بمبـــان جـــديــد بيعمــل اسهـــال !!!

اقترحتْ عضو الكنيست الإسرائيلي ليئا شمطوف من حزب «يسرائيل بيتينو» الذي يقوده أفيغدور ليبرمان، أن يقوم جيش الاحتلال الإسرائيلي باستخدام غاز يتسبب بالإسهال بدل الغاز المسيّل للدموع، وذلك لردع المتظاهرين الذين يحاولون اختراق الحدود التي وضعتها إسرائيل.
وذكرت شمطوف أنها تلقّت بعد أحداث يوم «النكسة» توجيهات كثيرة من مواطنين قلقين، اقترحوا حلولاً تُصعِّب من مهمة المتظاهرين دون أن تعرِّض حياتهم للخطر.
فحسب أقوالها، فإن أحد الذين توجهوا لها اقترح استبدال الغاز المسيّل للدموع بغاز الإسهال الذي تم استخدامه ضد متظاهرين في بريطانيا قبل بضع سنوات.
وتوجَّهت شمطوف برسالة رسمية إلى الجيش الإسرائيلي تحثُّه على الفكرة التي لاقت استحسانها.
وكتبت في رسالتها: «إن المتظاهرين العرب اعتادوا على رائحة الغاز وتمكَّنوا من التعايش معه، لذلك فإن على الجيش أن يقوم بتجربة مواد إضافية من أجل تفريق المظاهرات. لا أعتقد أن مئات المخرِّبين الذين يحاولون اختراق حدودنا سيكونون على استعداد للمضي في خطوتهم إذا كانت النتائج النهائية ستؤدي بهم إلى سلوكيات غريبة ناتجة عن الإسهال رجالاً ونساءً في المنطقة التي سيوجدون بها».

يعني تانى قادة المعارضة يقولو للناس اطلعو وظاهرو ونحن بنوفر ليكم البامبرز

الهمباتى سلام ذكر لى احد الاصدقاء الحلفاوين انهم لن يخرجوا حتى لتقديم ضيف حت الزلط خليها مظاهرة يعنى حدو خشم الباب ببساطة البمبان مدته تكون انتهت ومايلقوا زول ساكت اضربوا بيه وهذا هو رأى عموم السودانين طالما ان الحكم يهبه الله وينزعه الله خمت النفس فوق ام كم

الهمباتي حبيبنا
يعني تاني قبل الناس ماتعمل مظاهرات تمشي تعمل
اي ايح وتتغسل ولا شنو.....؟
ولا تكون مظاهرات مع الجوع
وتسلم ياحبيب

سلامات عوافي


همبته كيفنك ؟

شئ غريب وتفكير مضر جد جد !! ياخي هو البمبان الببكي دا ما هين لامن يبدلوه بي شئ تاني !!
وما غريبة انو الاسرائيليين يكونو مازجين حاجات تانية لمنع التناسل او غيرها لانقاص الفلسطينيين ومنعهم من التوالد !!

مش ممكن !!




ولك ودي
واحترامي

وإذا إعتادوا علي هذا البمبان الجديد ماذا يفعلوا
اكيد سيفكرون في نوع جديد لمواجهة المظاهرات
يعني هم متقدمين ويفكرون في اشياء جديده لمنع
المتظاهرين اين نحن من التفكير والاختراعات والتقدم
لنواجه الذي يصنعوه لمواجهتنا ؟ لاشئ محلك سر المحصله ( 0 )
لماذا ؟ هل هو الخوف ! هل هو عدم تفكير ! هل هو عدم وجود المعينات
والامكانيات ! ام هو الاستسلام للامر الواقع ! ام ... وام .... وام ......
كثيره والمغصه تشق .
نحن تفكيرنا الكرسي السلطه الحزب الـ و الـ والـ . وهم تفكيرهم تدميرنا وبس
ربنا يصلح الحال والناس تصحي وتخلي النوم والاسترخاء والصراعات
الداخليه وتفكر بجد ولا شئ غير الــــــــــــــجــــــــــــــــــــــــــــد

العزيز الهمباتى/تحياتى.......... أملأ جيبك حلبة ..وتوكل على الله ... بس يكون قبل ساعة من المظاهرة.

صاحب الفكرة دا موزي لابعد الحدود

وربنا اكفينا شرهم

المشاركة الأصلية كتبت بواسطة احمد الهمباتى

يعني تانى قادة المعارضة يقولو للناس اطلعو وظاهرو ونحن بنوفر ليكم البامبرز

هاهاها...
والله يا الهمباتى بالغته فى دى...بس بينى وبينك البامبرز بكون مقاس كم؟هاهاها
تعرف فى بدايات الانقاذ كانت فى مظاهرات فى الحصاحيصا والطلبه كانوا متجمهرين فى شارع السكه حديد وقافلين الشارع،جات عربية بوكس وفيها ضابط وكم عسكرى ووقفوا فى السكه حديد فى عكس اتجاه الهواء،والضابط خته ليو حاجه فى الواطه وخته فيه رجلو وبداء يتكلم مع المتظاهرين ويقول ليهم اتفرقوا ولما ما اشتغلوا بيو ضغط بى راعو على الحاجه الكان خاتيها فى الواطه،وابتسم،بعد شويه كل الناس الكانوا واقفين فى الشارع مع اتجاه الهواء قعدوا يقحوا ونفسهم اتكتم وعيونهم دمعت،ده كان اغرب بمبان لانو ما بعمل دخان ولا بنضرب بى بندقيه ولا بتجدع فى علبه زى زمان.
تحياتى الهمباتى ومزيد من التواصل.

أهم حاجة يا همباتي تجديد الموقع الجغرافي المناسب للمظاهرة في ظل هذه المتغيرات، يعني في الحصاحيصا مثلا انسب مكان هو جنب سوق الخدار (محل التواليتات - ولا أقول ليك يا زول الادبخانات الجنب سوق الخدار ديلك) اما اذا حرسها بالبوليس فأفضل مكان للمظاهرة هو الكنار عشان الخلا والحواشات وكدة. أما في الخرطوم فيجب أن ترفق مع الدعوة للمظاهرة خريطة توضح اماكن تواجد الحمامات والمستراحات والدبليوسيهات وبيوت الأدب والتواليتات. والله يا همباتي بوستك دة جميل لكن بس ريحته عفنة ياخ.