وليد دارفور بمشي معاك الليلة

إلى أهل دارفور دفتي المصحف وسلاطين المجد التليد.... عيال السلطان علي دينار والذي كان يكسو الكعبة ويطعم الحجاج بمحمله الشهير والذي حفر الآبار لسقيا وغسل حجاج بيت الله من زوار المصطفى عليه السلام ولا زالت الآبار تسمى بأسمه.
إلى كل زملائي وأحبائي من أبناء دارفور للمرحوم أبو خليل طيب الله ثراه وإلى أخي عمر قمر الدين. والى كل أهلنا بالحصاحيصا من قبائل الفور والزغاوة.


وليد دارفور

أبـــــشر بالــذي ســواك مــن ســــلطان قديم مذكور
بكانك دفـــة الــذكر السـحـــر الفـي الكـتاب مـسطور
ابيار علي الكسوة والمحمل والسعي العظيم مشكور
بمشي مـــعاك مـــحل ما تدور بس قل لي شـن بتدور
وحاشاك انت مابتدور
لو قلت الشــــمس طائعة ذليلة ليك بتزور
ولو درت القــمر لمح الطرف في كفك يدور
لو الزمن في لحظة فكر أوحاول عليك يجور
واتنادى اللئام يوت من كان خنيت مكسور
وانــتـظمت خـلائق الأرض في ســلك الــتـليف مـــــــغرور
تلقانا في حد السلاح سن الرماح وما بنرتد سهم مكسور
في داك المشهد المحضور يرخص الدم العزيز ممهور
ضمة ما بتنضام ولا بتنلام ولاك جـــضلاي ولا مقهور
وبتا ما بنمضع فيك بنخطب ليك بنات الحور
بس قل لينا شن بتدور وحاشاك انت ما بتدور
نفخر فيك باصل العز ونننسج ليك شراع من نور
ونفتح للسلام طاقات ونسلم من حروب وشرور
ويخش الضو على الجنيات ما يخلولنا ارضا بور
وتلقى الجمع جت واقفين ننظم في الغمام بالدور
نسقي الأرض بالافراح ونسكب في كؤؤس بلور
ونترس في المساحة خدار ونطلق في فضاها بخور
ويقدل الطير الحدي شبعان وحال الفال عديل مستور
ونغني في فضا الأحزان يتبدل الغم العلينا سرور
نغني في زمن مسحور بمشي معاك وليد دارفور

نغني :- إيدا ما بتحش العيش تنقطع تنشل
ونفرا ما بيخدم الديش من الفريق ينسل
الما بتهمه قولة ليش في حال العباد يسأل
ما في خاطره قال معليش ولا متزاوغ اتنصل
تب ما بيشبهه التهميش ومن الحق ما بيزعل
يوم الفزع محمود في قلب النفير مشهود وما حنجل
ما ضن بي فهم إيد ماسكة القلم والتانية في المنجل
قطاع بحور مساك دروب بي علمه ما بيبخل
نفداك يا عشا البايتات الليلة ياك الضل
معاك يا مقنع الكاشفات اليوم فداك الكل
عافاك ..جبل الثبات اللي الحديد بتفل

فارس الكلمة ,,,, ومرود الحرف
الدكتور الاستاذ احمد الطيب

تشعل للنهار مصابيح الليل الآمنة
فأقع على حرف من نكهة الجمال
عطر شرشف الحرف بأريج الورد
عثرت هنا على رائحة الضحى
في بساتين القرى النائمة طاب
لك الوقت كله ماتقدم منه وما تأخر
تراقصت الابتسامة على وقع أوتار
أحرفك والأنوار تحيط امتك والالام
معلنة هذا القدوم المفاجيء
أقف بلا وعي فكيف أرى الابداع
يسير ولا أقف
سيدى وسيد الكلمة الرقيقه الهادفه
إن روعة العطاء لايعرف نشواها
إلا من تلذذ بخوض غمارها
تراه إذا ماجئته متهللا فكأنك
تعطيه الذي أنت سائله
فليهنك العطاء الذي أنت عنوانه
دمت قلم أحب متابـ ع ـته
تحياتي لك ولشخصك النبيل
ولروحك كل التقدير الاحترام
ولي عوده

المشاركة الأصلية كتبت بواسطة ابوسفيان ابراهيم احمد

فارس الكلمة ,,,, ومرود الحرف
الدكتور الاستاذ احمد الطيب

تشعل للنهار مصابيح الليل الآمنة
فأقع على حرف من نكهة الجمال
عطر شرشف الحرف بأريج الورد
عثرت هنا على رائحة الضحى
في بساتين القرى النائمة طاب
لك الوقت كله ماتقدم منه وما تأخر
تراقصت الابتسامة على وقع أوتار
أحرفك والأنوار تحيط امتك والالام
معلنة هذا القدوم المفاجيء
أقف بلا وعي فكيف أرى الابداع
يسير ولا أقف
سيدى وسيد الكلمة الرقيقه الهادفه
إن روعة العطاء لايعرف نشواها
إلا من تلذذ بخوض غمارها
تراه إذا ماجئته متهللا فكأنك
تعطيه الذي أنت سائله
فليهنك العطاء الذي أنت عنوانه
دمت قلم أحب متابـ ع ـته
تحياتي لك ولشخصك النبيل
ولروحك كل التقدير الاحترام
ولي عوده

يا أنت يا ذا - لا ناتي بشئ الا وتتفوق
آمنت بقامتك الطويلة
فليشرئب اليك عنقي وأتلصص رؤيتك
مرورك دائما ما يعطر هذا المكان
واليوم قد اخترعت عطرا جديدا (رائحة الضحى)
بالله هل منكم من اشتم رائحة الضحى

الحبيب د: احمد الطيب الماحي
لله درك يا جميل
ورائعة جدا هذه المشاركات التي اتحفت بها المنتدي
كل الود
محبتي

أخونا العزيز بابكر
أخجلتنا بكلماتك الجميلة فقامة مثلك لا يفهم من ثناءها على عملنا المتواضع الا حسن ظن ومجاملة رقيقة لك الود والتحية

العزيز / أحمد الطيب
آهٍ على دارفــــــــــــــــوار ، وعلى الزمن الذى جار
عليها ! وعلى حرائرها !! وعلى مجدها !!! وعلى
زولها !!!! الذى يشع بالبساطة من غيرِ تكلفٍ . وأمل
أن ينصلح الحال بايدينا ، لان ( لالوب بلدنا ولا تمر الناس )

المشاركة الأصلية كتبت بواسطة عاطف اسماعيل

العزيز / أحمد الطيب
آهٍ على دارفــــــــــــــــوار ، وعلى الزمن الذى جار
عليها ! وعلى حرائرها !! وعلى مجدها !!! وعلى
زولها !!!! الذى يشع بالبساطة من غيرِ تكلفٍ . وأمل
أن ينصلح الحال بايدينا ، لان ( لالوب بلدنا ولا تمر الناس )

تسلم أخي عاطف ويسلم كل من يحس وجع الوطن وكل من تأوه وزفر زفرة فهي في السجل الخالد نعم لالوب بلدنا بل قضيم بلدنا ولا شوكولاتة الناس. (أحسن تسألني من الشوكولاتة لكن القضيم خليهو).

يادكتور يارائع

المشاركة الأصلية كتبت بواسطة د. احمد الطيب الماحي

تسلم أخي عاطف ويسلم كل من يحس وجع الوطن وكل من تأوه وزفر زفرة فهي في السجل الخالد نعم لالوب بلدنا بل قضيم بلدنا ولا شوكولاتة الناس. (أحسن تسألني من الشوكولاتة لكن القضيم خليهو).

العزيز/ احمد الطيب
دارفـــــــــــــــــــــــــــــور وجعنا... ودار فــــــــــــــــــــــور اهلنا .. اخونا احمد
دحين الشوكولاتة ما بت عم حلاوة لكووم!!! تعرف بعض الاخوة المصريين ،وامعاناً
فى عنصريتهم يتريقوا على ذوى الملامح الافريقية ، ومنهم السودانيين ب:-
يا سمارة !
يا زول !!
يا شيكبالا!!!
يا شوكولاتة!!!!
بالرغم ان كل تماثيلهم الاثرية ذو ملامح افريقية خالصة ، وانكاراً لافريقيتهم
يشوهون انوف تماثيلهم !!!

دمت دوما رائع ولك التحية بقامة اناقة حروفك

المشاركة الأصلية كتبت بواسطة الشايقي

يادكتور يارائع

تسلم يا الشايقي ولك ودي على ذوقك

المشاركة الأصلية كتبت بواسطة عاطف اسماعيل

العزيز/ احمد الطيب
دارفـــــــــــــــــــــــــــــور وجعنا... ودار فــــــــــــــــــــــور اهلنا .. اخونا احمد
دحين الشوكولاتة ما بت عم حلاوة لكووم!!! تعرف بعض الاخوة المصريين ،وامعاناً
فى عنصريتهم يتريقوا على ذوى الملامح الافريقية ، ومنهم السودانيين ب:-
يا سمارة !
يا زول !!
يا شيكبالا!!!
يا شوكولاتة!!!!
بالرغم ان كل تماثيلهم الاثرية ذو ملامح افريقية خالصة ، وانكاراً لافريقيتهم
يشوهون انوف تماثيلهم !!!

تعرف يا عاطف مرة دخلنا في شكلة طويلة عريضة في نص سوق العتبة عشان ةاحد مصري كان بينادينا يازول وبعدين في نص الشكلة واحد مننا قال للمصري يا زول انت ما بتفهم. المصري رد طوالي طيب مهو انت قلتلي يا زول أنا ما زعلتش ولا حاجة.... وانتهت الشكلة بالضحكات...

المشاركة الأصلية كتبت بواسطة انور

دمت دوما رائع ولك التحية بقامة اناقة حروفك

تسلم يا انور وكل إناء بما فيه ينضح هذه الكلمات الحلوة بتجي من الناس الحلوين زيك تسلم يا رائع