وأقول للدنيا ديل أهلي ؟؟؟؟؟؟؟؟؟؟؟؟

محل ما تقبل .. تلقى الناس الشايفة عيوبك و ناسية عيوبا و عاملة شريفة !!
ناس .. أكالة .. و ناس .. نكارة .. و ناس محتالة ... نفوسا ضعيفة. .
ناس غدارة .. و ناس حقارة .. و ناس فى الغش و الله حريفة . .
ناس قدامك تبسم راضية .. و ناس بوراك أعمالا مخيفة . .
ناس ملياااااانة سواد و قذارة .. و عاملة نضيفة !!

محل ما تقبل .. تلقى الناس النست العشرة و باعت فضلك للنكران . .
و تلقى الناس التطعن ضهرك .. رغم جمايلك فيها زمان . .
و تلقى الناس التاكل لحمك .. و تمضغ سيرتك بالبهتان . .
و تلقى الناس الخانت عهدك .. و فتحت بابك للخذلان . .
و تلقى الناس القاصده تضرك .. و ترمى ملامه على الشيطان . .
و تلقى الناس التسرق عرقك .. و تترك ولدك للحرمان . .
و تلقى الحالة الصعبة الدايمة .. و تعرف إنك فى ( السودان ) !!!

العزيز البرنس
والله ده تشخيص من نطاس بارع ... وتجسيد مفصل لواقعنا الذى نعيشه ...
الا من رحم ربى فهنالك ايضاً اشراقات و مازالت أمة محمد بى خيرها ...
تخريمة
الزول الكتب الكلام ده لقاها وين (الملفوفة)
امتنانى

عادي يا برنس..

# لو تغوط أحد الكلاب البشرية هذه الأيام على الإناء الذي أطعمته به..!!
# و عادي لو إقتفى أثرك أحدهم و نسب لنفسه كل ما (أخذه) منك..!!
# و عادي جداً لو شكى لك أحدهم خليله الذي عاشره ليعينه على الدهر، فأعان الخليل الدهر على (صديقه)..!!
# و عادي جداً..جداً..جداً لو رماك أحدهم بعد أن علمته الرماية و كل فنون الحياة..!!
# و عادي جداً لو أقر لك أحدهم أنه (تيقن) حقاً من أن الأقارب عقارب و في رواية ثعالب..!!
# أخيراً .. عادي جداً أن يترك هيثم مصطفى الهلال و يصبح (ولدنا).. يا برنسونا..

و دمت

يا برنس يا مبدع لك التحية
سؤال بسيط
بعد ذهاب البرنس للمريخ مامصير لقبك بالمنتدي...

مع تحياتي للبرنس........
الغى الانجليز الادارة الاهلية وخصوصا النظارة.....ومر أحد اعراب الشكرية بعوض الكريم ابو سن ومعه المفتش والحاكم الانجليزي فحيا الاعرابي ابو سن بقوله حبابك حضرة الناظر......فبادره ابو سن بذكاء لا يخلو من خبث النظارة لغوها يا ود عمي شوف ليك لقب آخر فما كان من الاعرابي الا ان اشار الى الوادي تحتهما وقال لابوسن ده اسمو شنو؟ قال ابو سن وادي.... فرد الاعرابي ولو مافيه موية؟ رد ابو سن برضو وادي...... فرد الاعرابي بذكاء لايخلو من خبث اها عاد نان شنو يا حضرة الناظر....