التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم 
قريبا

بقلم :

آخر 10 مواضيع
شركة نقل اثاث بالرياض (الكاتـب : - مشاركات : 0 - المشاهدات : 192 - الوقت: 08:07 AM - التاريخ: 12-07-2021)           »          عزل خزانات المياه بالرياض (الكاتـب : - مشاركات : 0 - المشاهدات : 267 - الوقت: 02:37 PM - التاريخ: 12-06-2021)           »          كشف تسربات المياه المعتمده (الكاتـب : - مشاركات : 0 - المشاهدات : 219 - الوقت: 04:05 PM - التاريخ: 12-05-2021)           »          اسعار عزل خزانات المياه (الكاتـب : - مشاركات : 0 - المشاهدات : 273 - الوقت: 03:28 PM - التاريخ: 12-03-2021)           »          جهاز كشف أعطال الكهرباء (الكاتـب : - مشاركات : 0 - المشاهدات : 182 - الوقت: 03:22 PM - التاريخ: 12-03-2021)           »          شركة اصلاح تسربات المياه (الكاتـب : - مشاركات : 0 - المشاهدات : 200 - الوقت: 02:19 PM - التاريخ: 12-02-2021)           »          عزل اسطح المنازل (الكاتـب : - مشاركات : 0 - المشاهدات : 181 - الوقت: 12:21 AM - التاريخ: 12-02-2021)           »          تنظيف وعزل الخزانات بالرياض (الكاتـب : - مشاركات : 0 - المشاهدات : 198 - الوقت: 02:23 PM - التاريخ: 12-01-2021)           »          شركات تنظيف منازل فلل شقق بالدمام شعاع كلين (الكاتـب : - مشاركات : 0 - المشاهدات : 335 - الوقت: 12:14 PM - التاريخ: 12-01-2021)           »          خدمات كشف تسربات المياه بالرياض (الكاتـب : - مشاركات : 0 - المشاهدات : 205 - الوقت: 12:36 AM - التاريخ: 12-01-2021)


الإهداءات


العودة   منتديات الحصاحيصا نت alhasahisa > «۩۞۩-المنتديات العامه-۩۞۩» > «۩۞۩-منتدى الادب والثقافة-۩۞۩»

«۩۞۩-منتدى الادب والثقافة-۩۞۩» يهتم بالأدب و المواضيع الثقافية و الفنية

إنشاء موضوع جديد  إضافة رد
المنتدى المشاركات الجديدة ردود اليوم شاهدة المشاركات المشاركة التالية
 
أدوات الموضوع انواع عرض الموضوع
#1  
قديم 02-27-2013, 07:06 AM
د/منصور غير متواجد حالياً
Saudi Arabia     Male
لوني المفضل Blueviolet
 رقم العضوية : 7684
 تاريخ التسجيل : Dec 2010
 فترة الأقامة : 4047 يوم
 أخر زيارة : اليوم (02:58 PM)
 المشاركات : 1,861 [ + ]
 التقييم : 50
 معدل التقييم : د/منصور will become famous soon enough
بيانات اضافيه [ + ]
افتراضي حكاية زول سودانى..( من موقع الشاعرة سلمى الحسن)



ما أظن بقدر أوصف
قدر أيه عاوزك معايا
أو أعيد وأشرح وأفصل
ليك تفاصيل الحكايه
ريدي باين في عيوني
وأصلو ما محتاج وصايه
في سلامي وفي ابتسامي
و في حروفي وفي غنايا
في خفوق قلبي وحنيني
لما تمشي تودعيني
واقعد اتلفت برايا
وارجع اتذكر كلامك
بسمتك رقة سلامك
وضحكة بتغرد جوايا
وارجع افرح
وبيكي أحلم
وانسى كل
الفات ورايا
أنسى جرحي
ويبدأ فرحي
وأبدا بيك
تاني الروايه
كم فصول
مرت بعمري
و كم جرح
جوة الحنايا
كوني لي
اخر مطافي
وكوني
لحزني النهايه
كوني فرحي
وداوي جرحي
وكوني قمري
الفي سمايا



 توقيع : د/منصور


رد مع اقتباس
قديم 02-27-2013, 07:07 AM   #2


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



عشان حبيت
بقيت مبسوط وديمة سعيد
وكل أيامي صبحت عيد
وشفت الدنيا زي الجنة
كل يوم نور جمالا بزيد
***
كبر في قلبي حب الناس
بقيت مرهف رقيق حساس
أسامح البقسا والبظلم
لأنو الريد في قلبي اساس
***
بقيت لا بقسا لا بقدر
وشايف الكون جميل أخضر
وكل يوم وردة تتفتح
وكل يوم الجمال ينضر
***
عشان حبيت بقيت انسان
جميل مرهف رقيق فنان
وساكن فيني حب الخير
وشايلو معاي اي مكان
***
عشان حبيت ملكت الكون
وشان الغالي كلو يهون
وغاية أملي نبقا سوا
و كل الباقي بعدو يكون
***
كل أحزاني صبحت ماضي
كل الامي مطوية
وكل الكنت قايلة سكني
اصبح قصة منسية
وبديت أحلم بكون أجمل
زهورو ندية وردية
ومناي كلو
أعيش و حبيبي في جنة
وتكون فرحتنا أبدية...
عشان حبيت


 
 توقيع : د/منصور



رد مع اقتباس
قديم 02-27-2013, 07:11 AM   #3


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



قالت محصّنةٌ أنا
فابحث عن امراة سواي
ماعاد في قلبي مكان
ماعاد في عقلي اتزان
ماعاد في قلبي سوى
رجل تتوج فارساً
وقضى هواهو حارساً
لي في حلول وارتحال
***
ماعدت أرغب
في المزاح ولا الكلام
ولا قضاء الوقت أسمع
في حكايات الغرام
ماعاد ذهني يستطيع الاحتمال
فيشرد "المسكين" يبحث
عنك لا يخشى الملام
ماعاد يصبر أو يجامل
أو يلوّح بالسلام
***
ماعاد في قلبي مكان
ماعدت أرغب في سوى
عينيك أو ضحكاتك الجذلى
تطاردني وهذا الصوت يسكنني
يصاحبني فاشعر بالأمان
ما طلّ في عينيّ طيف منك
الا عاد كل الحب والأشواق
فاض القلب تحناناً
وزاد بك افتتان
***
ماعدت يطربني الثناء
ماعاد يشغلني المديح
ولا القصائد والغناء
عبثٌ تصيغ حروفك الحمقى
لتنسجها كعقد لي لتفرحني
فمعذرةً سأنثرها هباء
عبثٌ تحاول أن تقول
فما تقول
كمن يؤذن في الفضاء
الكون صار بكفه
والكون أفرغ ما حواه
إني محصنةٌ فقل ما شئت
أو قل ما تراه
سلفيةٌ قبليةٌ جهليةٌ
إروي فقد كثر الرواة
سأظل أقسم
لا سواه ولا سواه ولا سواه ولا سواه
عصفورةٌ تهوى سماهُ
ولا سماء سوى سماه
مجنونةٌ تهوى الرسوم
ولا رسوم تحبها
مثل التي خطّت يداه
ثوريةٌ أضحت لها
قلب عنيد
صار حبك مبتغاه
إني محصّنة و ذاك القلب
غلّق بابهُ من ألف عام
فأنا هويتك قبل
بدء الكون أعواماً
وقبل البدء أيضاً
ألف عام
وأنا أتيت الكون
كي ألقاك
يا قدري ويا أحلى غرام
***
إني محصّنةٌ بحبك حاضراً
أو غبت يكفيني
أريجك في المكان..
أو ليس يكفي
يا حبيبي كل هذا الحب
لا يكفي لأشعر بالأمان؟
؟


 
 توقيع : د/منصور



رد مع اقتباس
قديم 02-27-2013, 07:13 AM   #4


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



عشانك بس
أطرز أجمل الكلمات
أجيب من السما النجمات
أدوزن ليك أحلى حروف
تدندن أحلى أغنيات
تقول مبروك عليك عيدك
وعيدي أنا
هو يومي الشفتك إنت أنا
ويوم حبيتك إنت أنا
***
وتبقى سعيد
وكل يوم ليك يصبح عيد
وكل الحزن يرحل من سماك يفوت
ومن دنياك يبقى بعيد
وتبقى عشاني وابقالك
أحبك والمحبة تزيد
***
وتبقى الشجرة وأبقى الضل
وافرهد ليك زي الفل
واجيب ليك النجم من فوق
يدق بابك
وجمبو قمر عليك يطل
يقول مبروك عليك عيدك
وعيدي انا
هو يومي الأبقى في ايدك
وأبقى غناك و تغريدك
وزي ماقالا زول شاعر
(أنا الزول الصحي بريدك


 
 توقيع : د/منصور



رد مع اقتباس
قديم 02-27-2013, 07:15 AM   #5


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



(القلم ما بزيل بلم)
وفي ناس كتار
زايدين علم
لكن تعال وقت النقاش
تلقاهو لا راي لافهم
***
عمر القلم ما بنفعك
ولافي مقامك برفعك
ان ما ارتبط
بذوق واخلاق تدفعك
تبقيك بين الناس علم
***
خليك خلوق
احساس وذوق
ارتاح وروق
عامل المخاليق بى أدب
خليك لين ما صعب
***
عمر القلم ما زال بلم
ممكن يكون دكتور بجم
ماقادر يشرح كلمتين
لي زول مريض
صبرو انعدم
ممكن يكون
استاذ كبير
او قول مدير
يمشي الشغل
يضحك يقهقه وينشرح
لكن مع المره والعيال
ساكت تجم
وان قال نفر
ضافر ضفر
لابعرف اللين لا المزاح
حال الرماد حال السجم
ياخ ابتسم
عمرك قصير
باكر تفوت
ولمن تموت
صدقني علمك مابفيد
بقعد معاك وبينفعك
الكنت يوم بتعاملون
لمن عليك يترحمو
ويقولو كان زول محترم
***
عمر القلم مازال بلم
خليك خلوق
احساس وذوق
وصدقني مهما تضيق عليك
باكر تروق
والله تروق
باكر تروق


 
 توقيع : د/منصور



رد مع اقتباس
قديم 02-27-2013, 07:17 AM   #6


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



لو الأشواق بتتكلم
لو الريد المدفّن جوّه
في الأعماق بيتكلم
لو احساس القليب الراد
بيشرح كيف هو بتألم
كان صرّح بحبو اليك
ولى كل الخلق علّم
وكان لحظة تلاقينا
بدل ما يمد يمين سلّم
وصافح قلبك الطيب
وغني خلاص نسيت الهم
يمين عادت ليالي هناي
وعاد شوقي الحكاهو غناي
لو الأشواق بتتكلم
كان لحظة تلاقينا
حكت قصة هواك و هواي
وقالت ليك تعال ارجع ارجع
غيابك في القلب كوّاي
ولو في يوم نويت ترحل
تفارقني وتسيبني براي
تأكد إني في بعدك
غرامك ساري مسرى دماي
لو الأشواق بتتكلم
كان صرخت عديل بهواك
يا شعري ومعاني غناي
تعال ارجع كفاك غربة
وكفاني نحيب قلب بكاّي
تعال خليك دوام جمبي
تعال تلقى السعادة معاي...


 
 توقيع : د/منصور



رد مع اقتباس
قديم 02-27-2013, 07:23 AM   #7


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



أنا مجنونة..
ولما احب بتحدى العالم
ولما أعيش الحالة بكونا
ولما اريد زول بوقف جمبو
ولو بينا الأسوار وحصونا
ولو جنيت بالريدة عنيدة
وبحفظ حق الريده واصونا
وبتحدى العالم بالفيهو
واحساساتي محالة اخونا
وما من طبعي اجافي الردتو
واخلي الريدة واعيش من دونا
ورغم القوة الفيني حنينة
وبي احساس الحب مسكونة
وما بتغريني زخارف الدنيا
واصلو الدنيا هي ما مضمونة
بس بأسرني القلب الطيب
وحبة رقة وكلمة حنونة
أنا مجنونة
بس لا لاعبة ولا كذابه
وكلمتي زي السيف مسنونة
وجواي طفلة صغيرة بتحلم
واحلاما بتلمع في عيونا
كلما تدور تلعب بالنجمة
يقولوا الناس البت مجنونة
كلما تدندن باشعارا
يقولو الناس
البت مجنونة
ياخ مجنونة
ولسه بحب ألعب بالنجمة
واكوام حب جواي مكنونة
ولو الحب احساس ماعاقل
وبتحسو الناس المجنونة
فإذن أهلاً ومرحب بيهو
وعلى كدة أنا أكبر مجنونة


 
 توقيع : د/منصور



رد مع اقتباس
قديم 02-27-2013, 07:25 AM   #8


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



الوعد البيني
ومابينك
وعداً مكتوب
وهو ما مكتوب
والريد الساكن
جوايا
ريد ماساكن
في اي قلوب
كل ما تبعد
قلبي بسامح
وعن حبك
أبدا ما بيتوب
***
لما العينين
مرة اتلاقن
قالن لي ياما
كلام و كلام
لهفة قلبك
لما تسالم
ترسل لقلبي
سلام و سلام
عيشني هواك
أحلي ليالي
وايام مرت
زي الاحلام
***
الوعد البيني
وما بينك
وعد الاحساس
والحنيه
وعد محنه
ووعد الجنه
وطيبه بتمسح
أي أسيه
ياريت لو تبقى
معاي دوام
ونعيش في
الدنيا الورديه
لا فيها ألم
لا فيها ندم
لا فيها
مشاعر وهميه
نبقى محنه
ونسكن جنه
ونحيا الافراح الأبديه


 
 توقيع : د/منصور



رد مع اقتباس
قديم 02-27-2013, 12:18 PM   #9


الصورة الرمزية السمحة
السمحة غير متواجد حالياً

بيانات اضافيه [ + ]
 رقم العضوية : 840
 تاريخ التسجيل :  Jun 2007
 أخر زيارة : 10-10-2019 (12:05 PM)
 المشاركات : 817 [ + ]
 التقييم :  16
لوني المفضل : Brown
افتراضي




وما بتغريني زخارف الدنيا
واصلو الدنيا هي ما مضمونة
بس بأسرني القلب الطيب
وحبة رقة وكلمة حنونة


يا سلااااام عليك يا دكتور وعلى ذوقك وإحساسك المرهف....
وعلى هذه اللوحة الشعرية التريانة عبير و اهازيج وشهد متدفق
واصل وامتعنا متابعين .... متعك الله بالصحة والعافية........
ومشكور .......... تحياتى


 
 توقيع : السمحة

أن لم تكن قدرى .....فقد كنت اختيارى


رد مع اقتباس
قديم 02-27-2013, 05:26 PM   #10


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



اقتباس:
المشاركة الأصلية كتبت بواسطة السمحة مشاهدة المشاركة

وما بتغريني زخارف الدنيا
واصلو الدنيا هي ما مضمونة
بس بأسرني القلب الطيب
وحبة رقة وكلمة حنونة


يا سلااااام عليك يا دكتور وعلى ذوقك وإحساسك المرهف....
وعلى هذه اللوحة الشعرية التريانة عبير و اهازيج وشهد متدفق
واصل وامتعنا متابعين .... متعك الله بالصحة والعافية........
ومشكور .......... تحياتى
بنتنا العزيزة السمحة..تحية واحترام.
شكرا على مرورك الجميل والرائع والذى عطر سماء هذا البوست.
تخريمة.
هذه السهام والدانات موجهة نحو واحد حبيبنا عايش هذه الايام بين نارين ... نار الغربة ونار العزوبية .. وبنقول لى بنت الحلال المنتظراه ،البوست ده لو ماجاب نتيجة ما فى حل غير تشوفى ليك فكى يرجعه . تحياتى.


 
 توقيع : د/منصور



رد مع اقتباس
قديم 02-27-2013, 05:42 PM   #11


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



لاَ سُلطَة لنإ علىَ / .. قـلوبنـآ
هِيّ تَنبُضَ ,
لِمَن أرآدتَ ،،
مَتىَ أرآدتَ ..
…گيفمـآ أرآدتْ ,.
بعَضهمَ .. ينبضَ آلقَلبَ ( لَه) ,
و بعَضهـمَ ينبُضَ آلقلبَ ( به ),
و بعَضهمَ همّ النبُضَ بحْد ذاتَه !!!
ريما


 
 توقيع : د/منصور



رد مع اقتباس
قديم 02-27-2013, 06:04 PM   #12


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



مالك علي ياليل
زودت همي اتنين
لا لاقي فيك راحة
وانا في الغرام مسكين
جافوني احبابي
وعزاي دموع وانين
***
مالك علي ياليل
انا قلت فيك ارتاح
عسى القى فيك سلوى
قبال يجيني صباح
الناس هجود ياليل
وانا طاري زولي الراح
***
مالك علي ياليل
ياعيني ماتغمضي
يادموعي ماتروقي
واحزاني ماتهمدي
***
اه من قساك ياليل
اهين انا تعبت
ليلك طويل ياليل
شلت الهنا وغبت
اصبح خلاص ياصباح
جيب لي نسيمو عليل
في قلبي شلت شقا
وحملي العليا تقيل
وحداني من بعدو
وحيران فقدت دليل
***
ارحل خلاص ياليل
الشفتو فيك كافي
بكرة الصباح بصبح
يلقاني متعافي
كذب البقول مرتاح
هنا في الغرام مافي
***
ساهرت بي ياليل
عديت نجيماتك
حاولت تلهيني
رصيت كليماتك
مالقيت معاي سلوى
كبيت دميعاتك
مالك علي ياليل
خلي الصباح يصبح
عسى يبرا جرحاً غار
طول النهار ينتح
يمكن تهل افراح
يمكن طيور تصدح
يمكن يعود غايب
يمكن حزين يفرح
ومالك علي ياليل
____________________________________
مساكم افراح وسعادة...


 
 توقيع : د/منصور



رد مع اقتباس
قديم 02-27-2013, 06:16 PM   #13


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



حول الصفحة..
شاعرة...Salma Elhassan
السيرة الذاتية
ماجستير الأدب الانجليزي الفلسفي.جامعة كولورادو الأمريكية...مجموعتان شعريتان..(القصة كانت) و(تعال معاي نحلم) وكتاب باللغة الانجليزية...(عانق التغيير فإنه نعمة)...

ـ قالت ــ نعم (كتاباتي) تعبر عن حالتي الشخصية ..فأنا لا أكتب إلا بما أحس...لكن (منشوراتي) في الفيس لا تعبر مطلقاً عن حالتي الشخصية......فأنا دوماً أحتفظ بمافي نفسي لنفسي...ويبقى منهجي هو طرح الأمل والفرح بين الناس....ومعذرة لكل من يحاول قراءة دواخلي من منشوراتي (لن تنجح)!!
ـ http://www.facebook.com/photo.php?v=...type=2&theater


 
 توقيع : د/منصور



رد مع اقتباس
قديم 03-04-2013, 06:48 AM   #14


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



أنا لستُ مثل جميع النساء
وحبي ليس كباقي النساء
أنا إن هويتُ فبركانُ عشقٍ
ونارٌ تلظَّى و بونُ فضاء
وإشراقُ صبحٍ وليلاتُ دفءٍ
ونيرانُ صيفٍ وبردُ شتاء
أنا إن عشقتُ فلستُ أبالي
ولست أداري كما "الضعفاء"
وعشقي قوي شقي جريئٌ
يدمِّرُ يسقطُ مثل القضاء
وعشقي شعرٌ وزهرٌ ووردٌ
ورَوحٌ وبوحٌ ونورٌ مضاء
تداري النساءُ إذا ما عشقن
وتبلغن بالكذب حد "الغباء"
وكيف يُخبّا غرامٌ تَخبّا
وللعين يبدو بدونِ عناء
أنا لستُ أنثى تملُّ سريعاً
وتتركُ آمالها والرجاء
أنا أمرأةٌ تتحدى الزمانََ
وكلّ "النهايات" عندي "ابتداء"
أنا أمرأةٌ تعشقُ المستحيل
وتنشدُ في الحب دربَ البقاء
فإن كنتَ أهلاً فأهلاً وسهلاً
وإلّا فغادر بلا ضوضاء
أنا إن عشقتُك فابشرْ وهلِّلْ
وصلِّي وكبّر لرب السماء


 
 توقيع : د/منصور



رد مع اقتباس
قديم 03-04-2013, 06:57 AM   #15


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



هذا الرجل يبعثر عقلي
يجعلني أسقط أشلاء
يصنع مني
باقة ورد من غاردينيا
حقل زهور نفح عطور
فيض بحور فجر ضياء
هذا الرجل الغامض بحرا
هذا الرجل الآسر سحرا
يصنع مني سبع نساء
***
شاعرةً تهواهو شعراً
عاشقةً تعشقهو جهراً
إمرأة مخلصة دهراً
طائعة لا تعصي أمراً
حمقاء تهجرهو شهراً
قطتهو الحسناء السمرا
والسابعة..بلا تعليق
***
إمرأةٌ ثورتها نار
إمرأةٌ هي كالإعصار
لكن في عينيه بريقاً
يجعلها قسراً تنهار
تهطل حبّاً كالأمطار
تدفق شوقاً كالأنهار
و تجدّف عكس التيار
إمرأة كخلاصة قول
و كأعلان و كأخطار
إمرأةٌ هي سبع نساء
هنّ البحر و هنّ النار


 
 توقيع : د/منصور



رد مع اقتباس
قديم 03-04-2013, 07:01 AM   #16


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



سيد الاسم( 2)
________________

يا سيد الاسم شكرك بجيبو برايا
قول لا قالو زول لا غنتو الغناية
ياقمر العشا النور لي ضوا سماي
يانجم السعود الطلتك ضوايا
***
ياسيد الاسم انا فيك بجر النمة
والبدر إن سطع وين تاني نلقى ضلمة
ياساند الضعيف يا ود عوالي متمة
بعد الله بيك أمر الرجاك انتم
***
أنا نميت كلام قالو القلب واحساسي
في سيد الاسم زولي الرزين الراسي
تفخر بيه البلد ضي القبيلة وناسي
وافخر بيه واقول سيدي وكمان تاج راسي
***
هاك شيل مني قول وديو هناك لي بربر
وعرج بالمتمة وقول كلام متعبر
وزور شندي العتيقة وقول وعلم وخبر
قول يا دار جعل في الجعلي انا بتندر
***
نميت لك قبيل وانا نمي تاني بعيدو
وصفو دة اصل فيو ما قلت كلمة تزيدو
بيهو الريد كمل كل الخلق بتريدو
وهو حبي الوحيد وبريدو ثم بريدو


 
 توقيع : د/منصور



رد مع اقتباس
قديم 03-04-2013, 07:10 AM   #17


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



سمعتو ب (فتى الأدغال) طبعاً... لكن هل جربتو أن (تحبو) فتى الأدغال؟؟
أنساني حبُّك أن أتذكر
أين وضعتُ وريقاتي
أنساني أن أتذكر كيف
أرتب كنت "أجنداتي"
أنساني كم قطع السكر
في القهوة كانت قطعاتي
غيّر مائدتي وطعامي
عملي يومي وهواياتي
ماعاد اليوم هو المعهود
ولا ساعاتي ساعاتي
أغفلني حبك عن نفسي
أهلي وجميع صديقاتي
مذ حبك جاء وفاجأني
غير لي ترتيب حياتي
أرقت عيني ولكم نعمت
من قبل بنوم وسبات
لازمتُ الصمتَ مخافةَ أن
أذكرَك بأحدى همساتي
أو أنطقَ باسمك أو يوماً
تفضحني مني قسماتي
يارجلاً ياطفلاً يلهو
فيكسّر كلَّ قطاراتي
لايهدأ لا يسكن أبداً
يسكن جلدي ومساماتي
يوقظني والناس نيامٌ
لأسطرَ فيه كتاباتي
واقولَ أيا رجل الأدغال
ويامن أشعلَ غاباتي
وأثارَ ضجيجاً في دنياي
وأضحى المحورَ بحياتي
يكفيك ضجيجا لا تعبثْ
وترفّق بعضَ اللحظات
أفتى الأدغال الأبنوسيِّ
الساكن كلَّ الطرقات
أنا جئت لحبك راكضة
قاطعة طول مسافات
قد كنت امرأة عاقلة
وفقدت بحبك حكماتي
أضحت كلماتي عابثة
وتعالت مني ضحكاتي
واليوم انا امرأةٌ أخرى
وغرامك صار بداياتي
أفتى الأدغالِ أنا استسلمتُ
هُزمتُ وسقطت راياتي
كن بطلي يارجلَ الأدغال
وكن لي الحاضَر والآتي


 
 توقيع : د/منصور



رد مع اقتباس
قديم 03-04-2013, 11:53 AM   #18


الصورة الرمزية السمحة
السمحة غير متواجد حالياً

بيانات اضافيه [ + ]
 رقم العضوية : 840
 تاريخ التسجيل :  Jun 2007
 أخر زيارة : 10-10-2019 (12:05 PM)
 المشاركات : 817 [ + ]
 التقييم :  16
لوني المفضل : Brown
افتراضي



اقتباس:
المشاركة الأصلية كتبت بواسطة د/منصور مشاهدة المشاركة
بنتنا العزيزة السمحة..تحية واحترام.
شكرا على مرورك الجميل والرائع والذى عطر سماء هذا البوست.
تخريمة.
هذه السهام والدانات موجهة نحو واحد حبيبنا عايش هذه الايام بين نارين ... نار الغربة ونار العزوبية .. وبنقول لى بنت الحلال المنتظراه ،البوست ده لو ماجاب نتيجة ما فى حل غير تشوفى ليك فكى يرجعه . تحياتى.
دكتور سلام
والله زولك دا ياهو زولنا ذاتو وحبيبنا وغالى علينا شديد...
ربنا يحقق ليه كل امانيه يارب فى القريب العاجل.........
ويكفيه شر النارين وألايام الجايا انشاء الله حلوة عليه و مع من يحب يارب


ونقول ليه عبرك على لسان واحدة أختنا كدا

عشة صغيرة ..كفاية علينا
عشة صغيرة نعرشا ليك برموش عينينا
عشة صغيرة نفرشا ليك بحرير ايدينا

ما بتغرينا قصور من نور
ولا بسحرنا حرير مطفور
نحن طلبنا الكلمة الطيبة
زى ما تدور الدنيا تدور

شبهك وين يا النادرة حلاتك
ما تحرمنا جمال جياتك
أحلى عيون في الدنيا عيونك
وأحلى كلام تتقال كلماتك

النوار فى الروض يتحبــه
مال على غصنو الزاهى محبة
كل غريب فارق أحبابو
ولسه معاك قساوة الغربة




 
 توقيع : السمحة

أن لم تكن قدرى .....فقد كنت اختيارى


رد مع اقتباس
قديم 03-05-2013, 07:18 AM   #19


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



اقتباس:
المشاركة الأصلية كتبت بواسطة السمحة مشاهدة المشاركة
دكتور سلام
والله زولك دا ياهو زولنا ذاتو وحبيبنا وغالى علينا شديد...
ربنا يحقق ليه كل امانيه يارب فى القريب العاجل.........
ويكفيه شر النارين وألايام الجايا انشاء الله حلوة عليه و مع من يحب يارب


ونقول ليه عبرك على لسان واحدة أختنا كدا

عشة صغيرة ..كفاية علينا
عشة صغيرة نعرشا ليك برموش عينينا
عشة صغيرة نفرشا ليك بحرير ايدينا

ما بتغرينا قصور من نور
ولا بسحرنا حرير مطفور
نحن طلبنا الكلمة الطيبة
زى ما تدور الدنيا تدور

شبهك وين يا النادرة حلاتك
ما تحرمنا جمال جياتك
أحلى عيون في الدنيا عيونك
وأحلى كلام تتقال كلماتك

النوار فى الروض يتحبــه
مال على غصنو الزاهى محبة
كل غريب فارق أحبابو
ولسه معاك قساوة الغربة


ـ صباحكم خير ..وعافية.
البنية دى قاعدة فى الراكوبة ..منتظراك وبتقول ليك؛

ـ أنا نميت كلام قالو القلب واحساسي
في سيد الاسم زولي الغريب الراسي


ـ يا اغلى من نفسي أهو ده الزمن دوّار
لاموجة بترسّي ولابيرحم التيار
وانا برضي ديمة وراك كان القى فيك مني
لمحة بتصحّي هواك وعلي تطمنّي
يا أغلى من نفسي أفضل أنادي عليك
لامن يضيع حسي


 
 توقيع : د/منصور



رد مع اقتباس
قديم 03-06-2013, 10:56 AM   #20


الصورة الرمزية السمحة
السمحة غير متواجد حالياً

بيانات اضافيه [ + ]
 رقم العضوية : 840
 تاريخ التسجيل :  Jun 2007
 أخر زيارة : 10-10-2019 (12:05 PM)
 المشاركات : 817 [ + ]
 التقييم :  16
لوني المفضل : Brown
افتراضي



اقتباس:
المشاركة الأصلية كتبت بواسطة د/منصور مشاهدة المشاركة
ـ صباحكم خير ..وعافية.
البنية دى قاعدة فى الراكوبة ..منتظراك وبتقول ليك؛
ـ أنا نميت كلام قالو القلب واحساسي
في سيد الاسم زولي الغريب الراسي

ـ يا اغلى من نفسي أهو ده الزمن دوّار
لاموجة بترسّي ولابيرحم التيار
وانا برضي ديمة وراك كان القى فيك مني
لمحة بتصحّي هواك وعلي تطمنّي
يا أغلى من نفسي أفضل أنادي عليك
لامن يضيع حسي
ازيكم وصباحاتكم وايامكم كلها أنشاء الله خير فى خير

الموقف دا يا دكتور بستدعي خجلة


دقيقة خليني اجري ادسى جوة الاوضة




 
 توقيع : السمحة

أن لم تكن قدرى .....فقد كنت اختيارى


رد مع اقتباس
قديم 03-06-2013, 11:20 AM   #21


الصورة الرمزية السمحة
السمحة غير متواجد حالياً

بيانات اضافيه [ + ]
 رقم العضوية : 840
 تاريخ التسجيل :  Jun 2007
 أخر زيارة : 10-10-2019 (12:05 PM)
 المشاركات : 817 [ + ]
 التقييم :  16
لوني المفضل : Brown
افتراضي



اها من جو الاوضة ( الراكوبة) منتظرين وجاهزين للقيدومة بس انت يادكتور تشد حيلك معنا وتوصله لينا هنا وكمان القيدومة الكبيرة بى هناك فى عمارة الاربعين وناس أبن عمى جاااااهزين موية ونور

ونقول ليه عبرك

فرحانة بيك أنا يا جناي
في يوم زواجك وفرحتك
بخلط دموعي انا ليك في
صحن سعادتك وحنتك
والليلة يا سيد الرجال
فرحت أمك وحلتك
يا رب احفظ لي جناي
ويعيش سعيد في نعمتك


 
 توقيع : السمحة

أن لم تكن قدرى .....فقد كنت اختيارى


رد مع اقتباس
قديم 03-06-2013, 08:25 PM   #22


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



اقتباس:
المشاركة الأصلية كتبت بواسطة السمحة مشاهدة المشاركة
اها من جو الاوضة ( الراكوبة) منتظرين وجاهزين للقيدومة بس انت يادكتور تشد حيلك معنا وتوصله لينا هنا وكمان القيدومة الكبيرة بى هناك فى عمارة الاربعين وناس أبن عمى جاااااهزين موية ونور

ونقول ليه عبرك

فرحانة بيك أنا يا جناي
في يوم زواجك وفرحتك
بخلط دموعي انا ليك في
صحن سعادتك وحنتك
والليلة يا سيد الرجال
فرحت أمك وحلتك
يا رب احفظ لي جناي
ويعيش سعيد في نعمتك
ـ مساء الخير .
ـ ان شاءالله نحن ماحا نقصر..وحانقوم بالواجب لمن يصل لى عندكم.
ـ اخر الاخبار من طرف إ بن عمك ( الحافظ لأسرار زولنا). أن صاحبنا ارسل رسالة sms> وقال للبنية
:

ياسلام عليك يا سلام
ياحلو دا السكوت مرات كلام
وعدم الكلام هو كمان ملام
يا سلام عليك يا سلام
انا يا غرامي وصلت بيك
في الدنيا لي حد الغرام
ولقيت ملامي في عينيك
يا سيدي زي الما ملام

يا سلام عليك يا سلام
الوردة لو فاتها الفراش
ما أظن تلومو مع الندى
ما بتجرح احساسو الجميل
والريدة يا حنين كده


 
 توقيع : د/منصور



رد مع اقتباس
قديم 03-07-2013, 08:39 PM   #23


الصورة الرمزية السمحة
السمحة غير متواجد حالياً

بيانات اضافيه [ + ]
 رقم العضوية : 840
 تاريخ التسجيل :  Jun 2007
 أخر زيارة : 10-10-2019 (12:05 PM)
 المشاركات : 817 [ + ]
 التقييم :  16
لوني المفضل : Brown
افتراضي



اقتباس:
المشاركة الأصلية كتبت بواسطة د/منصور مشاهدة المشاركة
ـ مساء الخير .
ـ ان شاءالله نحن ماحا نقصر..وحانقوم بالواجب لمن يصل لى عندكم.
ـ اخر الاخبار من طرف إ بن عمك ( الحافظ لأسرار زولنا). أن صاحبنا ارسل رسالة sms> وقال للبنية
:

ياسلام عليك يا سلام
ياحلو دا السكوت مرات كلام
وعدم الكلام هو كمان ملام
يا سلام عليك يا سلام
انا يا غرامي وصلت بيك
في الدنيا لي حد الغرام
ولقيت ملامي في عينيك
يا سيدي زي الما ملام

يا سلام عليك يا سلام


الوردة لو فاتها الفراش
ما أظن تلومو مع الندى
ما بتجرح احساسو الجميل
والريدة يا حنين كده
ماااشاء الله يادكتور اهو البوادر الطيبة ظهرت ....
والبوح بقى انسيابى sms وكدا
باكر بعد باكر نمشى على صالة الوصول

اهاا يادكتور واصل مع الشاعرة سلمى دى باين سرها بادع

ونقول
فـرحـانـه بـيـك كــل الـنجــوم ............ لا نـام بــريـقــا ولا إنـطــفـى
ما الـريــدة يا الـقـلـبـَـكْ نـَـدِى ................ زاد الـقـلـوب الـمُـرْهَـفـه
إن شاء الله طـُـول ما قــلــبـى لـيــكْ لا يـكــون حُـــزن لا يـطـِـل جَــفــا

ما تــشـوفــنـى كـيـف أنا بـبـقى بـيــكْ سِــيـد الـفــرح والـريـــد بـــراى
تـشـــرق شُــمــوس زمـن الـهَـنـا يــزهـِــر جَـفــاف عـُـمــرى وصِـباى
إن شــاء الله طـُـول ما عــمـــرى لـيـــكْ ما تـِـنـْجَـــرح عـِـــزة هَـــواى

بـحْـلـَــم معـــاك إنـــو الحُـــزن غــيــمـــه وخــــلاص رحَــلــــتْ بـعـيـد
وإنــو الـلـى باقـى مـن الـسَّـفـَــر مـن عـُـمــرى كـلــو بعـيـشـــو عِـيـــد
إن شاء الله طـُـول ما فــرحـى بـيـــكْ ما نـعـيـش زمـن قـاسـى وعَـنـيـد

جـيـتــنـى ومعــاك جـانـى الصـبـاح غــمـر الـشـروق حُــــزن الحُـروف
يا طـيـبــــه زى دفـْــقـَــة طـَـمِـى بالخـيـــر غِــشَـــتْ جَــــدْب الجُـروف
إن شاء الله طـُـول ما عـمـرى لـيـكْ ما نـشـوف أسـى وقـسْـوة ظـروف


 
 توقيع : السمحة

أن لم تكن قدرى .....فقد كنت اختيارى


رد مع اقتباس
قديم 03-13-2013, 08:43 AM   #24


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



صباح الورد والياسمين .. نحن ما حا نوقف إلا صاحبنا يصل الى صالة القدوم بمطار الخرطوم.
ـ البين السطور

اقرا ليك البين السطور
ما دام جهل علمك يشوف

ما بين اريدك و جاي ليك
الفين رسالة بدون حروف

ما بين حضورك و الغياب
أشواق رسائل بالألوف

ما بين وجودك في الكلام
و غيابك أنت بعاني خوف

يا الجاي في الزمن الغلط
و عذر غيابك كان ظروف
@@
ما بين اسامحك و ارضى ساي
نظرات إذا عاينت لي

ما بين رضيت أو ساي سكوت
اهات بتحكي شعورها بي

مظلومة مقهورة و بحب
آهاتي ذاتها بكت علي

أنت البتسال عن هواي ؟
الباقي دمعات في عيني

أنا كنت بشتاق ليك زمان
ما باقي من اشواقي شئ



 
 توقيع : د/منصور



رد مع اقتباس
قديم 03-14-2013, 09:37 AM   #25


الصورة الرمزية السمحة
السمحة غير متواجد حالياً

بيانات اضافيه [ + ]
 رقم العضوية : 840
 تاريخ التسجيل :  Jun 2007
 أخر زيارة : 10-10-2019 (12:05 PM)
 المشاركات : 817 [ + ]
 التقييم :  16
لوني المفضل : Brown
افتراضي



دكتور نهارك سعيد يارب
ايوة كدا خليه يقراء ما بين السطور وتلك الحروف الناعمة علها تفجر الكثير الكثير من المشاعر وماااتسمع إلا بورداب الخرطوم يحتفلون بسيدة المنتدى الاولى وسيدها فى حدائق السلام روتانا والدعو عاااامة

وايد على ايد تجدع بعيييييد

ربيـــع الدنيا ...
يــا ربـيـع الدنـيـا فــي عيـنـيا
يانور قلبي يـا معنـى الجمـال
ويا أخت روحي ويا أماني هواي
عشت فــي دنـيـا الخـيـاااااااال

أنــا فـيــك عـشـقـت الـروعــة
مــا أحـلاهـا في الـدل والـــدلال
والمـعـانـي الـراسـمـة نــــور
فــــــي عـيــنــيــك ظـــــــلال
وابتسامتـك لمـا تأسر قلـبـي
تــحــكــي عــــــن الـــمحــال
تحـكـي عــن شـوقــك إلـــيا
وتحـكـي عــن بعد الـوصـال

مـن قلبـي مـن أجـل المحبـة


 
 توقيع : السمحة

أن لم تكن قدرى .....فقد كنت اختيارى


رد مع اقتباس
قديم 03-15-2013, 07:23 AM   #26


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



[quote=السمحة;238778]
دكتور نهارك سعيد يارب
ايوة كدا خليه يقراء ما بين السطور وتلك الحروف الناعمة علها تفجر الكثير الكثير من المشاعر وماااتسمع إلا بورداب الخرطوم يحتفلون بسيدة المنتدى الاولى وسيدها فى حدائق السلام روتانا والدعو عاااامة

وايد على ايد تجدع بعيييييد

جمعة مباركة وسعيدة عليكم جميعا ان شاء الله .
وربنا يتم ليهم على خير ... هنالك اخبار سارة .. الحبيب بدأ يجهز فى الشنط وملحقاتها .

وبنقول:
عد لينا ياليل الفرح
داو القليب الإنجرح
خليهو يفرح مره يوم
طول عمرو ناسيهو الفرح
¤¤¤
عد لينا ماتبكي العيون
الشاربه من بحر الخجل
عد لينا ماتعدد دروب
ريانة بتسيب بالامل
عد لينا قبال الخريف يرحل
يسيب ايامنا بتصيبه المحل
إمكن تطيب اشواقنا يوم
وتودي لي شوقك يصل


 
 توقيع : د/منصور



رد مع اقتباس
قديم 03-18-2013, 07:07 AM   #27




الصورة الرمزية الغريب
الغريب غير متواجد حالياً

بيانات اضافيه [ + ]
 رقم العضوية : 5
 تاريخ التسجيل :  Jun 2005
 أخر زيارة : 05-22-2019 (05:09 AM)
 المشاركات : 2,497 [ + ]
 التقييم :  57
لوني المفضل : Blue
افتراضي



اقتباس:
المشاركة الأصلية كتبت بواسطة السمحة مشاهدة المشاركة
دكتور سلام
والله زولك دا ياهو زولنا ذاتو وحبيبنا وغالى علينا شديد...
ربنا يحقق ليه كل امانيه يارب فى القريب العاجل.........
ويكفيه شر النارين وألايام الجايا انشاء الله حلوة عليه و مع من يحب يارب


ونقول ليه عبرك على لسان واحدة أختنا كدا

عشة صغيرة ..كفاية علينا
عشة صغيرة نعرشا ليك برموش عينينا
عشة صغيرة نفرشا ليك بحرير ايدينا

ما بتغرينا قصور من نور
ولا بسحرنا حرير مطفور
نحن طلبنا الكلمة الطيبة
زى ما تدور الدنيا تدور

شبهك وين يا النادرة حلاتك
ما تحرمنا جمال جياتك
أحلى عيون في الدنيا عيونك
وأحلى كلام تتقال كلماتك

النوار فى الروض يتحبــه
مال على غصنو الزاهى محبة
كل غريب فارق أحبابو
ولسه معاك قساوة الغربة


اقتباس:
المشاركة الأصلية كتبت بواسطة د/منصور مشاهدة المشاركة
ـ صباحكم خير ..وعافية.
البنية دى قاعدة فى الراكوبة ..منتظراك وبتقول ليك؛

ـ أنا نميت كلام قالو القلب واحساسي
في سيد الاسم زولي الغريب الراسي


ـ يا اغلى من نفسي أهو ده الزمن دوّار
لاموجة بترسّي ولابيرحم التيار
وانا برضي ديمة وراك كان القى فيك مني
لمحة بتصحّي هواك وعلي تطمنّي
يا أغلى من نفسي أفضل أنادي عليك
لامن يضيع حسي
لي عودة هنا


 
 توقيع : الغريب

ليـل الغمه هوّد والبروق اتّــــــــــــــالن


دموع الوجعه جن زي السحابات شـــالن


ملن قرب العيون لكنهن ماســــــــــــالـن


مومن قلهن بس في العيون ماخــــــــالن



رد مع اقتباس
قديم 03-18-2013, 07:32 AM   #28


الصورة الرمزية د/منصور
د/منصور غير متواجد حالياً

بيانات اضافيه [ + ]
 رقم العضوية : 7684
 تاريخ التسجيل :  Dec 2010
 أخر زيارة : اليوم (02:58 PM)
 المشاركات : 1,861 [ + ]
 التقييم :  50
 الدولهـ
Saudi Arabia
 الجنس ~
Male
لوني المفضل : Blueviolet
افتراضي



اقتباس:
المشاركة الأصلية كتبت بواسطة الغريب مشاهدة المشاركة
لي عودة هنا
غيب وتعال .. تلقانا نحن يا نا نحن
لا غيرتنا ظروف لا هدتنا محنة


وبنقول لى بنتنا السمحة نحن مراقبين الوضع كويس .. وأكيد حا يعود؛؛

نقرتين لعرض الصورة في صفحة مستقلة


 
 توقيع : د/منصور



رد مع اقتباس
قديم 03-18-2013, 09:31 AM   #29


الصورة الرمزية السمحة
السمحة غير متواجد حالياً

بيانات اضافيه [ + ]
 رقم العضوية : 840
 تاريخ التسجيل :  Jun 2007
 أخر زيارة : 10-10-2019 (12:05 PM)
 المشاركات : 817 [ + ]
 التقييم :  16
لوني المفضل : Brown
افتراضي



اقتباس:
المشاركة الأصلية كتبت بواسطة د/منصور مشاهدة المشاركة
غيب وتعال .. تلقانا نحن يا نا نحن
لا غيرتنا ظروف لا هدتنا محنة


وبنقول لى بنتنا السمحة نحن مراقبين الوضع كويس .. وأكيد حا يعود؛؛

نقرتين لعرض الصورة في صفحة مستقلة
الله أكبر الله أكبر ماااشاء الله يادكتور
الايقاع ماشي سريع ......
وكلماتك آتت أكلها.....
وزولنا جاء بى كرعينو وصينية الحنة جااااهزة وبالعديل والزين
اها قول للشافع الشايل المصبية دى (أصلى ماعرفتها دلوكة أو نوبة ) تعال قريب

العديل والزين الليلة العديلة وياعديلة الله
العديل والزين الليلةالعديلة تقدمووتبرا

فى اليوم البخيت عجنولك الحنة
وفى اليوم البخيت والدتو تتمنى
داروق الصفاح منو الخصيم جن
سيف الصاقعة أخوى المابدور سنة

أمك تقول عند الله ليك دايره
يكون عندك عيال وإيدك تكون طايلة
الليلة العريس ساير على النايرة
أبواتك تلوباً يدرجوا العايلة
فشاشين غباين للدمعتن سايلة

الليلة العريس من أمو سار طربان
لاشرب المريسة لاجاجا فى الخيران
جبدوك جدودك رجال السبحة والإيمان
من بيت العلم لى مجلس الحيران

العريس سيرو والعقبى للأصحاب (أنتو خارج التغطية ومعاك أبن عمى)
شدولو وركب فوق قارحاً شباب
أبقلباَ شجيع من السلاح مابهاب
أكان جبدوك جدودك كان بدرسوا كتاب
وكان جيت متل أبوك لى قرشوا مو حساب

غنى وشكرى يا السمحة فى مكانة
أب راياً سديد أبفهماً مولقانة
لى ضيف الهجوع يتكفوا ضيفانا
ضو الهجعه أبوك المابدور عانة

شدولووركب فوق مهرة مكلوفة
أب قلباً شجيع مابتدخلو الخوفة
أبوك يتكى السمينة ساحتومضيوفة
مابدى العطية ويرجى معروفا

شدولو وركب فوق مهرة مقيودة
وقلبولو الدرع خايد مع الخودة
تطول إيدك على الفايدة يتم جودا
وبعد بيت الحلال الحجة والعودة

شدولو وركب فوق الزمل حيلو
والحمل التقيل تتولى لى شيلو
إن القاش طمح عم البلد خيرو
جيد ليك يانسيبتو ده الوفر كيلو

شدولو وركب فوق أم لجام عاصى
يادود الكوانى الفى البحرراسى
يسلم لى عشاى تلبى وقناع راسى
بإيدك ياعشاى للواقعة بتراسى

يارحل الحديد المابخشو هديد
إت ياك التلب والفارس الصنديد
ياودالرجال الكلمتم بتفيد
كل مايمسى يوم أشوفو يومو جديد
تبكر بالوليد والفايدة تملاالإيد


 
 توقيع : السمحة

أن لم تكن قدرى .....فقد كنت اختيارى


رد مع اقتباس
قديم 03-18-2013, 10:27 AM   #30




الصورة الرمزية ابوعمر
ابوعمر غير متواجد حالياً

بيانات اضافيه [ + ]
 رقم العضوية : 2817
 تاريخ التسجيل :  Apr 2009
 أخر زيارة : 08-15-2021 (04:33 AM)
 المشاركات : 39,166 [ + ]
 التقييم :  58
 الدولهـ
United Arab Emirates
 الجنس ~
Male
 MMS ~
MMS ~
 SMS ~
مصائب وهموم ولا اشتكي
تري الشكوي لغير الله مذله
لوني المفضل : Blue
افتراضي



في شنو ياجماعه الشمار حرقني

الزول وقع خلاص شايف السكاكين جاهزة

امانه ماوقع راجل يعني تاني مابنشوفه


 
 توقيع : ابوعمر



رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
سلمي المادح في دوت نت ابوعمر «۩۞۩-المنتدي الاجتماعى-۩۞۩» 5 09-26-2011 02:29 PM
رحبو معى بالاخت سلمى عادل محمد عادل «۩۞۩-المنتدي الاجتماعى-۩۞۩» 20 06-04-2010 04:54 PM
سلمي جعفر عبد الرازق في القفص حسن وراق «۩۞۩-المنتدي الاجتماعى-۩۞۩» 13 08-13-2008 01:10 PM
الشاعرة / روضة الحاج منتصرميرغني «۩۞۩-منتدى الادب والثقافة-۩۞۩» 9 08-04-2007 02:19 PM
مرحباً استاذة سلمى الشيخ عارف «۩۞۩-المنتدي الاجتماعى-۩۞۩» 6 04-13-2007 06:38 PM


الساعة الآن 10:42 PM.


Powered by vBulletin Version 3.8.7
Copyright ©2000 - 2022, Jelsoft Enterprises Ltd
HêĽм √ 3.1 BY: ! ωαнαм ! © 2010
vEhdaa 1.1 by NLP ©2009