواشة تطير

في مرة من المرات وانا قادم للتو للسودان

تشاء الصدف أن التقي بزميل دراسة كان يعمل بالسعودية

وترك العمل بالوظيفة واشتغل بمهنة أخرى

حيث كان يعمل لدى شركة { أسترا } الزراعية بالمملكة

كان يعمل مدير مبيعات

ورغم وضعه الوظيفي الجيد

الا أنه كما ذكر لي فضل العمل التجاري

وقد إختار تجارة { التقاوي } اي البذور

فبدأ يقوم بشراء البذور من السودان ويشحنها للسعودية

تحادثنا كثيراً عن هذا الموضوع

ولو أخبرتكم بالدورة التي تأخذها الشحنة من جمعها وحتى تصديرها

لإحتجنا لعشرات الساعات

فلابد له من مراجعات ادارات إكثار البذور

وعمل فحص لهذه التقاوي بكلية الزراعة شمبات

ومعاهد البحوث الأخرى

المهم في النهاية لاتخرج تقاوينا من السودان الا مع شهادة

بخلوها من الأمراض

الحشرات

الحشائش

الفطريات

فكيف بالله تخرج بذورنا معافاة سليمة العقل

وياتون لنا بتقاوي مصابة ومريضة وملوثة ؟؟؟

كيف تتخطى هذه التقاوي الحجر الزراعي بالميناء

أم أنه تم فحصها

ومن ثم بفعل فاعل تم اضافة حشائش وملوثات اخرى اليها

حتى لو تم ذلك

يفترض ومن واقع مهنتي

أن لايتم تسليم التقاوي مباشرة للمزارعين

إنما يتم تجربتها بواسطة هيئة التقنية الزراعية

أو ادارات إكثار البذور

كما أن السيد المفتش بدل ان يهتم بتربية البقر

عليه ان يجري فحصاً سريعا على هذه التقاوي

قبل أن تبذر بالأرض

الموضوع معقد وطويل

ولكن والله يجب أن يحاسب كل من كان وراء هذه الجريمة

وللمرة المليون لابد من وجود متخصصين بالميناء

وكل منافذ الدخول للسودان

هجمة مرتدة

لدينا جدنا أمي لايقرا ولايكتب

والله يحتفظ بتقاويه منذ عام 1956

وحتى الآن

لاياخذ أي تقاوي من الحكومة

وحواشته منتجة لدرجة غير عادية

سلامات عوافي

انها معضله حقيقة .. ولكن هو السودان اصبح حاله كما نشاهد ونسمع ..

لله درك ياوطن .. بت في حــــــــــــــــــــــــــــــــــــــــــــــيرة من امرك ..

وين ناس البحوث الزراعية يا ابو امجد ولة ساكين ليهم تيلة قطن زراعة وقفت فى المشروع ولة فسيلة رز ما معروف اتزرع وين الله يستر يا ابو امجد ماتزرع
جزر يقوم بنجر ولة كلو سكر

والله يا ابوامجد سألت عن عظيم

تقاوي شنو واسمدة شنو هم فاضيين للكلام الفارغ ده !!!

اسأل عن العمولات والبونس ؟اسأل عن حفلاتهم بمناسبة

تفوق اولادهم ؟ خليك واقعي واسأل عن الوسائل العلمية

للسرقة والنهب والأحتيال ؟ اسأل عن موديلات العربــات

الراكبنها ؟ اسأل عن تكلفة الكباري الطائرة العاملنها في

بيوتهم ؟ يا ابوامجد التالف كتير وكأن سألت ليوم البعث

مـــــــا بتنتهي منه بس قول الحمدالله انك موجود وشدة

الله ما اداك لسع كمان بتسأل !!!!

الله يكون في عون المزارعين
و يشتت شمل تابعي المسئولين
ويدمرهم مع متبوعيهم
اجمعين وان يصلح حال العمال والمزارعين
قبل ان يتايهم وهم على مغستهم اليقين