الآذان

أكتب من مانيلا عاصمة الفلبين وقد كنت جالسا في الفندق اداعب الكي بورد واتسقط الاخبار وفجأة قفزت من مقعدي حيث اكتشفت ان وقت صلاة المغرب قد عدى وعزيت نفسي بصلاة المسافر التي نقصرها ونجمعها تاخيرا فتركته للعشاء ولكنني لعنت (في سري بالرغم من اني قاعد براي) لعنت البلد المافيها آذان دي. وقد ذكرتني هذه الواقعة قصة ذلك الرجل النائب والتي حدثت في الاسبوع الماضي وقد يكون الكثير منكم قد سمعها. فقد ارتفعت عقيرة الرجل أثناء انعقاد جلسة مجلس الشعب المصري بالآذان لصلاة العصر. استنكرت كالكثيرين من حول الرجل في المجلس تصرف الرجل وتمنيت لو أنه انسحب بهدؤ وهمس في آذان (جمع أذن) بعض رفاقه ليخرجوا كمجموعة لاداء الصلاة بدون أن يقاطعوا الجلسة ويعودوا في نفس المجموعة ويكون في هذا احراجا كبيرا للذين لا يؤدون و لا يودون الصلاة. وقد تسألت هل قصد الرجل بعمله هذا وجه الله (اللهم اجعل اعمالنا خالصة لوجهك) أم انه احب ان يتظاهر ليتظاهر. الشاهد أن كثير من أدعياء الاسلام اليوم يشكل الدين عندهم فكرة مظهرية وليست مظهرا فكريا. حيث تجدهم يهتمون بالقشور وينسون الجواهر (جمع جوهر). هل تشكل حملات النظام العام وجلد الفتيات جوهر الدين؟ لا أظن ذلك فالدين كما قال الرسول (ص) المعاملة، والدين مرجعية فكرية تستقر في مركز دائرة المؤمن لتشكل مبادئ سامية مثل الامانة والصدق والعدالة والنزاهة. هذا هو الدين والاسلام الذي ننشده لا مظاهر الفساد المستتر والتشكيك في ايمانيات الناس وهذا ما سيتحقق مع فهم معاصر للشريعة ومقاصدها. وفقنا الله وإياكم.

رد الله الغربه يا دكتور وإن كنت أحسبها جهاد وهي رحلة عملية .

موضوع النائب المصري أنا والله كنت عايزه فقط أستاذن وبعدها

لا غضاضة في أن يصدح بالآذان في مجلسهم الوطني مُحسنين

الظن فيه ولعلها تكون سُنة حسنة يحتذي بها في بقية مجالسنا

الإسلامية . الفكرة الثانية في موضوعك إتخاذ البعض الدين فكرة

مظهرية هذا للأسف يتماشي تمامآ مع ضعف آمتنا في تدينها

والآمر أكثره عند أخوتنا المصريين , قالوا مصري داخل الحرم المكي

وأول ما دخل قعد أتلفت وشغال أيه الحلاوة دي يارب, أيه الجمال ده

يا رب الجماعة قالوا لايه برضو هنا عايز تغش ! بِطل استهبال وأدخل

ساي . لك الود .

المشاركة الأصلية كتبت بواسطة محمد المنصورى

رد الله الغربه يا دكتور وإن كنت أحسبها جهاد وهي رحلة عملية .

موضوع النائب المصري أنا والله كنت عايزه فقط أستاذن وبعدها

لا غضاضة في أن يصدح بالآذان في مجلسهم الوطني مُحسنين

الظن فيه ولعلها تكون سُنة حسنة يحتذي بها في بقية مجالسنا

الإسلامية . الفكرة الثانية في موضوعك إتخاذ البعض الدين فكرة

مظهرية هذا للأسف يتماشي تمامآ مع ضعف آمتنا في تدينها

والآمر أكثره عند أخوتنا المصريين , قالوا مصري داخل الحرم المكي

وأول ما دخل قعد أتلفت وشغال أيه الحلاوة دي يارب, أيه الجمال ده

يا رب الجماعة قالوا لايه برضو هنا عايز تغش ! بِطل استهبال وأدخل

ساي . لك الود .

والله يا منص حتى لو استأذن دة مش مكان مناسب لتؤذن فيه وحكمة مشروعية الآذان هي النداء للصلاة وبما أنهم جميعا في مكان واحد والقاهرة فيها الف مئذنة والآن اكثر فكان ممكن يكتفى بأي آذان من برة ويقوم الناس لأداء الصلاة. أما الفكرة المظهرية والمظهر الفكري في الدين فهو جزء من حوار طويل دخلنا فيه ومجموعة من أخواننا السلفيين حول اطالة اللحي وتقصير الثياب وتغطية الوجه (للمرأة) وموقعها في سلم الأولويات في وقتنا الحالي حيث يظن البعض أن هذا جوهر الدين وليست مظهره ويستدلون برؤية الرجل يرتاد المساجد فيشهد له بالايمان. ولكن هذا الحديث جاء في الصلاة وهي عماد الدين من أقامها اقامه ومن تركها تركه فكيف نقيس عليها اللحى والثياب وغطاء الوجه وكلها أصلا مسائل خلافيه فيها نظر وآراء. وفقنا الله واياكم وندعو لكم جميعا ان يرد الله غربتنا واياكم.

المشاركة الأصلية كتبت بواسطة د. احمد الطيب الماحي

أكتب من مانيلا عاصمة الفلبين وقد كنت جالسا في الفندق اداعب الكي بورد واتسقط الاخبار وفجأة قفزت من مقعدي حيث اكتشفت ان وقت صلاة المغرب قد عدى وعزيت نفسي بصلاة المسافر التي نقصرها ونجمعها تاخيرا فتركته للعشاء ولكنني لعنت (في سري بالرغم من اني قاعد براي) لعنت البلد المافيها آذان دي. وقد ذكرتني هذه الواقعة قصة ذلك الرجل النائب والتي حدثت في الاسبوع الماضي وقد يكون الكثير منكم قد سمعها. فقد ارتفعت عقيرة الرجل أثناء انعقاد جلسة مجلس الشعب المصري بالآذان لصلاة العصر. استنكرت كالكثيرين من حول الرجل في المجلس تصرف الرجل وتمنيت لو أنه انسحب بهدؤ وهمس في آذان (جمع أذن) بعض رفاقه ليخرجوا كمجموعة لاداء الصلاة بدون أن يقاطعوا الجلسة ويعودوا في نفس المجموعة ويكون في هذا احراجا كبيرا للذين لا يؤدون و لا يودون الصلاة. وقد تسألت هل قصد الرجل بعمله هذا وجه الله (اللهم اجعل اعمالنا خالصة لوجهك) أم انه احب ان يتظاهر ليتظاهر. الشاهد أن كثير من أدعياء الاسلام اليوم يشكل الدين عندهم فكرة مظهرية وليست مظهرا فكريا. حيث تجدهم يهتمون بالقشور وينسون الجواهر (جمع جوهر). هل تشكل حملات النظام العام وجلد الفتيات جوهر الدين؟ لا أظن ذلك فالدين كما قال الرسول (ص) المعاملة، والدين مرجعية فكرية تستقر في مركز دائرة المؤمن لتشكل مبادئ سامية مثل الامانة والصدق والعدالة والنزاهة. هذا هو الدين والاسلام الذي ننشده لا مظاهر الفساد المستتر والتشكيك في ايمانيات الناس وهذا ما سيتحقق مع فهم معاصر للشريعة ومقاصدها. وفقنا الله وإياكم.

إديك العافيه د: أحمد
وترجع بالسلامه
......
الله يوفق الجميع فى طريق الحق
والسير فى الصرات المستقيم

تخريمات
ــــــــــــــــــــــ
كدى خلينا فى مانيلا الما فيها أذان وقالوا طلبات الأكل كلاب وكدايس ...... عووووووووووووووع
............................
قال ليك واحد قال لمصرى إنتوا والله تاكلوا مال النبى ,
رد المصرى : وطيب مالو مش حبيبنا ............................ شوف ليك شدة صعايده
.................................................. .................................................. . فى إنتظار أجراس العوده ........
.... والعود أحمد

المشاركة الأصلية كتبت بواسطة عماد بشير

إديك العافيه د: أحمد

وترجع بالسلامه
......
الله يوفق الجميع فى طريق الحق
والسير فى الصرات المستقيم

تخريمات
ــــــــــــــــــــــ
كدى خلينا فى مانيلا الما فيها أذان وقالوا طلبات الأكل كلاب وكدايس ...... عووووووووووووووع
............................
قال ليك واحد قال لمصرى إنتوا والله تاكلوا مال النبى ,
رد المصرى : وطيب مالو مش حبيبنا ............................ شوف ليك شدة صعايده
.................................................. .................................................. . فى إنتظار أجراس العوده ........

.... والعود أحمد

والله يا عمدة ياخوي نضاير من لحم الخنزير لكن الكلاب والكدايس دي الواحد ما بيفرزها واصغر منك دوسو. لكن غايتو غاشيننا بي كلمة حلال دي اي مطعم مكتوب فيه حلال وتلقى أخوانا العرب ما يدوك الدرب يفتشوا اللحم الحلال يأكلوه والتاني داك ما بعرفو غايتو. اجارنا الله واياكم وسلمت على المرور.

يا دكتور :
سلامي واحترامي ورد الله غربتك سالماً

قبل الاغتراب كنت كثير الجلوس والمؤانسة مع الكاتب حمدنالله عبد القادر أطال الله في عمره ؛؛
وذات يوم ونحن جلوس في حديقة منزله بالرياض جوار مسجد الراشدين أذن الأذان لصلاة العصر ، وجدته يترك الحديث ليحكي الطرفة التالية قال ( حين كان صغير السن ، كان المؤذن بالمسجد العتيق بسوق الحصاحيصا رجل يدعى بيومي وكان له صوت عذب جميل ألفه ناس جميعاً ..
وهو صغير كان دائماً ما يسمع الناس حين يرفع الأذان الصلاة يقولون دة بيومي ..
اختلط عليه الأمر فظن أن هذا النداء يسمى بيومي وليس أذاناً ، فأصبح النداء للصلاة ( الأذان ) عنده بيومي
إلى أن كبرت سنه شوية وفهم أن هناك أذان
وأن بيومي هذه التي تطلق عند النداء هو أسم للمؤذن ..
وحلو الكلام في خشيم سيدوا
لك الود ..

طلب خاص يا دكتور :
سلم لي علي مانيلا .. فلي فيها ما فيها .

ربنا يجيبك بالسلامة ..

رد الله غربتك يادكتورنا
رغم انو مانيلا الواحد يتمني ان ......... ولا اسكت
ياخوي كان تاذن ليهم فيها وقت ما سمعت ليك صوت
ولك اجرين او لا اعتقد لك كم اجر كدة وكل واحد بوديك في الجنه كم طابق
وتسلم ياغالي

المشاركة الأصلية كتبت بواسطة هاشم الريح حمدنالله

يا دكتور :

سلامي واحترامي ورد الله غربتك سالماً

قبل الاغتراب كنت كثير الجلوس والمؤانسة مع الكاتب حمدنالله عبد القادر أطال الله في عمره ؛؛
وذات يوم ونحن جلوس في حديقة منزله بالرياض جوار مسجد الراشدين أذن الأذان لصلاة العصر ، وجدته يترك الحديث ليحكي الطرفة التالية قال ( حين كان صغير السن ، كان المؤذن بالمسجد العتيق بسوق الحصاحيصا رجل يدعى بيومي وكان له صوت عذب جميل ألفه ناس جميعاً ..
وهو صغير كان دائماً ما يسمع الناس حين يرفع الأذان الصلاة يقولون دة بيومي ..
اختلط عليه الأمر فظن أن هذا النداء يسمى بيومي وليس أذاناً ، فأصبح النداء للصلاة ( الأذان ) عنده بيومي
إلى أن كبرت سنه شوية وفهم أن هناك أذان
وأن بيومي هذه التي تطلق عند النداء هو أسم للمؤذن ..
وحلو الكلام في خشيم سيدوا

لك الود ..

وانا يا هاشم كنت قايل الفوط بتاعة الاولاد دي اسمها بامبرز لحدي ما عرفنا انها ماركة وكذلك المكنسة الكهربائية كنا قايلين اسمها هوفر وبالمناسبة الفلبينيين بيقولو لماكينة التصوير زيروكس مهما كانت ماركتا ياخ خلي دة كلو الفول دة في الحصاحيصا لحدي قريب دة ما كان اسمو الاطرش؟!!! سلمت على مرورك العاطر

المشاركة الأصلية كتبت بواسطة محمود علوب

طلب خاص يا دكتور :
سلم لي علي مانيلا .. فلي فيها ما فيها .

ربنا يجيبك بالسلامة ..

وهي كمان يتسلم عليك ياحودة قالت لي عليك الله سلم عليهو من هنا ومن هنا لقيتها بتعرفك جنس عرفة..... اها ياخوي بالمناسبة اتكلمت مع صاحبكم د. شريف بالتلفون ما قدرت اقابله لحدي هسع وبيسلم عليكم انت وعلي. سلام لك وللعيال والحاجة دي ادوها طلة طلة ما تنسوها وعارف بت محجوب ما بتكون مقصرة.

المشاركة الأصلية كتبت بواسطة ابوذر حسن طه

رد الله غربتك يادكتورنا
رغم انو مانيلا الواحد يتمني ان ......... ولا اسكت
ياخوي كان تاذن ليهم فيها وقت ما سمعت ليك صوت
ولك اجرين او لا اعتقد لك كم اجر كدة وكل واحد بوديك في الجنه كم طابق
وتسلم ياغالي

الجنة واياك يا ابوذر لكن والله فاتك جنس فالنتاين (ما يسمعنا ابو امجد) والله كان تجيب ام المنذر دي وتجو تعسلوا هنا - منها عسلية ومنها شربوت ودمت ياخوي.