بين دكتاتورية هيثم مصطفى ودكتاتورية البشير !!!1

الدكتاتور هيثم مصطفى لاعب الهلال السابق و المريخ حاليا .....لعب للهلال لمدة 17 سنة ...... وانا اعترف بالرغم من اننى مريخابى ان هيثم كان طوال فترة لعبه بالهلال مثال للاعب الممتاز والخلوق بالرغم من بعض الهنات هنا وهنالك ....كنت اتمنى عند شطب هيثم من الهلال ان يتقبل الامر بكل شجاعة ويعقد مؤتمر يشكر فيه مشجعى الهلال والادارة على السنوات التى قضاها فى الهلال.
ولكن لاسف حدث العكس حيث الفوضى والمظاهرات من اجل تسجيل هيثم مرة اخرى ..... كأن السودان لا يوجد به لاعب غيره..... وهذا يوضح لنا بجلاء كم هى مصيبة الشعب السودانى فى عدم قبوله بالاعتراف بسنة الحياة اولا ثم بتشجيع الاجيال الاخرى لتحل محل الاعب هيثم بكل اريحية وقبول للاخر ..... هذا يعنى بان هنالك خلل كبير فى عقلية وتربية الانسان السودانى (الانسان السودانى ولوف).... ويتعامل بعاطفه فى كل الامور بعيدا عن المنطق والتفكير السوى ... وهنا يقفز السؤال الهام .... كم سنة يريد يظل هيثم مصطفى يلعب فى الهلال !!!!.... واغرب شىء هو خروج المسيرات والمظاهرات منادية باستمرار هذا اللا عب بل حاول بعض الشباب الانتحار من اجل هذا اللاعب .
فكريا وجدت رابط بين الظروف والملابسات فى قضية هيثم وطبيعة الشعب السودانى مع الانقاذ ..... واقصد بان يمكن ان يخرج فى مسيرات مطالبا بعدم تنحى الرئيس السودانى عمر البشير ..... بالرغم من التدهور الكبير فى الاقتصاد والاجتماع والسياسة ..... وهذا نوع من الامراض تسمى بالسادية حيث يتلذذ لكل منهما بالاخر وان تتحول صنوف العذاب والتدهور الى امر جميل بدل من ان يحدث استنكار من قبل الضحية ..... واذا استمر الحال بتلك الوتيرة اتوقع مزيد من الانهيار بدون ان يتحرك الشعب السودانى .
وقضية تسجيل هيثم وعلاء للمريخ .... هذه قضية اخرى ... توضح بان جميع الاشياء فى السودان غير طبيعية ... او بمعنى اخر اختلط الحالب بالنابل والحلال بالحرام ..... واصبح الكل يبحث عن مصالحه الشخصية بغض النظر عن اى امور اخرى ..... واقصد المبادىء والقيم كما فى حالة هيثم وانتقاله للمريخ بالتالى يكون هذا اللاعب شطب كل تاريخه فى الهلال وعمل على حدوث انقسام كبير بين مشجعيه ..... هذا ان دل على شىء يدل على ان الانهيار عندما ياتى يطول كل شىء ابتداء من الاخلاق مرورا بالسياسة الى اخر وهى الرياضة ..... الله يستر .

ود اللواء 00 تحياتى النواضر
عزيزى الفرق بينى وبينك أنت مريخابى وأنا هلالى
ولكن نتفق على شئٍ وأحد وأختصره فى حديث فيصل القاسم حينما إستقبلنا النميرى بعد عودته من مصر
قال والله الشعب السودانى بعض المرات لا يفهم فى السياسة إنسان طُرد وصفق لكم العالم والأن تستقبلوه
عزيزى ود اللواء0هيثم إنسان عاق وقابل الريد بالجفاء وهيثم إنسان باع الهلال بثمن بخس دراهم معدودات
وهيثم ذاق منه زملائه كل شر
فليذهب هيثم وعُمر الإنسان العاق ما نفع خالتو
مودتى

الاخ ود اللواء
العزيز ابو كرنه
انا صراحه لابحب الكوره و لا بفهم فيها و لا حتى بتابعها
لكن مؤخراً شايف الناس كلها تلوك فى موضوع هيثم و البرير
و تدخل رئاسة الجمهوريه و غيره .
و حقيقة انا بشوف تصرف هيثم طبيعى
الراجل ما عندو غير كورتو دى
و الهلال عكسو و فتح ليهو
حيستفيد شنو من ولاء ما بياكل من وراهو عيش
بعدين اذا كان هو زول سئ و سجم ليه الهلال حضنو 17 سنه
انا بقول لهيثم اعمل بكلام
احمد فرح شادول
حين قال

فوت الفاتك
واحيا حياتك
يا الداريت الناس في عيونك
إيه الفاضل ليك غير ذاتك !!؟
لا بتنهد صروح الدنيا
لا بتنسد دروب المنيا
للمستنى ربيع أيامه
لا الموعودة بفوتها خريفها
والأيام ما بتدى حريفها
وبحر الريد بيشيل عوامه
عاتى الريح كم تطغى وتفتر
غضب الموج فى الشط بتكسر
كم محزون قاوم … آلامه
شهراً ما بينوبك ماله
ما تتعلق بى آماله
ما ترجاه تعد … ايامه
فوت الفاتك
وأحيا حياتك
عمره الفات ما ذكر أيامه
وانسى الريدة بريدة جديدة
وعيش الدنيا بنظرة بعيدة
وقلبك ما يعميهو غرامه ..!
فوت الفاتك ..