اعترافات وليد العشى

بسم الله الرحمن الرحيم
اعترافات وليد العشى
• ازيكم يا ناس يا راقيين والله مشتاقييييييييين
• انأ عرست قبل ثلاثة أسابيع وحقيقي انا فرحان جداً بمشاركتكم ووقفتكم الصلبة معي
• انا راضى تماماً عن كل تفاصيل زواجي وكنت أتحين الفرصة عشان أحكى مشاركة كل الأحباب والأصدقاء والأهل داخل وخارج السودان
• في حفلات زواجي على الرغم من امكانياتى الضعيفة في الجبجبة . كنت مصر على اننى اجيد ذلك الفن والناس الفى الحفلة شجعوني بدلاً أن ينصحوني
• في ناس في وادي والموسيقى في وادي زى عمار تلودى وآخرين ولكن على الرغم من ذلك احترمت محاولاتهم الفاشلة
• ناس التصوير فاجاونى في الزفة برقص الاسلو ولكن يبدو أن سرعتي كانت اكبر
• حجم الحضور كان كبيراً . لكن بيني وبينكم كنت أراقب الحضور عشان أشوف الما جانى منو
• حصل لي لخمة وقت الفطور ووقت حفلة الزواج وكنت انا الذي أبادر وأقول للناس ألف مبروك . يعنى نظام شفقة وكبكبة
• ظللت منذ فترة طويلة ارقب النسوان الماسكات ازواجهم والان انا ما عارف نفسي انا مع الجماعة ولا لسع . وربنا يكضب الشينة
• كلما نظرت إلى حال اصحابى واصدقائى المتزوجين أحس بالخطر
• أثناء مراسم زواجي استرقت النظر إلى بعض الجميلات المشاركات لكن ما كنير
• يا أخوانا مع السلامة وشكراً جزيلاً يا أحلى ناس

المشاركة الأصلية كتبت بواسطة العشي

بسم الله الرحمن الرحيم
اعترافات وليد العشى
• ازيكم يا ناس يا راقيين والله مشتاقييييييييين . اهلين ..• انأ عرست قبل ثلاثة أسابيع وحقيقي انا فرحان جداً بمشاركتكم ووقفتكم الصلبة معي. مبروووك تستاهل اكتر من كده ياعريس..
• انا راضى تماماً عن كل تفاصيل زواجي وكنت أتحين الفرصة عشان أحكى مشاركة كل الأحباب والأصدقاء والأهل داخل وخارج السودان
• في حفلات زواجي على الرغم من امكانياتى الضعيفة في الجبجبة . كنت مصر على اننى اجيد ذلك الفن والناس الفى الحفلة شجعوني بدلاً أن ينصحوني. لا والله ما شاء الله ماقصرتا تب فى التجبجب ..
• في ناس في وادي والموسيقى في وادي زى عمار تلودى وآخرين ولكن على الرغم من ذلك احترمت محاولاتهم الفاشلة
• ناس التصوير فاجاونى في الزفة برقص الاسلو ولكن يبدو أن سرعتي كانت اكبر .. ههه المره الجاية قلل السرعه لو ......... هههه.
• حجم الحضور كان كبيراً . لكن بيني وبينكم كنت أراقب الحضور عشان أشوف الما جانى منو.. الحمدلله بركة الجينا يا مراقب ..
• حصل لي لخمة وقت الفطور ووقت حفلة الزواج وكنت انا الذي أبادر وأقول للناس ألف مبروك . يعنى نظام شفقة وكبكبة .. هههه دى بالغتا فيها ياعريس ..
• ظللت منذ فترة طويلة ارقب النسوان الماسكات ازواجهم والان انا ما عارف نفسي انا مع الجماعة ولا لسع . وربنا يكضب الشينة.. اتنباء بانك منهم ههه..
• كلما نظرت إلى حال اصحابى واصدقائى المتزوجين أحس بالخطر.. وانت الان فى وسطه ..
• أثناء مراسم زواجي استرقت النظر إلى بعض الجميلات المشاركات لكن ما كنير .. الليله والليله لو المدام قرت الخبر ده..
• يا أخوانا مع السلامة وشكراً جزيلاً يا أحلى ناس

تسلم ياعريس والف مبروووووك وربنا يسعدك ويهنيئك ..
تقبل مرورى ..

الف مبروك ياعيشى بيت مال وعيال

الف تحية للعريس وليد العشي
والحفلة الختامية كانت في قمة الروعة
ربنا يهنيك والف مبروووك
تخريمة
الاعترافات دي بتجيب ليك هوا

مليووووووووووووووووووون مبروك
يا عـــــــــــــــــــــــــــــــــــشي
وبيت مال وعيال انشاء الله

الف مبروك للعريس وليد العشى كنا نتمنى نشاركك الفرحة
ونقعد معاك زمن اطول ولكن الظروف شاءت ان يكون زواج
ابن الخال عمار فى نفس اليوم ,,,,عموماً الف مبروك وسعدنا
بيك ومعاك جداً وربنا يهنيكم ويرزقكم بالذرية الصالحة ,,,,

في ناس في وادي والموسيقى في وادي زى عمار تلودى
وآخرين ولكن على الرغم من ذلك احترمت محاولاتهم الفاشلة

والله دى بالغت فيها بالله انت حتى مركز فى شتارة عمار تلودى ؟
والله انا اتخيل يوم عرسى لو سالونى الفنان منو بكون ما عارفو